Friday, September 30, 2011

မြစ်ဆုံဆည်တည်ဆောက်ခြင်းကို မိမိတို့အစိုးရလက်ထက်တွင် ရပ်ဆိုင်းထားမည်ဖြစ်ကြောင်း နိုင်ငံတော်သမ္မတက လွှတ်တော်သို့ သ၀ဏ်လွှာပေးပို့



မြစ်ဆုံဆည် တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း နိုင်ငံတော်သမ္မတက လွှတ်တော်သို့ သ၀ဏ်လွှာ ပေးပို့ခဲ့ကြောင်း သတင်းရရှိပါသည်။

နိုင်ငံတော် သမ္မတကြီး ဦးသိန်းစိန်က စက်တင်ဘာလ ၃၀ ရက်နေ့တွင် လွှတ်တော်သို့ အချက် (၁၀)ချက်ပါသည့် သ၀ဏ်လွှာပေးပို့ခဲ့ခြင်း ဖြစ်သည်။

အဆိုပါအချက် ၁၀ ချက်ထဲတွင် မြစ်ဆုံဆည် တည်ဆောက်ခြင်းကို မိမိတို့အစိုးရလက်ထက်တွင် ရပ်ဆိုင်းထားမည်ဆိုသည့်အချက် ပါဝင်ကြောင်း၊ နိုင်ငံတော်သမ္မတ ဦသိန်းစိန်မှ မြစ်ဆုံဆည် တည်ဆောက်ခြင်း ရပ်ဆိုင်းရသည့်အပေါ် မိမိတို့အစိုးရသည် ပြည်သူဆီမှ ဆင်းသက်လာသည့် အခွင့်အာဏာအရ တာဝန်ယူလုပ်ဆောင်ကြခြင်းဖြစ်၍ အများပြည်သူ ဆန္ဒအရ မြစ်ဆုံဆည်တည်ဆောက်ခြင်းကို မိမိတို့ အစိုးရလက်ထက်တွင် ရပ်ဆိုင်းထားမည်ဖြစ်ကြောင်း ပေးပို့ထားခြင်းဖြစ်သည်။

“မိမိတို့အစိုးရသည် ပြည်သူမှ ရွေးချယ်တင်မြှောက်ထားသည့် အစိုးရဖြစ်သည်နှင့်အညီ ပြည်သူများ၏ဆန္ဒကို အလေးထားရပါသည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့ အစိုးရလက်ထက်တွင် မြစ်ဆုံဆည် တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည် ဖြစ်ပါသည်။ နိုင်ငံတော်အတွက် လိုအပ်နေသည့် လျှပ်စစ်ဓာတ်အား ရရှိရေးအတွက် အန္တရာယ်မရှိနိုင်သည့် အခြားသော ရေအားလျှပ်စစ် စီမံကိန်းများကိုသာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံ ဖြစ်သည့် တရုတ်ပြည်သူ့ သမ္မတနိုင်ငံနှင့် ချုပ်ဆိုထားသည့် အဆိုပါစီမံကိန်းနှင့် သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူညှိုနှိုင်း ဆောင်ရွက်မည်ဖြစ်ကြောင်း လွှတ်တော်သို့ အသိပေးအကြောင်းကြား အပ်ပါသည် “ဟု နိုင်ငံတော်သမ္မတ ဦးသိန်းစိန်မှ လွှတ်တော်သို့ ပေးပို့သော သ၀ဏ်လွှာတွင် ဖေါ်ပြပါရှိပါသည်။

ပြည်ထောင်စုသမ္မတနိုင်ငံတော် နိုင်ငံတော်သမ္မတရုံး စာအမှတ် ၁၅၁(၂)/၈/၃ဖြင့် လွှတ်တော်သို့ ပေးပို့ခဲ့သည့် (၂၉-၉-၂၀၁၁)နေ့စွဲပါ နိုင်ငံတော်သမ္မတ၏ အချက် (၁၀) ချက်ပါ သ၀ဏ်လွှာအပြည့်အစုံမှာအောက်ပါအတိုင်းဖြစ်သည်။

၁။ ပထမအကြိမ်အမျိုးသားလွှတ်တော် ဒုတိယပုံမှန်အစည်းအဝေးကို ပြည်သူတို့၏ အကျိုးငှာ အားသွန်ခွန်စိုက် ကျင်းပပြုလုပ်နေသည့် ဥက္ကဋ္ဌကြီးနှင့်တကွ အမျိုးသားလွှတ်တော် ကိုယ်စားလှယ်များအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေရန် ဆုတောင်းမေတ္တာ ပို့သအပ်ပါသည်။

၂။ တစ်ချိန်တည်း၌ပင် မိမိတို့ပြည်ထောင်စုအစိုးရ၊ တိုင်းဒေသကြီးနှင့် ပြည်နယ်အစိုးရ အဖွဲ့များအနေနှင့်လည်း ကောင်းမွန်သော အုပ်ချုပ်ရေး၊ သန့်ရှင်းသောအစိုးရ ဖြစ်ပေါ်ရေး၊ ဒီမိုကရေစီကျင့်စဉ်များ ထွန်းကားရေး၊ တရားဥပဒေ စိုးမိုးရေး၊ စီးပွားရေးပြုပြင်ပြောင်းလဲရေး နှင့် သဘာဝပတ်ဝန်းကျင် ထိန်းသိမ်းရေးလုပ်ငန်းများကို ဟန်ချက်ညီစွာ ဆောင်ရွက်လျက်ရှိပါသည်။

၃။ တိုင်းရင်းသားပြည်သူအပေါင်းတို့၏ တူညီသော မျော်မှန်းချက်သည် နိုင်ငံတော် တည်ငြိမ်အေးချမ်းရေးနှင့် နိုင်ငံတော်ခေတ်မီဖွံ့ဖြိုးရေးတို့ ဖြစ်ပါသည်။ ပြည်ထောင်စုအစိုးရသည် တိုင်းရင်းသားပြည်သူတို့၏ ဆန္ဒနှင့်အညီ နိုင်ငံတော်တည်ငြိမ်အေးချမ်းရေးအတွက် ဥပဒေပြင်ပသို့ ရောက်ရှိနေသည့် တိုင်းရင်းသား လက်နက်ကိုင်အဖွဲ့အစည်းများအား ထာဝရငြိမ်းချမ်းရေးရရှိရန် ဆက်သွယ်ကမ်းလှမ်း ဖိတ်ခေါ်ဆောင်ရွက်ခဲ့ရာ ယခုအခါ အထူးဒေသ(၂) ''၀'' အဖွဲ့နှင့် အထူးဒေသ(၄) အဖွဲ့တို့သည် ပြည်နယ်အဆင့် သဘောတူညီချက်များရရှိခဲ့ပြီး ပြည်ထောင်စုအဆင့် ဆွေးနွေးပွဲများပင် စတင်ဆောင်ရွက်လျက် ရှိနေပြီဖြစ်ပါသည်။ အချို့အဖွဲ့များသည်လည်း ပြည်နယ်အစိုးရများထံ ငြိမ်းချမ်းရေးရယူရန် ဆက်သွယ်ဆောင်ရွက်မှုများ ရှိနေပါသည်။

၎။ တစ်ချိန်တည်း၌ပင် အကြောင်းအမျိုးမျိုးကြောင့် ပြည်ပသို့ရောက်ရှိနေကြသည့် မြန်မာနိုင်ငံသားတိုင်းရင်းသားများအားလည်း ကိုယ့်နိုင်ငံ၊ ကိုယ့်ဒေသသို့ပြန်လာလိုပါက ပြန်လာနိုင်ရန် စိစစ်လက်ခံခဲ့ရာ တစ်ချို့ပြန်လာနေကြပြီဖြစ်ပါသည်။ အကျဉ်းသားများလွှတ်ပေးရေးကိစ္စများကိုလည်း ဖွဲ့စည်းပုံအခြေခံဥပဒေပါ အပ်နှင်းထားသည့် အခွင့်အာဏာအတွင်းမှ ဆောင်ရွက်ပေးသွားမည်ဖြစ်ပါသည်။ အမျိုးသားအကျိုးစီးပွားအတွက် ထိုသို့ အရှိန်အဟုန်ဖြင့် ဆောင်ရွက်နေချိန်တွင် ပါတီအချို့နှင့် အင်အားစုအချို့တို့သည် အစိုးရအခက်အခဲ အကြပ်အတည်းတွေ့အောင်၊ တည်ငြိမ်အေးချမ်းမှု ပျက်ပြားအောင်ကြံရွယ်၍ လှုပ်ရှားလုပ်ဆောင်မှုများ ပြုလုပ်နေကြသည်ကို စိတ်မချမ်းမြေ့ဖွယ် တွေ့ရှိနေရပါသည်။

၅။ တိုင်းပြည်ခေတ်မီဖွံ့ဖြိုးရေးအတွက် စိုက်ပျိုးရေးကို အရှိန်အဟုန်မပျက်တိုးတက်အောင် ဆောင်ရွက်ရင်း၊ စက်မှုနိုင်ငံထူထောင်နိုင်ရန် ရည်ရွယ်၍ ကြိုးပမ်းဆောင်ရွက်လျက်ရှိပါသည်။ ထိုသို့ ကြိုးပမ်းဆောင်ရွက်ရာတွင် စက်မှုနိုင်ငံထူထောင်နိုင်ရန် လျပ်စစ်စွမ်းအင် လိုအပ်ချက်သည် အဓိကကျပါသည်။ လျပ်စစ်စွမ်းအင်ရရှိနိုင်သည့် နည်းလမ်းများအနက် အနျူမြူစွမ်းအင်ထုတ်လုပ်သုံးစွဲရေးမှာ ကမ္ဘာ့ဖြစ်စဉ်များအရ အန္တရာယ်ကြီးမားလှသည့်အပြင် ငွေကြေးမပြည့်စုံမှု၊ နိုင်ငံရေးအရ အများသူငါ လက်မခံမှုတို့ကြောင့် မိမိတို့နိုင်ငံအတွက် မဖြစ်နိုင်သော ကိစ္စဖြစ်ပါသည်။ ကျောက်မီးသွေးဖြင့် လျှပ်စစ်ဓာတ်အားထုတ်လုပ်ရန် ကျောက်မီးသွေးသယံဇာတမှာလည်း တစ်နိုင်ငံလုံးအတွက် လုံလောက်မှုမရှိသည်ကို ကိုယ်စားလှယ်တော်ကြီးများ အသိပင်ဖြစ်ပါသည်။

၆။ မြန်မာ့ပင်လယ်ပြင်မှ သဘာဝဓာတ်ငွေ့ထွက်ရှိသော်လည်း ပြည်ပအရင်းအနှီးများဖြင့် ထုတ်လုပ်သည့်ကိစ္စဖြစ်၍ မိမိတို့လိုအပ်သလောက်မရနိုင်ဘဲ အချို့အ၀က်သာ ခွဲဝေရရှိပါသည်။ ပြည်ပချေးငွေဖြင့် အရင်းအနှီးအချို့ထည့်ဝင်ထားခဲ့ရာ အနာဂတ်တွင် အကျိုးခံစားရမည်ဖြစ်သော်လည်း လောလောဆယ်တွင်မူ ချေးငွေအပေါ် အတိုးများအရစ်ကျ ပေးဆပ်နေရသည့် အခြေအနေဖြစ်ပါသည်။ ကုန်းတွင်း၌ သဘာဝဓာတ်ငွေ့ ရှာဖွေထုတ်လုပ်နေသော်လည်း ပြည်တွင်းသုံးစွဲရန်အတွက်ပင် လုံလောက်မှုမရှိသေးပါ။

၇။ မြန်မာနိုင်ငံတွင် ပြည့်ဖြိုးမြဲဖြစ်သော ရေအားလျှပ်စစ်ထုတ်ယူနိုင်သည့် သဘာဝကပေးထားသော မြစ်ချောင်းများရှိနေသဖြင့် အဆိုပါမြစ် ချောင်းများမှ ပြည်တွင်း၊ ပြည်ပအရင်းအနှီးများရယူ၍ လျှပ်စစ်ဓာတ်အား ထုတ်ယူနိုင်ရေးအတွက် တပ်မတော်အစိုးရလက်ထက်တွင် ကြိုးပမ်းဆောင်ရွက်ခဲ့ရာ ယခင်က ရေအားလျှပ်စစ်ဓာတ်အားပေးစက်ရုံ(၂)ရုံ၊ သဘာဝဓာတ်ငွေ့သုံး ဓာတ်အားပေးစက်ရုံ(၇)ရုံသာရှိခဲ့ပြီး စုစုပေါင်းစက်တပ် ဆင်အား (၅၂၉)မဂ္ဂါဝပ်ရှိခဲ့ရာမှ နောက်ထပ်လျှပ်စစ်ဓာတ်အားပေးစက်ရုံ (၂၃)ရုံ၊ စက်တပ်ဆင်အား (၂၈၃၁)မဂ္ဂါဝပ် တိုးတက်ဆောင်ရွက်ခဲ့ပါသည်။

၈။ နှစ် (၃၀) လျှပ်စစ်မဟာဗျူဟာစီမံကိန်းအရ နောက်ထပ်ရေအားလျှပ်စစ်စီမံကိန်း(၆၄)ခုနှင့် ကျောက်မီးသွေး ဓာတ်အားပေးစက်ရုံ(၃)ခုအပါ အ၀င် လျှပ်စစ်ဓာတ်အားထုတ်လုပ်ရန် စက်တပ်ဆင်အား မဂ္ဂါဝပ်(၄)သောင်းကျော် ထုတ်လုပ်နိုင်သည့် အလားအလာများရှိပါသည်။ အဆိုပါစီမံကိန်းများတွင် ကချင်ပြည်နယ်ရှိ မေခ၊ မလိခ၊ မြစ်ညာမြစ်ဝှမ်းနှင့် ဧရာဝတီမြစ်ဆုံစီမံကိန်း(၈)ခုအပါအ၀င်ဖြစ်ပါသည်။

၉။ တရုတ်ပြည်သူ့သမ္မတနိုင်ငံ၏ ငွေကြေးအရင်းအနှီးဖြင့် ဧရာဝတီမြစ်ဆုံရေအားလျှပ်စီမံကိန်းကို ပထမအဆင့် ဆောင်ရွက်ရန်စတင်ခဲ့ရာ ယခုအခါတွင် အဆိုပါမြစ်ဆုံစီမံကိန်းနှင့် ပတ်သက်၍ ပြည်သူလူထုအတွင်း အောက်ပါစိုးရိမ်ပူပန်မှုများ ရှိလာခဲ့ပါသည် -
(က) ကချင်ပြည်နယ်သာမက မြန်မာနိုင်ငံအတွက်ပါ သဘာဝကပေးထားသည့် (Land Mark) ဖြစ်သည့် မြစ်ဆုံ သဘာဝအလှ ပျောက်ကွယ်သွားနိုင်ခြင်း။


(ခ) မြစ်ညာပိုင်းရှိ တိုင်းရင်းသား ကျေးရွာများ ရေမြုပ်၍ ၎င်းတို့၏ အသက်မွေးဝမ်းကျောင်းလုပ်ငန်းများ ဆုံးရှုံးပျက်စီးနိုင်ခြင်း။


(ဂ) ပုဂ္ဂလိကများမှ ငွေကြေးအရင်းအနှီးများစွာ စိုက်ထုတ်၍ စီးပွားဖြစ်စိုက်ထုတ်ထားသည့် ရော်ဘာစိုက်ခင်းများနှင့် ကျွန်းစိုက်ခင်းများ ပျက်စီးသွားနိုင်ခြင်း။


(ဃ) ရာသီဥတုဖောက်ပြန်မှုကြောင့် မြောက်ဖျားရှိ ရေခဲတောင်များအရည်ပျော်ခြင်း၊ မိုးသည်းထန်စွာရွာသွန်းခြင်း၊ အင်အားပြင်းထန်သည့် ငလျင်လှုပ်ခြင်းတို့ ဖြစ်ပေါ်လာပါက မြစ်ဆုံဆည်ပျက်စီးပြီး ဆည်အောက်ပိုင်းရှိ မြို့ရွာများနှင့် ပြည်သူများ သေကြေပျက်စီးမှုရှိနိုင်ခြင်း။


(င) ဧရာဝတီမြစ်ကြီး ထိခိုက်ပျက်စီးနိုင်ခြင်း စသည်ဖြင့် ပြည်သူအချို့မှ စိုးရိမ်ပူပန်မှု ရှိနေကြသည်ကို မိမိတို့ သိရှိနေရပါသည်။

၁၀။ မိမိတို့အစိုးရသည် ပြည်သူမှရွေးချယ်တင်မြှောက်ထားသည့် အစိုးရဖြစ်၍ ပြည်သူများ၏ ဆန္ဒကို အလေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါသည်။ သို့ပါ၍ မိမိတို့အစိုးရလက်ထက်တွင် မြစ်ဆုံဆည်တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည်ဖြစ်ပါသည်။ နိုင်ငံတော်အတွက်လိုအပ်နေသည့် လျှပ်စစ်ဓာတ်အားရရှိရေးအတွက် အန္တရာယ်မရှိနိုင်သည့် အခြားသော ရေအားလျပ်စစ်စီမံကိန်းများကိုသာ စနစ်တကျ လေ့လာဆန်းစစ်၍ ဆောင်ရွက်သွားမည် ဖြစ်ပါသည်။ အိမ်နီးချင်း မိတ်ဆွေနိုင်ငံဖြစ်သည့် တရုတ် ပြည်သူ့သမ္မတနိုင်ငံနှင့် ချုပ်ဆိုထားသည့် အဆိုပါစီမံကိန်းနှင့်သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူလက်ခံအောင် ညှိနှိုင်းဆောင်ရွက်သွားမည်ဖြစ်ပါကြောင်း ဤလွှတ်တော်သို့ အသိပေးအပ်ပါသည်။

သတင်းပေးပို့ လာသူ ပြည်တွင်း ဝင်းစတား

နိုင်ငံရေးအကျဉ်းသား မရှိဘူးလို့ ဗြောင်လိမ်ရဲတာ မရှက်ဘူးလား

နိုင်ငံရေးအကျဉ်းသား မရှိဘူးလို့ ဗြောင်လိမ်ရဲတာ မရှက်ဘူးလား
စိန်သံလုံး

တာဝန်ရှိသူတွေ တာဝန်မဲ့လွန်းတယ်။ မြန်မာနိုင်ငံမှာ နိုင်ငံရေးအကျဉ်းသားဆိုတာ မရှိဘူးတဲ့။ ဗြောင်လိမ်ရဲ လိုက်တာ။ ဒါနဲ့များ လူကြီးနေရာ ယူရဲတယ်။ မရှက်ကြဘူးလားလို့ မေးချင်တယ်။ ဟုတ်ကဲ့ ... ရှက်တတ်တဲ့ ကြောက်တတ်တဲ့ လူတွေမဟုတ်ဘူးဆိုတာ သူတို့ရဲ့လုပ်ရပ်တွေက သိသာလွန်းပါတယ်။ ဘယ့်နှယ်ဗျာ နိုင်ငံ ရေးကိစ္စနဲ့ အကြောင်းအမျိုးမျိုးပြပြီး ဖမ်းထားတဲ့ လူတွေကို နိုင်ငံရေးအကျဉ်းသားလို့ မခေါ်နိုင်လောက်အောင် နိုင်ငံရေးဆိုတာကြီးကို သူတို့ စိတ်နာလို့ မဆုံးတော့ဘူးလား ...။

၈၈ မျိုးဆက် ကိုမင်းကိုနိုင်တို့၊ ကိုကိုကြီးတို့၊ ကိုဌေးကြွယ်တို့ဟာ နိုင်ငံရေးအကျဉ်းသားတွေ မဟုတ်လို့ သူတို့ က ခိုး - ဆိုး - လုယက်တဲ့ လူတွေလား။ သူတို့အုပ်စုကို ရက်ရက်စက်စက် ထောင် ၆၅ နှစ်စီ ချလိုက်တယ်။ နောက်ပြီး ကိုသူရ (ခေါ်) ဇာဂနာကို အီလက်ထရွန်နစ် ပုဒ်မ ၁၇/၁ ပုဒ်မတွေနဲ့ ထောင် ၅၉ နှစ်ချပြီးမှ အနှစ် ၂၀ ပြန်လျှော့ပေးတယ်။ ရှမ်းအမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးခွန်ထွန်းဦးတို့ တောင်ကြီးမှာ အစည်းအ ဝေးတခုလုပ်မိလို့ ထောင် ၉၃ နှစ်၊ ဗိုလ်ချုပ်ဆေထင်ကို ၁၀၆ နှစ်၊ 7 DAY NEWS က သတင်းထောက်မအေး သီတာကို ထောင် ၁၈ နှစ်၊ ဘလော်ဂါ နေဘုန်းလတ်ကို ထောင် အနှစ် ၂၀၊ မနှင်းမေအောင် (ခ) မနိုဘယ် အေးဆိုတဲ့ ကျောင်းသူလေးကို ထောင် ၁၀ နှစ် အသီးသီးချထားတယ်။ ဒါ့အပြင် ပြုပြင်ပြောင်းလဲနေပါပြီလို့ အသံကောင်းဟစ်နေချိန် လတ်တလောလေးတင်ပဲ NLD က ဗိုလ်ကြီးဟောင်း နေမျိုးဇင်ကို ချလိုက်တာက ထောင်ဒဏ် ၁၀ နှစ်တဲ့ ... ကောင်းကြသေးရဲ့လား။

အဲဒီလူတွေဟာ ခိုး - ဆိုး - လုယက်လို့၊ လူသတ်လို့၊ မူးယစ်ဆေးဝါးရောင်းဝယ်လို့၊ လူကုန်ကူးလို့ ထောင်ကျ ကြတာမဟုတ်ဘဲ နိုင်ငံရေးလုပ်လို့ ဖမ်းဆီးထောင်ချခံရတာ။ တရားဥပဒေအတိုင်း စီရင်ချက်ချတာလည်း မ ဟုတ်ဘူး။ တရားရုံးက စာအိတ်အမိန့်နဲ့ အနိုင်ကျင့်ခံရတာ။ အဲဒီနိုင်ငံရေးအကျဉ်းသား အများစုဟာ နှစ်ရှည် ထောင်ဒဏ်ကျခံနေကြရတယ်။

- နိုင်ငံရေးအကျဉ်းသား ၂၀၀ ကျော်က အနှစ် ၂၀ ကနေ ၅၀
- နိုင်ငံရေးအကျဉ်းသား ၅၄ ဦးက ၅၁ နှစ်ကနေ ၁၀၆ နှစ်
- နိုင်ငံရေးအကျဉ်းသား ၉၁ ဦးက သေဒဏ်ချခံထားရတယ်။

ခုတော့ သေဒဏ်တွေ ၁၆.၅.၂၀၁၁ က ထောင်တသက် ပြောင်းသွားပြီ။ AAPP ကလည်း မြန်မာနိုင်ငံမှာ နိုင်ငံ ရေးအကျဉ်းသား ၂,၀၀၀ ကျော်တယ်လို့ တရားဝင် ကြေညာခဲ့တယ်။ အဲဒါကို နိုင်ငံရေးအကျဉ်းသား မရှိပါဘူး လို့ ဗြောင်လိမ်နေတာ မရှက်ကြဘူးလား။

ဦးသိန်းစိန်အစိုးရက နိုင်ငံရေးအကျဉ်းသားတွေပါလို့ သူတို့ဝန်မခံချင်တဲ့လူတွေကို သူတို့မိသားစုတွေနဲ့ဝေးရာ ထောင်တွေကို ပို့ထားတယ်။ ဥပဒေမဲ့ စာအိတ်အမိန့်နဲ့ နှစ်ရှည် မတရားထောင်ချရုံမက အဲသလို ရပ်ဝေးအ ကျဉ်းထောင်တွေကို ပို့ထားတာဟာ လူဆန်တဲ့လုပ်ရပ်ဟုတ်ရဲ့လား၊ အငြှိုးအတေးတွေနဲ့ ညစ်ပတ်စုတ်ပဲ့နေ တာဟာ လူ့အခွင့်အရေးကို အစိုးရကိုယ်တိုင် ချိုးဖောက်နေတာမဟုတ်ဘူးလား၊ စိတ်ပိုင်းဆိုင်ရာ ညှင်းပမ်းနေ တာ မဟုတ်ဘူးလားလို့ မေးရင် ဘာဖြေကြမလဲ။

၁၆.၉.၂၀၁၁ နံနက် ၇ နာရီက`၀´လူမျိုး ဘိန်းမှောင်ခို ၁၆ ဦးကို ဘူးသီးတောင်ထောင်က လွှတ်ပေးလိုက် တယ်လို့ နေရဉ္စရာသတင်းဌာနက ဖော်ပြထားတယ်။ သူတို့က ၁၀ နှစ် ထောင်ကျတာ ၆ နှစ် ထောင်ထဲမှာနေ ပြီးပြီ။ နေပြည်တော်က အမိန့်နဲ့ အထူးလျှော့ပေါ့ရက်တွေပေးပြီး လွှတ်ပေးလိုက်တာ။ ကဲ ... နိုင်ငံရေးအကျဉ်း သားတွေက ဘိန်းမှောင်ခိုတွေလောက်တောင် အရေးမပါတော့ဘူးလားလို့ မေးရင်ကော ဘယ်လိုဖြေမလဲ။ အ မျိုးသားရင်ကြားစေ့ရေးပဲဖြစ်ဖြစ်၊ ဒီမိုကရေစီနိုင်ငံတခုအနေနဲ့ပဲကြည့်ကြည့် ဒီလောက်ကြာကြာ ညစ်မထား သင့်ဘူးဆိုတာ လူစိတ်ရှိတဲ့လူတိုင်း သိကြပါတယ်။ မရှက်ကြဘူးလား ဗြောင်လိမ်ဗြောင်စားတို့ရေ ...။

မှတ်ချက် ။ ။ အကျဉ်းထောင်တွေထဲမှာ ဘိန်းမှောင်ခိုမှုနဲ့ အခြားအကျဉ်းသားတွေ ရှိသလို ရှမ်း၊ ကချင်၊ ကရင် ... စတဲ့ အကျဉ်းသားတွေလည်း ရှိတယ်။ အခုတော့ ‘၀ကွက်တယ်’ ဆိုတဲ့ စကားအတိုင်း `၀´ကိုပဲ ကွက်ပြီးတော့ လွှတ်လိုက်တယ်ဆိုတော့ စဉ်းစားစရာပေါ့။ သိထားဖို့က ထမင်းစားတဲ့လူတိုင်း အကျဉ်းသား လွတ်မြောက်ရေးကို မျှော်လင့်နေကြတယ်ဆိုတာပဲ။ ။

စိန်သံလုံး
ဒေါက်တာလွဏ်းဆွေ ဘလော့မှကူးယူဖေါ်ပြပေးပါသည်။

Thursday, September 29, 2011

ပါတီမှတ်ပုံတင်ရေး NLD စောင့်ဆိုင်း

ပါတီမှတ်ပုံတင်ရေး NLD စောင့်ဆိုင်း

မြန်မာ့နိုင်ငံရေးလုပ်ငန်းစဉ်တွေမှာ အားလုံးပါဝင်ခွင့်ရစေဖို့ နိုင်ငံတကာအသိုင်းအ၀န်းကလိုလားနေတဲ့ တချိန် တည်းမှာပဲ မြန်မာနိုင်ငံမှာ အဓိက နိုင်ငံရေးအင်အားစုဖြစ်တဲ့ အမျိုးသားဒီမိုကရေစီအဖွဲ့ချုပ် (NLD) ပါတီ အ နေနဲ့ တရားဝင် မှတ်ပုံတင်နိုင်ရေးကို မျှော်လင့်နေပါတယ်။ အစိုးရသစ် တက်လာချိန်ကစလို့ အပြောင်းအလဲ တွေလုပ်သွားမယ်လို့ ကတိပေးထားတဲ့အတိုင်း အစိုးရသစ် အကောင်အထည်ဖော်တဲ့နေရာမှာ တချိန်က ရွေး ကောက်ပွဲမှာ အနိုင်ရခဲ့တဲ့ NLD လို ဒီမိုကရေစီလိုလားတဲ့ နိုင်ငံရေးအင်အားစုတွေကို ဘေးဖယ်မထားဖို့ ကုလ သမဂ္ဂ အပါအ၀င် နိုင်ငံတကာအသိုင်းအ၀ိုင်းကလည်း လိုလားနေကြတာပါ။ အပြည့်အစုံကို ဆက်သွယ်စုံစမ်း ထားတဲ့ ကိုအောင်လွင်ဦးက တင်ပြပေးထားပါတယ်။

မြန်မာနိုင်ငံမှာ အစိုးရသစ်တရပ်အဖြစ် ထွက်ပေါ်လာတဲ့ ရွေးကောက်ပွဲမှာ မှတ်ပုံတင် ပါဝင်တာတွေ မလုပ်ဖို့ အမျိုးသားဒီမိုကရေစီအဖွဲ့ချုပ် (NLD) ပါတီက ဆုံးဖြတ်ထားပေမယ့် တိုင်းပြည်မှာ ပြန်လည်သင့်မြတ်ရေးအ တွက် နိုင်ငံရေးပါတီတခုအဖြစ် တရားဝင် အသိအမှတ်ပြု လက်ခံဖို့ လိုမယ်လို့ နိုင်ငံတကာအသိုင်းအ၀န်းက မြင်ပါတယ်။ ဗြိတိန်နိုင်ငံရဲ့ ကုလသမဂ္ဂဆိုင်ရာ သံအမတ်ကြီး မာ့ခ်ဂရန့်တ် (Mark Grant) က ဆိုရင်လည်း နိုင်ငံရေးပါတီတခုအဖြစ် အစိုးရက အသိအမှတ်ပြုမထားတဲ့ NLD ပါတီကို မှတ်ပုံတင်ခွင့် ပေးတာလို အစိုးရ ဘက်က ဆောင်ရွက်တာတွေ မြင်ချင်တဲ့အကြောင်း ကုလသမဂ္ဂရုံးချုပ်မှာ အင်္ဂါနေ့နှောင်းပိုင်း ပြုလုပ်တဲ့ အ တွင်းရေးမှူးချုပ်ရဲ့ မြန်မာ့မိတ်ဆွေနိုင်ငံများအဖွဲ့ ဆွေးနွေးပွဲအပြီးမှာ သတင်းထောက်တွေကို ပြောခဲ့တာပါ။

NLD ဗဟိုကော်မတီဝင်တဦးဖြစ်တဲ့ ဦးဉာဏ်ဝင်းကလည်း ဒီလိုအခြေအနေတွေ ပေါ်ပေါက်လာဖို့ ပါတီအနေနဲ့ မျှော်လင့်နေတဲ့အကြောင်း ပြောပါတယ်။

“NLD ပါတီ မှတ်ပုံတင်နိုင်မယ့် အခြေအနေတရပ်ဖြစ်ဖို့ လိုနေတယ်လို့ ကျနော်တို့ တွက်ထားပါတယ်။ သမ္မတ နဲ့ ဒေါ်အောင်ဆန်းစုကြည် ဆွေးနွေးတဲ့ အချက်တွေကိုတော့ ကျနော်တို့ မသိပါဘူး။ ဒါကြောင့် အဲဒီဆွေးနွေးပွဲ ရဲ့ သူတို့ မျှော်မှန်းထားတာတွေ ဖြစ်ပေါ်လာဖို့ စောင့်မျှော်နေတာ အခု နည်းနည်း နောက်ကျလာပြီဆိုတဲ့ သ ဘောတော့ တွေ့တယ်။ ဒါကြောင့် တကယ်လို့ NLD ပါတီအနေနဲ့ကတော့ မှတ်ပုံတင်နိုင်မယ့် အခြေအနေတခု ပေါ်ပေါက်လာရင်တော့ ကျနော်တို့ ဒီဟာကို စဉ်းစားဆုံးဖြတ်မှာပါ။ ကြိုတင်ဆုံးဖြတ်ထားတာတော့ မရှိပါဘူး”

ပြီးခဲ့တဲ့ ၂၀၁၀ ပြည့်နှစ် နိုဝင်ဘာလမှာ ကျင်းပတဲ့ ရွေးကောက်ပွဲတွေကိုတော့ ဒီမိုကရေစီအခြေခံတွေ ကင်းမဲ့ တယ်ဆိုပြီး NLD ပါတီက ပြောဆိုခဲ့သလို မှတ်ပုံမတင်ဘဲ နေခဲ့တဲ့အတွက် တရားဝင် နိုင်ငံရေးပါတီတခု မ ဟုတ်ဘူးဆိုပြီး အာဏာပိုင်တွေက သဘောထားနေကြတာပါ။ ဒါပေမယ့်လည်း အစိုးရသစ် တက်လာပြီးတဲ့ နောက် ပထမဆုံးအကြိမ်အဖြစ် ပြီးခဲ့တဲ့လထဲ သမ္မတ ဦးသိန်းစိန်နဲ့ NLD ပါတီရဲ့ အဓိက ခေါင်းဆောင်တဦး ဖြစ်တဲ့ ဒေါ်အောင်ဆန်းစုကြည်တို့ နေပြည်တော်မှာ တွေ့ဆုံခဲ့တာလို ဖြစ်ထွန်းမှုတွေ ရှိလာတဲ့အတွက် အခြေ အနေတွေ ပြောင်းလဲလာလေမလား မျှော်လင့်ချက်တွေလည်း ထွက်ပေါ်လာခဲ့တာဖြစ်ပါတယ်။

ကုလသမဂ္ဂ အထွေထွေညီလာခံမှာ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် မိန့်ခွန်းပြောရာမှာလည်း မြန်မာနိုင်ငံဟာ ပြုပြင်ပြောင်းလဲရေးလုပ်ငန်းတွေကို လုပ်ဆောင်ဖို့ သန္နိဋ္ဌာန်ချထားသလို ရှေ့လျှောက် ဆက် လုပ်သွားမှာလည်းဖြစ်တယ်လို့ ထည့်သွင်းပြောဆိုသွားတာပါ။ ဒီအတွက်လည်း မကြာခင်မှာ အပြောင်းအလဲ တွေ ဖြစ်လာလိမ့်မယ်လို့ သြစတြေးလျ အမျိုးသားတက္ကသိုလ်က ဆေးဘက်ဆိုင်ရာ မနုဿဗေဒပညာရပ်အ တွက် မြန်မာနိုင်ငံမှာ လေ့လာခဲ့ဖူးသူ ပါမောက္ခ မိုနစ်ခ် စကစ်ဒ်မိုး (Monique Skidmore) တို့လို အကဲခတ် တွေက မြင်ပါတယ်။

“မြန်မာအစိုးရက သိပ်စကားပြောလေ့ရှိတာ မဟုတ်ပါဘူး။ ကုလသမဂ္ဂမှာလည်း ဒီလိုပြောတတ်တာ မဟုတ် ပါဘူး။ ဒီလို မှတ်ချက်ပေး ပြောဆိုတာတွေဟာ ထူးခြားပါတယ်။”

ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း အပြောင်းအလဲတွေ ဖြစ်နိုင်တယ် ဆို တာကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် တခြားလူ အများအပြားလို သူ လည်း ယုံကြည်တဲ့အကြောင်း မြန်မာ့မိတ်ဆွေနိုင်ငံများအဖွဲ့နဲ့ တွေ့ဆုံအပြီးမှာပဲ ကြေညာချက်တစောင် ထုတ် ပြန် ပြောဆိုခဲ့တာပါ။ ဒီလို တိုးတက်မှုတွေ ထွက်ပေါ်နိုင်တဲ့ အလားအလာတွေ ရှိနေပေမယ့်လည်း တချိန် တည်းမှာ အစိုးရအနေနဲ့ အားလုံးပါဝင်ခွင့်ရှိပြီး နောက်ပြန်ဆုတ်လို့မရတဲ့ အသွင်ကူးပြောင်းမှုတွေကို ဆောင် ကြဉ်းပေးမယ့် ပြုပြင်ပြောင်းလဲမှုတွေလည်း လုပ်ရလိမ့်မယ်လို့ အတွင်းရေးမှူးချုပ်ရဲ့ ကြေညာချက်က တိုက် တွန်းထားတာပါ။

ဗဟိုကော်မတီဝင်တဦးဖြစ်တဲ့ ဦးဉာဏ်ဝင်းကတော့ NLD ပါတီအနေနဲ့လည်း အတွင်းရေးမှူးချုပ်နဲ့ တသဘော တည်း ရှိတဲ့အကြောင်း ပြောပါတယ်။

“မစ္စတာ ဘန်ကီမွန်း ပြောတဲ့ဟာကို ကျနော်တို့လည်း သဘောတူပါတယ်။ အခုဟာက ပြည်သူ့လွှတ်တော်နဲ့ အစိုးရသစ်တွေ ဖြစ်ပြီးတဲ့အခါမှာ သမ္မတရဲ့ အဖွင့်မိန့်ခွန်းရော၊ ပြီးတော့ ပြောကြားချက်တွေအရဆိုရင် ပြုပြင် ပြောင်းလဲမှုတွေ လုပ်မယ်။ အခု လုပ်တော့လုပ်နေတယ်၊ သိသာထင်ရှားတဲ့ ပြုပြင်ပြောင်းလဲမှု မဖြစ်လာသေး ဘူး။ ဒါကြောင့် မစ္စတာ ဘန်ကီမွန်းက အမြန်ဆုံးလုပ်ဖို့ တိုက်တွန်းတာကို ကျနော်တို့လည်း ကြိုဆိုပါတယ်။”

ကုလသမဂ္ဂ အတွင်းရေးမှူးချုပ်ရဲ့ မြန်မာ့အရေး မိတ်ဆွေများအဖွဲ့နဲ့ ဆွေးနွေးအပြီး မြန်မာနိုင်ငံက အခြေအ နေတွေအပေါ် သံတမန်တွေရဲ့ အားမရတဲ့ သဘောထားတွေလည်း ထွက်ပေါ်ခဲ့တာပါ။ မြန်မာနိုင်ငံလည်း အ ဖွဲ့ဝင်အဖြစ် ပါဝင်တဲ့ အရှေ့တောင်အာရှနိုင်ငံများအသင်း (Asean) ရဲ့ လက်ရှိဥက္ကဋ္ဌ အင်ဒိုနီးရှားနိုင်ငံက နိုင် ငံခြားရေးဝန်ကြီး မာတီနာတာလီဂါဝါ (Marty Natalegawa) ကလည်း မြန်မာနိုင်ငံမှာ ဖြစ်ထွန်းမှုတွေ ရှိနေ တာကို လက်ခံကြပေမယ့် ဆွေးနွေးပွဲအတွင်းမှာ ပါဝင်ကြတဲ့ အဖွဲ့ဝင် နိုင်ငံတွေကြား ဒီထက်ပိုပြီး တိုးတက်မှု တွေကို မြင်တွေ့ချင်တဲ့ မျှော်လင့်ချက်တွေရှိနေတဲ့အကြောင်း သတင်းထောက်တွေကို ပြောခဲ့တာဖြစ်ပါတယ်။

သတင်း - ဗွီအိုအေ (၂၈-၉-၂၀၁၁)

Wednesday, September 28, 2011

ပျော့ပြောင်းသော နည်းလမ်းဖြင့် နိုင်ငံရေး အဖြေရှာမည်ဟု ဒေါ်အောင်ဆန်းစုကြည်ပြော

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က အမျိုးသား ဒီမိုကရေစီအဖွဲ့ချုပ် (NLD) သည် တွေ့ဆုံဆွေးနွေးရေး မူဝါဒအပေါ် အခြေခံသည့် ပျော့ပြောင်းသော နည်းလမ်းဖြင့် နိုင်ငံရေးပြဿနာများကို ညှိနှိုင်း ဖြေရှင်းသွားမည်ဖြစ်ပြီး NLD က လုပ်ဆောင်မည့် နိုင်ငံရေးလမ်းစဉ်များကို ပြည်သူလူထုထံ အသိပေး သွားမည်ဖြစ်ကြောင်း ပြောဆိုလိုက်သည်။

23-NLD
ရန်ကုန် ရွှေဂုံတိုင်ရှိ NLD ရုံးချုပ်တွင် ကျင်းပပြုလုပ်သော အမျိုးသားဒီမိုကရေစီ အဖွဲ့ချုပ် စတင်တည်ထောင်ခြင်း ၂၃ နှစ်မြောက် အခမ်းအနားတွင် ဒေါ်အောင်ဆန်းစုကြည်က အထက်ပါအတိုင်း ပြောဆိုခဲ့ခြင်းဖြစ်သည်။

NLD သည် ၂၃ နှစ်တာ ကာလအထိတိုင်အောင် ခက်ခဲကြမ်းတမ်းစွာ ဖြတ်သန်းခဲ့ရကြောင်း၊ ပါတီတရပ်အဖြစ် ဆက်လက် ရပ်တည်နိုင်ရေးအတွက် ညီညွတ်ရေး၊ စည်းကမ်းရှိရေး၊ သတ္တိတို့အရေးကြီးကြောင်း၊ စည်းကမ်းမရှိဘဲ ညီညွတ်ရေး မရနိုင်ကြောင်း၊ သတ္တိဟုဆိုရာတွင်လည်း အဖွဲ့ဝင်များသည် ၂၃ နှစ်တာ ကာလအတွင်း ခံရဲသည့်သတ္တိ၊ လုပ်ရဲသည့် သတ္တိ၊ အနာဂတ်ကို ရင်ဆိုင်ရဲသည့် သတ္တိ စသည့် သတ္တိအမျိုးမျိုးနှင့် ၂၃ နှစ်ကြာသည်အထိ ကြံ့ကြံ့ခံ ရပ်တည်ခဲ့ရကြောင်း၊ အတိတ်ကာလကို သင်ခန်းစာယူပြီး ပစ္စုပ္ပန်နှင့် အနာဂတ်ကာလ အကျိုးရှိစေရန် လုပ်ဆောင်ရမည်ဖြစ်ကြောင်း ၎င်းက ပြောသည်။

“အနာဂတ်ကို ရင်ဆိုင်ရတဲ့ သတ္တိဆိုတာက အတိတ်နဲ့ ပစ္စုပ္ပန်ကို ရဲရဲဝံ့ဝံ့ ကြည့်နိုင်မှဖြစ်နိုင်မှာပါ။ အတိတ်နဲ့ ပစ္စုပ္ပန်ကို ရဲရဲဝံ့ဝံ့ မကြည့်နိုင်တဲ့သူတွေက အနာဂတ်ကို သတ္တိနဲ့ ရင်ဆိုင်ဖို့ဆိုတာ မဖြစ်နိုင်ဘူး” ဟု ဒေါ်အောင်ဆန်းစုကြည်က ဆိုသည်။

နိုင်ငံနှင့် ပြည်သူအကျိုးအတွက် ဆောင်ရွက်ရာတွင် မကျေနပ်စိတ်၊ ကလဲ့စားချေစိတ်များ မထားသင့်ကြောင်း၊ မိမိ လုပ်ဆောင် နေသော အလုပ်ကို အနစ်နာခံ လုပ်ဆောင်နေသည်ဟု မမြင်ဘဲ မိမိယုံကြည်ချက်ဖြင့် လုပ်ဆောင်နေသည်ဟု စိတ်ထား တတ်ရန် လိုကြောင်း သူက ဆက်ပြောသည်။

“ကျမတို့ အဖွဲ့ဝင်တွေအနေနဲ့ ပြည်သူ့အကျိုးအတွက်၊ တိုင်းပြည်အကျိုးအတွက် လုပ်နေတယ်ဆိုရင် အနစ်နာခံရတယ်ဆိုတဲ့ စိတ်မျိုးကို မထားစေချင်ဘူး။ ဘာဖြစ်လို့လဲဆိုတော့ အနစ်နာခံရတယ်လို့ စိတ်ထဲမှာ ထားရင် ဒီစိတ်နဲ့ဒွန်တွဲပြီး ကလဲ့စား ချေချင်စိတ်တွေ၊ မကျေနပ်တဲ့ စိတ်တွေပေါ်လာတယ်။ ကျမကတော့ ကျမရွေးတဲ့ လမ်းကြောင်းကို လျှောက်ခဲ့တယ်။ ကျေနပ်တယ်။ ကိုယ်က လိုလိုလားလား ပေးဆပ်ရမယ်။ ငါလုပ်ရချည်ရဲ့၊ အနစ်နာခံရချည်ရဲ့ဆိုတဲ့ စိတ်တွေပေါ်လာရင် အကြွေးယူချင်တဲ့စိတ်၊ အကြွေးတောင်းချင်တဲ့စိတ်ကလေးတွေ ပါလာတယ်” ဟု ဒေါ်အောင်ဆန်းစုကြည်က ဆိုသည်။

NLD သည် ဒီမိုကရေစီလမ်းစဉ်အတိုင်း အရေးကြီးခြေလှမ်းများ လှမ်းတိုင်း ပြည်သူကို အသိပေးသွားမည်ဖြစ်ပြီး တွေ့ဆုံ ဆွေးနွေးရေး မူပေါ်တွင် အခြေခံကာ ပျော့ပျော့ပြောင်းပြောင်း အကြမ်းမဖက်သော လမ်းစဉ်ဖြင့် နိုင်ငံရေး ဆက်လက် လုပ်ဆောင်သွားမည်ဟုလည်း သူက ပြောသည်။

“ဒီမိုကရေစီ ရရှိရေးအတွက် ကိုင်ဆုပ်ထားတဲ့ တွေ့ဆုံဆွေးနွေးရေး မူတွေပေါ်မှာ ခိုင်ခိုင်မာမာရပ်တည်ပြီးတော့ ပျော့ပျော့ပြောင်းပြောင်းနဲ့ ဆက်ပြီး လုပ်သွားမှာဖြစ်ပါတယ်” ဟု ဒေါ်အောင်ဆန်းစုကြည်က ရှင်းပြသည်။

NLD ဒုတိယ ဥက္ကဋ္ဌ ဦးတင်ဦးနှင့် ဗဟိုအလုပ်အမှုဆောင် ဦးဝင်းတင်တို့ကလည်း ဒေါ်အောင်ဆန်းစုကြည် ဦးဆောင်သော ညီညွတ်ရေး လမ်းစဉ်အတိုင်းပင် ဆက်လက်ထောက်ခံ လုပ်ဆောင်သွားမည်ဖြစ်ပြီး ယနေ့အချိန်သည် NLD အတွက် အထိအခိုက် မခံနိုင်သော အရေးကြီးသည့် အချိန်တွင် ရောက်ရှိနေကြောင်း ပြောဆိုကြသည်။

နိုင်ငံတော် သမ္မတ ဦးသိန်းစိန်နှင့် ဒေါ်အောင်ဆန်းစုကြည်အကြား တိုင်းပြည်နှင့် ပြည်သူလူထုအတွက် အမှန်တကယ် အကျိုးရှိမည့် လုပ်ငန်းများကို ပူးပေါင်းဆောင်ရွက်နိုင်ရန် ဆွေးနွေးပြီး ဖြစ်သည့်အတွက် NLD အတွက် အရေးကြီးသော အချိန်ရောက်ရှိနေကြောင်း၊ ထို့ကြောင့် NLD ခေါင်းဆောင်များနှင့် ဗဟိုအလုပ်အမှုဆောင် အဖွဲ့များအကြားတွင် လည်းကောင်း၊ စည်ရုံးရေး အဖွဲ့အစည်းများ အကြားတွင်လည်းကောင်း အပြန်အလှန် လေးစားရေး၊ အပြန်အလှန် နားလည်မှုရှိရေးမူတို့ဖြင့် NLD ၏ စည်းမျဉ်းစည်းကမ်း၊ လုပ်ထုံးလုပ်နည်း၊ မူဝါဒ လမ်းညွှန်ချက်များကို လုပ်ကိုင် ဆောင်ရွက်ကြရန် လိုအပ်ကြောင်း ဦးတင်ဦးက ပြောသည်။

“အခုအချိန်ကာလမှာ ဒီမိုကရေစီနဲ့ လူ့အခွင့်အရေး ရရှိရေးအတွက် အဖွဲ့ချုပ် အဖွဲ့ဝင်များက ဘယ်လိုနည်းနှင့်မှ စုစည်း ညီညွတ်မှု၊ စည်းလုံးညီညွတ်မှု၊ ကြိုးပမ်းအားထုတ်မှုတွေကို လျော့ပါးစေမယ့်၊ ထိခိုက်စေမယ့် အပြောအဆို၊ အပြုအမူတွေကို မပြုလုပ်မိကြဖို့ အထူး လိုအပ်ပါတယ်” ဟု ဦးတင်ဦးက ဆိုသည်။

ယမန်နေ့က ပြုလုပ်ခဲ့သည့် ၀တ်ပြုဆုတောင်းပွဲ များနှင့်ပတ်သက်သည့်အမြင်ကို ပြည်တွင်း သတင်းထောက်တဦးက ဒေါ်အောင်ဆန်းစုကြည်အား မေးမြန်းရာ နိုင်ငံရေး အကျဉ်းသားများ လွတ်မြောက်ရေး ဆုတောင်းခြင်း ဖြစ်သည့်အတွက် ကောင်းမွန်ကြောင်း ပြောသည်။

“စေတနာနဲ့ အားလုံးကောင်းဖို့ ဆုတောင်းတာဖြစ်တဲ့အတွက် ကောင်းတာပေါ့” ဟု ဒေါ်အောင်ဆန်းစုကြည်က ဆိုသည်။

ယနေ့ နံနက် ၁၁ နာရီက စတင်ကျင်းပသော အခမ်းအနားကို NLD အဖွဲ့ဝင်များ၊ ပြည်တွင်းပြည်ပ သတင်းထောက်များ အပါအ၀င် ပြည်သူပေါင်း ၆၀၀ ကျော် တက်ရောက် ခဲ့သည်။

အမျိုးသားဒီမိုကရေစီအဖွဲ့ချုပ်ကို ၁၉၈၈ ခုနှစ် စက်တင်ဘာလ ၂၇ ရက်နေ့တွင် တည်ထောင်ခဲ့ပြီး ၁၉၉၀ ပြည့်နှစ် ပါတီစုံဒီမိုကရေစီ ရွေးကောက်ပွဲတွင် မဲအပြတ်အသတ်ဖြင့် အနိုင်ခဲ့ရသော်လည်း စစ်အစိုးရက အာဏာလွှဲပေးခြင်း မပြုဘဲ ဖမ်းဆီးအကျဉ်းချထားမှုများ အပါအ၀င် ဖိနှိပ်မှုများကို နှစ်ပေါင်းများစွာ ခံစားခဲ့ရသော နိုင်ငံရေး ပါတီအဖြစ် ၂၃ နှစ်တိုင်တိုင် ရပ်တည်လျက်ရှိသည်။

မူရင်း။။ ဧရာဝတီ

လွတ်ငြိမ်းချမ်းသာခွင့်မှာ နိုင်ငံရေး အကျဉ်းသားတွေ ပါဝင်မှ ဒီမိုကရေစီနည်းကျ

ကုလသမဂ္ဂ အထွေထွေ အတွင်းရေးမှူးချုပ်၏ မြန်မာ့မိတ်ဆွေ နိုင်ငံများအဖွဲ့ အစည်းအဝေး ကျင်းပနေစဉ်။

၆၆ ကြိမ်မြောက် ကုလသမဂ္ဂ အထွေထွေ ညီလာခံမှာ မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်က မြန်မာနိုင်ငံမှာ ပြုပြင် ပြောင်းလဲမှုတွေ ဖြစ်နေပြီ၊ မြန်မာအစိုးရသစ် အနေနဲ့ မေလထဲမှာ အကျဉ်းသား ၂၀,၀၀၀ ကျော်ကို လွတ်ငြိမ်းချမ်းသာခွင့်နဲ့ လွှတ်ပေးခဲ့ပြီ ဖြစ်သလို မကြာခင် သင့်လျော်တဲ့ အချိန်အတွင်းမှာလည်း နောက်ထပ် လွတ်ငြိမ်းချမ်းသာခွင့် ထုတ်ပြန်ဖို့ ရှိတယ်လို့ ပြောကြားခဲ့ပါတယ်။ ကုလသမဂ္ဂရဲ့ မြန်မာနိုင်ငံ လူ့အခွင့်ရေးဆိုင်ရာ စုံစမ်းစစ်ဆေးရေးမှူး တောမတ်စ် အိုဟေး ကင်တားနား (Tomas Ojea Quintana) ကတော့ လွတ်ငြိမ်းချမ်းသာခွင့် ပေးတဲ့နေရာမှာ ရိုးရိုးအကျဉ်းသားတွေထက် နိုင်ငံရေး အကျဉ်းသားတွေကို လွှတ်ပေးမှုက ဒီမိုကရေစီရေး ပြောင်းလဲမှုအတွက် အရေးအကြီးဆုံး ဖြစ်တယ်လို့ ပြောဆိုလိုက်ပါတယ်။ အပြည့်အစုံကို စုံစမ်းမေးမြန်းထားတဲ့ ဒေါ်ခင်မျိုးသက်က တင်ပြပေးထားပါတယ်။

ကုလသမဂ္ဂနဲ့တကွ နိုင်ငံတကာနဲ့ ဆက်ဆံရာမှာ မြန်မာနိုင်ငံက အပြောင်းအလဲတွေ လုပ်ဆောင်နေတဲ့ ခြေလှမ်းအဖြစ်နဲ့ သမ္မတ ဦးသိန်းစိန်ရဲ့ မေလ အကျဉ်းသား ၂၀,၀၀၀ ကျော် လွတ်ငြိမ်းချမ်းသာခွင့် ပေးတာကို မြန်မာအာဏာပိုင်တွေက ထောက်ပြ ပြောဆိုလေ့ ရှိပါတယ်။ အင်္ဂါနေ့ ကုလသမဂ္ဂ အထွေထွေ ညီလာခံမှာလည်း မြန်မာ နိုင်ငံခြားရေးဝန်ကြီးက ဒါကို မြန်မာအစိုးရသစ် အဖွဲ့ရဲ့ ဒီမိုကရေစီရေး ပြုပြင်ပြောင်းလဲတဲ့ ခြေလှမ်းအဖြစ်နဲ့ ရည်ညွှန်း ပြောဆိုခဲ့ပေမဲ့ မစ္စတာ ကင်တားနားကတော့ ဒါဟာ တကယ့် အပြောင်းအလဲ ခြေလှမ်းအဖြစ် မခေါ်နိုင်ဘူးလို့ ဆိုပါတယ်။

“ရိုးရိုးအကျဉ်းသားတွေအတွက် သက်သက် ရည်ရွယ် ထုတ်ပြန်တဲ့ ဒီ လွတ်ငြိမ်းချမ်းသာခွင့် ပေးတာမျိုးဟာ တကယ့် ပြောင်းလဲတာလို့ မခေါ်နိုင်ပါဘူး။ ဒီမိုကရေစီရေး ပြောင်းလဲမှု လုပ်ငန်းစဉ်အတွက် အရေးအကြီးဆုံးက နိုင်ငံရေး အကျဉ်းသားတွေကို လွှတ်ပေးတာမျိုးပါ။ မြန်မာနိုင်ငံမှာ နိုင်ငံရေး အကျဉ်းသား ထောင်နဲ့ချီ ရှိနေပေမဲ့ ဒီ လွတ်ငြိမ်းချမ်းသာခွင့်ကြောင့် လွတ်လာတဲ့သူက ၄၀ လောက်ပဲ ရှိပါတယ်။ နိုင်ငံတကာကလည်း ဒါကိုပဲ လွှတ်ပေးဖို့ တောင်းဆိုနေတာမို့ မြန်မာအစိုးရ အနေနဲ့ အားလုံးကို ခြွင်းချက်မရှိ လွှတ်ပေးဖို့ တောင်းဆိုပါတယ်။”

ဒီလိုလွှတ်ပေးဖို့ ကုလသမဂ္ဂ အတွင်းရေးမှူးချုပ် ကိုယ်တိုင် တောင်းဆိုဖို့ လိုတယ်လို့ မစ္စတာ ကင်တားနားက ပြောပါတယ်။ ဒါပေမဲ့ သမ္မတ ဦးသိန်းစိန်ရဲ့ မေလ လွတ်ငြိမ်းချမ်းသာခွင့်ဟာလည်း အရေးပါတယ်လို့ သူယုံကြည်ကြောင်းလည်း ပြောပါတယ်။ ကိုယ်တိုင် မြန်မာနိုင်ငံ အကျဉ်းထောင်တချို့ကို သွားရောက်ခဲ့တာမို့ ဒီအကျဉ်းထောင်တွေရဲ့ အနေအထားတွေအရ ဘယ်သူ့ကိုမှ ချုပ်နှောင်မထားသင့်တဲ့ အကျဉ်းထောင်တွေမို့ ဘယ်လွတ်ငြိမ်းချမ်းသာခွင့်မျိုးကိုမဆို အရေးကြီးတယ်လို့ ဆိုပါတယ်။

မြန်မာအစိုးရသစ်အဖွဲ့ အနေနဲ့ ကုလသမဂ္ဂ လူ့အခွင့်အရေးကောင်စီနဲ့ အနီးကပ် ပူးပေါင်း ဆောင်ရွက်နေသလို မြန်မာနိုင်ငံဆိုင်ရာ လူ့အခွင့်အရေး အခြေအနေနဲ့ ပတ်သက်ပြီး ပုံမှန် သုံးသပ်တဲ့ ဇွန်လ UPR လုပ်ငန်းစဉ်ပါ အကြံပေးချက်တွေထဲက ထက်ဝက်ကျော်ကို သဘောတူ လက်ခံကြောင်းလည်း ဦးဝဏ္ဏမောင်လွင်က ပြောကြားခဲ့ပါတယ်။ ဒီပြောကြားချက်နဲ့ ပတ်သက်ပြီး မေးခွန်းထုတ်စရာ ရှိနေတယ်လို့ မစ္စတာ ကင်တားနားက ပြောပါတယ်။

“မြန်မာအစိုးရ အနေနဲ့ UPR လုပ်ငန်းစဉ်ကို ပူးပေါင်း ဆောင်ရွက်နေတယ် ဆိုတာနဲ့ အကြံပေးချက် ထက်ဝက်ကျော်ကို လက်ခံတယ် ဆိုတာတွေကို ကြိုဆိုပါတယ်။ ဒါပေမဲ့ တကယ် မေးခွန်းထုတ်စရာ ရှိနေတာက ဘယ်လို အကောင်ထည်ဖော် ဆောင်ရွက်မယ် ဆိုတာပါ။ အကြံပေးချက်တွေကို လက်ခံတယ် ဆိုတာက ဘယ်လိုပုံစံနဲ့ လက်ခံမှာလဲ၊ လူ့အခွင့်အရေးကောင်စီက ပြောတဲ့ ပုံစံအတိုင်း လုပ်မှာလား၊ တခြား ကိုယ့်စိတ်ကြိုက်ပုံစံ တမျိုးမျိုးနဲ့ ဆက်ပြီး အကောင်အထည် ဖော်မှာလား ဆိုတာက မေးစရာ ဖြစ်လာပါတယ်။”

ဒါ့ကြောင့် UPR လုပ်ငန်းစဉ်နဲ့ ပတ်သက်ပြီး ကုလသမဂ္ဂ လူ့အခွင့်အရေးကောင်စီရဲ့ သတ်မှတ်ချက် ပုံစံအတိုင်း လုပ်ဆောင်ဖို့လည်း လိုလားတယ်လို့ ပြောပါတယ်။ မြန်မာနိုင်ငံမှာ နိုင်ငံသားတွေရဲ့ အခြေခံ ရပိုင်ခွင့်တွေ ကာကွယ်စောင့်ရှောက်ဖို့ တိုးတက်မှုတွေ ရှိလာစေဖို့ ချမှတ်ထားတဲ့ ဖွဲ့စည်းပုံ အခြေခံ ဥပဒေအရ စက်တင်ဘာလ ၅ ရက်နေ့မှာ လူ့အခွင့်အရေး ကော်မရှင် တရပ်ကို ဖွဲ့စည်းပေးခဲ့တယ်လို့ မြန်မာ နိုင်ငံခြားရေးဝန်ကြီးက ပြောခဲ့ပေမဲ့ ဒီကော်မရှင်ကို သီးခြား လွတ်လပ်တဲ့ အဖွဲ့အစည်း တရပ်အဖြစ် မစ္စတာ ကင်တားနားက မမြင်ပါဘူး။

“အစိုးရဟာ မြန်မာနိုင်ငံက ဆိုးဝါးတဲ့ လူ့အခွင့်အရေး ချိုးဖောက်မှုတွေအတွက် ပုံစံသစ် တမျိုးနဲ့ ဖြေရှင်းဖို့ ကြိုးစားလာပုံ ရပါတယ်။ ဒါပေမဲ့လည်း သမ္မတ ဦးသိန်းစိန် ဖွဲ့စည်းလိုက်တဲ့ မြန်မာနိုင်ငံ လူ့အခွင့်အရေး ကော်မရှင်မှာ တကယ့် သီးခြား လွတ်လပ်တဲ့ ပုံစံမျိုး မတွေ့ရပါဘူး။ လူ့အခွင့်အရေး ကော်မရှင် တရပ်ကို ဖွဲ့စည်းတော့မယ်ဆိုရင် လွှတ်တော်ကနေ ရွေးချယ် ဖွဲ့စည်းရမှာ ဖြစ်ပေမဲ့ အခု ဒါမျိုး မတွေ့ရပါဘူး။ ဒါ့အပြင် ကော်မရှင် အဖွဲ့ဝင်တွေ ရွေးချယ်ခန့်ထားတဲ့ ပုံစံကလည်း လက်ခံနိုင်စရာ မရှိပါဘူး။

“ဒါ့ကြောင့် ဒီ လူ့အခွင့်အရေး ကော်မရှင်ကို ကျနော်တို့ အနီးကပ် စောင့်ကြည့်ဖို့ လိုပါတယ်။ ကျနော့်အနေနဲ့ ပြောရရင် အခုဖွဲ့ထားတဲ့ မြန်မာနိုင်ငံ လူ့အခွင့်အရေး ကော်မရှင်ကနေ မြန်မာနိုင်ငံတွင်း လူ့အခွင့်အရေး အခြေအနေတွေ တိုးတက် ပြောင်းလဲလာအောင် လုပ်နိုင်လိမ့်မယ်လို့ မယုံကြည်ပါဘူး။”

မြန်မာနိုင်ငံမှာ လူ့အခွင့်အရေး ချိုးဖောက်မှုတွေ မရှိစေဖို့ အစိုးရသစ် အဖွဲ့က ကြိုးပမ်းမယ်လို့ ပြောဆိုနေမှုတွေ အတွက်တော့ မစ္စတာ ကင်တားနားက ကြိုဆိုလိုက်ပါတယ်။ ဒါပေမဲ့ လက်တွေ့ အကောင်အထည်ဖော်ဖို့ လိုအပ်တယ်လို့ ဆိုပါတယ်။ သြဂုတ်လထဲမှာ မြန်မာနိုင်ငံကို ကိုယ်တိုင်သွားရောက်ခဲ့တဲ့ မစ္စတာ ကင်တားနားဟာ အောက်တိုဘာလ ၁၉ ရက်နေ့မှာ သူ့ရဲ့ တွေ့ရှိချက်တွေကို ကုလသမဂ္ဂ အထွေထွေ ညီလာခံမှာ တင်သွင်းမှာ ဖြစ်ပါတယ်။

မူရင်း။။ RFA

Monday, September 26, 2011

သံဃာ့အရေးအခင်း ၄ နှစ်ပြည့်နေ့ အဖြစ် ရန်ကုန်တွင် ဆန္ဒပြ ဓါတ်ပုံများ











ပြည်တွင်းမှပေးပို့ လာသူ မြတ်သူ

သံဃာ့အရေးအခင်း ၄ နှစ်ပြည့်နေ့ အဖြစ် ရန်ကုန်တွင် ဆန္ဒပြ










နိုင်ငံရေးအကျဉ်းသားများလွှတ်ပေးပါ စာတန်းပါသောအင်္ကျီ အ၀ါရောင်များကိုတူညီစွာဝတ်ဆင်ထားသည့် လူအယောက်၁၀၀ ခန့်သည် ယနေ့ နေ့လည်၁နာရီခန့်ကမ္ဘာအေးဘုရားလမ်း အတိုင်းချီတက်လာရာ မိုးလေ၀သနှင့်ဇလဗေဒရုံးရှေ့အရောက်တွင် လုံခြုံရေးရဲများကတားဆီးသဖြင့် လမ်းဘေးတွင်ထိုင်ကာလက်အုပ်ချီဆုတောင်းမှု့များပြုလုပ်လျှက်ရှိသည်ဟု မျက်မြင်တွေ့ ရှိသူများ
ကပြောကြားသည်။

"အော်တာဟစ်တာမရှိပါဘူး ။ ငြိမ်ငြိမ်လေးဘဲရှိခိုးပြီးဆုတောင်းနေကြတယ်။ ဘာတွေဆုတောင်းလဲဆိုတာ ဝေးတော့ မကြားရဘူး" ဟု
ထိုနေရာတွင်ရောက်ရှိနေသူတဦးက ဖုန်းဖြင့်ပြောကြားသည်။အ၀ါရောင်အင်္ကျီဆင်တူများဝတ်ဆင်ထားသည့်လူတစ်ရာတွင် အသက်
၂၀မှ ၅၀ အထိ အမျိုးသား၊အမျိုးသမီး အရွယ်စုံပါဝင်ကြောင်းယင်းက ပြောကြားသည်။

"ရဲတွေ၊လုံခြုံရေးတွေနဲ့ ရပ်ကွက်ကလူကြီးတွေက လူ၁၀၀လောက်ရှိတယ်။ လမ်းမပိတ်အောင် ယာဉ်ထိန်းကရှင်းပေးနေတယ်။ ရပ်ကွက်
ထဲက လမ်းကြားမှာတော့ လက်နက်အပြည့်နဲ့ လုံခြုံရေးကားတစ်စင်းရပ်နေတာလှမ်းတွေ့ ရတယ်" ဟုထိုနေရာအနီးတွင်ရောက်ရှိနေသူ
ူတစ်ဦး ကပြောသည်။

ထိုနေရာသည်ကမာအေးဘုရားလမ်းမပေါ် ၊ မိုးလေ၀သနှင့်ဇလဗေဒညွှန်ကြားမှု့ဦးစီးဌာနရှေ့ ၊ မရမ်းကုန်းမြို့နယ်တွင်ဖြစ်သည်။

မေးဖြင့်ပေးပို့ လာသူ ပြည်တွင်း မြတ်သူ

Sunday, September 25, 2011

နိုင်ငံရေးအကျဉ်းသားကိစ္စ အရေးတယူ စဉ်းစားနေကြောင်း အကြံပေးပုဂ္ဂိုလ် ပြော

မြန်မာအစိုးရအနေနဲ့ နိုင်ငံရေးအကျဉ်းသား မရှိဘူးလို့ ယူဆပေမယ့် နိုင်ငံတကာ အသိုင်းအဝိုင်း က မိမိတို့နဲ့ တွေ့ဆုံတိုင်း ဒီကိစ္စကို အလေးထား ပြောဆို နေကြတဲ့အတွက် မိမိတို့ကလည်း အရေးတယူ စဉ်းစားနေပါကြောင်း သမ္မတ ဦးသိန်းစိန်ရဲ့ နိုင်ငံရေးဆိုင်ရာ အကြံပေးအဖွဲ့ ခေါင်းဆောင် ဦးကိုကိုလှိုင်က RFA ကို ပြောကြားလိုက်ပါတယ်။

အကျဉ်းသားများ၏ မိသားစုဝင်တဦး မေလ ၁၇ ရက်နေ့က ရန်ကုန်မြို့ အင်းစိန်ထောင်ရှေ့တွင် စောင့်နေပုံ ဖြစ်ပါသည်။ အကျဉ်းသားအားလုံးကို ထောင်ဒဏ်တနှစ်စီ လျှော့ပေါ့ပေးပြီး အင်္ဂါနေ့မှစပြီး အကျဉ်းသား ၁၇ ၀၀၀ ကို စတင် လွှတ်ပေးနေကြောင်း ဦးသိန်စိန် အစိုးရက ကြေငြာခဲ့ပြီး သော်လည်း နိုင်ငံရေး အကျဉ်းသား ၂၀၀၀ ကျော် အကျဉ်းထောင်တွင်း ကျန်ရှိနေသေးသည့်အပေါ် ပြည်တွင်းပြည်ပ အဖွဲအစည်းများက ပြင်းပြင်းထန်ထန် ရှုတ်ချခဲ့ကြသည်။ ဓါတ်ပုံ

အစိုးရအနေနဲ့ နိုင်ငံရေးအကျဉ်းသားများ လွှတ်ပေးရေးအတွက် အခြေအနေ အရပ်ရပ်ကို ချင့်ချိန် လုပ်ကိုင်နေတယ်လို့ ယူဆကြောင်းလည်း သူက ပြောပါတယ်။

“အပြင်ဘက်ကနေပြီးတော့မှ တောင်းဆိုနေတဲ့အတိုင်း ဒီလူတွေကို ခြွင်းချက်မရှိ ချက်ခြင်း လွှတ်ပေးရမယ် ဆိုတဲ့ကိစ္စမှာတာ့ ကျနော်ထင်တယ်၊ နိုင်ငံတော်အစိုးရ အနေနဲ့လည်း အများကြီး စဉ်းစားစရာတော့ အခြေအနေတွေ ရှိပါလိမ့်မယ်။ အပြောင်းအလဲလေး ကာလလေးထဲမှာ ဘာလိုအပ်သလဲဆိုတော့ ကျနော်တို့က တိုးတက်မှုလည်း လိုအပ်တယ်၊ တည်ငြိမ်မှုလည်း လိုအပ်တယ်၊ တိုးတက်မှု တည်ငြိမ်မှုအတွက်ကို အကုန်လုံးကို တင်းတင်းကြပ်ကြပ် ချုပ်ကိုင်ထားဖို့ ဆိုလို့ရှိရင်လည်း မဖြစ်နိုင်ဘူး၊ လွတ်လပ်မှု ဆိုတာလည်း လိုအပ်တယ်။ ဆိုတော့ အဲဒီ ၃ ခုကို ကျနော်တို့က မျှမျှတတ ချိန်ညှိပြီးတော့မှ သွားရတာပေါ့နော်။ သွားရတဲ့အခါကျတော့ တဘက်မှာလည်းပဲ ဒီတည်ငြိမ်မှုကို ထိန်းထိန်းသိမ်းသိမ်းနဲ့၊ တဘက်မှာလည်းပဲ တိုးတက်မှုရအောင်၊ တဘက်ကလည်း လူတွေ ကျေနပ်အောင်၊ လွတ်လပ်မှုကိုလည်း ပေးနိုင်ဖို့အတွက်ကို အားလုံးကို သူတို့ ချိန်ဆနေရတယ်လို့ ကျနော် ထင်ပါတယ်”

နိုင်ငံရေးအကျဉ်းသားတွေနဲ့ ပတ်သက်လို့ ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီ စောင့်ရှောက်ရေးအသင်း AAPP က ပြောဆိုတဲ့ အရေအတွက်နဲ့ အစိုးရက ပြုစုထားတဲ့ အရေအတွက် ကွာခြားမှု ရှိနေတယ်လို့လည်း ဦးကိုကိုလှိုင်က ပြောပါတယ်။

“အဓိကကတော့ ကျနော်တို့ ပြောနိုင်တဲ့အချက်ကတော့ ဒီကိစ္စနဲ့ ပတ်သက်ပြီးတော့ စာရင်းကတော့ ၂ ထောင်ကျော် ပေါ့နော်၊ ၂ ထောင်ကျော် ဆိုတာလည်းပဲ ထိုင်းနယ်စပ်ရဲ့ ဟိုဘက်မှာ ရှိနေတဲ့ အေအေပီပီ အဖွဲ့တို့ဘာတို့က ပြုစုထားတဲ့ သတင်းပေါ့။ ဘယ်လောက်ကြီးတိကျတယ် ဘယ်လောက် မတိကျဘူးဆိုတာ ကျနော်တို့လည်း သိပ်တော့ မသိဘူး။ သို့သော် သက်ဆိုင်တဲ့ တာဝန်ရှိတဲ့ ဒီ ပြည်ထဲရေးဝန်ကြီးဌာနတို့ ဘာတို့က ပြန်စိစစ်တော့ သူတို့ပြောတဲ့ စာရင်းလောက်တော့ မရှိတော့ဘူး။ တချို့အတိုင်းအတာရှိတယ်ပေါ့နော် ကျနော် သိပ်ပြီးတော့ အရေအတွက်တော့ မသိဘူး။ သို့သော် အဲဒီအထဲမှာတောင်မှပဲ တချို့သောပုဂ္ဂိုလ်များသည် Serious Crime ပေါ့၊ အဲဒီမှာဆိုလို့ရှိရင် အကြမ်းဖက်တဲ့ ဗုံးဖောက်ခွဲမှုတွေ၊ နောက် မူးယစ်ဆေးဝါးမှုတွေ၊ လူသတ်မှုတွေ စတဲ့ အမှုကြီးတွေနဲ့ ဆက်စပ်နေတဲ့ လူတွေထဲ ဒီစာရင်းထဲမှာ ရာနဲ့ချီပြီးတော့မှာ ပါနေတယ်လို့ ပြောပါတယ်။”

အကြံပေးပုဂ္ဂိုလ် ဦးကိုကိုလှိုင် ပါဝင်တဲ့ မြန်မာကိုယ်စားလှယ်အဖွဲ့ဟာ ပြီးခဲ့တဲ့အပတ်က နယူးယောက်မြို့ကို ရောက်ရှိခဲ့ပြီး မြန်မာနိုင်ငံဆိုင်ရာ အမေရိကန်အစိုးရရဲ့ အထူးကိုယ်စားလှယ် မစ္စတာ ဒဲရစ် မစ်ချဲလ် အပါအဝင် အမေရိကန် အစိုးရပိုင်းက အရေးပါတဲ့ ပုဂ္ဂိုလ်တွေနဲ့ ပြီးခဲ့တဲ့ ရက်ပိုင်းအတွင်း တွေ့ဆုံကာ မနေ့က ညနေပိုင်းမှာ အမေရိကန် ပြည်ထောင်စုကနေ ပြန်လည် ထွက်ခွာသွားပြီ ဖြစ်ပါတယ်။

Saturday, September 24, 2011

ကော့သောင်းကမ်းလွန်ပြင်မှသည် စင်ကာပူနိုင်ငံဆီသို့..... (အပိုင်း ၁)

မြန်မာပိုင် ကော့သောင်း ပင်လယ်ပြင်မှ သဲများသယ်ဆောင်လာတဲ့ HAM 318 သဲစုပ်သင်္ဘောမှ စင်ကာပူ ကုန်းတွင်းပိုင်းသို့ သဲများ မှုတ်တင်နေသောပုံ
(ဓာတ်ပုံ စင်ကာပူရောက် တာဝန်သိ ပြည်သူ့သတင်းထောက်အား ကျေးဇူးတင်ပါသည်)

ပြီးခဲ့တဲ့ သြဂုတ်လ ၁၆ရက်နေ့က မြန်မာပြည်မြောက်ဖျား ဧရာဝတီမှသည်.. ကော့သောင်း ကမ်းလွန်ပင်လယ်ပြင်ဆီသို့... ဆိုတဲ့ ခေါင်းစဉ်နဲ့ မြန်မာ့မြေ ကော့သောင်းပင်လယ်ပြင်မှာ စင်ကာပူမှ သဲတင်သဘောင်္များနဲ့ သဲများစုပ်ယူ ပို့ဆောင်နေတဲ့ အကြောင်း တင်ပြခဲ့ပါတယ်...။ (ပြန်ဖတ်ချင်ရင် Click )Link
ယနေ့ကော့သောင်း ပင်လယ်ပြင်အနီး တဝိုက်မှာ သဲများစုပ်ယူ သယ်ဆောင်နေမှုကြောင့် Linkပတ်ဝန်းကျင် ကျေးရွာတွေနဲ့ ငါးဖမ်းလုပ်ငန်းများ ပြဿနာမျိုးစုံနဲ့ ရင်ဆိုင်နေရပါတယ်...။ ကော့သောင်းမြို့မှ သဲများစင်ကာပူနိုင်ငံသို့ ရောက်ရှိလာပြီး မည်သို့ အသုံးပြုနေပုံ အကြောင်း ပေးပို့လာတဲ့ စင်ကာပူရောက် မြန်မာတဦးမှ မှတ်တမ်းတင် ရိုက်ကူးထားတဲ့ သတင်း၊ ဓာတ်ပုံများအား ဖော်ပြလိုက်ရပါတယ်...။
စင်ကာပူနိုင်ငံဟာ မိမိနိုင်ငံအကျယ်အဝန်းကို ချဲ့ထွင်ဖို့အတွက် ယခင်က မလေးရှားနိုင်ငံမှ စတင်ဝယ်ယူခဲ့ပါတယ်...။ စတင်ဝယ်ယူစဉ်က ကမ်းပါးထိန်းသိမ်းယုံသာ အသုံးပြုမည်ဟု အကြောင်းပြချက်ဖြင့် ဝယ်ယူခဲ့တယ်လို့ ဆိုပါတယ်...။ နောက်ပိုင်းမှာ နယ်မြေဧရိယာချဲ့ထွင်ဖို့ ဝယ်ယူတယ်ဆိုတာ သိရှိသွားခဲ့တဲ့ အချိန်မှာတော့ မလေးရှားမှ သဲရောင်းချမှုအား ရပ်ဆိုင်းခဲ့ပါတယ်...။ မလေးရှားနိုင်ငံမှ သဲရောင်းချမှုအား ရပ်ဆိုင်းခဲ့တဲ့ အခါမှာတော့ အင်ဒိုနီးရှားနိုင်ငံမှ ဆက်လက်ဝယ်ခဲ့ပါတယ်...။ အင်ဒိုနီးရှားအား မလေးရှားမှ ကန့်ကွက်ခဲ့မှုကြောင့် ရောင်းချမှုအား ရပ်ဆိုင်းခဲ့တယ်လို့ ဆိုပါတယ်...။ နောက်ပိုင်း ကမ္ဘောဒီးယားနိုင်ငံနဲ့ ဗီယက်နမ်နိုင်ငံမှ ဝယ်ယူခဲ့ပြီး အဆိုပါနိုင်ငံများမှလည်း နှစ်အနည်းငယ်အတွင်း ရောင်းချမှုကို ရပ်ဆိုင်းခဲ့ပါတယ်...။
ကော့သောင်း ပင်လယ်ပြင်မှ သဲများစုပ်ယူမှုကြောင့် ကြီးမားတဲ့ ဂလိုင်များဖြစ်ပေါ်ပြီး အနီးပတ်ဝန်းကျင် ရပ်ကွက်များမှာ ပုံပါအတိုင်းမြင်တွေ့ရပုံ
(ဓာတ်ပုံ ကော့သောင်း အဖွဲ့ချုပ်အား ကျေးဇူးတင်ပါသည်..)

ယနေ့အချိန်မှာတော့ ကော့သောင်းမြို့အနီး တနင်္သာရီကမ်းရိုးတန်းနှင့် ပါချန်မြစ်ဆုံရာမှာ စင်ကာပူနိုင်ငံမှ သဲစုပ်ရေယာဉ်များနဲ့ သဲတင်သဘောင်္များ ဥဒဟိုဝင်ထွက် သွားလာနေပြီး မြန်မာ့သဲများအား စင်ကာပူနိုင်ငံသို့ ပို့ဆောင်နေပါတယ်...။ စင်ကာပူ သဲဈေးကွက်မှာ သဲ(၁)တန် ပွဲစားဈေး ဒေါ်လာ၅၀ ပေါက်ဈေးရှိပေမယ့် မြန်မာပြည်မှ ဝယ်ယူတဲ့ ဈေးကတော့ (၁)တန်ဒေါ်လာ (၂၀)ဈေးနဲ့ဝယ်ယူတယ်လို့ ဆိုပါတယ်...။ ၂၀၁၀ခုနှစ် အောက်တိုဘာလမှ ကော့သောင်း ကမ်းလွန်ပြင် (၁၀)မိုင်ခန့်အကွာမှာ လာရောက်စုပ်ယူနေရာမှ ယနေ့အချိန်မှာ ၁မိုင်နဲ့ ၂ဖါလုံ အကွာအဝေးအထိ အနီးကပ် လာရောက်စုပ်ယူနေတဲ့ အတွက်ကြောင့် ပတ်ဝန်းကျင် လူနေအိမ်ခြေများ ပျက်ဆီးမှုနဲ့ ကြုံနေရတယ်လို့ ဆိုပါတယ်..။ အိမ်နီးချင်းနိုင်ငံများမှ မိမိနိုင်ငံ၏ သဘာဝအရင်းအမြစ်များအား ပျက်စီးဆုံးရှုံးမှုကြောင့် ရောင်းချမှုအား ရပ်တန့်ထားခဲ့သော်လည်း မြန်မာအစိုးရမှ ငွေမျက်နှာသာ ကြည့်ပြီး အထူးနည်းပါးသော ဈေးနှုန်းများဖြင့် ရောင်းချနေမှုကြောင့် ပတ်ဝန်းကျင်ဂေဟ စံနစ်များ ပျက်စီးမှုများ၊ ကြီးမားတဲ့ ဂလိုင်များ ဖြစ်ပေါ်မှုကြောင့် ရေပြင်အနေအထား နိမ့်ကျမှုများ၊ လူနေအိမ်ခြေများ ပျက်စီးမှု ရေနေသတ္တဝါများ ရှားပါးမှုများနဲ့ ကြုံတွေ့နေရပါတယ်...။
ကော့သောင်း ပင်လယ်ပြင်မှ သဲတင်ဗော်ယာအား အနီးကပ် မြင်တွေ့ရစဉ် (ဓာတ်ပုံ ကော့သောင်းအဖွဲ့ချုပ်)
စင်ကာပူနိုင်ငံ Pulau Tekong မူလကျွန်းမြေပုံ...
တိုးချဲ.မြေပေါ်မှာ တည်ဆောက်ရေ လုပ်ငန်း လုပ်နေသောအပိုင်း
သဲဖို့ပြီးသောနေရာ အစိမ်းရောင်ပေါ်၌ တည်ဆောက်ရေးလုပ်သော အပိုင်းနှင့် သဲဖို့ရန် ကျန်သေးသော အဝါရောင် အပိုင်း အကွာအဝေး ရေမိုင်ဖြင့်
ကုန်ချနေသော သဲသင်္ဘောကြီး နှင့် သဲကုန်တင်ရန် စောင့်နေသော ဆွဲသင်္ဘောငယ်
တိုးချဲ့မြေပေါ်က ၂၀၁၀-၁၁မှာ တည်ဆောက်ပြီးသွားသော စက်ရုံတစ်ခု မြေဖို့ရန် ကျန်နေသေးသော အတွင်းပိုင်းနှင့် အပြင်မှ ဘောင်ခတ်ပြီး ဒီရေတားရန် ကျောက်စီထားသော ကမ်းပါးတစ်ခုအား မှန်ပြောင်းဖြင့် ဆွဲရိုက်ထားပုံ..

ကိုယ့်တိုင်းပြည်မှာ မြေနေရာတွေ ဆုံးရှုံး၊ လူနေအိမ်တွေ ပျက်စီး.. ဂေဟစံနစ်တွေပျက်စီး တခြားတဖက် စင်ကာပူမှာတော့ မြေနေရာတွေ ထပ်တိုး ကိုယ့်မြေက သူတပါးဆီရောက် ... တိုင်းပြည်ကို သဲမြေပါမကျန် ရောင်းစားနေတဲ့ ဘနဖူးသိုက်တူးတွေ ကိုယ်ကျိုးသာကြည့်ပြီး ပြည်သူတွေကို ဖုတ်လေတဲ့ငပိ ရှိတယ်လို့ မထင်တဲ့ တဘို့တည်း သမားတွေရဲ့ လုပ်ရပ်တွေပါပဲ..

အပိုင်း(၂) သတင်းဓာတ်ပုံများ၊ ဆက်လက်ဖော်ပြပါမည်...။ ဓာတ်ပုံများအတွက် ကော့သောင်း (NLD)နဲ့ စင်ကာပူမှ တာဝန်သိ ပြည်သူ့သတင်းထောက်အား ကျေးဇူးတင်ပါသည်...။


ကော့သောင်း အိမ်နဲ့ ကမ်းပါးပြိုမှု သတင်း ဖတ်ချင်ရင် ဒီနေရာမှာ Click ပြီးဖတ်ပါ။

မူရင်း ။။ ဒီမိုဝေယံ

ဦးသိန်းစိန်အစိုးရ = နအဖစစ်အုပ်စုရဲ့ ရုပ်သေး

ခုတလော ဦးသိန်းစိန် ရုပ်သေးအစိုးရသစ်နဲ့ ပတ်သက်ပြီး အကောင်း အမြင်နဲ့ သုံးသပ်ကြိုဆိုနေကြတာကို ဆူဆူညံညံ ကြားနေရတယ်။ ဒီလိုသုံးသပ်ပြောဆိုနေကြသူတွေထဲက အများစုဟာ လွှတ်တော်ကိုယ် စားလှယ် ဆိုသူတွေ၊ ၂၀၀၈ အခြေခံဥပဒေကို လက်ခံပြီး ၂၀၁၀ ရွေး ကောက်ပွဲမှာ ပါဝင်ခြင်းဖြင့် လွှတ်တော်တွင်းကနေ ဒီမိုကရေစီ ပြုပြင် ပြောင်းလဲရေးတွေကို လုပ်လို့ရလိမ့်မယ်လို့ မျှော်လင့်နေကြတဲ့ နိုင်ငံ ရေးသမားတွေပဲ ဖြစ်တယ်။

အဆိုပါပုဂ္ဂိုလ်များရဲ့ ဦးသိန်းစိန် ရုပ်သေးအစိုးရနဲ့ပတ်သက်လို့ အ ကောင်းမြင်ဘက်က ကြိုဆိုထောက်ပြတဲ့ အချက်အလက်အချို့က တော့ ဒေါ်အောင်ဆန်းစုကြည်ကို သမတဦးသိန်းစိန်က တွေ့ဆုံစကား ပြောတာ (NLD ခေါင်း ဆောင်အ ဖြစ် အသိအမှတ်ပြု တွေ့ဆုံခြင်းမ ဟုတ်)၊ ဒေါ်အောင်ဆန်းစုကြည် နေပြည်တော် စီးပွားရေးဆိုင်ရာ အ လုပ်ရုံဆွေးနွေးပွဲမှာ တက်ရောက်လေ့လာတာ၊ ၀န်ကြီးတချို့နဲ့ တွေ့ဆုံ စကားပြောတာ၊ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနားကို ပြည်ဝင်ခွင့်ပေးပြီး အစိုးရတာဝန်ရှိပုဂ္ဂိုလ်တချို့ လက်ခံ တွေ့ဆုံတာ၊ မစ္စတာ ကင်တားနားကို ဒေါ်အောင်ဆန်းစုကြည် အပါအ ၀င် နိုင်ငံရေးအကျဉ်းသားအချို့နဲ့ တွေခွင့်ပြုတာ၊ အင်းစိန်ထောင် တွင်းရှိ နိုင်ငံရေးအ ကျဉ်းသားအချို့နဲ့ တွေ့ခွင့်ပြုတာ အပါအ၀င် ဒီအရင်က သမတရဲ့ လွှတ်တော်တွင်းမိန့်ခွန်းနဲ့ အကြောင်းအမျိုးမျိုး ကြောင့် နိုင်ငံတကာရောက်နေကြတဲ့ မြန်မာတွေ တိုင်းပြည်ကိုပြန်လာပြီး အစိုးရသစ်နဲ့ လက်တွဲ လုပ်ဆောင်ကြဖို့၊ ၂၀၀၈ အခြေခံဥပဒေကို လက်မခံနိုင်ကြ သေးတဲ့ နိုင်ငံရေးအင်အားစုများအနေနဲ့လဲ မတူတာတွေ ကိုဘေးဖယ်ပြီး တူ ညီတဲ့အချက်တွေပေါ်မှာ ဘုံလုပ်ငန်းအဖြစ် အစိုးရနဲ့ ပူးပေါင်းဆောင်ရွက်ကြဖို့၊ လက်နက်ကိုင် ပဋိပက္ခဖြစ်နေတဲ့ လူမျိုးစုအင်အားစုတွေနဲ့လဲ အပစ်အခတ်ရပ်စဲရေး ငြိမ်းချမ်းရေးဆွေးနွေးပွဲတွေ လုပ်သွားဖို့ ရှိကြောင်း စတဲ့ သမတ ဦးသိန်းစိန်ရဲ့ တိုင်းသိပြည်သိ၊ ကမ္ဘာသိထုတ်ဖော် ပြောကြားချက်တွေ အကြုံးဝင်ပါတယ်။

ဖော်ပြပါ ဦးသိန်းစိန်ရဲ့ မစားရ၀ခမန်းပြောဆိုချက်တွေ၊ လှုပ်ရှားမှုတွေဟာ အမှတ်ပေးရလောက်အောင် ဘယ်လောက် များ အာမခံချက်ရှိပြီး ခိုင်မာနေလို့လဲ။ အမှတ်ပေးနေကြတဲ့ ပုဂ္ဂိုလ်များပြောနေသလို ဦးသိန်းစိန်ရုပ်သေး အစိုးရဟာ တကယ်ပဲ တိုင်းပြည်ငြိမ်းချမ်းရေးရအောင်၊ အမျိုးသားပြန်လည်သွေးစည်းရေးရအောင် လုပ်ပေးနိုင်မလား၊ ဒါကို အ လေးအနက် ဆန်းစစ်ကြည့်သင့်တယ်လို့ ယူဆပါတယ်။

လက်ရှိ ဦးသိန်းစိန်အစိုးရဟာ ဘယ်လိုအစိုးရမျိုးလဲ။ တကယ်က ဦးသိန်းစိန်အစိုးရဟာ နအဖ ဗိုလ်သန်းရွှေ စစ်အစိုးရ ရဲ့ အဆက်ဖြစ်တယ်။

နအဖ စစ်အစိုးရဟာ စစ်အာဏာရှင်စနစ်ကို စစ်အစိုးရသဏ္ဌာန်နဲ့ ဆက်လက်ကျင့်သုံး ကာကွယ်ဖို့ မဖြစ်နိုင်တော့ဘူး လို့ ယူဆတဲ့အခါ စစ်အုပ်စုအကျိုးစီးပွားကို အကာအကွယ်ပြုတဲ့ ၂၀၀၈ အခြေခံဥပဒေကို အဓမ္မ အတည်ပြုပြီး ဘက်စုံ ညစ်ပတ်တဲ့ ၂၀၁၀ ရွေးကောက်ပွဲနဲ့ စစ်ဗိုလ်လူထွက် ဦးသိန်းစိန် ရုပ်သေးအစိုးရကို စင်တင်ပေး လိုက်တာဖြစ်တယ်။ အပေါ်ယံသဏ္ဌာန်က အရပ်ဝတ်အစိုးရ အတွင်းအနှစ်သာရက စစ်အာဏာရှင်စနစ် ဆက်လက် ထိန်းသိမ်းရေးသာ ဖြစ် တယ်။

ဦးသိန်းစိန် ရုပ်သေးအစိုးရရဲ့ မဟာတာဝန်က စစ်အုပ်စုရဲ အရင်းခံအကျိုးစီးပွားမှန်သမျှကို အကြွင်းမဲ့ အကာအကွယ် ပေးထားတဲ့ ၂၀၀၈ အခြေခံဥပဒေအရ စစ်အုပ်စုအလိုကျ တိုင်းပြည်ကို ဖိနှိပ်အုပ်ချုပ်ဖို့ပဲ။

၂၀၀၈ အခြေခံဥပဒေက နအဖ စစ်အုပ်စု အကျိုးစီးပွားကို ဘယ်အထိ အာမခံထားသလဲဆိုရင် အတိတ်က စစ်အုပ်စု ၀င် ဗိုလ်ချုပ်တွေ ကျူးလွန်ခဲ့တဲ့ ပြစ်မှုကြီးငယ်မှန်သမျှကို လွတ်ငြိမ်းချမ်းသာခွင့်ပြုထားပြီး နောင်အနာဂတ်မှာလဲ အ မြင့်ဆုံးပြစ်မှုကြီး (နိုင်ငံတော်အာဏာကို သိမ်းယူခွင့်) ကိုတောင် အခြေခံဥပဒေနဲ့ အခိုင်အမာ ကျူးလွန်ခွင့် ပြုထား တယ်။

လက်ရှိ ဦးသိန်းစိန် ရုပ်သေးအစိုးရရဲ့ နောက်ကွယ်မှာလဲ အလက (အမျိုးသားကာကွယ်ရေး နဲ့လုံခြုံရေးကောင်စီ) ဆို တဲ့အဖွဲ့နဲ့ ကျားကန်ပေးထားတယ်။ အလက ရဲ့ ရည်ရွယ်ချက်က စစ်အုပ်စု အကျိုးစီးပွားကို အာမခံတဲ့ ၂၀၀၈ အခြေခံ ဥပဒေကို ရုပ်သေးအစိုးရက အကောင်အထည်ဖော်ရာမှာ နောက်ကွယ်ကနေ လိုသလို ကြိုးဆွဲရေးပဲ။ ဒီအချက်ကို ကြည့်ရင် ဗိုလ်သန်းရွေ နအဖ စစ်အုပ်စုဟာ စစ်အာဏာရှင်စနစ် သက်ဆိုးရှည်ရေးအတွက် ဘယ်လောက်အထိ အ ကွက်စေ့အောင်ပြင်ထားသလဲဆိုတာ မြင်နိုင်တယ်။ ဒီနေရာမှာ ဗိုလ်နေ၀င်းထက်တောင်သာတယ်လို့ ပြောရမယ်။

နိုင်းယှဉ်ပြရရင် ဒီမိုကရေစီ အရပ်သားအစိုးရတရပ်မှာ ကာကွယ်ရေးဦးစီးချုပ်ဆိုတာ အစိုးရရဲ့ ကာကွယ်ရေး ၀န်ကြီးဌာနအောက်မှာ တာဝန်ယူရတဲ့ တပ်မတော်အကြီးအကဲ ၀န်ထမ်းတဦးသာဖြစ်တယ်။ ကာကွယ်ရေးဝန်ကြီးဟာ ကာကွယ်ရေးဦးစီးချုပ်ရဲ့ အထက်မှာရှိပြီး လိုအပ်လာရင် ကာကွယ်ရေးဦးစီးချုပ်ကို အရေးယူအပြစ်ပေးတာ၊ တာဝန်က ချထားတာ၊ ထုတ်ပယ်ပစ်တာတွေ လုပ်နိုင်တယ်။ ကာကွယ်ရေးဦးစီးချုပ်ဟာ တပ်မတော်ရေးရာလုပ်ငန်းတွေကို ကာ ကွယ်ရေးဝန်ကြီးဌာနရဲ့ လမ်းညွှန်မူပေါ်လစီတွေ အရသာ လုပ်ပိုင်ခွင့်ရှိတယ်။ ကိုယ်ထင်ရာ ကိုယ်စိုင်းခွင့်မရှိဘူး။

လက်ရှိ ဦးသိန်းစိန် ရုပ်သေးအစိုးရမှာ နိုင်ငံတော်သမတနဲ့ ကာကွယ်ရေးဦးစီးချုပ် နှစ်ဦးအနက် ဘယ်သူက ပိုပြီး အာ ဏာရှိသလဲဆိုတာ မေးခွန်းထုတ်စရာ ဖြစ်နေတယ်။ ပုံမှန်အားဖြင့်ဆိုရင် သမတ(သို့)ကာကွယ်ရေးဝန်ကြီးရဲ့ အမိန့်ကို ကာကွယ်ရေးဦးစီးချုပ်က နာခံရမှာဖြစ်ပေမဲ့ ဦးသိန်းစိန်အစိုးရရဲ့အမိန့်ကို အစိုးရရဲ့လက်အောက်ခံ အဖွဲ့ အစည်းဖြစ်တဲ့ စစ်တပ်အကြီးအကဲ ကာကွယ်ရေးဦးစီးချုပ်ဟာ နာခံပါ့မလား၊ မနာခံတဲ့အပြင် အစိုးရကိုပြန်ပြီး အမိန့်ပေး အကြပ်ကိုင်တာတွေရော မဖြစ်နိုင်ဘူးလား၊ သံသယဖြစ်စရာတွေ အများကြီးရှိတယ်။

ဒီလိုမေးခွန်းထုတ်ရ၊ သံသယရှိရတဲ့အကြောင်းက ၂၀၀၈ အခြေခံဥပဒေက လိုအပ်လာရင် တပ်မတော် (ကာကွယ်ရေး ဦးစီးချုပ်)ကို နိုင်ငံတော်အာဏာ သိမ်းယူနိုင်တယ်ဆိုပြီး ခွင့်ပြုထားလို့ပဲ။ နအဖ စစ်အုပ်စုဟာ (စစ်အုပ်စု၊ စစ်အစိုးရ၊ စစ်အာဏာရှင်စနစ်ဆိုတဲ့) စစ်သုံးစစ်ကို ကိုယ်ရောင်ဖျောက်နိုင်အောင် အရပ်သားအစိုးရကို အာဏာလွှဲပေးပြီးပြီလို့ အကြောင်းပြဖို့ အရပ်ဝတ် သမတ-၀န်ကြီး-လွှတ်တော်ကိုယ်စားလှယ်၊ လွှတ်တော်စတဲ့ အဆောင်အယောင်တွေကို ခင်းကျင်းထားပေမဲ့ နောက်ဆုံး အဆုံးအဖြတ်အာဏာဟာ ကာကွယ်ရေးဦးစီးချုပ် လက်ထဲမှာ ရှိနေတယ် ဆိုတာမြင် နေရလို့ပဲ။ လက်ရှိကာကွယ်ရေးဦးစီးချုပ်ကိုလဲ နအဖ နံပါတ် ၁ ဗိုလ်သန်းရွှေ ကိုယ်တိုင် စိတ်ကြိုက်ရွေးချယ် ခန့်ထားခဲ့ တာဖြစ်ပြီး လက်ရှိမှာလဲ “အမျိုးသားကာကွယ်ရေးနဲ့လုံခြုံရေးကောင်စီ”ကတဆင့် ကာကွယ်ရေးဦးစီးချုပ်ကို ကျားကန် ပေးထားတယ်ဆိုတာ တွေ့နေရလို့ပဲ။ ဒါကြောင့် ဦးသိန်းစိန် ရုပ်သေးအစိုးရဟာ ကာကွယ်ရေးဦးစီးချုပ်ကို အမိန့်ပေး ခွင့်မရှိဘဲ ကာကွယ်ရေးဦးစီးချုပ်ရဲ့အမိန့်ကို နာခံနေရတယ် (ဒါမှမဟုတ်) ကာကွယ်ရေးဦးစီးချုပ်ရဲ့မျက်နှာကိုကြည့်ပြီး လှုပ်ရှားနေရတယ်ဆိုရင် အဲဒါဟာ ဒီမိုကရေစီအရပ်သားအစိုးရ ဟန်ဆောင်ထားတဲ့ စစ်အာဏာရှင်ကိုယ်စားပြု ရုပ် သေးအစိုးရလို့ ပြောရမှာ ဖြစ်တယ်။

စစ်အစိုးရအဆက်ဆက်နဲ့ လူမျိုးစုံပြည်သူတွေအကြား နှစ်ရှည်လများဖြစ်ပွားနေတဲ့ ပဋိပက္ခဟာ ဘ၀အရရော အခြေခံ အကျိုးစီးပွားအရပါ လုံးဝဆန့်ကျင်ခြားနားနေတဲ့ ပဋိပက္ခဖြစ်တယ်။ စစ်အုပ်စုအကျိုးစီးပွားကို အကာအကွယ် ပေးထား တဲ့ ၂၀၀၈ အခြေခံဥပဒေ တည်ရှိနေသရွေ့ ပြည်သူတွေရဲ့ အခြေခံအကျိုးစီးပွားဖြစ်တဲ့ ဒီမိုကရေစီရေး၊ ငြိမ်းချမ်းရေး၊ လူမျိုးတိုင်းတန်းတူသွေးစည်းရေး ဆိုတာတွေ အကောင်အထည်ပေါ်လာနိုင်စရာ လမ်းမမြင်ဘူး။

၂၀၀၈ အခြေခံဥပဒေကို အာမခံအကောင် အထည်ဖော်ရတဲ့၊ ဖော်ရမယ့် ဘယ်အစိုးရမျိုးမဆို ၂၀၀၈ အခြေခံ ဥပဒေ ကို မထိပါးတဲ့ အတိုင်းအတာအထိသာ အပေါ်ယံကျတဲ့ (လိမ်ညာမှိုင်းတိုက်ရာမှာ တစုံတရာအသုံးဝင်တဲ့) ပြုပြင် ပြောင်းလဲမှုမျိုးကိုပဲ လုပ်နိုင်မှာဖြစ်တယ်။ ဒီကိစ္စမှာ ဦးသိန်းစိန်ရုပ်သေးအစိုးရဟာ ချွင်းချက်မဟုတ်ဘူး။ ဦးသိန်းစိန် ဟာ ပုဂ္ဂိုလ်တဦးချင်းအရ ရိုးသားသူ စိတ်ကောင်းနှလုံးကောင်းရှိသူ ဖြစ်တယ်ဆိုရင်တောင်မှ ၂၀၀၈ အခြေခံဥပဒေကို စိတ်နဲ့တောင် ပြစ်မှားရဲဖို့ မလွယ်ဘူး။ တကယ်လို့ ဦးသိန်းစိန်ဟာ ၂၀၀၈ အခြေခံဥပဒေကို ထိပါးတာမျိုးလုပ်မိရင်လဲ သမတနန်းတော်ပေါ်က ခေါင်းနဲ့ဆင်းပြေးရဖို့ သေချာတယ်။

နောက်တချက်ထည့်တွက်ရမှာက စစ်အုပ်စုဝင်ဗိုလ်ချုပ်တွေဟာ သူတို့စစ်အုပ်စုအကျိုးစီးပွားနဲ့ ပတ်သက်လာရင် တဦး ချင်းဂုဏ်သိက္ခာ၊ တပ်မတော်ဂုဏ်သိက္ခာ ဆိုတာတွေကို ဘယ်တော့မှ ထည့်တွက်လေ့ မရှိဘူးဆိုတာဘဲ။ သူတို့ကိုယ် တိုင် ကျင်းပပေးခဲ့တဲ့ ၁၉၉၀ ပြည့်ရွေးကောက်ပွဲကို ငြင်းပယ်ခဲ့တာ၊ ရွေးကောက်ပွဲပြီးရင် အနိုင်ရပါတီကို အာဏာလွှဲ ပေးပြီး စစ်တန်းလျားပြန်မယ်ဆိုတဲ့ ဂတိကိုဖျက်ခဲ့တာ၊ လူထုကအသိအမှတ်ြပု ရွေးချယ်ခဲ့တဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အဖွဲ့ကိုသတ်ဖြတ်ဖို့ ကြိုးပမ်းတဲ့ ဒီပဲရင်းလူသတ်ပွဲကြီးကို ကျူးလွန်ခဲ့တာ စတာတွေဟာ ဘာ ကိုပြနေလဲ။ စစ်အုပ်စုဝင်ဗိုလ်ချုပ်တွေဟာ သူတို့အကျိုးစီးပွားအတွက်ဆိုရင် ဘယ်လောက်သိက္ခာမဲ့တဲ့ အလုပ်မျိုးကို မဆို လုပ်ဖို့ဝန်မလေးဘူး ဆိုတာကိုပြနေတာဘဲ။

လက်ရှိ ဦးသိန်းစိန်ရုပ်သေးအစိုးရဟာလဲ ၂၀၀၈ အခြေခံဥပဒေကိုမထိပါးရင် စစ်အုပ်စုအတွက် အကျိုးရှိမယ်ဆိုရင် ဘာမဆိုလုပ်မှာသာဖြစ်တယ်။ လိမ်ညာမှိုင်းတိုက်တဲ့နည်း၊ အင်အားသုံး အကြမ်းဖက်တဲ့နည်း၊ ဒီနှစ်နည်းကို အဆင်ပြေ သလို အသုံးချမှာပဲ။

ဒီကနေ့ သမတဦးသိန်းစိန် ဒေါ်အောင်ဆန်းစုကြည်နဲ့ စကားပြောတယ်ဆိုတာဟာ ဘာအာမခံချက်မှ အခိုင်အမာရှိတာ မဟုတ်ဘူး။ ပြည်တွင်းပြည်သူတွေနဲ့ နိုင်ငံတကာကို နိုင်ငံရေးအရ လိမ်ညာမှိုင်းတိုက်ဖို့ လိုအပ်လာရင် ဒီထက်မက အ ပြုသဘောလို့ထင်ရတဲ့ “အမျိုးသားပြန်လည်ရင်ကြားစေ့ရေး” တွေ့ဆုံဆွေးနွေးပွဲ၊ ပြည်တွင်း စစ်ရပ်စဲရေး “ပြည်တွင်း ငြိမ်းချမ်းရေး ဆွေးနွေးပွဲ” ဆိုတာတွေကိုလဲ လုပ်လာနိုင်သေးတာဘဲ။ ဒီနည်းနဲ့ နိုင်ငံတကာက အကောင်းမြင်လာ အောင် ဒီမိုကရေစီအင်အားစုတွေအတွင်း သွေးကွဲအောင် လုပ်လာနိုင်သေးတာဘဲ။ ဒီလို နိုင်ငံရေးအရ လိမ်ညာမှိုင်း တိုက်မှုတွေ မလိုအပ်တော့ဘူးလို့ ယူဆလာတဲ့အခါ၊ ဒါမှမဟုတ် ဒီလိုနိုင်ငံရေးကစားကွက်တွေက ကိုယ့်ရှူးကိုယ်ပတ် ဖြစ်ပြီး သူ့အတွက် အန္တရာယ်တောင်ရှိလာပြီလို့ ယူဆလာတဲ့အခါ အဲဒီဟန်ပြဆွေးနွေးပွဲတွေကို တဖတ်သတ်ဖျက်ပစ် မှာပဲ။ အတိုက်အခံတွေကိုအပြစ်ဖို့ပြီး ဖမ်းဆီးထောင်ချတာ၊ လူမျိုးစုလက်နက်ကိုင်တော်လှန် ရေးနယ်မြေတွေမှာ စစ် ဆင်ရေးတွေ တဆင့်တိုးလုပ်တာတွေ လုပ်လာမှာဘဲ။ ၁၉၆၃ ငြိမ်းချမ်းရေးဆွေးနွေးပွဲ ဖြစ်လာတာနဲ့ ပျက်သွားတာမျိုး တွေဟာ သာဓကတွေပဲ။

အတိုက်အခံနဲ့အစိုးရ တွေ့ဆုံစကားပြောတယ်ဆိုတာ မတူတဲ့ရပ်တည်ချက် အကျိုးစီးပွားတွေနဲ့ တွေ့ဆုံစကားပြော တာဖြစ်တယ်။ ဦးသိန်းစိန်နဲ့ ဒေါ်အောင်ဆန်းစုကြည် စကားပြောတယ်ဆိုတာလဲ ဒီလိုပဲဖြစ်ရမှာပဲ။ ဦးသိန်းစိန်က၂၀၀၈ အခြေခံဥပဒေ (စစ်အုပ်စုအကျိုးစီးပွား) အခြေခံပေါ်က ရပ်တည်ပြောမှာပဲ။ အပေါ်ယံအရ အမျိုးသားပြန်လည်သင့် မြတ်ရေးလို့ ဘယ်လိုပဲအော်အော်၊ ၂၀၀၈ အခြေခံဥပဒေဟာ အမျိုးသားအကျိုးစီးပွားကို ကိုယ်စားမပြု၊ စစ်အုပ်စုအ ကျိုးစီးပွားကိုသာ ကိုယ်စားပြုတာဖြစ်လို့ ဦးသိန်းစိန်အစိုးရပြောတဲ့ အမျိုးသားပြန်လည် သင့်မြတ်ရေးဆိုတာ ၂၀၀၈ အခြေခံဥပဒေအောက်မှာ ခေါင်းငုံ့ဝင်ရမယ့် သင့်မြတ်ရေးပဲ ဖြစ်လိမ့်မယ်။

ဒေါ်အောင်ဆန်းစုကြည် ဘက်ကပြောရင် NLD ရဲ့မူဖြစ်တဲ့ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေး အဖြေရှာရေးဆိုတဲ့ အခြေခံပေါ်က လှုပ်ရှားတာသာဖြစ်တယ်ဆိုတာ သံသယဖြစ်စရာ မရှိဘူး။ အခြေအနေက ခွင့်ပြု သလောက် လုပ်လို့ရတာက စလုပ်ရင်း တွေ့ဆုံဆွေးနွေးရေးတံခါးကို တွန်းဖွင့်နိုင်အောင်လုပ်မယ်ဆိုတဲ့ ခြေလှမ်း မျိုး ဖြစ်မယ်ဆိုတာလဲ ယုံမှားစရာမရှိဘူး။

ဒီလိုတွေ့ဆုံစကားပြောပွဲမျိုးမှာ ဒီမိုကရေစီအင်အားစုများအနေနဲ့က ဦးသိန်းစိန်ရုပ်သေးအစိုးရရဲ့ နိုင်ငံရေး အရလိမ် ညာမှိုင်းတိုက်မှုကို ရှင်းရှင်းလင်းလင်းဖြစ်ဖို့၊ ဒေါ်အောင်ဆန်းစုကြည်ရဲ့ ရပ်တည်ချက်နဲ့နည်းနာကို နားလည်အောင် ကြိုးစားပြီး ဘယ်လိုဝန်းရံရမယ် ဆိုတာကို လက်တွေ့ကျကျ အဖြေရှာကြဖို့ လိုပါတယ်။

သေချာတာကတော့ စစ်အုပ်စုအကျိုးစီးပွားကို ကိုယ်စားပြုတဲ့ ၂၀၀၈ အခြေခံဥပဒေအောက်မှာ ဘယ်လိုခေါင်းဆောင် မှုမျိုးကမှ ဒီမိုကရေစီရေး၊ ငြိမ်းချမ်းရေး၊ လူမျိုးတိုင်းတန်းတူသွေးစည်းရေးဆိုတဲ့ ပြည်သူ့အကျိုးစီးပွားကို အကောင်အ ထည်ဖေါ်နိုင်မှာ မဟုတ်ဘူး။ ၂၀၀၈ အခြေခံဥပဒေနေရာမှာ ဒီမိုကရေစီနည်းကျရေးဆွဲထားတဲ့ အခြေခံ ဥပဒေနဲ့ အ စားထိုးနိုင်မှသာ အကောင်အထည်ဖေါ်နိုင်မှာ ဖြစ်တယ်။

နောက်တချက်က ဒေါ်အောင်ဆန်းစုကြည်ဟာ ထက်မြတ်ပြီး အမြော်အမြင်ရှိတဲ့ ခေါင်းဆောင်မှန်ပေမဲ့ ဒီလောက်ကြီး ကျယ်တဲ့ သမိုင်းဆိုင်ရာပြဿနာကြီးတွေ (ဒီမိုကရေစီရေး၊ ငြိမ်းချမ်းရေး၊ လူမျိုးတိုင်းတန်းတူ သွေးစည်း ရေး) ကို သူ တဦးတည်းအောင်မြင်အောင် စွမ်းဆောင်ဖို့ဆိုတာ မဖြစ်နိုင်ဘူး။ NLD တပါတီတည်းနဲ့ မဖြစ်နိုင်ဘူး။

မျိုးချစ်ပြည်ချစ် တပ်မတော်တွင်းအင်အားစုများ အပါအ၀င် လက်နက်ကိုင်၊ လက်နက်မကိုင်၊ ဥပဒေတွင်း၊ ဥပဒေပ၊ လက်ဝဲ၊ လက်ျာ နိုင်ငံရေးအင်အားစုမှန်သမျှ အနိမ့်ဆုံးဘုံလုပ်ငန်းစဉ်ပေါ်မှာ စုစည်းညီညွှတ်ကြပြီး တပြည် လုံးလက္ခ ဏာဆောင်တဲ့ ပြည်သူ့အင်အားနဲ့သာ ဒီမိုကရေစီရေး၊ ငြိမ်းချမ်းရေး၊ လူမျိုးတိုင်းတန်းတူသွေးစည်းရေး ရည်မှန်းချက် တွေကို အကောင်အထည်ဖေါ်နိုင်လိမ့်မယ်လို့ ယုံကြည်ပါတယ်။

မြတ်နိုး

မူရင်း ။။ နေ့ သစ်

Friday, September 23, 2011

အောင်ဆန်း - ပင်လုံစာဖတ်ခန်းဖွင့်ပွဲ ဒေါ်အောင်ဆန်းစုကြည် တက်ရောက်

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ရန်ကုန်မြို့ သင်္ကန်းကျွန်းမြို့နယ်ရှိ အောင်ဆန်း - ပင်လုံ စာဖတ်ခန်းဖွင့်ပွဲသို့ ယနေ့နံနက် ၁၀ နာရီခန့်က သွားရောက်သည်။ 





400IMG_0208
အောင်ဆန်း - ပင်လုံ စာကြည့်တိုက်ကို ဒေါ်အောင်ဆန်းစုကြည် ဖွင့်လှစ်ပေးစဉ် (ဓာတ်ပုံ - ဧရာဝတီ)
အခမ်းအနားကို ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ် (NLD) ဒု ဥက္ကဋ္ဌ ဦးတင်ဦးတို့ တက်ရောက် ဖွင့်လှစ်ပေးပြီး ဒေါ်အောင်ဆန်းစုကြည်က မိန့်ခွန်းပြောကြားကြောင်း စာဖတ်ခန်းဖြစ်မြောက်ရေး ဦးစီးလုပ်ဆောင်ခဲ့သူ ရှေ့နေကြီး ဦးအောင်သိန်းက ပြောသည်။

“လူငယ်တွေ စာပေပိုမိုလေ့လာပြီး ခေတ်နဲ့ ရင်ဘောင်တန်းနိုင်အောင် လေ့လာဖို့ သဘောမျိုး ဒေါ်အောင်ဆန်းစုကြည်ရော၊ ဦးတင်ဦးကပါ ပြောသွားပါတယ်” ဟု ၎င်းက ဆိုသည်။

အဆိုပါ စာဖတ်ခန်းကို သင်္ကန်းကျွန်းမြို့နယ် NLDပါတီက ဖွင့်လှစ်ခြင်း ဖြစ်ပြီး အခမ်းအနားကို လူ ၅၀၀ ခန့် တက်ရောက်ကြောင်း ဦးအောင်သိန်းကပြောသည်။

အောင်ဆန်းပင်လုံ စာဖတ်ခန်း ဖွင့်လှစ်ရခြင်း ရည်ရွယ်ချက်မှာ လက်ရှိမြန်မာနိုင်ငံ၌ ကာကွယ်ရေး အသုံးစရိတ်မှာ ၂၄ ရာခိုင်နှုန်း သုံးစွဲနေသော်လည်း ပညာရေး အသုံးစရိတ်ကိုမူ ၄ ရာခိုင်နှုန်းသာ သုံးစွဲသည့်အတွက် ပညာရေးပိုင်းတွင် အားနည်း နေကြောင်း၊ ထို့ကြောင့် စာဖတ်ခန်းဖွင့်လှစ်၍ လူငယ်များ ပညာဗဟုသုတပိုင်းတွင် တိုးတက်စေရန် တတ်စွမ်းသမျှ ဆောင်ရွက် ရခြင်းဖြစ်ကြောင်း ဦးအောင်သိန်းက ဆက်လက်ရှင်းပြသည်။

ယခုစာဖတ်ခန်းတွင် ကျန်းမာရေး၊ ဘာသာရေး၊ ပညာရေး၊ ကလေးစာပေ၊ နိုင်ငံတကာ၊ သမိုင်းအထောက် အထားနှင့် ပတ်သက် သည့် စာပေါင်း ၂၀၀၀ ကျော် လက်ခံရရှိ ထားသည့်အပြင် အင်တာနက်မှ တဆင့် ရှာဖွေဖတ်ရှုနိုင်သည့် အွန်လိုင်းစာကြည့်တိုက် လည်းပါဝင်သည်ဟု သိရသည်။

ပြီးခဲ့သည့် သြဂုတ်လအတွင်းကလည်း ပဲခူးမြို့၌ အောင်ဆန်းဂျာမွန်း စာဖတ်ခန်းကိုလည်း ဒေါ်အောင်ဆန်းစုကြည် ကိုယ်တိုင် ဖွင့် လှစ်ပေးခဲ့သည်။

မြန်မာနိုင်ငံ၌ စာပေလေ့လာသည့် ယဉ်ကျေးမှု ထွန်းကားခဲ့သော်လည်း ၁၉၈၈ ခုနှစ်နောက်ပိုင်း စစ်အစိုးရ အာဏာရရှိချိန်တွင် လက်ဝဲ စာပေ လေ့လာမှုများ ရှိသည်ဟု စွပ်စွဲကာ စာကြည့်တိုက်အသစ်များ ဖွင့်လှစ်ခြင်း၊ စာပေဟောပြောပွဲများ ပိတ်ပင်ခြင်းတို့ကို ပြုလုပ်ခဲ့သည်။

နောက်ပိုင်းတွင် ပြန်ကြားရေး ၀န်ကြီးဌာနမှ ဦးစီးပြီး (ပြန်/ဆက်) စာကြည့်တိုက်များကို ထူထောင်ကာ အစိုးရ၏ ၀ါဒဖြန့် စာပေ များကိုသာ လေ့လာစေခဲ့သည်။

မူရင်း။ ။ဧရာဝတီ

ဒေါ်အောင်ဆန်းစုကြည်ကို နိုင်ငံတကာ ဆက်ဆံရေးဆု ချီးမြှင့်

ဗြိတိန်နိုင်ငံ အခြေစိုက် The Royal Institute of International Affairs နိုင်ငံတကာ ရေးရာ တော်ဝင်အသင်းက နှစ်စဉ် ချီးမြှင့်နေတဲ့ Chatham House Prize ခေါ် နိုင်ငံတကာ ဆက်ဆံရေး ဂုဏ်ပြုဆု အတွက် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ရွေးချယ်လိုက်ကြောင်း မနေ့က ကြေညာလိုက်ပါတယ်။

Chatham House

ဗြိတိန်နိုင်ငံ အခြေစိုက် The Royal Institute of International Affairs နိုင်ငံတကာ ရေးရာ တော်ဝင်အသင်းက နှစ်စဉ် ချီးမြှင့်နေတဲ့ Chatham House Prize ခေါ် နိုင်ငံတကာ ဆက်ဆံရေး ဂုဏ်ပြုဆု ဖြစ်ပါသည်။

မြန်မာနိုင်ငံမှာ ဒီမိုကရေစီစနစ် ဖေါ်ဆောင်ရေး အတွက် အကြမ်းမဖက် လမ်းစဉ်နဲ့ တစိုက်မတ်မတ် ဦးဆောင်နေတဲ့ ဒေါ်အောင်ဆန်းစုကြည်ဟာ နိုင်ငံတကာမှာ ဒီမိုကရေစီနဲ့ တာဝန်သိတဲ့ အစိုးရတွေ ပေါ်ပေါက်ဖို့ လှုပ်ရှားနေကြသူတွေ အတွက် သြဇာ ကြီးမားတဲ့ စံပြပုဂ္ဂိုလ် ဖြစ်ပါတယ်လို့ Chatham House ညွန်ကြားရေးမှုး Robin Niblett က ပြောပါတယ်။ NLD ဒုတိယ ဥက္ကဌ ဦးတင်ဦးကလည်း ဒေါ်အောင်ဆန်းစုကြည်ရဲ့ သတ္တိ၊ ဇွဲ၊ ကိုယ်ကျိုးစွန့်မှု၊ ညီညွတ်ရေး ကြိုးပမ်းမှုတွေဟာ မြန်မာပြည်သူတွေ တင်မက ကမ္ဘာ့ပြည်သူတွေရဲ့ နှလုံးသားထဲအထိ စွဲဝင်နေကြတယ် ဆိုတာ အခုလို ဆုတွေ ချီးမြှင့်နေတာက သက်သေပြနေတာမို့ မြန်မာပြည်သူ တစ်ယောက် အနေနဲ့ နှစ်ထောင်းအားရ ဖြစ်ရပါတယ်လို့ ပြောဆိုခဲ့ပါတယ်။ ဒီဆုကို လက်ခံရရှိတဲ့ အတွက် နိုင်ငံတနိုင်ငံရဲ့ အရေးကိစ္စဟာ နိုင်ငံတကာနဲ့ပါ သက်ဆိုင်နေတယ် ဆိုတဲ့ ပေါင်းကူး ဆက်စပ်မှုကို သတိပေးလိုက်တာ ဖြစ်တယ်လို့ ဒေါ်အောင်ဆန်းစုကြည်က ပြောပါတယ်။ နိုင်ငံတကာရဲ့ အရေးစိုက်ခံရတာက မြန်မာ့ ဒီမိုကရေစီရေး လှုပ်ရှားမှုကို ကူညီအားပေးရာ ရောက်သလို ဒီလှုပ်ရှားမှုဟာ ငြိမ်းချမ်းရေးနဲ့ လွတ်လပ်ရေး အတွက် လူသားအားလုံးရဲ့ ဆန္ဒကို အထောက်အကူ ဖြစ်စေပါတယ်လို့ ဒေါ်အောင်ဆန်းစုကြည် ပြောဆိုကြောင်း Chatham House ရဲ့ ကြေညာချက်မှာ ဖေါ်ပြထားပါတယ်။ နိုင်ငံတကာ ဆက်ဆံရေးဆု ချီးမြှင့်မယ့် အခမ်းအနားကို လာမယ့် ဒီဇင်ဘာလ (၁) ရက်မှာ ကျင်းပမှာဖြစ်ပြီး ဒေါ်အောင်ဆန်းစုကြည် ကိုယ်စား အမေရိကန် နိုင်ငံခြားရေး ၀န်ကြီးဟောင်း Madeleine Albright က လက်ခံရယူမှာ ဖြစ်ပါတယ်။ ဒီဆုကို မနှစ်က တူရကီ သမ္မတကို ပေးအပ် ချီးမြှင့်ခဲ့ပါတယ်။

မူရင်း။။ RFA

တရုပ်က မြန်မာ ကိုကျုးကျော်သိမ်းပိုက်ထားပြီလော


မနေ့က(၂၀.၉.၂၀၁၁ရက်နေ့) ကြားလိုက်ရတဲ့ သတင်းတစ်ပုဒ်ကြောင့် စိတ်လည်းမကောင်း၊ခံလည်း ခံပြင်းတာကြောင့်ဒီ ပို့စ်ကိုတင်လိုက်ပါတယ်၊ဖြစ်ပုံကဒီလိုပါ၊မနေ့က ဗန်းမော်က ထွက်လာတဲ့ ခရီးသည်တင်ရှပ်ပြေးရေယာဉ်ဟာ ရွှေကူ၊ကသာ၊ထီးချိုင့်တွေ ကျော်လာပြီး မောင်းကုန်းဆိုတဲ့ ရွာ ကိုရောက်ပါတယ်၊အဲဒီမှာ ရှပ်ပြေးရေယာဉ်ပန်ကာပြုတ်ပြီးဧရာဝတီမြစ် ထဲက ရေစုတ်တင်နေတဲ့ရေပိုက်ခေါင်းတစ်ခုကို ၀င်တိုက်မိပါတယ်၊ရေပိုက်ခေါင်းကြီးဟာ ဘာမှ အပျက်အဆီး မရှိပေမယ် ရှပ်ပြေးရေယာဉ်ရဲ့ နံရံတွေကတော့ ပိန့်ရှုံ့သွားပါတယ်၊အဲဒီအချိန်မှာ မောင်းကုန်းရွာထဲမှာရှိနေတဲ့ တရုတ်လူမျိုးတွေအများကြီး ထွက်လာပြီး ရှပ်ပြေးရေယာဉ်ကိုပြသနာရှာပါတယ်၊အံ့သြစရာက ပြသနာလာရှာတဲ့တရုတ်တွေထဲမှာ တရုတ်ရဲ ယူနီဖေါင်းဝတ်ထားတဲ့သူတွေလည်း ပါတယ်လို့ဆိုပါတယ်၊နောက်ဆုံး ရှပ်ပြေးယာဉ်ပေါ် ခရီးသည်အဖြစ်ပါလာတဲ့ ခရိုင်အဆင့် ဌာနဆိုင်ရာအရာရှိတွေက တရုတ်ခေါင်းဆောင်တွေကို သွားတောင်းပန်မှ ရှပ်ပြေးရေယာဉ်ကိုဆက်လက် ထွက်ခွာခွင့်ပြုပါသတဲ့၊ဒါနဲ့ ဒီတရုတ်တွေ မြန်မာနိုင်ငံအလယ်ပိုင်းလောက်အထိ ထုနဲ့ထည်နဲ့ ဘာကြောင့်ရောက်ရှိနေတာလဲလို့စုံစမ်းတော့ ဒီလိုပါတဲ့၊ကသာခရိုင် ထီးချိုင့်မြို့နယ် မောင်းကုန်းရွာမှာ တရုတ်တွေက သတ္တုရှာဖွေရေးအမည်ခံပြီး ကုမ္မဏီလာဖွင့်ပါသတဲ့၊တရုတ်ပေါင်းများစွာလည်းပါလာပြီး စက်ရုံဝင်းကြီး တစ်ဝင်းတည်ဆောက်ပါတယ်တဲ့၊စက်ရုံဝင်းကြီး ဘယ်လောက်ကျယ်သလဲဆိုတော့ ရွာခံတွေရဲ့လယ်မြေတွေကို အကုန်သိမ်းလိုက်တဲ့အထိ ကျယ်ပါသတဲ့၊ဒေသခံမြန်မာလယ်သမားတွေကို လျှော်ကြေးတစ်ဧက ၅သောင်းပဲပေးပြီး သိမ်းယူပါသတဲ့၊လယ်သမားတွေက မကျေနပ်လို့ တရုတ်လူကြီးတွေကို သွားတောင်းပန်တော့(မြန်မာနိုင်ငံရောက်တဲ့ တရုတ်တွေကို မြန်မာစစ်စစ်တွေက အသနားခံတာနော်.ရင်နာစရာဘယ်လောက်ကောင်းသလဲ)ခင်ဗျားတိုကလယ်မြေတွေကို ၅သောင်းပေးတာတောင်ကျေးဇူးတင်ပါ၊အစိုးရက လယ်မြေတွေကိုပိုင်တာ ခင်ဗျားတို့လယ်ကို ခင်ဗျားတို့မပိုင်ဘူး၊အလကား မသိမ်းတာတောင်ကျေးဇူးတင် လို့ပြန်ပြောတယ်လို့ ရှပ်ပြေးပေါ်ပါလာတဲ့ မောင်းကုန်းရွာက ဒေသခံ လယ်သမားတစ်ဦးကပြောပါတယ်၊ပိုပြီး ရင်နာစရာကောင်းတာက အဲဒီ တရုတ်စက်ရုံဝင်းအတွင်းမှာ မြန်မာနိုင်ငံအရပ်ရပ်က မြန်မာမိန်းကလေး ငယ်ငယ်နုနုလှလှရွရွတွေအများကြီးအလုပ်လုပ်နေကြတယ်တဲ့၊ဘာအလုပ်မှန်း မသိပေမယ့်တစ်လကို ၅သိန်းကနေ ၁၀သိန်းအထိပေးလို့.မန္တလေးကာရာအိုကေက ကလေးမလေးတွေတောင် စက်ရုံဝင်းထဲရောက်ရှိ အလုပ်လုပ်ကိုင်နေကြတယ်တဲ့၊ရွာခံတွေအနေနဲ့ တရုတ်တွေရဲ့ အနိုင်ကျင့်မှုတွေလည်း ခံရတယ်တဲ့၊ဒီတော့ နိုင်ငံနဲ့ လူမျိုးကို အသက်ပေးချစ်တယ်ဆိုတဲ့လူကြီးမင်းများကို အသနားခံတောင်းပန်ပါရစေ၊မြန်မာလူထုရဲ့ဒီဒုက္ခတွေကို ကယ်တင်ပေးကြပါဦးလို့...


ဟာဂျူလီ(ကသာ)face book မှ...

Thursday, September 22, 2011

ဒေါ်အောင်ဆန်းစုကြည်က Skype မှတဆင့် အစည်းအဝေးတက်ရောက်

http://3.bp.blogspot.com/-R5nFuErshwE/TnqWCoUwxeI/AAAAAAAAA3g/OQg5xJtniuQ/s1600/6169098355_1589e161e5_b.jpg

NLD ခေါင်းဆောင် ဒေါ်အောင်ဆန်းစုကြည်က ရန်ကုန်မြို့တွင် Skype အသုံးပြုပြီး နိုင်ငံရေး၊ စီးပွားရေး ခေါင်းဆောင်များတက်ရောက်သည့် နယူးယောက်မြို့ အစည်းအဝေးတွင် တိုက်ရိုက် စကားပြောခဲ့သည်။ အမေရိကန် သမ္မတဟောင်း တဦး တည်ထောင်ထားသည့် Clinton Global Initiative (CGI) အစည်းအဝေးတွင် ယမန်နေ့က ပြောခဲ့ခြင်း ဖြစ်သည်။

Skype သည် နိုင်ငံတကာသို့ တယ်လီဖုန်းပြောဆိုနိုင်သည့် အင်တာနက် စာမျက်နှာဖြစ်သည်။ အသုံးပြုသူတို့၏ ကွန်ပျူတာတွင် ကင်မရာတပ်ဆင်ထားပါက တဘက်နှင့်တဘက် မြင်တွေ့ကြရမည် ဖြစ်သည်။

ဈေးသက်သာပြီး ရုပ်မြင်ရသဖြင့် အင်တာနက်နှင့်ကျွမ်းဝင်သောသူတို့က မြန်မာပြည်တွင် သုံးလာကြသဖြင့် မြန်မာ့ဆက်သွယ်ရေးလုပ်ငန်း၏၀င်ငွေပင် ထိခိုက်လာသည်ဟု သိရသည်။

ထို့ကြောင့် မြန်မာပြည်တွင် Skype အသုံးပြုမှုကို တားမြစ်ကြောင်း မြန်မာ့ဆက်သွယ်ရေးဌာနက နှစ်ဆန်းပိုင်းတွင် ကြေညာချက် ထုတ်ပြန်ထားသည်။

ယမန်နေ့က အစည်းအဝေးခန်းမရှိ ပိတ်ကားပေါ်တွင် ဒေါ်အောင်ဆန်းစုကြည်ပေါ်လာသောအခါ အစည်းအဝေးတက်ရောက်သူတို့က ခေတ္တ မတ်တပ်ရပ်၊ လက်ခုပ်တီးပြီး ကြိုဆိုကြသည်ကို တွေ့ရသည်။

CGI ၀က်ဆိုက်တွင် အစည်းအဝေးအတွင်း ဒေါ်အောင်ဆန်းစုကြည်၏ တိုက်ရိုက်ပါဝင် ဆွေးနွေးမှုကို ကြည့်ရှု နားဆင်နိုင်သည်

http://www.clintonglobalinitiative.org/ourmeetings/2011/meeting_annual_multimedia_player.asp?id=40&Section=OurMeetings&PageTitle=Multimedia

အမေရိကန်စာနယ်ဇင်းသမား Charlie Rose, နိုဘယ်ငြိမ်းချမ်းရေးဆုရှင် ဒက်စမွန်တူးတူး တို့က ပရိသတ်ရှေ့တွင် ဒေါ်အောင်ဆန်းစုကြည်နှင့် ဆွေးနွေးပြောဆိုကြခြင်း ဖြစ်သည်။

"ဘယ်ခရီးမဆို တဆင့်ချင်း သွားရမှာပဲ။ ပြောရမယ်ဆိုရင် ဒီမိုကရေစီလှုပ်ရှားမှုထဲ ၀င်လာခါစတုန်းကတော့ ကျမဘ၀ တခုလုံးကို ဒီထဲမှာ မြှုပ်နှံထားရလိမ့်မယ်လို့ မထင်ခဲ့မိဘူး" ဟု ဒေါ်အောင်ဆန်းစုကြည်က ဆိုသည်။

ယခု အစည်းအဝေးသို့ အင်တာနက်ရုပ်သံမှတဆင့် ပါဝင်နိုင်ခွင့်၊ မကြာသေးခင်က စာနယ်ဇင်းသမားတို့နှင့် တွေ့ဆုံနိုင်မှု၊ အစိုးရနှင့် စကားပြောဆိုနိုင်မှု တို့က တိုးတက်ဖြစ်ထွန်းမှုများဖြစ်သည်ဟုလည်း ပြောလိုက်သည်။

"ဒါမျိုးတွေ အရင်က မရှိခဲ့ဖူးဘူး။ ဒါဟာ ကျမတို့အတွက် တိုးတက်ဖြစ်ထွန်းမှုတွေပဲ။ ဒါပေမယ့် ဒီထက်မက ကျမတို့ လိုအပ်နေပါသေးတယ်" ဟု ဆိုသည်။

ဤအတောအတွင်း လှုပ်ရှားမှုအတွင်း လူငယ်အများအပြား၏ ထောက်ခံမှုကို ပိုမို ရရှိနေသည်ဟု ဆိုသည်။

အာရပ်နိုင်ငံလူငယ်များက အင်တာနက်လူမှုကွန်ရက်များသုံးပြီး အစိုးရဖြုတ်ချရေးလုပ်သကဲ့သို့ မြန်မာလူငယ်များက လုပ်နိုင်ချေရှိမရှိကိုလည်း Charlie Rose က ဒေါ်အောင်ဆန်းစုကြည်ကို မေးမြန်းခဲ့သည်။

"ဒီမှာရှိတဲ့ အင်တာနက်လူမှုကွန်ရက်အခြေအနေက အာရပ်နိုင်ငံတွေလိုမျိုး မဟုတ်သေးဘူး" ဟု ဒေါ်အောင်ဆန်းစုကြည်က ပြန်ဖြေခဲ့သည်။

Skype မှ ပေါ်လာသော ဒေါ်အောင်ဆန်းစုကြည်၏ အသံမှာ မကြာခဏ ပြတ်တောက်သွားသည်။

အင်တာနက်မြန်နှုန်းပုံမှန်ရှိပါက Skype သည် အသံကြည်လင်မှုအပြည့်အ၀ ရှိသည်။

မိုးမခ မှ ကူးယူဖေါ်ပြပါသည်။

ရန်ကုန်မြို့ တရုတ်သံရုံးရှေ့  တစ်ကိုယ်တော်ဆန္ဒပြသမားနဲ့ နောက်ဆက်တွဲများ...

ရန်ကုန်မြို့ ပြည်ထောင်စု ရိပ်သာလမ်းက တရုတ်သံရုံး..ရန်ကုန်မြို့ တရုတ်သံရုံးရှေ့ 

တစ်ကိုယ်တော်ဆန္ဒပြသမားနဲ့ နောက်ဆက်တွဲများ...
(သတင်းရေးသားသူ ကိုအောင်မျိုးထွန်း)

ရန်ကုန်တရုတ်သံရုံးရှေ့မှာ မြစ်ဆုံဆည်စီမံကိန်း ရပ်ဆိုင်းပေးဖို့ ဆန္ဒပြကြမယ် ဆိုတဲ့သတင်းဟာ ကောလဟာလ မဟုတ်ဘဲ အမှန်တကယ် ဖြစ်ပေါ်ခဲ့ကြောင်း သိရှိရပါတယ်။ မနေ့က(၂၀- ၉- ၂၀၁၁)၊ နေ့လည် ၁း ၃၀ နာရီ ခန့်က ရန်ကုန်တိုင်းဒေသကြီး၊ ဒဂုံမြို့နယ်၊ အမှတ် (၉၄)၊ ခရေပင်လမ်းမှာ ရုံးစိုက်ထားတဲ့ ပြည်ထောင်စု မြန်မာနိုင်ငံဆိုင်ရာ တရုတ်ပြန်ကြားရေးရုံးရှေ့မှာ တစ်ကိုယ်တော် ဆန္ဒပြမှုတစ်ခု ဖြစ်ပေါ်ခဲ့ပါတယ်။

ဆန္ဒပြသူဟာ ရိုးရိုးသာမန်ရှပ်အင်္ကျီ ၀တ်ဆင်ထားပြီး လက်ထဲမှာ ၂ ပေ ပတ်လည်ခန့် ရှိတဲ့ ဆိုင်းဘုတ်ကို
ကိုင်ဆောင်ပြီး နိုင်ငံသားတစ်ယောက်ရဲ့ ဆန္ဒကို ဖော်ထုတ်ခဲ့ပါတယ်။ STOP IRRAWADDY ELECTRONIC PROJECT ဆိုတဲ့ စာနဲ့  မြန်မာလို “ဧရာဝတီလျှပ်စစ်စီမံကိန်းရပ်ဆိုင်းပေးပါ” စာသားပါတဲ့ သူ့ ရင်ထဲက ဆန္ဒကို ပွင့်ပွင့်လင်းလင်း ရေးသားပြီး တရုတ်ကုမ္မဏီတစ်ခုရဲ့ ပါဝင်ပတ်သက် နေမှုအပေါ် မကျေမနပ်ဖြစ်ရာက တရုတ်ပြန်ကြားရေးရုံးရှေ့ကို လာရောက်ပြီး နှစ်နိုင်ငံတာဝန်ရှိသူတို့ အပြင်မြန်မာပြည်သူတွေ သိရှိရန် ရိုးသားစွာ ဆန္ဒပြခြင်း ဖြစ်ပါတယ်။ အဆိုပါ တစ်ကိုယ်တော်ဆန္ဒပြသူဟာ အသက် (၄၆) နှစ်ခန့် ရှိပြီး မလေးရှားနိုင်ငံရှိ မြန်မာသံရုံးမှ တစ်ဆင့် ရန်ကုန်မြို့ကို လွန်ခဲ့တဲ့ တစ်နှစ်ကျော်က ပြန်လည်ရောက်ရှိခဲ့သူပါ။ မလေးရှားနိုင်ငံမှာ နိုင်ငံရေးဒုက္ခသည် အဖြစ် ရပ်တည်နေထိုင်လာခဲ့ပြီး အမေရိကန်နိုင်ငံသို့ သွားရောက်ရန် ဗီဇာရရှိခဲ့သူ တစ်ဦးဖြစ်ပါတယ်။ အမေရိကန်သို့ သွားရောက်ရေးဟာ အကြောင်း မညီညွတ်မှုများကြောင့် ပျက်ပြားသွားခဲ့ရတယ်လို့ သိရပါတယ်။

အဆိုပါ ဆန္ဒပြသမား ကိုအောင်သိန်းလှ (ခေါ်) ကိုကျော်ဝင်းဟာ ကွာလာလမ်ပူမြို့မှ ရန်ကုန်သို့ ပြန်ရောက်ပြီးနောက်ပိုင်းမှာ တောင်ဥက္ကလာပမှာရှိတဲ့ မိသားစုနဲ့  သိပ်စကားမပြောတော့ဘဲ တစ်စုံတစ်ခုကို အမြဲတွေးတော စဉ်းစားနေတတ်သူလို့ စုံစမ်းသိရှိရပါတယ်။ သူဆန္ဒပြပြီး မကြာခင် တိုင်းရဲ အနောက်ပိုင်းခရိုင်ရုံးက ဖမ်းဆီးခေါ်ဆောင်သွားခဲ့ပြီး လိုအပ်တဲ့ စစ်ဆေးမှု များကို ဆောင်ရွက်တဲ့အခါ ကိုအောင်သိန်းလှအနေနဲ့  သူ့ ရဲ့  ကိုယ်ရေးရာဇ၀င်ကိုသာ ထုတ်ဖော်ပြောဆိုပြီး မြစ်ဆုံစီမံကိန်းရပ်တန့်ဖို့ သူတောင်းဆိုတဲ့ကိစ္စနဲ့ ပတ်သက်လို့  ဘာကိုမှ ထုတ်ဖော်မပြောဘဲ ၀စီပိတ် နေတယ်လို့  သိရပါတယ်။

ယခုအခါ သူ့ကို ဘယ်ပုံဘယ်နည်း ဆက်လက် ကိုင်တွယ်ရမယ်ဆိုတာ အထက်အဆင့်ဆင့်ကို တင်ပြတာဝန်ခံ ခိုင်းထားတယ်လို့သိရပါတယ်။ ကိုအောင်သိန်းလှဟာ မိမိဆန္ဒကို ရိုးသားစွာ ထုတ်ဖော်ဆန္ဒပြသူဖြစ်ပြီး သူ့ရဲ့နောက်ကွယ်မှာ နိုင်ငံရေးအဖွဲ့အစည်းများ ပါဝင်ခြင်း ရှိနိုင်ချေ နည်းပါးတယ်လို့  သိရပါတယ်။

သူဟာ မြန်မာပြည်မှာ စီးပွားလာရှာတဲ့ တရုတ်နိုင်ငံ ကုမ္မဏီကြီးတစ်ခုကို မကျေနပ်ကြောင်း ထင်ထင်ရှားရှား ဆန္ဒပြတဲ့ ပထမဆုံး တစ်ကိုယ်တော်ဆန္ဒပြသမားအဖြစ် မှတ်တမ်းတင်နိုင်ခဲ့ပါတယ်။ ပြည်တွင်းက နိုင်ငံရေးအကဲခတ်များနဲ့ ပြည်ပအခြေစိုက်သတင်းသမားများအပါအ၀င် မြန်မာ့နိုင်ငံရေး စိတ်ဝင်စားသူများ၊ မြစ်ဆုံစီမံကိန်း ရပ်တန့်စေလိုသူများက ကိုအောင်သိန်းလှရဲ့ တစ်ကိုယ်တော်ဆန္ဒပြမှု အပေါ် လက်ရှိ အစိုးရဘက်က ဘယ်လို ကိုင်တွယ် ဆောင်ရွက်မလဲဆိုတာ အနီးကပ် စောင့်ကြည့်နေကြပါတယ်။

ဒီမိုကရေစီရေး၊ နိုင်ငံသားအခွင့်အရေး အပြည့်အ၀ရရှိစေမယ်လို့ ၂၀၀၈ ဖွဲ့စည်းပုံအရ အာမခံချက်ပေးထားတဲ့ ကြံ့ခိုင်ရေးပါတီအစိုးရအနေနဲ့ ကိုအောင်သိန်းလှကို ပြန်လွှတ်ပေးမလား၊ ဆက်လက် ဖမ်းဆီးထားပြီး ဥပဒေတစ်ခုခု အကြောင်းပြပြီး တရားစွဲ ထောင်ချပစ်မလားဆိုတာ မြန်မာပြည်သူအားလုံးက စိတ်ဝင်တစား ရှိနေကြ ပြီး နေပြည်တော်လွှတ်တော်တွင်းက ဦးဌေးဦး ခေါင်းဆောင်တဲ့ “ဒီမိုကရေစီရေးကော်မတီ” နဲ့မကြာမီကမှ ဖွဲ့စည်းလိုက်တဲ့ အငြိမ်းစား ၀န်ထမ်းကြီးများပါဝင်တဲ့ “လူ့အခွင့်အရေးကော်မရှင်” တို့ရဲ့ လုပ်ပိုင်ခွင့်နဲ့ ဆောင်ရွက်ချက် အလားအလာတွေကို “ကိုအောင်သိန်းလှအရေး”က ကြီးစွာသော စမ်းသပ်စိန်ခေါ်မှုတစ်ခု ဖြစ်နိုင်တယ်လို့ ဝေဖန်ပြောဆိုနေကြပါတယ်။

လွန်ခဲ့တဲ့ လပိုင်းများကလည်း ကိုနေမျိုးဝေ အပါအ၀င် လူ ၄ ဦး တို့ရဲ့ ရန်ကုန်မြို့တော်ခန်းမရှေ့မှာ ဆန္ဒပြလိုကြောင်း ရန်ကုန်တိုင်းဒေသကြီး အစိုးရထံ လမ်းညွှန်ချက်တောင်းခံခဲ့မှုရှိခဲ့ပြီး ၂၀၀၈ ဖွဲ့ စည်းပုံအရ
လွတ်လပ်စွာ ဆန္ဒထုတ်ဖော်ခွင့် ပါရှိသော်ငြား ဥပဒေ၊ နည်းဥပဒေများ နောက်ဆက်တွဲ ထုတ်ပြန်ရန် ရှိသေး၍ ထိုဆန္ဒပြလိုခြင်းကို နောက်ဆုတ် ရွှေ့ဆိုင်းထားပေးရန် တာဝန်ရှိအာဏာပိုင်များက မေတ္တာရပ်ခံခဲ့ကြောင်း သိရှိရပါတယ်။

ဒီမိုကရေစီနိုင်ငံနှင့် ဒီမိုကရေစီစနစ်သို့ ဦးတည်အကောင်အထည်ဖော်ရာမှာ နိုင်ငံသားတစ်ဦးချင်းစီရဲ့ ဆန္ဒပြဆို ထုတ်ဖော်နိုင်ခွင့်ဟာ မဖြစ်မနေ ပေးအပ်ခွင့်ပြုရမယ့် အခြေခံလူ့ အခွင့်အရေးတစ်ခုအဖြစ် ရှုမြင်
သုံးသပ်ကြပြီး လက်ရှိအုပ်ချုပ်သူ အစိုးရအနေနဲ့ မြန်မာနိုင်ငံသားတို့ရဲ့ လူသားဘ၀ အခြေခံရပိုင်ခွင့် တစ်ခုကို ဥပဒေ၊ နည်းဥပဒေများ ချမှတ်ရေးဆွဲပြီး တုန့်ဆိုင်းဖင့်နှေးခြင်းမရှိ အမြန်ဆုံး ထုတ်ပြန်ဆောင်ရွက်ပေးရန် အရေးတကြီး လိုအပ်နေပြီဖြစ်ကြောင်း ဒီမိုကရေစီဘက်တော်သားများမှ တညီတညွတ်တည်း မှတ်ချက်ပေးကြကြောင်း သိရှိရပါတယ်။

အောင်မျိုးထွန်းLink
ဒီမိုဝေယံ မှကူးယူဖေါ်ပြပေးပါသည်။