နိုင်ငံတော်ဖွဲ့စည်းပုံ အခြေခံဥပဒေ ဆိုင်ရာခုံရုံး ဥက္ကဋ္ဌ နဲ့ အဖွဲ့ဝင်တွေ သြဂုတ်လ ၂၁ ရက်နောက်ဆုံးထားပြီး ရာထူးက နုတ်ထွက်ပေးဖို့ နိုင်ငံတော် သမ္မတထံတင်ပြမယ်လို့ ပြည်သူ့လွှတ်တော်ဥက္ကဌ သူရဦးရွှေမန်းက ဒီကနေ့ ပြောကြားလိုက်ပါတယ်။လွှတ်တော်တွေကဖွဲ့စည်းခဲ့တဲ့ ကော်မတီတွေရဲ့ အဆင့် ဟာ ပြည်ထောင်စုအဆင့်မဟုတ်ဟု နိုင်ငံတော် ဖွဲ့စည်းပုံ အခြေခံဥပဒေ ဆိုင်ရာ ခုံရုံးက ဆုံးဖြတ်ခဲ့တာ...
ဟာ ဥပဒေနဲ့မညီတဲ့အတွက် အရေးယူဆောင်ရွက်ပေးဖို့ ဒေါ်အောင်ဆန်းစုကြည် အပါအ၀င် လွှတ်တော် ကိုယ်စားလှယ် ၃၀၁ ဦးက စုပေါင်း လက်မှတ် ရေးထိုးတင်ပြချက်ကို ပြည်သူ့လွှတ်တော်က ဒီကနေ့ အတည်ပြုလိုက်ကြောင်း NLD ပြည်သူ့လွှတ်တော်ကိုယ်စားလှယ် ဦးအုန်းကြိုင်က ပြောပါတယ်။
အခြေခံဥပဒေခုံရုံးကို စွပ်စွဲပြစ်တင်ရန် အဲဒီလို လက်မှတ်ထိုးကြတဲ့ သူတွေထဲမှာ တပ်မတော်သား လွှတ်တော်ကိုယ်စားလှယ်အများအပြားလည်း ပါဝင်တယ်လို့သိရပါတယ်။
ဒီအတောအတွင်း ဒေါ်အောင်ဆန်းစုကြည်ဟာ လွှတ်တော်အစည်းအဝေး ခေတ္တရပ်နားချိန်မှာ တိုင်းရင်းသား အမျိုးသမီးလွှတ်တော်ကိုယ်စားလှယ် ၁၈ ဦးနဲ့ ဒီကနေ့ နေ့လည်စာ အတူ သုံးဆောင်ခဲ့ကြောင်း သိရပါတယ်။
လွှတ်တော်က ထမင်းစားဆောင်မှာ တိုင်းရင်းသားအစားအသောက်တွေအပါအဝင် ကိုယ်တိုင်ချက်ဟင်းတွေနဲ့ မိမိတုိ့အတူတကွ သုံးဆောင်ခဲ့ကြကြောင်း ၊ ရှမ်းပြည်နယ် တောင်ကြီးမဲဆန္ဒနယ်မြေ NLDပါတီ ပြည်သူ့လွှတ်တော်ကိုယ်စားလှယ် ဒေါက်တာဒေါ်သန်းငွေက ပြောပါတယ်။
သတင်းထောက်တွေက လွတ်တော်တက်ရောက်လာတဲ့ ဒေါ်အောင်ဆန်းစုကြည်ကို သမ္မတ ဦးသိန်းစိန် နဲ့ တနင်္ဂနွေနေ့ နောက်ဆုံးတွေ့ဆုံမှုအကြောင်း မေးမြန်းခဲ့ရာမှာ အလွတ်သဘောတွေ့ဆုံမှုသာဖြစ်ကြောင်း သမ္မတနဲ့ ဆက်ဆံရေးမှာ အရင်ကထက် တိုးတက်မှုရှိလာကြောင်းပြန်လည်းဖြေကြားတယ်လို့လည်း သိရပါတယ်။
RFA Burmese
RFA Burmese
0 ယောက် အကြံပြုထားပါသည်:
Post a Comment