ဒေါ်အောင်ဆန်းစုကြည်အပေါ် တပ်မတော်သားတွေ ရင်ထဲက တုန့်ပြန်သံများ - အပိုင်း (၁)

ဒေါ်အောင်ဆန်းစုကြည်နှင့် တောင်ကိုးရီုးယားနိုင်ငံရဲ့ ပထမဆုံး အမျိုးသမီး သမ္မတအဖြစ် ရွေးကောက်ခံထားရသူ ပက်ဂွန်ဟေး

ယခုတလော ဒေါ်အောင်ဆန်းစုကြည်ရဲ့ နိုင်ငံခြားခရီးစဉ်တွေမှာ တပ်မတော်နဲ့စပ်လျဉ်းပြီး ထူးခြားတဲ့ သံတမန်ရေးရာ စကားလုံးထိုးစစ်များကို မြင်ရ၊ ကြားနေရပါတယ်။ အဲဒါကတော့ တောင်ကိုးရီးယားနိုင်ငံကို သွားရောက်လည်ပတ်ခဲ့တုန်းက ဒေါ်အောင်ဆန်းစုကြည်ဟာ ၂၀၀၈ ခုနှစ် ဖွဲ့စည်းပုံ အခြေခံဥပဒေကို ပြင်ဆင်ရေးအတွက် တပ်မတော်နှင့် လက်တွဲ လုပ်ဆောင်သွားမည်ဖြစ်ပြီး သတ္တိရှိသည့် တပ်မတော်သားများ လိုအပ်ကြောင်း၊ တပ်မတော်နှင့်လက်တွဲ ဆောင်ရွက်သွားမယ်လို့ ဆိုခဲ့ပါတယ်။ ဘီဘီစီ ရေဒီယို ၄ ရဲ့ Desert Island Discs ထုတ်လွှင့်တဲ့ ရေဒီယို အစီအစဉ်တစ်ခုမှာ တပ်မတော်ကို ဒေါ်စုက မေတ္တာထားဆဲ ဖြစ်တယ်လို့ ဆိုပါတယ်။ မြန်မာစစ်တပ်ဟာ တိုင်းပြည်အပေါ် အင်မတန် ဆိုးဝါးတဲ့ လုပ်ဆောင်မှုတွေ ပြုလုပ်ခဲ့ပေမဲ့လည်း ဒီစစ်တပ်ဟာ သူ့ဖခင် တည်ထောင်ခဲ့တဲ့ တပ်မတော်အဖြစ် မှတ်ယူထားဆဲဖြစ်ပြီး စစ်တပ်အနေနဲ့ ပြန်လည် အဖတ်ဆယ်နိုင်လိမ့်မယ်လို့ သူမျှော်လင့်ထားကြောင်းလည်း ဒေါ်အောင်ဆန်းစုကြည်က ပြောပါတယ်။ ဒါကြောင့် စည်းလုံးခြင်းရဲ့အင်အား ဝက်ဘ်ဆိုဒ် အယ်ဒီတာအဖွဲ့ အနေနဲ့ ၁၉၈၈ ခုနှစ်ကစပြီး ယနေ့တိုင် အချိန်ကာလအတွင်း တပ်မတော်အရာရှိ၊ အရာခံ၊ အကြပ်၊ တပ်သားများရဲ့ ဒေါ်အောင်ဆန်းစုကြည်အပေါ် မြင်ခဲ့တဲ့အမြင်များနဲ့ ယနေ့ ဒေါ်အောင်ဆန်းစုကြည်ရဲ့ သံတမန်ရေးရာ စကားလုံးများအပေါ် တပ်မတော်သားများရဲ့ တုန့်ပြန်သံများအား အလျဉ်းသင့်သလို တင်ပြသွားပါမယ်။

၁၉၈၈ ခုနှစ် တပ်မတော်မှ အာဏာသိမ်းပြီးနောက် တပ်မတော်ရဲ့ထိပ်ပိုင်း ဗိုလ်ချုပ်တွေဟာ မြန်မာ့ဆိုရှယ်လစ် လမ်းစဉ်ပါတီ အသွင်ပြောင်း (တစည) ကို ၁၉၉၀ ခုနှစ် ရွေးကောက်ပွဲမှာ NLD နှင့်အပြိုင် အနိုင်ရလိမ့်မယ်လို့ မျှော်လင့်ကြီးစွာ ထင်မှတ်ထားခဲ့ပါတယ်။ ဒါပေမဲ့ တပ်မတော်သား အများစုရှိရာ မဂ်လာဒုံမြို့နယ်လို ကိုကိုးကျွန်းမြို့နယ်တွေလိုမှာ NLD သာ အနိုင်ရတဲ့အပြင် စစ်တပ်က လုံးဝ ကြီးစိုးထားတဲ့ ဒဂုံမြို့နယ်ကို NLD ကပင် အရှုံးလို့ တွက်ထားပြီး အရည်အချင်း သာမန်သာရှိတဲ့ ရိုးရိုးဘွဲ့ရ လူငယ်လေး တစ်ယောက်ကို ရွေးကောက်ပွဲ ဝင်ခိုင်းခဲ့လိုက်ရာ သူကလည်း အနိုင်ရရှိသွားလို့ ဗိုလ်ချုပ်များ ထိတ်လန့်တုန်လှုပ် သွားခဲ့ရပါတယ်။ အဲဒီအချိန်က စပြီး စစ်တပ်ခေါင်းဆောင်တွေဟာ NLD ရဲ့ ခေါင်းဆောင်ဖြစ်တဲ့ ဒေါ်အောင်ဆန်းစုကြည်အား ပစ်မှတ်ထားပြီး စိတ်ဓာတ်စစ်ဆင်ရေး စတင်လုပ်ဆောင် ပါတော့တယ်။ အစိုးရသတင်းစာတွေမှာ ထိုစဉ်က ဗိုလ်ချုပ်မှူးကြီး စောမောင်ရဲ့ PSO ကိုယ်ရေးအရာရှိ ဗိုလ်မှူးကြီး ခင်မောင်စိုးက ဒေါ်အောင်ဆန်းစုကြည်ပုံ ကာတွန်းရုပ်ပြောင်များ ရေးဆွဲ၍ ဖော်ပြသလို ကက (ပြည်) မှလည်း စိတ်ဓာတ်စစ်ဆင်ရေး ဆက်တိုက် လုပ်ဆောင်ပါတော့တယ်။ ထိုစဉ်က နဝတ အတွင်းရေးမှူး (၂) ဒုတိယဗိုလ်ချုပ်ကြီး တင်ဦးဟာ ကာကွယ်ရေးဝန်ကြီးဌာန ခန်းမဆောင်ကြီးထဲမှာ စစ်ရုံးရှိ အရာရှိ အရာခံများကို ခေါ်ယူပြီး ဒေါ်အောင်ဆန်းစုကြည်နဲ့ စပ်လျဉ်းကာ ဝေဖန်တိုက်ခိုက်တဲ့ စကားမျိုး ပြောဆိုကြောင်း အရာရှိဟောင်း တစ်ယောက်က ဆိုပါတယ်။

ဒေါ်စုလွှတ်တော် တက်နေပုံ

“ကျွန်တော်တို့ရုံးက စစ်ရုံးဆိုပေမယ့် ယခင် အမေရိကန် မျက်စိ၊ နား၊ နှာခေါင်း ဆေးရုံကို သိမ်းပိုက်ထားတဲ့ အဆောက်အဦးတွေမှာ ရုံးထိုင်ရတာဗျ။ (S-2) ကြီး ခေါ်တယ်ဆိုလို့ လုပ်လက်စဖိုင်တွဲကို ချပြီး ခန်းမဆောင်ကြီးကို ချီတက်ရတာပေါ့ဗျာ။ သူက ပြောရာမှာ ကုလားမယား (ဒေါ်အောင်ဆန်းစုကြည်ကိုရည်ရွယ်) ဟာ ကိုယ့်အဖေကိုသတ်တဲ့ ကုလားဖြူကို ပြန်ယူလို့ မျိုးချစ်စိတ်မရှိဘူး၊ မြန်မာနိုင်ငံမှာ နှစ်ပေါင်း ဆယ်စုနှစ်ချီပြီး နေထိုင်ခြင်း မရှိဘဲ နိုင်ငံခြားမှာ နေလာခဲ့တာ ယခုတော့ ဘုမသိ၊ ဘမသိ ခေါင်းဆောင်လုပ်တော့မယ်။ တပ်မတော်ရဲ့ပြိုကွဲရေးကို သူနဲ့ NLD တို့က လုပ်နေတာကွ။ ဗမာ့နိုင်ငံရေးအကြောင်း မပြောနဲ့ တပ်မတော် အကြောင်းလည်း သိမှာမဟုတ်ဘူးလို့ ပစ်ပစ်ခါခါ ပြောတယ်ဗျာ။ နောက်ပြီး သူမဟာ အစိုးရဆန့်ကျင်ရေး ထိပ်တိုက်ရင်ဆိုင်ရေး မတရားပြောတာကိုလည်း မကြိုက်ဘူးလို့ ပြောပါတယ်”

တကယ်တမ်း တပ်မတော် ပြိုကွဲရေးဆိုတာကို သမိုင်းကြောင်း လေ့လာကြည့်တော့ ဒေါ်အောင်ဆန်းစုကြည်ရဲ့ မိန့်ခွန်းတွေမှာ မပါပဲ NLD ခေါင်းဆောင် တစ်ဦးဖြစ်တဲ့ ဗိုလ်မှူးကြီးဟောင်း ကြည်မောင်ရဲ့ စကားဖြစ်ကြောင်း သိရပါတယ်။ သူက NLD အနိုင်ရရင် တပ်မတော်မှာရှိတဲ့ တပ်ရင်းမှူး ဒုဗိုလ်မှူးကြီး အထက်မှာ ရှိတဲ့လူတွေကို မယူဘူး။ သမိုင်းကြောင်းမှာ တာဝန်ရှိတဲ့လူတွေကို နုရင်ဘတ် စစ်ခုံရုံးလိုမျိုးနဲ့ စစ်ဆေးရမယ်လို့ ပြောကြောင်းသိရပါတယ်။ ရွေးကောက်ပွဲ ကော်မရှင်ဥက္ကဌ ဗိုလ်ချုပ်ကြီးတင်အေးဟာ တပ်မတော်က အာဏာမလွှဲရတဲ့ အကြောင်းရင်း တစ်ချက်ဟာ အဆိုပါ ခြိမ်းခြောက်တဲ့ စကားကြောင့် ဖြစ်တယ်လို့ ၂၀၁၂ ခုနှစ်တုန်းက ဆိုသွားပါတယ်။

ဆက်လက်ပြီး တပ်မတော်သား အရာရှိ အကြပ်တပ်သားများဟာ အထက်ဗိုလ်ချုပ်များရဲ့ သွေးထိုး သွေးခွဲမှုကို နားယောင်မိခဲ့သော်လည်း ဒေါ်အောင်ဆန်းစုကြည် ဦးစီးတဲ့ NLD အဖွဲ့အား မဲပေးခဲ့တယ်လို့ သိရပါတယ်။ ဒေါ်အောင်ဆန်းစုကြည်ရဲ့တပ်မတော်အပေါ် မေတ္တာထားဆဲလို့ ပြောလိုက်တဲ့ အချိန်မှာတော့ တပ်မတော်သား အများစုဟာ ရင်ထဲမှာ အတိုင်းမသိ ဝမ်းသာသွားတယ်လို့ သိရှိရပါတယ်။ ဒါပေမဲ့ တပ်မတော် အရာရှိကြီး တစ်ဦးကတော့ အောက်ပါအတိုင်း ဆိုပါတယ်။

“ဒေါ်အောင်ဆန်းစုကြည် အနေနဲ့ တပ်မတော်ကို လေလှိုင်းထဲမှာ စကားလုံးတွေ ပစ်သွင်းနေမဲ့အစား နယ်လှည့် ခရီးစဉ်တွေမှာ တပ်မတော်ရဲ့ အခြေခံ တပ်ရင်း ၊ တပ်ဖွဲ့တွေရဲ့ တပ်ရဲဂိတ်တွေမှာ ဖြစ်ဖြစ်၊ ဆေးရုံမှာဖြစ်ဖြစ်၊ ကျောင်းတွေမှာဖြစ်ဖြစ် ခရီးသွားဟန်လွှဲ တပ်မိသားစုများအား တွေ့ဆုံအားပေး ထောက်ပံ့ပေးသင့်တယ်။ အကြပ်တစ်ဦးရဲ့ ကလေးကို သကြားလုံးပေးရင်ပဲ ဖြစ်ဖြစ် ပါရာစီတမောဆေး ပေးရင်ပဲဖြစ်ဖြစ်၊ ဆန်တစ်အိတ် ပေးရင်ဖြစ်ဖြစ် အဲဒီဖြစ်စဉ်ကို အင်တာနက် မီဒီယာမှာ တင်လိုက်ရင် တပ်မတော် တစ်ခုလုံး တုန်ခါသွားမှာ သေချာတယ်ဗျ။”

အပိုင်း (၂) ကို နောက်အပတ်မှာ ဆက်လက် တင်ပြသွားပါမယ်။

စည်းလုံးခြင်းရဲ့အင်အားမှ ဖေါ်ပြသည်။

ပြန်ခေါက်ပေးခဲ့ပါ။...

ကာကွယ်ရေးဝန်ကြီးဌာန ထုတ်ပြန်ချက်နဲ့ သူတို့ပြောပြချက်

ကချင်လွတ်လပ်ရေး တပ်မတော် (KIA) နဲ့ အစိုးရ စစ်တပ်အကြား တိုက်ပွဲတွေ ဖြစ်ပွားခဲ့တာနဲ့ ပတ်သက်ပြီး ပြည်တွင်းပြည်ပ အဖွဲ့အစည်းအချို့၊ သံဃာ အချို့ နဲ့ စာနယ်ဇင်းအချို့က မမှန်မကန် သတင်းတွေထုတ်လွှင့်တယ်၊ အစိုးရနဲ့ တပ်မတော်အပေါ် ပြည်သူ အမြင်လွှဲမှား စေမယ့် သတင်းနဲ့ ကြေညာချက်တွေကို ထုတ်ပြန်ခဲ့တယ်လို့ ကာကွယ်ရေး ဝန်ကြီးဌာနက ဆိုပါတယ်။

ကချင်ပြည်နယ်အတွင်း ထိုးစစ်ဆင်ခြင်း မပြုလုပ်ဖို့ သမ္မတညွှန်ကြားခဲ့တဲ့ အချိန်ကစပြီး တပ်မတော်အနေနဲ့ တိကျစွာ လိုက်နာကြောင်း၊ KIA က ဒါကိုအခွင့် ကောင်းယူပြီး တိုက်ခိုက်မှုတွေ၊ ဖောက်ခွဲဖျက်ဆီးမှုတွေ လုပ်လာတာတွေကြောင့် ခုခံ တိုက်ခိုက်ခြင်းသာဖြစ်တယ်လို့ ဆိုပါတယ်။

ဖြစ်ပွားနေတဲ့ ပဋိပက္ခတွေမှာ KIA ရဲ့ချိုးဖောက်မှုတွေကို မျက်ကွယ်ပြုပြီး တပ်မတော်ကို အများပြည်သူနဲ့ နိုင်ငံတကာ အထင် အမြင် လွဲမှားအောင် ရေးသားထုတ်ပြန်နေတယ်လို့ ဆိုထားတဲ့ ကာကွယ်ရေးဝန်ကြီးဌာနရဲ့ ထုတ်ပြန်ချက်နဲ့ ပတ်သက်ပြီး ကချင်ပြည်နယ် ဒေသခံ နိုင်ငံရေးသမား၊ ဒေသနဲ့ အနီးကပ် စစ်ရေးစောင့်ကြည့် လေ့လာသူ၊ စစ်ပွဲဖြစ်ပွားရာဒေသကို ကိုယ်တိုင် သွားရောက် ခဲ့ကြတဲ့ လူမှုအဖွဲ့အစည်း တာဝန်ရှိသူနဲ့ သတင်းထောက် တို့ကို ဧရာဝတီ သတင်းဌာနက ဆက်သွယ်မေးမြန်းထား ပါတယ်။ သူတို့ရဲ့ ပြောဆိုချက်တွေက ဒီလိုပါ -

ဦးအောင်ကျော်ဇော
(တရုတ်-မြန်မာနယ်စပ် အခြေစိုက် စစ်ရေးနဲ့ နိုင်ငံရေးလေ့လာသူ)

နှစ်ဖက်ပဋိပက္ခတွေမှာ KIA က ပြည်တွင်းပြည်ပ သတင်းဌာနတွေ အကုန်လုံး ဝင်ခွင့်ပြုတယ်၊ ကုန်ကုန်ပြောရရင် အရင်က အစိုးရ ကောင်းကြောင်းချည်း ရေးနေတဲ့ ပြည်တွင်းက ဂျာနယ်တွေတောင် ဝင်ခွင့်ပြုတယ်၊ သတင်းယူခွင့်ပြုတယ်၊ အစိုးရ စစ်တပ်ကလည်း သူတို့ဘက်က ရိုးသားရင် KIA လို ဘာလို့ သတင်းထောက်တွေကို ဝင်ခွင့် မပြုတာလဲ။ သတင်းသမားကတော့ သူတို့ မြင်ရင်မြင်တဲ့ အတိုင်း အဖြစ်မှန်ကို ရေးကြမှာပဲ။

အစိုးရတပ်က အမြှောက်နဲ့ ပစ်လို့ အရပ်သားတွေ သေကြေနေတာလည်း သတင်းထောက်တွေ မျက်စိနဲ့ ကိုယ်တွေ့မြင်ခဲ့ရပြီး မျက်ရည်တောင် ကျခဲ့ရတာပဲ၊ အဲဒီအချိန် အစိုးရ ပြန်ကြားရေးက ဝါဒဖြန့်လို့ကောင်းနေတုန်း၊ နယ်မြေတွင်းမှာ နဖူးတွေ့၊ ဒူးတွေ့မြင်ရတာကို ရေးနေတဲ့ဟာကို အခု သေနက် ကိုင်နေတဲ့ အစိုးရ စစ်သားတွေက ထပ်ပြီးလိမ်ပြန်ပြီ၊ သူတို့ကို ဘယ်လိုပြောရန်မှန်းကို မသိတော့ဘူး။

အစိုးရနဲ့ KIA ၁၇ နှစ်ကြာ ငြိမ်းချမ်းရေး ယူခဲ့တဲ့ ကာလတုန်းက စုစုပေါင်း မပခ မှာ တပ်ရင်း ၄၆ ရင်း ရှိတယ်၊ တပ်မ ၂ ခုက တပ်ရင်း ၂၀ ပေါ့၊ အဲဒီတုန်းက ဒီတပ်မ ၂ ခုကလည်း အမြဲ မနေဘူး၊ တခုစီလဲပြီးတော့ ကရင်ကို သွားသွားပြီး ထိုးနေတာ၊ အခု ကချင်ပြည်နယ်မှာ ဘာဖြစ်လို့ တပ်ရင်း ၁၀၀ ကျော်လာတာလဲ၊ တပ်မ ၃၃၊ ၉၉ တို့ ၈၈ တို့က ဘယ်ကနေရောက်လာတာလဲ၊ ခုခံစစ်လား ထိုးစစ်လား စဉ်းစားကြည့်လေ သုံးတဲ့ တပ်ရင်းကိုလည်း ကြည့်ဦး မြန်မာနိုင်ငံ ခြေလျင်တပ်ရင်း ၅၆၀ ရှိတဲ့ အထဲမှာ ကချင်မှာ တပ်ရင်း ၁၂၀ ကျော် ရောက်နေတယ်၊ ဒါတောင်အမြှောက်တပ်တွေမပါသေးဘူး၊ ထိုးစစ်မဟုတ်ဘူး ဆိုရင် ဘယ်ကနေ ရောက်လာတာလဲ၊ ဒါကတော့ ရှင်းရှင်းလေးပဲ။

တချို့နေရာတွေမှာ အရပ်သားမောင်းလာတဲ့ ကုန်တင်ကားကို KIA က ဖောက်ခွဲတာတွေရှိခဲ့တယ်၊ အရပ်သားကလည်း အစိုးရ စစ်လက်နက်တွေ၊ ရိက္ခာတွေ ကုန်တင်ကားနဲ့ သယ်လာပေးတယ်၊ ရထားလမ်းကြောင်းနဲ့လည်း သယ်တယ်၊ ဒါတွေဟာ မလုပ်သင့်တဲ့ အရာတွေ၊ အစိုးရက တဖက်လှည့်နဲ့ အရပ်သားတွေကို အသုံးချတယ်။

KIA က သူ့နယ်မြေကို သူကာကွယ်နေတာ KIA ကမြို့တွေကို ဝင်တိုက်လို့ ရဟတ်ယာဉ်တွေ၊ လေယဉ်ပျံတွေသုံးတယ် ဆိုရင် လက်ခံလို့ရသေးတယ်၊ သူ့နယ်မြေသူနေတာပဲလေ၊ သူလည်း ငြိမ်းချမ်းရေး လိုချင်တာပဲလေ၊ အရင် ၁၇ နှစ် လုပ်ပြီးပြီ ဘာမှ မထူးခြားဘူး၊ အပစ်ခတ်ရပ်စဲရေး လုပ်မလား၊ ထာဝရငြိမ်းချမ်းရေးလုပ်မလားဆိုတော့ KIA က ထာဝရငြိမ်းချမ်းရေးလုပ်မယ် ထာဝရ ငြိမ်းချမ်းရေးလုပ်ရင် နိုင်ငံရေး စကားပြောရမယ်၊ အစိုးရဘက်က နိုင်ငံရေးစကားမပြောချင်ဘူး၊ ဒါက အဟန့်အတား ဖြစ်နေတယ်။
---------------------------------------------------------------------------------------------

ဒေါ်ဘောက်ဂျာ
(အမျိုးသား ဒီမိုကရေစီ အင်အားစု ပါတီ(NDF) ပါတီ ၏ ကချင်ပြည်နယ် ခေါင်းဆောင်)

နေပြည်တော်တို့ ရန်ကုန်တို့မှာပဲ နေနေတဲ့ လူဆိုရင်တော့ အစိုးရရဲ့ ဒီထုတ်ပြန်ချက်ကို ဟုတ်မလားတွေးမိမှာပဲ၊ ကချင်ပြည်နယ် အတွင် နေရာအနှံ့သွားနေတဲ့လူ မျက်မြင်ကိုယ်တွေ့တွေ အတွက်တော့ အစိုးရကတော့ ဗြောင်လိမ်တာပဲ၊ ဒါဟာလည်း အခုမှ မဟုတ်ပါဘူး၊ နှစ်ပေါင်းမြောက်များစွာ ဒီလိုပဲ လိမ်နေတာပဲ။ ဒီကိုလာကြည့်လို့ရှိရင် အစိုးရက ကချင်တိုင်းရင်းသား တွေအပေါ်မှာ မတရား အနိုင်ကျင့်နေတာ၊ လူအခွင့်အရေး ချိုးဖောက် နေတာတွေကို မျက်ဝါးထင်ထင်တွေ့ရလိမ့်မယ်။

တချို့ကျေးရွာတွေဆိုရင် KIA နဲ့ ဆက်နွယ်တယ်ဆိုပြီး ပစ်ခတ်မီးရှို့တာ၊ ပစ္စည်းတွေယူတာတွေ လုပ်နေတာပဲ။ အခုလည်း နေ့တိုင်း တိုက်ပွဲတွေဖြစ်နေတာ ကိုယ်တိုင် တွေ့မြင်နေရတာပဲ၊ ထိုးစစ်မဆင်ပါဘူး ဆိုတာကလည်း တပ်တွေဝင်ထွက်၊ သွားလာနေတာတွေ၊ လက်နက်ခဲယမ်း အင်အားတိုးချဲ့တာတွေလျှော့ပြီး တပ်တွေနောက်ဆုတ်ပေးလိုက်ရင် သူ့အလိုလို စစ်ပွဲက အေးချမ်းသွားမှာပဲ၊ ထိုးစစ်ဆင်နေတယ်၊ အင်အားဖြည့်တာတွေ လုပ်နေမှတော့ သူတို့ လက်နက်ကိုင် အချင်းချင်းကတော့ တစ်ဘက်နဲ့ တဘက်ဖြစ်နေမှာပဲ။
---------------------------------------------------------------------------------------------

ဦးနေမျိုးဇင်
(မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ရက် အဖွဲ့ခေါင်းဆောင်၊ စစ်အရာရှိဟောင်း)

နှစ်ဖက်စလုံးသော လက်နက်ကိုင် တပ်ဖွဲ့တွေက တိုင်းပြည် အနာဂတ်အတွက် ဖွံ့ဖြိုးတိုးတက်ဖို့ကို မျှော်မြင် ဆင်ခြင်တုံတရားတွေ မွေးဖို့လိုတယ်၊ ဘယ်လောက်ပဲ ခုခံစစ်လို့ပြောနေနေ ကျနော်ရောက်ခဲ့တဲ့ အနေအထားကို ကြည့်ခြင်းအားဖြင့် ရန်လိုမှုနဲ့ လက်ဦးမှု ရယူမှုအတွက် လုပ်ဆောင်နေတဲ့ သဘောတွေကို ကျနော်တို့တွေ့ရတယ်၊ တကယ်ငြိမ်းချမ်းရေးကို လိုလားတယ်၊ တိုင်းပြည် အနာဂတ်အတွက် လက်နက်မပါဘဲ ပဋိပက္ခဖြေရှင်းနည်းနဲ့ ဒေသဖွံ့ဖြိုးရေးကို ကျိုးစားချင်စိတ် ရှိမယ်ဆိုလို့ရှိရင် လက်ဦးမှုနဲ့ လွှမ်းမိုးမှု ရယူလိုမှုရည်မှန်းချက်ကို မထားသင့်ဘူး။

အပြင်းအထန်တိုက်ခိုက်နေတဲ့ နှစ်ဖက်တပ်ဖွဲ့တွေက အင်မတန်နီးကပ်နေတယ်၊ ဟိုဘက် တပ်က ဝါးထင်းနဲ့ ထမင်းချက်လို့ ဝါးကွဲသွားရင် သေနက်နဲ့ ပစ်တယ်ဆိုပြီး ဒီဘက်က လက်နက်အင်နဲ့အားနဲ့ အမြှောက်တွေနဲ့ ပစ်ခတ်ရင် ခုခံစစ်ဖြစ်နိုင်ပါတော့ မလား။ ဒါဖြစ်နိုင်တဲ့ သဘောသဘာဝတွေကိုပြောတာပါ။

အဲတော့ ရန်လိုမာန်စောင်နေတဲ့ နှစ်ဘက်တပ်တွေ အနေနီးနေသမျှ ဘယ်လိုနည်းနဲ့မှ ရိုးသားဖြောင့်မတ် ပွင့်လင်းတဲ့ အပစ်ခတ် ရပ်စဲမှုဖြစ်လာနိုင်မှာ မဟုတ်ဘူး၊ အဲတော့ ခံစစ်အနေနဲ့ပဲ နေမယ်ဆိုလို့ရှိရင် ကိုယ့်စခန်းကို ပြန်ဆုတ်ပါ၊ ဟိုတနေ့က ဘဘ ဦးတင်ဦး (ကာကွယ်ရေးဦးစီးချုပ်ဟောင်း) ဆီကို ကျနော် လိုင်ဇာကို သွားမလို့ ဘာမှာဦးမလဲ ဆိုတော့ တစ်ခွန်းပဲမှာချင်တယ် ကောင်လေးရာတဲ့၊ နှစ်ဖက်တပ်တွေ ကိုယ့်တပ်ကို နေရာပြန်ဆုတ်ပြီး အပစ်အခတ်ကို လုံးဝ တိတိကျကျ ရပ်စဲပြီးမှ စားပွဲဝိုင်းမှာ ဆွေးနွေးနိုင်အောင် ပြောခဲ့ဆိုပြီး မှာလိုက်တယ်၊ ဒီအတိုင်းပဲ ကျနော်ပြောရမှာပဲ၊ အဲလိုမှ မဟုတ်ဘဲ ငါတို့က ခံစစ်အနေနဲ့ပဲနေမယ် အနီးနားမှာ သွားကပ်နေမယ် သေနတ်သံကြားရင် အင်အားနဲ့ ဆော်လိုက်မယ် ဆိုရင်တော့ လူထုဝေဖန်တာကိုခံရမှာပဲလေ။

ထုတ်ပြန်နေတဲ့ သတင်းတွေ၊ ထုတ်ပြန်ချက်တွေဟာ တစ်ဖက်သက် မဖြစ်ချင်ရင် နှစ်ဖက်သက်မဖြစ်ဖို့ ပွင့်လင်းမြင်သာမှုဖြစ်ဖို့ လိုလိမ့်မယ်၊ ကျနော်တို့သွားတာတောင် ဗျူဟာမှူး ကိုယ်တိုင်က ဖုန်းထဲက ပြောနေတာ ဆတ်ဆတ်ကြားခဲ့ရတယ်၊ ဟေ့ကောင် အဲဒီဗိုလ်ကြီးဟောင်းဆိုတဲ့ ကောင်ရဲ့ ကင်မရာတွေကို စစ်ပါ၊ တပ်စခန်းတွေကို လုံးဝ အရိုက်မခံပါနဲ့ အကုန်ပြန်စစ် ဆိုပြီး စသဖြင့် ညွှန်ကြားနေတာကြားရတယ်။

အဲတော့ တဖက်သတ်မဖြစ်ချင်ရင် သတင်းမီဒီယာတွေကို ရှေ့တန်းစခန်းတွေကို ခေါ်ပါ၊ ဘယ်လောက်ထိ အင်အားကို ဘယ်လိုချထားပါတယ်၊ ဘယ်လိုရည်မှန်းချက်နဲ့ ဘယ်လို အကာအကွယ် လုပ်ထားပါတယ်၊ အဲလိုပွင့်ပွင့်လင်းလင်း လုပ်ထားရင် တစ်ဖက်သတ် ဆိုတဲ့ စကား သုံးစရာမလိုတော့ဘူး၊ အဲဒီအခါကျရင် ကြားထဲက သတင်းမီဒီယာနဲ့ ပြည်သူလူထုက ဆုံးဖြတ်လို့ရပြီ ဘယ်သူကဖြောင့်မှန်ပြီး ဘယ်သူက အကောက်ကြံတယ် ဆိုတာ။

မြန်မာစစ်တပ်ဘက်က အင်မတန်ကို လျှို့ဝှက်သိုသိပ်လွန်း အားကြီး ပြီးတော့ တိုင်းရင်းသားပြည်သူလုထုကို ရန်သူသဖွယ် သဘောထားပြီး နေကြတာကို ကျနော်တွေ့ခဲ့ရတယ်။ ကျနော်တို့ တွေ့ခဲ့တာ ဗန်းမော် လမ်းတစ်လျှောက်မှာဆိုရင် တပ်တွေက လမ်းသွား လမ်းလာတွေကို တချိန်လုံး ဓါတ်မီးနဲ့ ချိန်ပြီး စစ်ဆေးမေးမြန်းနေတာကို တွေ့ခဲ့ရတယ်။

အခုဖြစ်နေတာလည်း အစိုးရက ခုခံစစ်ဆိုတာ ပြောလို့မရနိုင်ဘူး၊ ဘာဖြစ်လို့လဲ ဆိုတော့ လွန်ခဲ့တဲ့ ၁၇ နှစ် လုံးလုံး ငြိမ်းချမ်းရေး တပ်ဖွဲ့အနေနဲ့ အပစ်အခတ် ရပ်စဲရေးယူထားပြီးတော့ KIA ကပဲ ဒီဒေသ၊ ဒီဒေသကို သူတို့နည်း သူတို့ဟန်နဲ့ သူတို့ ဥပဒေ၊ သူတို့နည်းပညာနဲ့ အုပ်ချုပ်ခဲ့တာလေ၊ အခုမှ အဆင်မပြေဖြစ်တော့မှ တိုက်ကြ၊ ခိုက်ကြပြီးမှ ခုခံစစ်မို့ ဆိုပြီးတော့ KIA နှစ်ပေါင်းများစွာ ထိန်းချုပ်လာတဲ့ နေရာတွေကို အတင်း ဝင်သိမ်းတာ ခုခံစစ်လို့ပြောမယ် ဆိုရင်တော့ တမျိုးဖြစ်နေလိမ့်မယ်၊ ကျနော်တော့ လက်သင့်မခံပါဘူး၊ ကချင်လူထုကို လက်နက်နဲ့ သတ်ဖြတ်နှိမ်နင်းပြီးတော့မှ ငြိမ်းချမ်းရေးကို တည်ဆောက်မယ် ဆိုတဲ့ ရည်မှန်းချက်ရှိတယ် ဆိုရင်တော့ အင်မတန် ဝမ်းနည်းစရာကောင်းတဲ့ အနာဂတ်တွေဖြစ်လာလိမ့်မယ်လို့ ကျနော်ထင်တယ်။
---------------------------------------------------------------------------------------------

စနေလင်း
ကချင်ပြည်နယ် စစ်မြေပြင်ကို သွားရောက် သတင်းယူခဲ့သည့် ဧရာဝတီ သတင်းထောက်

မီဒီယာအပေါ် ကာကွယ်ရေးဝန်ကြီးဌာန လုပ်နေတာက ကြေညာတာ၊ အသိပေးတာ၊ စုံစမ်းခွင့်ပေးတာ မဟုတ်ဘူး၊ ကာကွယ်ရေးဝန်ကြီးဌာနကို ပြောချင်တာက တကယ်လို့ စာနယ်ဇင်းတွေ တဖက်စောင်းနင်းရေးတယ် လို့မြင်ရင် သူ့စစ်တပ်ရဲ့ရှေ့တန်းကို သွားချင်၊ မြင်ချင်၊ သတင်းရေးချင်နေတဲ့ မီဒီယာသမားတွေကို ၀င်ခွင့်ပေးပါ။KIA က အဲဒီနေရာမှာ အစိုးရထက် ပိုပြီး မီဒီယာကို ၀င်ခွင့်ပြုတယ်၊ သူတို့စစ်သားတွေကို မေးတယ်၊ ဘာမှ မပြောဘူး၊ အုပ်ချုပ်ရေးပိုင်းကလည်း လာတားတာ မရှိဘူး၊ စစ်တပ်က ရဲဘော်တွေ ခံစားကြုံတွေ့နေရတာတွေကို မေးချင်တယ်၊ သူတို့ရဲ့ သဘောထားကို မေးချင်တယ်၊ အဲဒါကို ကာကွယ်ရေးဝန်ကြီးဌာနက ခွင့်ပြုပေးသင့်တယ်၊ မီဒီယာတချို့ကြိုးစားဖူးပါတယ်၊ ဒါပေမယ့် ခွင်ြ့ပုချက်မရခဲ့ဘူး။

အဲဒီအပြင် အစိုးရစစ်သားတွေ ပြန်ဆုတ်သွားတဲ့နေရာတွေမှာ စာတွေရေးပေးခဲ့တာကို ကျွန်တော်တို့သိခဲ့ရတယ်၊ တကယ်လို့ ငြိမ်းချမ်းမှုတွေရခဲ့တဲ့ အချိန်မှာ KIA ရဲဘော်တွေနဲ့အတူ ကချင်ထုံးစံအတိုင်း စားသောက်ချင်တဲ့အကြောင်း အစိုးရစစ်သားတွေရေးခဲ့တဲ့စာတွေ ကျန်ခဲ့တာ သိရတယ်။KIA ဘက်က မီဒီယာအပေါ် ပွင့်လင်းမြင်သာမှု အတိုင်းအတာတစ်ခုအထိ ရှိတယ်၊ အစိုးရဘက်က ဘယ်တော့မှ အဲဒီလိုမရှိခဲ့ဘူး၊ ဒါပေမယ့် ၀င်ခွင့်ပေးတယ်လို့ နာမည် ရအောင်တော့ သူတို့နဲ့ပလဲနံပသင့်တဲ့သူတွေကိုခေါ်ပြ တာမျိုးတော့ လုံးဝ လက်ခံလို့မရဘူး။

အဲဒီလို တစ်ဖက်စောင်းနင်းဖြစ်တယ်လို့မြင်နေရင် ပွင့်လင်းမြင်သာမှုကို အရင် ရှိအောင်လုပ်ဖို့လိုတယ်၊ အခုကေ KIA က ဒီလိုမြင်တယ်၊ စစ်တပ် ဘယ်လိုမြင်လဲ ဆိုတာ ဘယ်နေရာမှာ သွားမေးရမလဲ၊ KIA ဘက်က စစ်ဦးစီးတွေ သူတို့ရဲ့ သဘောထားကို ပွင့်လင်းအောင်ပြောထားတယ်၊ ကာကွယ်ရေးဘက်က ဦးစီတွေ ဘယ်မီဒီယာနဲ့တွေ့ခဲ့လဲ၊ တစ်ဖက်ကမေးပြီး ဆက်သွယ်မရဖြစ်တာကို အပြစ်မတင်နဲ့လို့ ကာကွယ်ရေးဝန်ကြီးဌာနကို ပြောချင်တယ်။

ကချင်စစ်သားတွေလည်း တော်တော်များများက ဘွဲ့ရ ပညာတတ်တွေပါတယ်၊ အစိုးရတက္ကသိုလ်မှာကို ဘွဲ့ရခဲ့ကြတာ။ ဒါပေမယ့် သူတို့ရဲ့စိတ်ထဲမှာ ဒီကချင်မြေက သူတို့နိုင်ငံ၊ သူတို့မြေကို သူတို့ကာကွယ်တာ ဆိုတာကတော့ အမြဲရှိတယ်။

နောက်သူတို့က ခံစစ်၊ အစိုးရက ထိုးစစ်၊ စစ်ဗျူဟာအရ ပြောရရင် စစ်ရေး အသာစီးရအောင်လုပ်တယ်လို့ အစိုးရက ပြောပေမယ့် တကယ်တမ်းကြည့်ရင် ကချင်က ခုခံရတာ KIA ရဲ့ အဓိက လိုချင်နေတာက သူတို့လူမျိုးကို သူတို့ကိုယ်တိုင်အုပ်ချုပ်ဖို့၊ ဒီဒေသရဲ့အားလုံးကို သူတို့စီမံခန့်ခွဲဖို့ဆိုတာ စစ်သားတွေတိုင်းမှာ အဲဒီအသိရှိတယ်။

ကျနော်နဲ့စကားပြောခဲ့ရတဲ့ KIA ကွန်မန်ဒိုရဲဘော်တဦး ဆိုရင် သူတို့က အစိုးရစစ်တပ်က ဗိုလ်ကြီးတွေကို မိတယ်၊ သေနတ်ထိလို့ ဆေးကုပေးခဲ့တယ်။ စစ်တပ်က သူတို့လူတဦးကို မိတယ်။ လဲလှယ်ဖို့လုပ်တော့ သူတို့က အရှင်ပေးလိုက်ပေမယ့် စစ်တပ်က ဘတ်နတ်နဲ့ထိုးချက်တွေနဲ့သေနေတဲ့ အလောင်းကိုပဲ ပေးတယ် တဲ့။

http://blog.irrawaddy.org/2013/01/blog-post_3172.html

ပြန်ခေါက်ပေးခဲ့ပါ။...

ဒေါ်အောင်ဆန်းစုကြည် နဲ့ မိတ်ဆွေတု မိတ်ဆွေယောင်

• ကျနော်တို့ရဲ့ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ဟာ သူ့ရဲ့ ဒဿမမြောက် ပြည်ပနိုင်ငံခရီးစဉ်အဖြစ် တောင်ကိုးရီးယားနိုင်ငံကို တနလာင်္နေ့ကပဲ ဆိုက်ရောက်သွားပါပြီ။
  
  ဒီခရီးစဉ်မတိုင်မီ ဟာဝိုင်ယီကျွန်း အလည်ပတ်ခရီးစဉ်ကတော့ မွန်းကြပ်ရှုတ်ထွေးပြီး၊ ဝေဖန်မှုတွေ အငြင်းပွားစရာတွေပြည့်နှက်နေတဲ့ လက်ရှိမြန်မာ့နိုင်ငံရေးလောကရဲ့ ဘ၀အမောတွေကို
  ယာယီအခိုက်အတန့်အားဖြင့် မေ့ပျောက်စေမှာပါ။
  
  ဟာဝိုင်ယီကျွန်းရဲ့ သဘာဝအလှတွေ၊ ကျွန်းသူကျွန်းသားတွေရဲ့ ပျူငှာနွေးထွေးပြီး ချစ်စရာကောင်းတဲ့ ကြိုဆိုဧည့်ခံမှု၊ ထူးခြားတဲ့ယဉ်ကျေးမှု၊
  အစားအသောက်တွေက.. ဒေါ်အောင်ဆန်းစုကြည်အတွက်၊ သတိတရ စာတိုပေစရေးစရာလေးတွေ ဖြစ်လာနိုင်သလို၊ တသက်တာအတွက် လှပတဲ့အိပ်မက်တွေလို သူ့စိတ်အာရုံမှာ မမေ့မပျောက် ရှိနေနိုင်ပါတယ်။
  
  ကျနော်တို့တတွေက တိုက်ပွဲထဲကနေရထားတဲ့ ရှားရှားပါးပါး လူထုခေါင်းဆောင်ကို အဲဒီလို အေးအေးချမ်းချမ်းနဲ့ အပူအပင်ကင်းကင်း ရှိနေတာ မြင်ချင်တာပေါ့။
  ဒါပေမဲ့ လက်တွေ့မှာတော့ကျနော်တို့ခေါင်းဆောင်ဟာ တိုင်းပြည်အတွင်းမှာသာမက၊ တိုင်းပြည်ပြင်ပမှာပါ အလိမ်အညာတွေ၊ ကိုယ်ကျိုးရှာတွေ၊ ကျင့်ဝတ်ပျက်နေတဲ့.. နိုင်ငံရေးသမားတွေ၊ စီးပွားရေးသမားတွေနဲ့ ဆုံဆည်းနေရတော့ ကျနော်တို့ရင်ထဲ မကောင်းလှဘူး။
  အဲလို ကျင့်ဝတ်ပျက်အတ္တ၀ါဒီတွေဆိုတာ..တိုင်းပြည် အတွင်းအပြင်က မြန်မာလူမျိုးတွေသာမက ပြည်ပနိုင်ငံတွေက နိုင်ငံရေးသမားတွေ၊ အစိုးရတွေပါ ကျနော်တို့ခေါင်းဆောင်ကို ၀န်းရံပြီး ကျနော်တို့နိုင်ငံနဲ့ပြည်သူတွေကို ပါးပါးလှီးနေလို့ဖြစ်တယ်။
  အဲဒါတွေ ကျနော်တို့မြင်နေရလို့လည်း..ဒီလိုစာမျိုး ရေးဖြစ်သွားတာ။
  အခုဒေါ်အောင်ဆန်းစုကြည်ရဲ့ တောင်ကိုးရီးယားခရီးစဉ်အနေအထားတွေကိုပဲ ဖွင့်ချပြောပြချင်တယ်။
  
  လက်ရှိ သမတ အီမြောင်ဘတ် ရန်ကုန်သွားပြီး ဒေါ်အောင်ဆန်းစုကြည်နဲ့တွေဆုံ၊ ဓာတ်ပုံရိုက်ခဲ့တာကြောင့်၊ ကိုရီးယား သတင်းစာတွေက.. နိုဘယ်ငြိမ်းချမ်းရေးဆုရှင်နဲ့ အာဏာရှင်အတွေးအခေါ်သမား မတူမတန် ဓာတ်ပုံတွဲရိုက်သင့်သလား လို့ ပြင်းပြင်းထန်ထန် ဝေဖန်ခဲ့ပါတယ်။
  အခုလည်း သမတနဲ့ သမတလောင်းကို သူတို့ဆီက သတင်းစာတွေ ဝေဖန်သရော်နေပါပြီ။
  ..အာဏာရှင်သမီးနဲ့ လွတ်လပ်ရေးဖခင်တယောက်ရဲ့သမီး နိုဘယ်လ်ငြိမ်းချမ်းရေးဆုရှင်နဲ့ ယှဉ်တွဲ ဓာတ်ပုံမရိုက်ပါနဲ့ ဆိုပြီး ရေးသားခဲ့တာတွေ ရှိပါတယ်။
  
  ဒေါ်စုကိုဖိတ်ခေါ်တဲ့ အာဏာရ Saenuri Party က လက်ရှိ သမတအီမြောင်ဘတ်၊ ရွေးကောက်ပွဲအနိုင်ရပါတီ(Saenuri Party)ရဲ့ အမျိုးသမီး သမတလောင်း
  ဘတ်ဂွန်ဟှဲတို့ဟာ ဒေါ်အောင်ဆန်းစုကြည် နေအိမ်အကျယ်ချုပ်ကာလက မိမိတို့နဲ့ လားလားမှမသက်ဆိုင်သလို နေခဲ့ပြီး မြန်မာ့အရေးအတွက် စိတ်ဝင်စားမှုလည်းမပြခဲ့ဘူး။
  ဒေါ်အောင်ဆန်းစုကြည် လွတ်မြောက်ရေးအတွက် ကိုရီးယားနိုင်ငံကမြန်မာ့ဒီမိုကရေစီ အင်အားစုတွေ၊ ပါတီပေါင်းစုံ လက်မှတ်ထိုး တောင်းခံမှုမှာလည်း ခေါင်းရှောင်ခဲ့သလို၊ အဲဒီကာလတွေက စစ်အစိုးရနဲ့ စီးပွားရေး ပူးတွဲလုပ်ခဲ့တယ်။
  
  သမတလောင်းဘတ်ဂွန်ဟှဲကိုယ်တိုင် အတိုက်အခံအမတ်ဘ၀က ဒေါ်အောင်ဆန်းစုကြည် လွတ်မြောက်ရေး လက်မှတ်ထိုးဖို့ငြင်းဆန်ခဲ့ရုံမက.. ဒီလို
  လက်မှတ်ထိုးလိုက်ရင် မိမိတို့နဲ့ မြန်မာအစိုးရ(စစ်အစိုးရ)တို့ စီးပွားရေး အကျိုးတူဆောင်ရွက်နေတာကို ပျက်ပြားနိုင်တယ်လို့ ပြောင်ပြောင်တင်းတင်း ပြောခဲ့ဖူးသူပါ။
  အခုသမတလောင်း ဘတ်ဂွန်ဟှဲ.ဆိုတဲ့ အမျိုးသမီးကလည်း အာဏာရှင်သမတ ပတ်ချုံဟီးရဲ့သမီး ဖြစ်တယ်။
  (ကျနော်တို့ငယ်ငယ်ကပတ်ချုံဟီးဖလားဘော်လုံးပွဲ ဟာနာမည်ကြီးတယ်။
  အာဏာရှင်ဦးနေ၀င်းက မြန်မာအားကစားသမားတွေကို စေလွှတ်ခဲ့တယ်) ပတ်ချုံဟီးက
  ဦးနေ၀င်းထက်တနှစ်စောပြီး ၁၉၆၁ မှာ စစ်အာဏာသိမ်းပြီး တက်လာသူဖြစ်တယ်။
  ၁၉၇၉ ကျတော့ သူ့ရဲ့ထောက်လှမ်းရေး အကြီးအကဲကပဲ လုပ်ကြံခဲ့တယ်။
  အဲဒီနောက်ပိုင်း တောင်ကိုးရီးယားရဲ့ ဒီမိုကရေစီလမ်းကြောင်းဟာ အာဏာရှင်ပတ်ချုံဟီးခေတ်ထက် ပိုမိုပွင့်လင်းခဲ့တယ်။
  ပတ်ချုံဟီးလက်ထက်က စီးပွားရေးကိုပဲ လုပ်ခဲ့ပြီး၊ ဒီမိုကရက်တစ်စံချိန်စံညွှန်းတွေ မျက်ကွယ်ပြုခဲ့တယ်။
  ဒီမိုကရေစီယဉ်ကျေးမှုထက် စီးပွားရေးဖံွ့ဖြိုးမှုကို အသားပေးခဲ့သူဖြစ်တယ်။ ဒီနေ့စစ်အစိုးရအမွေကို ဆက်ခံတဲ့ ကြံ့ဖွတ်အစိုးရရဲ့အတွေးအခေါ်နဲ့ တထပ်တည်းပဲ။
  
  ကျနော်တို့ခေါင်းဆောင် နေအိမ်အကျယ်ချုပ်ကျနေတုံးက တကယ်တမ်း လူအား၊ ငွေအား၊ စိတ်ဓာတ်အားတွေနဲ့ ကူညီအားပေးပြီး လွတ်မြောက်ရေးအတွက် ရှေ့တမ်းက ဆောင်ရွက်ပေးခဲ့တာက ဒီမိုကရက်တစ်ညီညွတ်ရေးပါတီ(DUP)က အခုတော့ အတိုက်အခံပါတီ ဖြစ်နေတယ်။
  
  အဲဒီပါတီရဲ့ခေါင်းဆောင်၊ ယခင်နိုဘယ်ဆုရှင် သမတကင်ဒေးဂျုံပါတီက.. ဒေါ်အောင်ဆန်းစုကြည်ကို နေအိမ်အကျယ်ချုပ် ရှိနေတုန်း အားတက်သရောထောက်ခံခဲ့တယ်။
  ဒေါ်အောင်ဆန်းစုကြည်ကိုတွေ့ဖို့ ကိုယ်တိုင် သံရုံးသွားပြီး၊ ဗီဇာလျှောက်ခဲ့ပေမဲ့ မြန်မာအာဏာပိုင်တွေ လက်မခံလို့ မတွေ့နိုင်ခဲ့ဘူး။
  သူဟာ ဒေါ်အောင်ဆန်းစုကြည် လွတ်မြောက်ရေးအတွက် တောင်းဆိုမှုတွေ၊ လှုံ့ဆော်မှုတွေ တက်တက်ကြွကြွ လုပ်ခဲ့သလို ဒေါ်အောင်ဆန်းစုကြည် ဆုရရှိဖို့ ဆုံးဖြတ် ဆောင်ရွက်ပေးခဲ့သူဖြစ်တယ်။
  
  ဒီမိုကရက်တစ်၊ ပါတီဝင်တွေကိုယ်တိုင် ဟိုတုံးက စစ်အစိုးရကို ကန့်ကွက်ရှုံ့ချတာ၊ အရေးယူတာ၊ ဒေါ်အောင်ဆန်းစုကြည် လွတ်မြောက်ရေးနဲ့ မြန်မာသံရုံးရှေ့ ဆန္ဒပြပွဲဖော်ဆောင်တာတွေကအစ တက်တက်ကြွကြွ ဆောင်ရွက်ပေးခဲ့တာဖြစ်တယ်။
  မြန်မာအတိုက်အခံ ဒီမိုကရေစီအဖွဲ့အစည်းတွေကို ကူညီအားပေး ထောက်ခံခဲ့တယ်။
  
  ဒီနေ့အာဏာရပါတီဟာ တချိန်က မြန်မာ့ဒီမိုကရေစီရေး၊ ဒေါ်အောင်ဆန်းစုကြည်လွတ်မြောက်ရေးနဲ့ ကင်းကင်းကွာကွာ နေခဲ့သူတွေဖြစ်တယ်။
  အခုဒေါ်အောင်ဆန်းစုကြည် နိုင်ငံတကာခေါင်းဆောင်တန်း ၀င်ပြီး၊ အာရှ၊ ဥရောပ၊ အမေရိကားနိုင်ငံတွေကို အလည်အပတ်တွေသွား၊ စီးပွားရေးလုပ်ငန်းတွေ ညှိနှိုင်း ၀င်လုပ်နေတာတွေ့တော့မှာ တချိန်မှာ ဒေါ်အောင်ဆန်းစုကြည် အာဏာရလာရင် နောက်ကောက်ကျမှာ စိုးရိမ်ပြီး အလောတကြီး ဆက်ဆံလာဟန်တူတယ်။
  
  အခုဒေါ်အောင်ဆန်းစုကြည်ရဲ့တောင်ကိုးရီးယားခရီး အစီအစဉ်အသေးစိတ်ကို ဖတ်ကြည့်တော့ တချိန်က ဒေါ်အောင်ဆန်းစုကြည်နဲ့ ဒီမိုကရေစီ အင်အားစုတွေ မိုးထဲလေထဲ ရောက်နေချိန် စာနာ အားပေး ကူညီခဲ့ကြတဲ့ သမတဟောင်း ကင်ဒေးဂျုံပါတီက လူတွေကို ဘေးဖယ်ထားတာတွေ့ရတယ်။
  
  ဒေါ်အောင်ဆန်းစုကြည်နဲ့ လက်ဘက်ရေတခွက် အတူသောက်ခွင့်တောင် ပေးမထားဘူး။
  ကိုရီးယားက မြန်မာ့ဒီမိုကရေစီအင်အားစုတွေအတွက်တောင် မျက်နှာပူစရာအဖြစ်။
  မြန်မာ့ဒီမိုကရေစီရေးအတွက်၊ တစိုက်မတ်မတ်
  စေတနာထား ဆောင်ရွက်ပေးနေတဲ့ အင်ချွန်းမြို့တော်ဝင် ဆုံရောင်ဂီးနဲ့တောင်.. ကိုရီးယားက မြန်မာ့ဒီမိုကရေစီအင်အားစုတွေ
  “အတိုက်အခံအဖွဲ့ ဘယ်သူနဲ့မှ တွေ့ခွင့်မပေးတောင် ဒီပုဂ္ဂိုလ်နဲ့တော့တွေ့ဖြစ်အောင် တွေ့ခွင့်ပေးပါ” လို့ မေတ္တာရပ်ခံလို့ ဖေဖော်ဝါရီ ၁ ရက် မနက်ကျမှ မိနစ်၂၀ လောက် တွေ့ခွင့်ရခဲ့တယ်။
  ဒေါ်အောင်ဆန်းစုကြည်နဲ့ NLD အဖွဲ့ ကိစ္စမှန်သမျှ ထောက်ပံ့ကူညီပေးနေတဲ့ ဘုန်းတော်ကြီးတပါးနဲ့လည်း တွေ့ခွင့်မရဘူး။
  
  “ဘုန်းတော်ကြီးအင်မ်ရောင်တန်” ဟာ ဒေါ်အောင်ဆန်းစုကြည် အကျယ်ချုပ် လွတ်လွတ်ချင်း ရန်ကုန် အင်းယားကန်နဘေးက အိမ်အမှတ် ၅၄ ကို အပြေးအလွှားသွားခဲ့သူပါ။
  ပြီးတော့ဘုန်းတော်ကြီး ဦးဆောင်တဲ့ Dongguk University ဟာ မြန်မာ့အရေးကို အားပေးရုံမက၊ ဒေါ်ခင်ကြည် ဖောင်ဒေးရှင်းနဲ့ NLD လူငယ်တွေရဲ့ ပညာရေးထောက်ပံ့မှု အစီအစဉ်တွေ၊ စာသင်ကျောင်းတွေအပြင်၊ နာဂစ်ဒုက္ခသည်၊ မိဘမဲ့များ၊ ရွှေဝါရောင်သံဃာတော်များ ထောက်ပံ့ရေး၊ ထိုင်းမြန်မာနယ်စပ်၊ ရွှေ့ပြောင်းကျောင်း၊ ဒုက္ခသည်စခန်း.. အစရှိတာတွေကို မပျက်မကွက် ထောက်ပံ့ အားပေးနေတာဖြစ်တယ်။
  
  ဒါပေမဲ့ဒေါ်အောင်ဆန်းစုကြည်နဲ့ မြန်မာတွေတွေ့ဆုံမဲ့အစီအစဉ်ကို Seoul University နဲ့ Yonsei University မှာပဲ လုပ်ရမယ်လို့စီစဉ်လိုက်တော့ ကိုးရီးယားက မြန်မာတွေ မျက်နှာပူစရာ အနေအထားတွေဖြစ်နေရော..။
  
  ဒီထက်ဆိုးတာက..ဒေါ်အောင်ဆန်းစုကြည်ရဲ့ခရီးစဉ်အတွက်..လေယာဉ်လက်မှတ်ကိစ္စပါ။
  
  ဒေါ်အောင်ဆန်းစုကြည်ကို တာဝန်ယူဖိတ်ကြားတဲ့ ဖျောင်ချမ်းအိုလံပစ်ကော်မတီက.. ဒေါ်အောင်ဆန်းစုကြည် အပါအ၀င် လိုက်ပါမယ့်လူ ၄ ယောက်အတွက်၊ အလာလက်မှတ်ပဲ တာဝန်ယူပြီး၊ အပြန်လက်မှတ် ဝယ်မပေးပါဘူး။
  
  နိုင်ငံခြားရေးဝန်ကြီးရုံးက မြန်မာ့ဒီမိုကရေစီအဖွဲ့တွေကို အပြန်လက်မှတ်အတွက် တာဝန်ယူခိုင်းပါတယ်။ ဒီသတင်းက ဟုတ်မှဟုတ်ရဲ့လား၊ တခုခုတော့လွဲနေပြီလို့ထင်ပြီး မယုံနိုင်ဘူး။
  ဒါနဲ့ တောင်ကိုးရီးယားကမိတ်ဆွေတွေကို မေးမြန်းစုံစမ်းကြည့်တော့..အဟုတ်ပဲ။ သတင်းက မှန်တယ်။ နောက်ဆုံးတော့ဒေါ်အောင်ဆန်းစုကြည်နဲ့ တွေ့ဆုံခွင့်မရတဲ့.. ဘုန်းတော်ကြီးအင်မ်ရောင်တန်ကပဲ.. သူလေးစားချစ်ခင်တဲ့မိတ်ဆွေအတွက် အပြန်လက်မှတ် ၀ယ်ပေးလိုက်တယ် တဲ့..။
  ဘယ်လောက်များဝမ်းနည်းစရာကောင်းလဲ..။
  
  ပြီးတော့ရှိသေးတယ်.. အရင်စစ်အစိုးရလက်ထက်က.. စီးပွားရေးတွေ တွဲပြီး အကြီးအကျယ်လုပ်ခဲ့ကြတဲ့ (အခုလည်းလုပ်တုံး) ကိုရီးယားခရိုနီတွေနဲ့ ဒေါ်အောင်ဆန်းစုကြည်တို့ရဲ့ ခမ်းနားတဲ့ညစာစားပွဲတွေ၊ တွေ့ဆုံ ညှိနှိုင်းပွဲတွေလည်း (၅)ရက်ကြာ ကိုရီးယားခရီးစဉ်မှာ ပါတယ်။
  အဲဒီ ကိုရီးယားခရိုနီတွေက ဒေါ်အောင်ဆန်းစုကြည် ဦးဆောင်တဲ့ ရန်ကုန်တက္ကသိုလ် ဘက်စုံမွန်းမံရေးနဲ့ ပညာရေးအစီအစဉ်အတွက် ဒေါ်လာ သိန်းနဲ့ချီလှုဒါန်းမယ့် သတင်းတွေကလည်း ကြိုထွက်နေတယ်။
  
  ကဲ….ဇာတ်လမ်းကတော့ မသန်းပဲ..။
  ဆင်သွားရင် လမ်းတော့ဖြစ်ပါရဲ့..တိုးတိုက်ထိခိုက်မိလို့ ကျိုးကြေ၊ နင်းမွခံလိုက်ရတွေတော့ အများကြီး။
  မြန်မာနိုင်ငံအဖို့ ဒီလိုကာလမှာ ဘက်ပေါင်းစုံက အကူအညီတွေလိုတာတော့အမှန်ပဲ။
  ငွေကြေးနဲ့နည်းပညာ အထောက်အပံ့တွေက ထိတ်တန်းက လိုတာပေါ့။
  
  ဒီထက်ပိုပြီးလိုအပ်တာက“မိတ်ဆွေကောင်း”တွေပါ။ အလည်အပတ်သွားခဲ့တဲ့နိုင်ငံတိုင်းမှာ ဒေါ်စုက..မိတ်ဆွေကောင်းတွေအကြောင်း၊ ကျင့်ဝတ်တရားတွေနဲ့မေတ္တာ၊ စေတနာတွေလွမ်းခြုံတဲ့ ဗုဒ္ဓအတွေးအခေါ်ဒဿနတွေကို အမြဲဆွေးနွေး ဝေငှလေ့ရှိတာ သတိထားမိပါတယ်။
  ဒါပေမဲ့ဒေါ်စုယုံကြည်တဲ့၊ လိုလားတဲ့..ကျင့်ဝတ်သီလနဲ့ မိတ်ဆွေစစ် အမျိုးအစားတွေ အမှန်တကယ်ရှာဖွေတွေ့ရှိ၊ မရှိတော့ကျနော်တို့ မသိဘူး။
  ဒါပေမဲ့ကျနော်တို့ကတော့ မြန်မာ့ဒီမိုကရေစီရေးအတွက် မိတ်ဆွေကောင်းတွေ တွေ့ခဲ့ပါတယ်။ သူတို့ဟာ ရိုးရှင်းတယ်။ အပေးပဲ ရှိတယ်၊ အယူမရှိဖူး။
  
  ကျနော်တို့လိုအင်ရင် အမြဲပြုံးပြီးပေးတတ်တယ်။ သူတို့ဆီက အများဆုံးရတတ်တာက.. မေတ္တာ၊ စေတနာနဲ့စာနာယိုင်းပင်းမှုတွေ ဖြစ်တယ်။ အဲဒါတွေနဲ့ပဲ အနှစ်(၂၀)ကျော် ကျနော်တို့ မတ်မတ်ရပ်နိုင်ခဲ့တယ်။
  ကျနော်တို့ပြန်ပေးနိုင်တာကလည်း အသိအမှတ်ပြုမှုနဲ့၊ အပြန်အလှန်မေတ္တာလေးပါပဲ။ ကျနော်တို့မှာ..ငွေမရှိဘူး၊ အာဏာမရှိဘူး၊ လုပ်ပိုင်ခွင့်လည်းမရှိဖူး။
  ဒါပေမဲ့ကျနော်တို့အပေါ် အမြဲခွင့်လွှတ် နားလည်ချစ်ခင်နေတဲ့.. အမိလိုအဖလို ညီလိုအကိုလို…မိတ်ဆွေကောင်းတွေတော့ ရှိပါတယ်။
  
  အာဏာတွေ၊ ငွေတွေထက် သစ္စာတရားနဲ့လူ့ကျင့်ဝတ်တရားတွေပဲ ကျနော်တို့မက်မောတယ်။ လူကိုလူလိုပဲ အသိအမှတ်ပြုချင်တယ်။
  သူခိုးကိုသူခိုးလို့ပဲ သဘောပေါက်ထားချင်တယ်။
  လူသတ်သမားကို လူသတ်သမားလို့ပဲ နားလည်ထားချင်ပါတယ်။
  
  မိတ်ဆွေကောင်း၊ မိတ်ဆွေစစ်နဲ့ပတ်သက်ပြီး သတိရတာတခုပြောပြချင်တယ်။
  ၂၀၀၄ ခုနှစ်က နယူးဒေလီမှာ မြန်မာ-အိန္ဒိယချစ်ကြည်ရေးအဖွဲ့တခုရဲ့ နှီးနှောဖလှယ်ပွဲ သွားတက်ခဲ့တယ်။
  သိတဲ့အတိုင်း အိန္ဒိယက တရုတ်နဲ့မြန်မာ နီးနီးကပ်ကပ်ရှိတာကို တချိန်လုံးဝေဖန်နေတာ..။
  အဲဒီ အခမ်းအနားကိုမြန်မာ သံအမတ်ကြီးဦးကျော်သူ (နောက်ပိုင်း ဒုတိယနိုင်ငံခြားရေးဝန်ကြီး) တက်စကားပြောတယ်။
  သူပြောတာက A friend in need is a friend indeed. တဲ့.. လိုအပ်တဲ့အချိန်မှာ..ကူညီသူဟာ မိတ်ဆွေစစ်တဲ့။
  ၈၈ တုန်းက စစ်တပ်က ဒုက္ခရောက်တော့ အိန္ဒိယက ဘာအကူအညီပေးလို့လဲ..တဲ့၊ တရုတ်က ကျနော်တို့ကို အကူအညီပေးခဲ့တယ် တဲ့။
  ရှင်းရှင်းပဲပြောသွားတယ်။ လက်ပံတောင်းမှာ ဦးအောင်မင်း တရုတ်ကျေးဇူး ဖော်ထုတ်သွားတာ နောက်မှ..၊
  သမတဟောင်း ဒေါက်တာမောင်မောင်ရဲ့သား သံအမတ်ဦးကျော်သူက နယူးဒေလီမှာ အပြတ်ပြောပြီးပြီ။
  နားထောင်နေတဲ့ အိန္ဒိယနိုင်ငံရေးသမားတွေ၊ ပညာရှင်တွေ ဘာတခုမှ မပြောနိုင်ဘူး၊ ပါးစပ်ဟောင်းလောင်းနဲ့။
  
  ၈၈ က စလို့ ကျနော်တို့ဒီမိုကရေစီအင်အားစုတွေ မိုးထဲလေထဲ ဒုက္ခရောက်တုန်း ဘယ်သူတွေ ကူညီခဲ့လဲ? ဘယ်သူတွေဝင်ရှုတ်ခဲ့လဲ?
  ခရိုနီတွေလား? စီအိုင်အေလား? NGOတွေလား? ..စစ်ဗိုလ်ချုပ်တွေလား?
  ကျနော်တို့တတွေ..မိတ်ဆွေစစ်ဆိုတာ ဘာမှန်းမသိရသေးရင်တောင်…
  
  မိတ်ဆွေတု၊ မိတ်ဆွေယောင်တွေ အကြောင်းတော့ သေသေချာချာသိသင့်တယ်..ထင်တာပဲ။ ။
  
  အေးချမ်းမွန်မှ ဧရာဝတီ တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်
  https://www.facebook.com/excellencemedia

ပြန်ခေါက်ပေးခဲ့ပါ။...

ပဋိပက္ခဖန်တီးသူတွေ အဆုံးသတ်ရဲတဲ့ သတ္တိ ရှိဖို့လို

ဒေါ်အောင်ဆန်းစုကြည် ဟာဝိုင်ယီကျောင်းသားများနဲ့ တွေ့ဆုံပွဲ။ (ဇန်န၀ါရီလ ၂၆ ရက်၊ ၂၀၁၃)

ကိုသိန်းထိုက်ဦး

ကချင်ဒေသ လက်နက်ကိုင်ပဋိပက္ခတွေကြားမှာ အပြစ်မဲ့ ပြည်သူတွေ မြေဇာပင်ဖြစ်ပြီး အတိဒုက္ခရောက်နေရတဲ့အကြောင်း NLD အမျိုးသားဒီမုိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် က ဟာဝိုင်ယီ ငြိမ်းချမ်းရေး အဖွဲ့အစည်းတခုဖြစ်တဲ့ Pillars of Peace အဖွဲ့ကြီးက ကျင်းပတဲ့ ကျောင်းသူကျောင်းသားတွေနဲ့ တွေ့ဆုံ ဆွေးနွေးပွဲမှာ ပြောဆုိုသွားပါတယ်။ ပဋိပက္ခကို ဖန်တီးသူတွေအနေနဲ့ အဆုံးသတ်ရဲတဲ့ သတ္တိရှိဖုို့လိုတယ်လို့ သူက ဆုိုပါတယ်။ ဆွေးနွေးပွဲကို တက်ရောက် သတင်းယူခဲ့တဲ့ ကိုသိန်းထိုက်ဦးက ဟိုနုိုလူလူကနေ သတင်းပေးပို့ပါတယ်။

ငြိမ်းချမ်းရေးအတွက် အပေးအယူလုပ် ညှိနှိုင်းရဲတဲ့သတ္တိရှိဖို့ လိုတယ်ဆိုတာ ပြောဆိုရင်း အပေးအယူ ညှိနှိုင်းတာကို အရှုံးပေးလိုက်ရတာ ဆိုပြီး မှားယွင်း ရှုမြင်တတ်တဲ့အကြောင်း ဒေါ်အောင်ဆန်းစုကြည် က မိန့်ခွန်းထဲမှာ ထောက်ပြ ပြောဆိုသွားပါတယ်။ စေ့စပ်ညှိနှိုင်းအဖြေရှာဖို့ ပျက်ကွက်ခဲ့ တာကြောင့် မြန်မာနိုင်ငံမှ လူမျိုးစု ပဋိပက္ခတွေ ဆက်ရှိနေသေးတာ ဖြစ်တဲ့အကြောင်း ပြောဆို သွားရင်းနဲ့ ကချင်ပြည်နယ် တိုက်ပွဲတွေကြား အမျိုးသမီးနဲ့ ကလေးငယ်တွေ အတိဒုက္ခရောက်နေရတဲ့ အနေအထားတွေကို ဒေါ်အောင်ဆန်းစုကြည်က ပြောဆိုသွားပါတယ်။

“ဘေးဒုက္ခအများဆုံး ရင်ဆိုင်နေရသူတွေဟာ အပြစ်မဲ့တဲ့ အမျိုးသမီးနဲ့ ကလေးတွေ ဖြစ်ပြီး သူတို့ဟာ ပဋိပက္ခကို ဖန်တီးသူ၊ ပဋိပက္ခ ဖြစ်နေအောင် လုပ်နေသူတွေ မဟုတ်တဲ့အကြောင်း၊” - ဒေါ်အောင်ဆန်းစုကြည်က ပြောပါတယ်။

အာဏာနဲ့ လုပ်ပိုင်ခွင့် ရှိသူတွေက မေတ္တာထားဖို့နဲ့ သတ္တိရှိဖို့၊ တခြား အရာတွေကို ပိုပြီး ဦးစားပေးနေတာကြောင့် အပြစ်မဲ့ပြည်သူတွေအတွက် ငြိမ်းချမ်းရေးကို မရနိုင်တာလို့ သူက ဆိုပါတယ်။

“ဒီနေရာမှာ သတ္တိဆိုတာ ရုပ်ပိုင်းဆိုင်ရာ အရ ပြသတဲ့ သတ္တိမျိုးကို ဆိုလိုတာ မဟုတ်သလို စစ်မြေပြင်မှာပြတဲ့ သတ္တိမျိုးကို သတ္တိလို့ ဆိုလိုတာ မဟုတ်ဘူး။ တခါတရံမှာ စစ်မြေပြင်မှာ မသွားတော့ဘူးလို့ ငြင်းဆန်တာကလည်း သတ္တိဖြစ်ပြီး ဒီလောက်ဆိုရင် တော်ပြီ၊ လုံလောက်ပြီလို့ ပြောရတာကလည်း သတ္တိဖြစ်တဲ့အကြောင်း၊ တယောက်ယောက်က ဒါကို အဆုံးသတ်သင့်ပြီလို့ ပြောရဲဖို့လိုတဲ့အကြောင်းနဲ့ ပဋိပက္ခကို အစပြု ဖန်တီးတဲ့သူတွေ ရှည်ကြာအောင် ဆက်လုပ်နေသူတွေ ဘက်က အဆုံးသတ်ရဲတဲ့သတ္တိရှိဖို့ လိုတဲ့အကြောင်း၊” - ဒေါ်အောင်ဆန်းစုကြည် ပြောဆိုသွားတာပါ။

ငြိမ်းချမ်းရေးအတွက် အပြောင်းအလဲတွေ လိုတယ်လို့လည်း ဒေါ်အောင်ဆန်းစုကြည်က ပြောပါတယ်။ အပြောင်းအလဲတွေ အတွက် ပြင်းပြင်းထန်ထန် အလုပ် လုပ်ရမှာ ဖြစ်ပြီး မဖြစ်မနေ ဆက်လုပ်မယ်ဆိုတဲ့ သံန္နိဌာန် ခိုင်မာဖို့လည်း လိုတယ်လို့ သူက ပြောပါတယ်။ ငြိမ်းချမ်းရေးရဖို့အတွက် လက်တွေ့ လုပ်ဆောင်ဖို့ လိုတယ်ဆိုတာကိုလည်း မီးကို ငြိမ်းချင်ရင် မဖြစ်မနေ လက်တွေ့ ငြိမ်းသက်ရတဲ့ဥပမာနဲ့ နှိုင်းယှဉ်ပြောပြသွားပါတယ်။
အရင် စစ်အစိုးရဘက်က တွေ့ဆုံဆွေးနွေးတယ် ဆိုတာကို တဘက်ဘက်က လုံးဝ ရှုံးနိမ့်သွားမှ ဆွေးနွေးတာလို့ ရှုမြင်ခဲ့တဲ့အတွက် တွေ့ဆုံဆွေးနွေးရေးကို ငြင်းပယ်ခဲ့တဲ့ အကြောင်းလည်း ဒေါ်အောင်ဆန်းစုကြည်က ရှင်းပြပါတယ်။

“တွေ့ဆုံ စကားပြောတယ်ဆိုတာ တဘက်နဲ့တဘက် အပေးအယူလုပ် ညှိနှိုင်းတာမျိုး ဆိုတာကို သူ့ဘက်က အကြိမ်ကြိမ် ရှင်းပြခဲ့တဲ့အကြောင်း၊” - ဒေါ်အောင်ဆန်းစုကြည်က ပြောပါတယ်။ အပေးအယူဆိုတာ ကိုယ့်ဘက်က အားလုံးကို ယူတာဆိုတဲ့ မှားယွင်းတဲ့ ရှုမြင်ချက်မျိုးနဲ့ ငြိမ်းချမ်းရေးကို တည်ဆောက်နိုင်မှာ မဟုတ်တဲ့အကြောင်း ဒေါ်အောင်ဆန်းစုကြည်က ရှင်းပြခဲ့ပါတယ်။

မြန်မာပြည် ဒီမိုကရေစီခရီး နှစ် ၂၀ ကျော်အတွင်းမှာ ဒီမိုကရေစီ မရသေးဘူး ဆိုရင်တောင် ပဋိပက္ခတွေကို စေ့စပ်ညှိနှိုင်းရမယ်ဆိုတဲ့ အမြင်သဘောထားတွေ ကိုတော့ အစပျိုး လက်ခံလာတာတွေ ရှိနေပြီလို့ ဒေါ်အောင်ဆန်းစုကြည်က ပြောပါတယ်။ ကချင်ဒေသ ငြိမ်းချမ်းရေးဟာလည်း စေ့စပ်ဆွေးနွေးရေး လုံးဝ ပျက်ပြယ်သွားပြီဆိုတာမျိုး မဟုတ်တဲ့အကြောင်း၊ အားလုံး လိုလားတဲ့ ငြိမ်းချမ်းရေးမျိုး မျှော်လင့်ချက်တွေ ရှိနေသေးတယ် ဆိုတာကို ဒေါ်အောာင်ဆန်းစုကြည်က မိန့်ခွန်းထဲမှာ ထည့်သွင်း ပြောကြားသွားပါတယ်။ 

ဗွီအိုအေ

---

ပြန်ခေါက်ပေးခဲ့ပါ။...

ကချင်ငြိမ်းချမ်းရေးအတွက် သွားရောက်သူများကို စစ်တပ် တားမြစ်

ကချင်ငြိမ်းချမ်းရေးအတွက် သွားရောက်သူများကို စစ်တပ် တားမြစ်

ရန်ပိုင် (ဧရာဝတီ)၊ January 25, 2013

• ငြိမ်းချမ်းရေး ကြားဝင်ဆောင်ရွက်ရန်အတွက် ပဋိပက္ခဖြစ်ပွားနေသည့် ကချင်ဒေသသို့ သွားရောက်သော ဗိုလ်ကြီးဟောင်း နေမျိုးဇင်နှင့် ၅ ဦးကို လိုင်ဇာမြို့မှ ၁၅ မိုင်ခန့် အကွာသို့အရောက် အစိုးရစစ်တပ်က ဆက်လက်မသွားရန် တားမြစ်ခဲ့သည်။
• မြန်မာ့လူမှုဘ၀ဖွံ့ဖြိုးတိုးတက်ရေးကွန်ရက်မှ ကိုနေမျိုးဇင်နှင့်အဖွဲ့သည် တာဝန်ရှိသူများ တားမြစ်နေသည့်ကြားမှ လဂျားယန်မှတဆင့် ကချင်ပြည်လွတ်လပ်ရေးအဖွဲ့(KIO) ဌာနချုပ်ရှိရာ လိုင်ဇာမြို့သို့ သွားရောက်လိုသည်ဟု အကြောင်းပြ ထွက်ခွာလာရာ နယ်မြေလုံခြုံရေးနှင့် မိုင်းအန္တရာယ်ကြောင့် ကချင်ပြည်နယ် ဒေါ့ဖုန်းယန်မြို့နှင့် ၅ မိုင်ခန့် အကွာတွင် လာလမ်းသို့ ပြန်လည်စေလွှတ်ခဲ့သည်ဟု ဇန်န၀ါရီ ၂၅ ရက်နေ့ထုတ် အစိုးရသတင်းစာများ၌ ရေးသားထားသည်။
• ဗိုလ်ကြီးဟောင်း နေမျိုးဇင်က “ဒေါ့ဖုန်းယန် ဗျူဟာကုန်းဘေးက ဖြတ်ကတည်းက သူတို့သိနေတာပဲ မတားဘူး၊ ခက်ခက်ခဲခဲ သွားပြီး လိုင်ဇာ ရောက်ခါနီး ခါယာတောင်ခြေ သိန်းဆင့်လမ်းခွဲရောက်မှ စစ်ကြောင်းကားတွေ ရောက်လာပြီး ဗျူဟာမှူးအမိန့်ဆိုပြီး တားမြစ်ခံရတာ စိတ်မကောင်းဘူး” ဟု ပြောဆိုသည်။
• ဇန်န၀ါရီ ၂၄ ရက်က လာရောက်တားမြစ်သည့် အရာရှိများက ရှေ့လမ်းခရီးတွင် မိုင်းအများအပြား ရှိသည့်အတွက် အန္တရာယ်များကြောင်း ကောင်းမွန်စွာ ပြောဆိုသည်ဟု ကိုနေမျိုးဇင်က ပြောသည်။
• ၎င်းတို့ လာရောက်သည်ကို ကချင်လွတ်လပ်ရေးတပ်မတော် (KIA) ကလည်း ဒေသခံများမှ တဆင့်သိရှိကြောင်း၊ ယခုပဋိပက္ခတွင် မည်သည့်ဘက်မှ ရပ်တည်ရန်မဟုတ်၊ ကချင်ခေါင်းဆောင်များ၏ ပြောကြားလိုသည့် အကြောင်းအရာများကို နားထောင်ပြီး ပြန်လည်စေ့စပ်ရန် ယုံကြည်ချက်ဖြင့် ခရီးထွက်ခဲ့ခြင်းဖြစ်ကြောင်းလည်း ၎င်းက ဆိုသည်။
• လမ်းခရီးတလျှောက်တွင် လက်နက်ကြီးကျည်များ ကျရောက်ပေါက်ကွဲမှု၊ မိုင်းခွဲမှုများကြောင့် တံတားများ၊ လမ်းများ ပျက်စီးနေသည့် စစ်၏အနိဋ္ဌာရုံများကို မြင်တွေ့ရကြောင်း၊ ဆွဲမိုင်း၊ နင်းမိုင်းနှင့် အဝေးထိန်းမိုင်း အများအပြား ထောင်ထားသည်ဟု ဒေသခံများကလည်း ပြောဆိုကြောင်း၊ လိုင်ဇာအနီးတ၀ိုက်တွင် အစိုးရစစ်တပ် စစ်ကြောင်းများ သွားလာလှုပ်ရှားနေပြီဖြစ်သည့်အတွက် ထိုးစစ်လည်း ကျရောက်လာနိုင်ကြောင်း ကိုနေမျိုးဇင်က မျက်မြင်အခြေအနေကို ပြောပြသည်။
• “စစ်ဆင်ရေးက တနှစ်လောက်ရှိပြီဆိုတော့ ရဲဘော်တွေမှာ ဆံပင်တွေလည်း ရှည်၊ ကွမ်းဆေးလိပ် ငတ်ပေါ့၊ ကျနော့်ကား မြင်တော့ ပြေးလာပြီး ငြိမ်းချမ်းချင်ပြီလို့ ပြောတယ်၊ ၀မ်းနည်းစရာပါ”ဟုလည်း ၎င်းက ပြောသည်။
• အလားတူ ကချင်၊ ရှမ်း၊ လီဆူး စသည့် ဒေသခံများလည်း စစ်၏ဆိုးကျိုးများကို ခံစားနေရကြောင်း၊ ဘွဲ့ရပညာတတ် အမျိုးသမီးများကိုလည်း စစ်မှုထမ်းရန် အဓမ္မခေါ်ဆောင်မှုများရှိကြောင်း၊ စစ်ပွဲပြင်းထန်နေသည့်ကာလတွင် လက်ကိုင်ဖုန်းများကို သိမ်းဆည်းထား၍ နေအိမ်များနှင့် ဆက်သွယ်ခွင့်မရသည့်အတွက် ပြန်လည်ခေါ်ဆောင်ပေးရန် တိုင်ကြားမှုများကိုလည်း ကြုံခဲ့ရကြောင်း ကိုနေမျိုးဇင်က ဆက်ပြောသည်။
• ထို့ကြောင့် ဒေသငြိမ်းချမ်းရေး စစ်ပွဲများ ရပ်တန့်ရေးအတွက် နှစ်ဘက်အဖွဲ့အစည်းများကို ငြိမ်းချမ်းစွာဖြေရှင်းရန် မေတ္တာရပ်ခံလိုကြောင်း၊ ဒေသတွင်းငြိမ်းချမ်းစေရန် လူထုအင်အားဖြင့် ထပ်မံလုပ်ဆောင် သွားဦးမည်ဖြစ်ကြောင်းလည်း ၎င်းက ပြောဆိုသည်။
• မြန်မာ့လူမှုဘ၀ဖွံ့ဖြိုးတိုးတက်ရေးကွန်ရက်အနေဖြင့် ဗန်းမော်-ဒေါ့ဖုန်းယန် လမ်းတလျှောက်ရှိ စစ်ပြေးဒုက္ခသည်များအတွက် ခြုံစောင်နှင့် အနွေးထည်၊ အစားအသောက်များကိုလည်း လှူဒါန်းခဲ့ကြောင်း သိရသည်။
• ကချင်ပြည်နယ် ငြိမ်းချမ်းရေးအတွက် ရန်ကုန်မြို့မှ လိုင်ဇာမြို့အထိ ပထမဆုံးအကြိမ် လမ်းလျှောက်ချီတက်သည့် လှုပ်ရှားမှုတခုကိုလည်း ဇန်န၀ါရီ ၂၁ ရက် နံနက်ပိုင်းက စတင်ခဲ့ကြသည်။ 
•  

Posted by ဒေါက်တာလွဏ်းဆွေ

ပြန်ခေါက်ပေးခဲ့ပါ။...

ဒေါ်အောင်ဆန်းစုကြည် Hawaii ကို ရောက်ရှိ

• မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည် အမေရိကန်ခရီးစဉ်နဲ့ တောင်ကိုရီးယားခရီးစဉ်အတွက် ရန်ကုန်အပြည်ပြည်ဆိုင်ရာလေဆိပ်မှ ထွက်ခွာစဉ်။
• ကိုသိန်းထိုက်ဦး,  စုမြတ်မွန်
•  
• အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ Hawaii ပြည်နယ်မှာ ကျင်းပတဲ့ Rotary ကမ္ဘာ့ငြိမ်းချမ်းရေး ညီလာခံမှာ မိန့်ခွန်းပြောဖို့အတွက် ကြာသပတေးနေ့က Hawaii ပြည်နယ် Honolulu မြို့တော်ကို ရောက်ရှိလာပါတယ်။ အဲ့ဒီမှာ သတင်းယူဖို့အတွက် VOA  ဝိုင်းတော်သား ကိုသိန်းထိုက်ဦး လည်း ရောက်နေတာကြောင့်  ဒေါ်အောင်ဆန်းစုကြည်ရဲ့ ခရီးစဉ်အစီအစဉ်တွေကို သိရဖို့ မစုမြတ်မွန်က ကိုသိန်းထိုက်ဦးကို ဆက်သွယ်မေးထားပါတယ်။
• မစုမြတ်မွန်- ကိုသိန်းထိုက်ဦးရေ၊ သိထားတဲ့ အစီအစဉ်အတိုင်းဆိုရင်တော့ ဒေါ်အောင်ဆန်းစုကြည် ဟာ ဒီကနေ့ ကြာသပတေးနေ့မှာ Hawaii ကို ရောက်လာဖို့ ရှိတယ်လို့ သိရပါတယ်။ အခု ကိုသိန်းထိုက်ဦးလည်း Honolulu မှာ ရောက်နေတယ်ဆိုတော့ နောက်ဆုံး သူ့ရဲ့ခရီးစဉ်အခြေအနေ သိထားသမျ ပြောပြပေးပါရှင့်။
• ကိုသိန်းထိုက်ဦး- ဟုတ်ကဲ့။ ဒီခရီးစဉ်ကို စီစဉ်သူတွေရဲ့ အပြောအရတော့ ဒေါ်အောင်ဆန်းစုကြည်ဟာ ဒီကနေ့ Honolulu စံတော်ချိန် မနက်ပိုင်းမှာ ရောက်လာမှာပါခင်ဗျ။ ဒါပေမဲ့ သူ့ရဲ့ လုံခြုံရေးအရ ဘယ်လေယာဉ်နဲ့ ဘယ်အချိန်မှာ ရောက်မယ်ဆိုတာမျိုးကို ကြိုပြီးတော့ ကြေညာတာမျိုးတော့ မရှိပါဘူး။ နောက်ပြီးတော့ လေဆိပ်မှာလည်း တခြားနေရာတွေမှာလို ဒေါ်အောင်ဆန်းစုကြည်ကို လူတွေ အုံနဲ့ကျင်းနဲ့ ကြိုဆိုတာမျိုးတွေတော့ မတွေ့ရပါဘူးခင်ဗျ။ ဒါပေမဲ့ ပွဲစီစဉ်သူတွေကတော့ ဒီနေ့မနက် ရောက်မှာ သေချာတယ်။ မနက်ဖြန်မှာလည်း သူ အစီအစဉ်တွေ စပြီး စီစဉ်မှာဖြစ်တဲ့အတွက်ကြောင့် ကျနော်တို့ ရောက်ပြီလို့ပဲ သိရပါတယ်ခင်ဗျ။
• မစုမြတ်မွန်- ဟုတ်ကဲ့ပါရှင့်။ အဲ့တော့ ကိုသ်ိန်းထိုက်ဦးပြောသလို၊ သူ့ရဲ့ အစီအစဉ်တွေရှိတယ်ဆိုတော့ ဘာအစီအစဉ်တွေ ရှိတာပါလဲရှင့်။
• ကိုသိန်းထိုက်ဦး- ဟုတ်ကဲ့။ မနက်ဖြန်မှာတော့ သူက ဟာဝိုင်အီပြည်နယ် လွှတ်တော်ကို သွားပြီးတော့ လေ့လာမယ်။ နောက်ပြီးတော့ East- West Center ပေါ့နော်၊ အာရှပစိဖိတ်ဒေသနဲ့ အနောက်နိုင်ငံတွေကြားမှာ ပိုပြီးတော့ နီးစပ်ဖို့၊ ပိုပြီးတော့ နားလည်မှုရှိဖို့နဲ့ သုတေသနလုပ်နေတဲ့ အဖွဲ့အစည်းတခုကို သွားပြီး အဲ့ဒီ့က ခေါင်းဆောင်တွေကို သွားပြီးတော့ တွေ့ပါမယ်ခင်ဗျ။ Asia-Pacific Center for Security Studies ဆိုတာကို သွားပြီးတော့ လေ့လာဖို့ရှိသလို၊   ညနေပိုင်းမှာတော့ မြန်မာနိုင်ငံ အသင်းက မြန်မာနိုင်ငံသားတွေနဲ့ တွေ့ဆုံဖို့ရှိပါတယ်ခင်ဗျ။
• မစုမြတ်မွန်- ဒေါ်အောင်ဆန်းစုကြည် အဓိက သူ Hawaii ကို လာရတာက သူငြိမ်းချမ်းရေးဆု လက်ခံဖို့အတွက်နဲ့ နောက်ငြိမ်းချမ်းရေး ညီလာခံမှာ မိန့်ခွန်းပြောဖို့ လာတာဆိုတော့ အဲ့ဒီ့ဆုပေးပွဲကရော ဘယ်တော့ပါလဲရှင့်။
• ကိုသိန်းထိုက်ဦး- ဟုတ်ကဲ့။ ဒီငြိမ်းချမ်းရေး ညီလာခံကတော့ တကယ်တမ်းကျတော့ ဇန်နဝါရီ ၂၅ရက်နေ့ကနေ ၂၇ရက်နေ့အထိ ကျင်းပနေတာပါခင်ဗျ။ ဒါပေမဲ့ ဒေါ်အောင်ဆန်းစုကြည်က ၂၆ရက်နေ့ ညနေ မှာ Rotary  နိုင်ငံတကာ ငြိမ်းချမ်းရေးအဖွဲ့ကြီးရဲ့ ညီလာခံမှာ သူ အထူးဧည့်သည်တော်အဖြစ် မိန့်ခွန်းပြောကြားပြီးတော့ Hawaii ငြိမ်းချမ်းရေးဆုကို သူလက်ခံယူမှာပါ ခင်ဗျ။ သူ့ရဲ့ မြန်မာပြည် ဒီမိုကရေစီရေးအတွက် အကြမ်းမဖက်တဲ့ လှုပ်ရှားမှုတွေအတွက် ဒီဆုကို ရွေးချယ်ချီးမြှင့်တာလို့လည်း သိရပါတယ် ခင်ဗျ။ ဒေါ်အောင်ဆန်းစုကြည် ဟာ ၂၆ ရက်နေ့မှာ Hawaii အုပ်ချုပ်ရေးမှူးနဲ့ နေ့လည်စာ စားဖို့ ဖိတ်ကြားထားတယ်လို့ သိရပါတယ်ခင်ဗျ။ ညနေပိုင်းမှာ ငြိမ်းချမ်းရေး ညီလာခံမှာ ဆုပေးပွဲအခမ်းအနား တက်ရောက်ပြီးလို့ရှိရင် ၂၇ ရက်နေ့မှာတော့ Honolulu ကနေ တောင်ကိုရီးယားနိုင်ငံကို ထွက်ခွာမှာဖြစ်ပါတယ်ခင်ဗျ။
• မစုမြတ်မွန်- ဟုတ်ကဲ့။ ကိုသိန်းထိုက်ဦး၊ အခုနောက်ဆုံးမေးချင်တာကတော့ Hawaii မှာ ဒေါ်အောင်ဆန်းစုကြည် လာမယ့်အတွက်ပေါ့လေ။ အဲ့ဒီ့မှာရှိနေတဲ့ ဒေသခံတွေရဲ့ စိတ်လှုပ်ရှားမှု၊ သူလာမယ့်ခရီးစဉ်ကို ဘယ်လောက်ကြိုဆိုနေကြတယ်။ ဘယ်လောက်အထိ လူတွေ စိတ်ဝင်စားမှုရှိကြတယ်လို့ရော ပြောလို့ရပါလားရှင့်။
• ကိုသိန်းထိုက်ဦး- မြန်မာနိုင်ငံသားတွေကို သူ့ကို ကြိုဆိုဖို့ တော်တော်လေး ပြင်ဆင်နေကြ တာ တွေ့ရပါတယ်ခင်ဗျ။ ဒါပေမဲ့လည်း သူ့ရဲ့လုံခြုံရေးအရ ဒီခရီးစဉ်မှာ တော်တော်များများ ကို တွေ့ဆုံပွဲတွေက သီးသန့်သဘောဆောင်နေတာတော့ တွေ့ရပါတယ်ခင်ဗျ။ သတင်းဌာနတွေကို တချို့နေရာမှာဆိုလို့ရှိရင် ဝင်ပြီးတော့ သတင်းယူခွင့်မပေးပါဘူး။
• မစုမြတ်မွန်- ဟုတ်ပြီ။ ကိုသိန်းထိုက်ဦးရေ၊ နောက်နေ့တွေလည်း သိသမျ သတင်းတွေ ထပ်ပြီးတော့ ပြောပြပေးပါဦးရှင့်။ 
• http://burmese.voanews.com/

ပြန်ခေါက်ပေးခဲ့ပါ။...

သမ္မတနဲ့ ကာကွယ်ရေးဦးစီးချုပ် တကယ်ပဲ သဘောထားကွဲလွဲနေသလား

---

• 
• မြန်မာနိုင်ငံမှာ သမ္မတဦးသိန်းစိန် ဦးဆောင်တဲ့အစိုးရအဖွဲ့သစ်တက်လာပြီး နောက်ပိုင်း ကချင်ပြည်နယ်မှာ တိုင်းရင်းသားလက်နက်ကိုင် ကေအိုင်အေတပ်ဖွဲ့တွေနဲ့ တိုက်ခိုက်မှုတွေ ပြန်ဖြစ်ပွားလာတဲ့အပေါ် နိုင်ငံရေးဝေဖန်သူတွေနဲ့ ပြည်သူတွေအကြား ဝေဖန်သုံးသပ်မှု အမျိုးမျိုး ပေါ်ပေါက်နေပါတယ်။
• သမ္မတက စစ်တပ်ကို ထိုးစစ်တွေ မဆင်ဖို့ အမိန့်ထုတ်ထားပေမယ့် တိုက်ပွဲတွေ ဆက်ဖြစ်ပွားနေတဲ့အပေါ် သမ္မတက တမျိုး စစ်တပ်က တဖုံ ဖြစ်နေသလား၊ သမ္မတက စစ်တပ်အပေါ် ဩဇာမညောင်း ဖြစ်နေသလား၊ အခုနောက်ဆုံး လဂျားယန်ဒေသမှာ စစ်ရေးဆိုင်ရာ ဆောင်ရွက်ချက်တွေ ပြီးဆုံးပြီ။ ဒါကြောင့် ထိုးစစ်ဆင်တာတွေ မလုပ်တော့ဘူးလို့ သမ္မတက ပြောနေတဲ့တိုင် အဲဒီ ဒေသအပါအ၀င် ကချင်ပြည်နယ် အနှံ့အပြား တိုက်ပွဲတွေ အရှိန်ပြင်းပြင်း ဆက်ဖြစ်နေတာ ဘာကြောင့်လဲ စတဲ့မေးခွန်းတွေ အများကြီး ဖြစ်ပေါ်စေခဲ့ပါတယ်။ ဒီအကြောင်းတွေကို ခုတပတ် ဆွေးနွေးတင်ပြသွားမယ် ဖြစ်ပါတယ်။
• တကယ်တော့ သမ္မတဦးသိန်းစိန်အစိုးရ ဆိုတာ အရင် မြန်မာနိုင်ငံကို ဆင်းရဲတွင်းနက်အောင် လုပ်ခဲ့ပြီး ဒုက္ခပင်လယ်ဝေအောင် လုပ်ခဲ့၊ ဖျက်ဆီးခဲ့တဲ့ စစ်အာဏာရှင် အစိုးရရဲ့အဆက် ဖြစ်ပါတယ်။
• ဒါကို လက်ရှိ နိုင်ငံတာဝန်ရှိတဲ့ သမ္မတ ဦးသိန်းစိန်၊ တပ်မတော်ကာကွယ်ရေးဦးစီးချုပ်နဲ့ ပါတီခေါင်းဆောင် ဦးဌေးဦး တို့ ၃ ဦးစလုံးဟာ ပြည်တွင်းနဲ့ ပြည်ပခရီးစဉ်တွေမှာ မြန်မာနိုင်ငံ ခုလို အပြောင်းအလဲ ဖြစ်လာအောင် ဗိုလ်ချုပ်မှူးကြီးသန်းရွှေ ခေါင်းဆောင်တဲ့ အရင် စစ်ခေါင်းဆောင်တွေက လုပ်ပေးခဲ့တာ၊ လမ်းခင်းပေးခဲ့တာ စသဖြင့် ပွင့်ပွင့်လင်းလင်း ပြောဆိုခဲ့ပြီးလည်း ဖြစ်ပါတယ်။
• လက်ရှိ အခြေအနေဟာ မြန်မာပြည် ပြည်မ နိုင်ငံရေးအခင်းအကျဉ်းမှာ တရားဝင် ၀န်ခံတာ မရှိပေမယ့် ဒိုင်ယာလော့လို့ ခေါ်တဲ့ တွေ့ဆုံဆွေးနွေးမှုဖြစ်စဉ် ဖြစ်ပေါ်နေတာကို တွေ့ရမှာဖြစ်ပါတယ်။ စစ်အစိုးရလက်ထက် စစ်ဗိုလ်ချုပ်ဟောင်းတွေ ဦးစီးတဲ့ အစိုးရအဖွဲ့၊ လွှတ်တော်၊ စစ်တပ်၊ တရားရုံးအပါအ၀င် အဖွဲ့အစည်းအသီးသီးနဲ့ ဒေါ်အောင်ဆန်းစုကြည်အပါအ၀င် အတိုက်အခံတွေ ပုံစံတမျိုးနဲ့ ဒိုင်ယာလော့ လုပ်နေကြတယ် ဆိုရင် မမှားပါဘူး။
• ၂၀၀၈ ဖွဲ့စည်းပုံ အခြေခံဥပဒေ၊ ကြံ့ခိုင်ရေးပါတီ ကြီးစိုးထားတဲ့ လွှတ်တော်၊ ဗဟိုအစိုးရ၊ ပြည်နယ်နဲ့ တိုင်းအစိုးရတွေမှာပါ စစ်အာဏာပိုင်ဟောင်းတွေ အာဏာချုပ်ကိုင်ထားတဲ့ အစိုးရအဖွဲ့အသီးသီး၊ အဲဒီ စစ်ဗိုလ်ချုပ်ဟောင်းတွေကို ကျောထောက်နောက်ခံ ပေးထားတဲ့ စစ်တပ် အဲဒီ အခင်းအကျင်းအပေါ်မှာ လုပ်ကိုင်ကြရတဲ့ ဒိုင်ယာလော့ ဖြစ်ပါတယ်။
• ဒီအခြေအနေဖြစ်လာအောင် အရင် စစ်အာဏာရှင်ဟောင်းတွေဟာ ဟန်ပြ အမျိုးသားညီလာခံကို နှစ်ရှည်လများခေါ်ယူ၊ သူတို့ လိုချင်တာတွေကို ဖွဲ့စည်းပုံအခြေခံဥပဒေ မူကြမ်းထဲ အတင်းအကျပ်ထည့်၊ နောက်တော့ ၂၀၀၈ ခုနှစ်မှာ မတရားမှု လိမ်လည်အကောက်ကြံမှုပေါင်းများစွာနဲ့ ဖွဲ့စည်းပုံကို အတည်ပြု၊ ၂၀၁၀ မှာ မသမာတဲ့ နည်းပေါင်းစုံ အသုံးပြုပြီး ကြံ့ခိုင်ရေးပါတီ အနိုင်ရအောင် ဖန်တီး၊ အဲဒီ မတရားတဲ့ ရလဒ်တွေကနေ သမ္မတဦးသိန်းစိန် ဦးဆောင်တဲ့အစိုးရအဖွဲ့၊ သူရဦးရွှေမန်းဦးဆောင်တဲ့ လွှတ်တော်အဖွဲ့တွေကို ဖွဲ့စည်းခဲ့တာ ဖြစ်ပါတယ်။ ပြောရရင် စစ်အာဏာရှင်တွေဟာ ဒီလို နေရာအားလုံးမှာ အသာစီးရတဲ့ အခင်းအကျင်းမျိုးကို ဖန်တီးပြီးမှ နိုင်ငံရေးအကျဉ်းသားတွေကို လွှတ်ပေးတာ၊ နိုင်ငံရေးလုပ်ခွင့်ပေးတာ၊ အန်အယ်လ်ဒီနဲ့ အတိုက်အခံ နည်းနည်းပါးပါးကို လွှတ်တော်ထဲရောက်အောင် ဖန်တီးပေးတာ ဖြစ်ပါတယ်။ ပြောရရင် အရာရာမှာ အသာစီးယူထားပြီးမှ ဒိုင်ယာလော့ လုပ်ခွင့်ပေးထားတဲ့ ပုံစံ ဖြစ်ပါတယ်။
• စစ်ရေးကိစ္စမှာလည်း စစ်အာဏာရှင်ဟောင်းတွေဟာ ဒီအတိုင်း စဉ်းစားတာ ဖြစ်ပါတယ်။ ကချင်မှအပ အခြား လက်နက်ကိုင်အဖွဲ့အစည်းတွေအားလုံးကို ပိုနေမြဲ ကျားနေမြဲ အခြေအနေအပေါ်မှာ အပစ်အခတ်ရပ်ပြီး ငြိမ်းချမ်းရေးစကား ပြောနေတာ ဖြစ်ပါတယ်။ ကချင်အရေးကို စဉ်းစားတော့လည်း ဒီအတိုင်းပါပဲ။ ရွေးကောက်ပွဲ မတိုင်ခင် အရင်စစ်အစိုးရက ကေအိုင်အေကို နယ်ခြားစောင့်တပ်လုပ်ဖို့ ဖိအားပေးရင်း ပဋိပက္ခတွေ အရှိန်မြင့်တက်လာနေချိန် ရွေးကောက်ပွဲဝင်ဖို့ ပြင်ဆင်တဲ့ ကချင်ပါတီ ၃ ပါတီစလုံးကို ပါတီထောင်ခွင့်တောင် မပေးခဲ့ပါဘူး။ ဒီနည်းနဲ့ လွှတ်တော်ဆိုင်ရာ အဖွဲ့အစည်းအဆင့်ဆင့်နဲ့ အစိုးရအဖွဲ့ထဲမှာ အရင်တုန်းကလို အစိုးရ အလိုတော်ရိတွေကိုပဲ နေရာပေးထားတဲ့ အခင်းအကျင်းကို ဖန်တီးခဲ့ပါတယ်။
• အလားတူ ရှမ်းပြည်နယ်နဲ့ အောက်ပိုင်းက တိုင်းရင်းသားလက်နက်ကိုင်တပ်ဖွဲ့တွေနဲ့ အပစ်အခတ်ရပ် ငြိမ်းချမ်းရေးယူ၊ ဒိုင်ယာလော့ လုပ်သလို၊ ကေအိုင်အေ၊ ကေအိုင်အိုနဲ့ ပတ်သက်ပြီး နိုင်ငံရေးဆွေးနွေး၊ ဒိုင်ယာလော့ လုပ်တဲ့အခါ အပေါ်စီးက လုပ်နိုင်အောင် နေရာတကာ အသာစီးရယူတဲ့ အနေအထားနဲ့ လုပ်လိုစိတ် ပိုင်းဖြတ်ထားပုံ ရပါတယ်။ ဒါကြောင့်လည်း တိုက်ပွဲတွေဖြစ်နေတဲ့ ၁ နှစ်ခွဲကျော်ကာလအတွင်း အစိုးရတပ်ဖွဲ့အင်အား အတော်များများ ကချင်ပြည်နယ်ထဲ ရွှေ့ပြောင်းခဲ့သလို ခုခံစစ်ပဲ လုပ်မယ် ပြောပေမယ့် ထိုးစစ်ဆင်လာလိုက်တာ လေယာဉ်အကူအညီ၊ ရဟတ်ယာဉ်အကူအညီနဲ့ တိုက်ပွဲဝင်တဲ့အထိ ကြမ်းတမ်းလာတာကို တွေ့နိုင်ပါတယ်။
• တကယ်တော့ ဒီလိုဖြစ်လာတာဟာ သမ္မတက စစ်တပ်အပေါ် ဩဇာမညောင်းတာ မဟုတ်သလို သမ္မတနဲ့ စစ်တပ်ခေါင်းဆောင် သဘောထားကွဲလွဲတာမျိုးလည်း မဟုတ်ပါဘူး။ နိုင်ငံရေးနဲ့ ပတ်သက်ရင် ပြည်မမှာ အရာအားလုံးကို အပေါ်စီးရယူတဲ့ အခင်းအကျင်းဖန်တီးပြီးမှ ဒိုင်ယာလော့ လုပ်သလို စစ်ရေးမှာလည်း အသားစီး အလွန်အကျွံရယူပြီးမှ စေ့စပ်ဆွေးနွေးတာ လုပ်လိုတဲ့ သဘောကို ဖော်ပြခြင်းသာ ဖြစ်ပါတယ်။ ဒီလို အရင် စစ်အာဏာရှင်ဟောင်းတွေရဲ့ မရိုးသားတဲ့ လုပ်ရပ်တွေကြောင့် နောင်လာမယ့် အနာဂတ်မှာ နိုင်ငံရေးအရရော စစ်ရေးအရပါ တိုင်းပြည်အတွက် ကောင်းမွန်တဲ့ အဖြေတခု ရလာမှာ မဟုတ်သေးပါကြောင်း တင်ပြလိုက်ရပါတယ်။
• တိုင်းကျော်
• .myanmar1.com မှဖေါ်ပြပါသည်။ 

ပြန်ခေါက်ပေးခဲ့ပါ။...