လက်ပန်းတန်းတောင် သပိတ်စခန်းများအား အကြမ်းဖက်ဖြိုခွင်းခဲ့မှုအပေါ် နယ်ပယ်အသီးသီးမှ လူပုဂ္ဂိုလ်များ၏ တုံ့ပြန်မှုများ ( ၈၈မျိုးဆက်ကျောင်း သားခေါင်းဆောင် ကိုမင်းကိုနိုင်)

လက်ပန်းတန်းတောင် သပိတ်စခန်းများအား အကြမ်းဖက်ဖြိုခွင်းခဲ့မှုအပေါ် နယ်ပယ်အသီးသီးမှ လူပုဂ္ဂိုလ်များ၏ တုံ့ပြန်မှုများ

( ၈၈မျိုးဆက်ကျောင်း သားခေါင်းဆောင် ကိုမင်းကိုနိုင်)

''မျက်ရည်ယိုဗုံးနဲ့ အဓိကရုဏ်းကို ဖြိုခွင်းတယ်ဆိုတာ ကျွန်တော်တို့ကိုယ်တိုင် အတွေ့အကြုံ များစွာရှိပါတယ်။ ကျွန်တော်တို့က ကြိမ်ဖန်များစွာ မျက်ရည်ယိုဗုံးတွေ ကြားမှာ ဖြတ်သန်းလာခဲ့တာပါ။ ဘာမှ မီးလောင်စရာ အကြောင်း မရှိဘူး။ အဲဒီတော့ နိုင်ငံတကာနှုန်းတွေ၊ ဘာတွေလို့ ပြောနေတာထက် ဘယ်လက်နက်တွေ သုံးစွဲခဲ့သလဲဆိုတာရယ်၊ ဘယ်သူ့အမိန့် နဲ့ ဒီလက်နက်တွေကို သုံးတယ်ဆိုတာရယ် စုံစမ်းဖော်ထုတ်ဖို့ အရေး ကြီးပါတယ်။ အဲဒီစုံစမ်းဖော်ထုတ် ဖို့ဆိုတာလည်း စုံစမ်းစစ်ဆေးရေး ကော်မရှင်တစ်ရပ် အမြန်ဆုံးဖွဲ့ရပါလိမ့်မယ်။ အဲဒီကော်မရှင်ကလည်း လွတ်လပ်တဲ့ ကော်မရှင် ဖြစ်ရပါလိမ့်မယ်။ အဲဒီလို မြန်မြန်ဆန်ဆန်နဲ့ ပွင့်ပွင့်လင်းလင်း မဖြေရှင်းဘူးဆိုရင် နောက်ဆက်တွဲဖြစ်လာမယ့် အကျိုးဆက်တွေအတွက် အင်မတန် စိတ်ပူစရာလည်း ကောင်းပါတယ်။ ကျွန်တော်တို့ နောက်ကြောင်းပြန်မလှည့်ရအောင် အားလုံးဝိုင်းပြီး သတိထား နေတဲ့အချိန်မှာ မဖြစ်သင့်တဲ့ ကိစ္စပါ။ လွန်ခဲ့တဲ့ ရက်ပိုင်းတည်းက ကျွန်တော်တို့ ၈၈မျိုးဆက်ကျောင်းသားတွေအနေနဲ့ ကြေးနီစီမံကိန်းကိစ္စကို အင်အားသုံး အကြမ်းဖက်ပြီး မဖြေရှင်းဖို့ ပြဿနာကို စေ့စပ် ဆွေးနွေးပြီးတော့ အဖြေရှာကြဖို့ သဘောထားထုတ်ခဲ့ပြီးပါပြီ။ အခုဟာက ဘယ်လိုပဲပြောပြော ဆန္ဒပြသူတွေ မီးလောင်ပြီး ဒဏ်ရာရရှိမှု တွေ အကြီးအကျယ်ဖြစ်တယ်ဆိုတာ ဘယ်လိုမှ မဖြစ်သင့်ပါဘူး။ အဲဒီတော့ ခုနက ကျွန်တော်တို့ ဆိုခဲ့ တဲ့အတိုင်း စုံစမ်းစစ်ဆေးရေး ကော်မရှင်တစ်ရပ်ကို လွတ်လပ်စွာ ဖွဲ့စည်းခွင့်ပေးပြီးတော့ အမြန်ဆုံးစုံစမ်း ဖော်ထုတ်ဖို့ အသိပေးရပါလိမ့်မယ်။ ဒီကိစ္စမှာ တရုတ်ကိုချည်း ပဲ ရည်ရွယ်ပြောလို့ မရဘူး။ နောက်ထပ်သူ့ရဲ့ တွဲဖက်ပါတနာ အကျိုးစီးပွားဖက်ဖြစ်တဲ့ ဦးပိုင်၊ ဦးပိုင်က ဘာလဲ၊ ဘယ်သူလဲဆိုတာလဲ လူတိုင်းသိတယ်။ ဆိုတော့ တရုတ်ကို မလွန်ဆန်နိုင်ရုံတင်ကရဲ့လား။ အဲဒီ ဦးပိုင်ကြီးကို မလွန်ဆန်နိုင်ဘူးဆိုတဲ့ ပြဿနာ ကျွန်တော်တို့ အတွေးထဲမှာ ရှိပါတယ်။ ပြည်သူ အားလုံးကလည်း ဒီမေးခွန်းကို ထုတ်နေတယ်။ အဲဒီတော့ ဘယ်လောက်ထိ အရာရာကို အသာစီးယူပြီးတော့ ခေါင်းပေါ်မှာ နေဦးမှာလဲ ဆိုတဲ့ မေးခွန်း။ ဒါကို ပွင့်ပွင့် လင်းလင်း မေးကြဖြေကြဖို့လည်း အရေးကြီးနေပါပြီ။ ကျွန်တော်တို့ ငယ်ငယ်က ပထ၀ီမှာ မီးကုန်ယမ်း ကုန်အော်ကျက်ခဲ့ရတဲ့ ကြေးနီတောင်၊ စံပယ်တောင်မရှိတော့ပါ ဘူး။ သူတို့ သတ္ထုတွေ၊ သိုက်တွေ ဆွဲထုတ်လိုက်တာ အဲ့ဒီဒေသမှာ ရေလည်း သောက်လို့ မရတော့ပါဘူး။ အဲဒီဒေသက ပြည်သူတွေကလည်း ဓားမနောက်ပိတ်ခွေး၊ ဓားမနောက် ပိတ်ခွေးပါပဲ။ အဲ့ဒီဒေသက ပြည်သူတွေ အဆိပ်သင့်ပြီး ကျန်ခဲ့တယ်။ အမြတ်ကအဲဒါပါပဲ။''
EMG

ပြန်ခေါက်ပေးခဲ့ပါ။...

မြန်မာ ဗုဒ္ဓဘာသာဝင်တို့ အထွတ်အမြတ်ထားရာ တန်ဆောင်မုန်း လပြည့်နေ့ညတွင်လက်ပံတောင်းတောင် ကြေးနီစီမံကိန်းမှ သပိတ်စခန်းများအား အကြမ်းဖက် ဖြိုခွင်းလိုက်ခြင်းကို ကန့်ကွ က်ကြောင်းနှင့် လက်သင့်မခံနိုင်ကြောင်း နယ်ပယ်အသီးသီးမှ လူပုဂ္ဂိုလ်များ တုန့်ပြန်

မြန်မာ ဗုဒ္ဓဘာသာဝင်တို့ အထွတ်အမြတ်ထားရာ တန်ဆောင်မုန်း လပြည့်နေ့ညတွင် လက်ပံတောင်းတောင် ကြေးနီစီမံကိန်းမှ သပိတ်စခန်းများအား အကြမ်းဖက် ဖြိုခွင်းလိုက်ခြင်းကို ကန့်ကွ

က်ကြောင်းနှင့် လက်သင့်မခံနိုင်ကြောင်း နယ်ပယ်အသီးသီးမှ လူပုဂ္ဂိုလ်များ တုန့်ပြန်

မြန်မာ ဗုဒ္ဓဘာသာဝင်တို့ အထွတ်အမြတ်ထားရာ တန်ဆောင်မုန်း လပြည့်နေ့ည နိုဝင်ဘာလ ၂၉ ရက်နေ့ နံနက် ၃ နာရီ အချိန်တွင် လက်ပံတောင်းတောင် ကြေးနီစီမံကိန်းမှ သပိတ်စခန်းများကို လုံခြုံရေး ရဲတပ်ဖွဲ့ဝင်များမှ အကြမ်းဖက် ဖြိုခွင်း ခဲ့ခြင်းသည် ရုပ်ဆိုး အကျည်းတန်သော ဖြစ်ရပ်တစ်ခုအဖြစ် ရှုမြင်ခဲ့ပြီး လက်သင့်ခံနိုင်ဖွယ် မရှိဟု နယ်ပယ်အသီးသီးမှ လူပုဂ္ဂိုလ်များက တုန့်ပြန် ပြောဆို လိုက်သည်။

လက်ပံတောင်းတောင်ကြေးနီစီမံကိန်းမှ သပိတ်စခန်းများအား နိုဝင်ဘာလ၂၉ ရက်နေ့ နံနက် ၃နာရီအချိန်မှစတင်၍ လုံခြုံရေး ရဲတပ်ဖွဲ့မှ မျက်ရည်ယိုဗုံးများ မီးသတ်ပိုက်များ အသုံးပြု၍ အင်အားသုံးပြီး ဖြိုခွင်းခဲ့ခြင်းဖြစ်သည်။ ထိုသို့ အင်အားသုံး ဖြိုခွင်းခဲ့ရာတွင် လုံခြုံရေး တပ်ဖွဲ့ဝင်များမှ သပိတ်စခန်း တည်ရှိရာနေရာများသို့ မီးလောင်စေသော ဓါတု ပစ္စည်းပါဝင်သည့် လက်နက် (ဓါတုလက်နက်) ဖြင့် အင်အားသုံးနှိမ်နင်းခဲ့ကြောင်း ယင်းဖြစ်စဉ်တွင် ကိုယ်တွေ့ ကြုံခဲ့သူများ၏ ပြောကြားချက်များအရ သိရသည်။

ယခုကဲ့သို့သော အကြမ်းဖက်မှုများက ဆန္ဒပြသူများဘက်သို့ ပြည်သူလူထုအားလုံး ရောက်ရှိသွားစေသည့် အနေအထား သို့ ရောက်ရှိ သွားနိုင်ကြောင်း ၀ါရင့် သတင်းစာဆရာကြီး ဟံသာဝတီ ဦးဝင်းတင်က ပြောသည်။

"အကြမ်းဖက်နှိမ်နင်းတယ်ဆိုတာ လုံးဝ ကျွန်တော်တို့ လက်မခံနိုင်တဲ့ ကိစ္စပါ။ မှားယွင်းတယ်လို့ ထင်တယ်။ ဒါတွေအတွက် လည်း ဖြေရှင်းရန် အမြန်ဆုံးလိုအပ်တယ်လို့ ထင်တယ်။ ဖြိုခွင်းတာကတော့ ကြမ်းတယ်။ တော်တော်ကြမ်းတယ်တောင် ထင်တယ်ပေါ့ဗျာ။ ဘာဖြစ်လို့လဲဆိုတော့ သာမန်အားဖြင့်ဆိုရင် မြို့ပေါ်မှာလောက် ဆိုရင်ကို မျက်ရည်ယိုဗုံး သုံးတယ်ဆို တာတောင် အလွန်အကျွံပဲလေ။ အခုဟာက မီးလောင်ဗုံးတို့၊ မီးလောင်ဗုံးသုံးတယ်ဆိုတာကလည်း ငြင်းလို့မရဘူး။ ဆရာ တော် သံဃာတော် တော်တော်များများက မီးလောင်ဒဏ်ရာတွေ ရပြီးတော့ ဆရာတော် တစ်ပါးဆိုရင် မန္တလေးဆေးရုံ တောင် ရောက်နေပြီဆိုတော့ တော်တော်လေး ထင်ရှားတဲ့ ကိစ္စပေါ့။ ကျွန်တော်တို့က ဘာစိုးရိမ်လဲဆိုတော့ ဒီလိုသာ အကြမ်းဖက်ရင် ပြည်သူတွေ အကုန်လုံးက ဆန္ဒပြတဲ့သူတွေဘက်က ပါ လာမယ်"ဟု ဦးဝင်းတင်က ပြောပါသည်။

ထို့အပြင် ယခုဖြစ်စဉ်က ဒေါ်အောင်ဆန်းစုကြည်ကို အကြပ်အတည်း တစ်ခုအတွင်းသို့ တွန်းပို့လိုက်သည့် ပုံစံသို့ ရောက်ရှိ သွားစေ သည့်အပြင် အမျိုးသားပြန်လည် သင့်မြတ်ရေး ကြိုးပမ်းမှုများကိုပါ အနှောက်မယှက် ဖြစ်သွားစေနိုင်ကြောင်း နိုင်ငံရေးဆောင်း ပါးများ ရေးသားနေသူ ဒေါက်တာ ရန်မျိုးသိမ်းက သုံးသပ်သည်။

"ဒီလို အင်အားသုံးတဲ့ နည်းနဲ့ ဖြေရှင်းတာက တစ်ဖက်က ဒေါ်အောင်ဆန်းစုကြည်ကိုရော အကြပ်တွေ့စေမယ့် အနေအထား ကို တွန်းပို့လိုက်တဲ့ သဘောရှိ တယ်။ ဒေါ်အောင်ဆန်းစုကြည်က စေ့စပ် ငြှိနှိုင်းဖြေရှင်းတဲ့ဘက်ကို သွားနေတဲ့ အချိန်မှာ ဒီလိုပုံစံမျိုး တစ် ဖက်က အင်အား သုံးပြီး ဖြေရှင်းလိုက်တယ် ဆိုတာဟာ ရေရှည် မြန်မာနိုင်ငံရဲ့ အမျိုးသား ပြန်လည်သင့်မြတ်ရေးကိုလည်း ကောင်းတဲ့ စံနမူ နာလို့ ပြောလို့ မရဘူး။ ဒေါ်အောင်ဆန်းစုကြည်အနေနဲ့ အဲဒီဒေသကို ရောက်သွားတဲ့အခါ တော်တော်ကို အခက်အခဲဖြစ်တဲ့ အနေ အထားကို ရောက်သွားပြီးတော့ မူလပြောနေတဲ့ လမ်းကြောင်းတွေနဲ့တောင်မှ မလုံလောက်တဲ့ အနေအထားလို့ ပြောနိုင်တယ်။ ဒါကြောင့် အခုဟာက မြန်မာနိုင်ငံ အမျိုးသားပြန်လည် သင့်မြတ်ရေးကို အနှောင့်အယှက်ဖြစ်စေတဲ့ အပြု အမူတစ်ခု ဖြစ်သွားတယ်လို့ သုံးသပ် နိုင်တယ်"ဟု ဒေါက်တာ ရန်မျိုးသိမ်းက ပြောသည်။

လက်ပံတောင်းတောင် သပိတ်စခန်းအား အကြမ်းဖက် ဖြိုခွင်းလိုက်ခြင်းကို ကန့်ကွက်ရှုတ်ချကြောင်းနှင့် အဆိုပါ ရုပ်ဆိုးအကျည်းတန်မှု အပေါ် ပြန်လည်အဖတ်ဆယ်ရန် လိုအပ်မည်ဖြစ်ကြောင်း လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်က ပြောကြားခဲ့ ပါသည်။

"ကျွန်တော့်အနေနဲ့ကတော့ ဒီကိစ္စတစ်ခုလုံးကို လုံးဝရှုတ်ချ ကန့်ကွက်တယ်ဗျ။ ဒီလို လုပ်နည်း လုပ်ငန်တွေက ဒီမိုကရေစီ အစဉ်အလာ ကျင့်သုံးနေသူတွေနဲ့ လုံးဝကို ဆန့်ကျင်ဘက်ပဲ။ ခေတ်ဟောင်း စနစ်ဟောင်း လူဟောင်း မူဟောင်းတွေရဲ့ အရိပ်အငွေ့တွေ လက်ရာ တွေက ပေါ်လွင်နေသေးတယ်ဆိုတာပဲ။ ဒီကိစ္စမှာ အရေးယူတဲ့ဘက်က လွန်တယ်ဆိုတာကို ၀န် ချတောင်းပန်သင့်တယ်။ ကျွန်တော့် အမြင်မှာ။ ပြီးတော့မှ စီးပွားရေးအရ နှိုင်းယှဉ်ပြီးတော့ သဘောပေါက်တဲ့အထိ ရှင်းလင်းပြသရလိမ့်မယ်။ တောင်းပန်ရမယ်။ စီးပွားရေး အရ ဂုဏ်သိက္ခာကို ရှင်းလင်းပြသရလိမ့်မယ်။ ဖမ်းဆီးထားသူတွေ ကို ပြန်လွှတ်ပေးရလိမ့်မယ်။ အမျိုးသားပြန်လည် သင့်မြတ်ရေး အတွက် ပြေလည်မှုပေါ့ဗျာ။ ဒဏ်ရာကတော့ ဖြစ်သွားပြီ။ အနာပြန်မဖြစ်အောင် လုပ်ပေးရလိမ့်မယ်။ ဒီကိစ္စက အလွန်အရုပ်ဆိုး အကျည်းတန်ပြီးတော့ အမြန်အဖတ်ဆယ်ဖို့ လိုတယ်ဗျာ" ဟု ဦးကြည်မြင့်က ပြောသည်။

အင်အားသုံး အကြမ်းဖက်ဖြိုခွင်းခဲ့ခြင်းနှင့် ပတ်သက်၍ ပြုလုပ်ခဲ့သည်များကို သတင်းထုတ်ပြန်ရန် လိုအပ်မည်ဖြစ်ကြောင်းနှင့် မကျေနပ် သူများ၊ တိုင်တန်းသူများရှိလာပါက တာဝန်ယူလုပ်ဆောင်သူ တာဝန်ခံဖြေရှင်းရမည်ဟု ဘလောဂါ နေဘုန်းလတ်က ပြောပါသည်။

ဆန္ဒပြသူများကို ဖြေရှင်းလိုက်သည့်နည်းမှာ အရုပ်ဆိုးသော နည်းလမ်းတစ်ခုဖြစ်ပြီး သူ့အနေဖြင့် ဆန္ဒပြသူများဘက်မှ ရပ်တည်သွားမည် ဟု အသက် ၈၀ အရွယ်ရှိ သဘာဝပတ်ဝန်းကျင် ထိမ်သိန်းရေး ပညာရှင် ဦးအုန်းက ပြောသည်။

"အများကြီး စိတ်မကောင်းဘူး။ ကျွန်တော်တို့ကတော့ လုံးဝ မလျော့ဘူး။ ကိုယ်တတ်နိုင်တဲ့ဘက်ကနေ ပါဝင်သွားမယ်။ ကျွန်တော် တောင် အသက် ၈၀ကျော် ဖြစ်လို့ပဲ၊ နို့မိုဆို ကျွန်တော်ကိုယ်တိုင် လိုက်သွားတယ်။ ဆန္ဒြ့ပသူတွေနဲ့ အတူပါဝင်လိုက်မယ်။ သေနတ်နဲ့ ပစ်ချင်လည်း ပစ်၊ အသေခံပစ်လိုက်ချင်တယ်"ဟု ဦးအုန်းက ပြောသည်။

ညှိနှိုင်းမှုများမပြုလုပ်ဘဲ အကြမ်းဖက်ဖြိုခွင်းလိုက်ခြင်းသည် တိုင်းပြည်၏ အနာဂတ်အတွက် စိုးရိမ်စရာ ဖြစ်စေခဲ့သည်ဟု ၈၈မျိုးဆက် ကျောင်းသားအဖွဲ့မှ ကိုဌေးကြွယ်က ပြောပါသည်။

၈၈မျိုးဆက်ကျောင်းသားများ အဖွဲ့အနေဖြင့် မည်သည့်အကြမ်းဖက်မှုမျိုးကိုမှ မလိုလားကြောင်း၊ ပြည်သူနှင့် အစိုးရအကြား ယုံကြည်မှု တည်ဆောက်နေသည့် အသွင်ကူးပြောင်းရေးကာလတွင် အစိုးရဘက်မှ စိတ်ရှည်မှုကို ပြသရမည် ဖြစ်ကြောင်းနှင့် ယခုအကြမ်းဖက်မှုဖြစ် စဉ်က တိုင်းပြည်ရှေ့ရေးအတွက် ရင်လေးစရာ ဖြစ်ခဲ့ရသည်ဟု ၈၈ မျိုးဆက်ကျောင်းသားအဖွဲ့မှ ကိုဂျင်မီက ပြောသည်။

ပြည်သူလူထုဘက်မှ လမ်းပေါ်ထွက် ဆန္ဒထုတ်ဖော်ခြင်းများ ပြုလုပ်ခြင်းသည် အစိုးရအတွက် အကြပ်ရိုက်စေသည်မှာ မှန်သော်လည်း အစိုးရအနေဖြင့် ခြေလှမ်းမမှားသင့်ကြောင်း၊ ယခုဖြစ်ရပ်သည် သင်ခန်းစာ ယူရမည့် ကိစ္စရပ်တစ်ခုဖြစ်သည်ဟု အငြိမ်းစား ပါမောက္ခ ဒေါ်လှမြင့်က သုံးသပ်ပါသည်။

နိုင်ငံတကာ ရင်းနှီးမြုပ်နှံသူများ စောင့်ကြည့်နေသည့် ယခုအချိန်တွင် အကြမ်းဖက် ဖြိုခွင်းမှုကို မပြုလုပ်သင့်ကြောင်းနှင့် ပွင့်လင်းမြင်သာ မှုမရှိဘဲ စတင်ခဲ့သော စီမံကိန်းကြောင့် ဒေသခံများ အကျိုးစီးပွားနည်းခဲ့သည်ကို ပြန်လည် သုံးသပ်သင့်သည်ဟု အမျိုးသား လူမှုရေးနှင့် စီးပွားရေး အကြံပေးကောင်စီဝင် ကမ္ဘောဇဘဏ် ဒုတိယ ဥက္ကဋ္ဌ ဦးသန်းလွင်က ပြောကြားခဲ့သည်။

ရခိုင်အရေး အဓိကရုဏ်းတွင် တည်တည်ငြိမ်ငြိမ်ဖြင့် စိတ်ရှည် လက်ရှည် ဖြစ်ခဲ့သည့် ရဲတပ်ဖွဲ့ဝင်များအနေဖြင့် ယခုအရေး ကိစ္စတွင် စိတ်လိုက်မာန်ပါ လုပ်ခဲ့ခြင်းအပေါ် မေးခွန်းထုတ်စရာ ဖြစ်ခဲ့ရသည်ဟု The Voice Weekly ဂျာနယ်မှ အယ်ဒီတာချုပ် ဦးကျော်မင်းဆွေ က ပြောကြားခဲ့သည်။

လက်ပံတောင်းတောင် ကြေးနီစီမံကိန်းမှ သပိတ်စခန်းများအား ဖြိုခွင်းရာတွင် ဓါတုလက်နက် ပါဝင်ခြင်းမရှိကြောင်း နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက Eleven Media Group သို့ ပြောကြားပါသည်။

ဖြစ်စဉ်ကြောင့် ဒဏ်ရာရသူ အများအပြားရှိခဲ့ပြီး အများစုမှာ သံဃာတော်များဖြစ်ကြောင်း သိရသည်။ လတ်တလော ရရှိ ထားသော သတင်းများအရ မုံရွာဆေးရုံတွင် ရောက်ရှိ ကုသခံနေရသူ ၅၀ကျော်ခန့်ရှိပြီး အများစုမှာ မီးလောင် ဒဏ်ရာ များ ဖြစ်ကြောင်း သိရသည်။ အဆိုပါ ဒဏ်ရာရသူများထဲမှ ဒဏ်ရာအခြေအနေ ပြင်းထန်သည့် သံဃာတော်တစ်ပါးကို မန္တလေးပြည်သူ့ဆေးရုံကြီးသို့ ပို့ဆောင်ခဲ့ရ ကြောင်း သိရသည်။ အင်အားသုံးဖြိုခွင်းမှုကြောင့် ဒဏ်ရာရရှိသူ ရာဂဏန်း ခန့်ရှိပြီး အတည်မပြုနိုင်သော သတင်းများအရ ယခုဖြစ် စဉ် ကြောင့် သေဆုံးသူများရှိပြီး ဖမ်းဆီးထိန်းသိမ်းခံရသူများလည်း ရှိနေကြောင်း သိရှိရသည်။

"သပိတ်စခန်းမှာ ညအိပ်စောင့်နေတဲ့ ကျွန်တော်တို့ သတင်းထောက်နှစ်ယောက်ရဲ့ မြေပြင်အချက်အလက်နဲ့ မျက်မြင် သက် သေတွေအရ အစိုးရဟာ လိုတာထက် အင်အားကို အလွန်အကျွံသုံးစွဲခဲ့တယ်။ တရုတ်ရဲ့ ရေအားလျှပ်စစ် စီမံကိန်း တွေကို ကာကွယ်ဖို့ KIA ကို သွားတိုက်လို့ မဆုံးနိုင်တဲ့ စစ်ပွဲတွေ ဖြစ်ရတယ်။ တပ်မတော်သားတွေ ထောင်ချီ သေကြေ ဒဏ်ရာ ရတယ်။ KIA ဘက်ကလည်း အများကြီး ထိခိုက်ကျဆုံးတယ်။ ဒေသခံ သိန်းနဲ့ချီပြီး ဒုက္ခရောက်ရတယ်။ ကြေးနီစီမံ ကိန်းဟာ မရပ်သင့်ဘူးဆိုတာ ကျွန်တော်တို့ လက်ခံပါတယ်။ ဒါပေမဲ့ မြစ်ဆုံဆည်ကို ဆောက်ခဲ့ရင် တရုတ်ကျွန် ဖြစ်မယ့် ကျောက်ဖြူ-ကူမင်း ရထားလမ်း၊ ကားလမ်း ဖောက်ခဲ့ရင် မြန်မာနိုင်ငံဟာ မီးဟုန်းဟုန်း တောက်ပြီး တိုင်းပြည် အစိတ်စိတ် အမွှာမွှာ ကွဲထွက်သွားမယ်ဆိုတာကို ကြိုတင် သတိပေးပါတယ်။ တရုတ်ရဲ့ အကျိုးစီးပွားကို အလွန်အကျွံ ကာကွယ်ပေး နေတာကြောင့် လူထုအတွင်းမှာ တရုတ် ဆန့်ကျင်ရေး စိတ်ဓာတ်တွေ အမြစ်တွယ်လာပြီ”ဟု Eleven Media Group မှ CEO ဒေါက်တာ သန်းထွဋ်အောင် က ပြောကြားခဲ့သည်။

အကြမ်းဖက်ဖြိုခွင်းခဲ့မှုအပေါ် နယ်ပယ်အသီးသီးမှ လူပုဂ္ဂိုလ်များ၏ တုံ့ပြန်မှုများ

"အခုဟာကတော့ ကျွန်တော်တို့ လက်မခံနိုင်တဲ့ နည်းပေါ့ဗျာ။ တိုင်းရင်းသားတွေနဲ့ ပတ်သက်လို့ ပြည်တွင်းညီညွတ်ရေးနဲ့ အန္တာရယ်တွေနဲ့ ပတ်သက်လို့ တိုက်ခိုက်မှုတွေ ပဋိပက္ခတွေနဲ့ ပတ်သက်လို ညှိနှိုင်းဖြေရှင်းနေတဲ့ အချိန်မှာ အခုလို ငြိမ်း ချမ်းစွာ ဆန္ဒပြပြီး တောင်းဆိုနေတဲ့ဟာတွေကို ဖြိုခွင်းတယ်ဆိုတာ ကျွန်တော်တို့ လုံးဝလက်မခံတဲ့ နည်းပေါ့ဗျာ။ အထူး သဖြင့်ကတော့ မကျေနပ်သူတစ်စုကနေ ဆန္ဒပြသူတွေကို ဖြိုခွင်းတယ်လို့ ပြောလို့ မရဘူးဗျ။ သီးခြားအဖွဲ့အစည်းသာ မကဘူး။ လူပေါင်းများစွာ၊ သံဃာတွေရော၊ ကျောင်းသားတွေပါ ပြည်သူတွေရော အားလုံးပါပြီးတော့ ပြည်သူ့ ညီလာခံဆို တဲ့ အဆင့်ထိ လုပ်နိုင်ခဲ့တဲ့ လှုပ်ရှားမှု၊ ဒီလှုပ်ရှားမှုရဲ့ နောက်ဆုံးအဆင့် သပိတ်စခန်းကဖြစ်လာပြီးတော့ ဒီသပိတ်စခန်းကို အကြမ်းဖက်နှိမ်နင်းတယ်ဆိုတာ လုံးဝ ကျွန်တော်တို့ လက်မခံနိုင်တဲ့ ကိစ္စပါ။ မှားယွင်းတယ်လို့ ထင်တယ်။ ဒါတွေအတွက် လည်း ဖြေရှင်းရန် အမြန်ဆုံးလိုအပ်တယ်လို့ ထင်တယ်။ ဖြိုခွင်းတာကတော့ ကြမ်းတယ်။ တော်တော်ကြမ်းတယ်တောင် ထင်တယ်ပေါ့ဗျာ။ ဘာဖြစ်လို့လဲဆိုတော့ သာမန်အားဖြင့်ဆိုရင် မြို့ပေါ်မှာလောက် ဆိုရင်ကို မျက်ရည်ယိုဗုံး သုံးတယ်ဆို တာတောင် အလွန်အကျွံပဲလေ။ အခုဟာက မီးလောင်ဗုံးတို့၊ မီးလောင်ဗုံး သုံးတယ် ဆိုတာကလည်း ငြင်းလို့မရဘူး။ ဆရာ တော် သံဃာတော် တော်တော်များများက မီးလောင်ဒဏ်ရာတွေ ရပြီးတော့ ဆရာတော် တစ်ပါး ဆိုရင် မန္တလေးဆေးရုံ တောင် ရောက်နေပြီ ဆိုတော့ တော်တော်လေး ထင်ရှားတဲ့ ကိစ္စပေါ့။ ကျွန်တော်တို့က ဘာစိုးရိမ်လဲဆိုတော့ ဒီလိုသာ အကြမ်းဖက်ရင် ပြည်သူတွေ အကုန်လုံးက ဆန္ဒပြတဲ့သူတွေဘက်က ပါလာမယ်။ စနစ်နဲ့လူနဲ့ နားလည်ဖို့ ကောင်းတယ်။ ခံစားချက်တွေကို နားလည်ဖို့ ကောင်းတယ်။ ဘာဖြစ်လို့ နားလည်ဖို့ ကောင်းလဲဆိုတော့ ဒေါ်အောင်ဆန်းစုကြည်က ဒီနယ်မြေကို လာပြီးတော့ ပြည်သူတွေနဲ့ တွေ့မယ်ဆိုပြီးတော့ လုပ်နေတယ်ဆိုကတည်းက ကြိုတင်ပြီး အားဖြင့်လည်း ဖြေရှင်း မယ်ဆိုတာ ခန့်မှန်းလို့ ရပါတယ်။ ဒီလို အကြမ်းဖက်မှုတွေ လုပ်မယ်ဆိုရင် နောက်ပိုင်းမှာ ပြည်သူလူထု ပါဝင်လာပြီးတော့ ဒုတိယ မြစ်ဆုံလို ဖြစ်လာလိမ့်မယ်လို့ မှန်းပါတယ်” (ဟံသာဝတီ ဦးဝင်းတင်)

"ဒီလို ဖြေရှင်းတယ်ဆိုကတော့ လက်မခံနိုင်ဘူးလေ။ ဖြစ်သင့်တာကတော့ နှစ်ဖက် ငြိမ်းငြိမ်းချမ်းချမ်းနဲ့ ဆွေးနွေးပြီး ဖြေရှင်းတာတော့ ဖြစ်သင့်တယ်လေ။ တကယ်တန်းက ဒီစီမံကိန်းကို ခဏရပ်ပြီးတော့ သေချာပြန်ပြီးတော့ ဘက်ပေါင်းစုံ Assessment ပြန်လုပ်ရမယ်။ Assessment လုပ်ပြီးတော့မှ အဲဒီက ထွက်လာတဲ့ Report အပေါ် မူတည်ပြီးတော့ သက် ဆိုင်ရာ လူတွေက ငြှိနှိုင်းရမယ်။ ဒေသခံတွေ ရှိမယ်။ ကုမ္ပဏီရှိမယ်။ နောက် မြန်မာဘက်က ပါတနာရှိမယ်။ အားလုံးငြှိနှိုင်း ပြီးတော့ ဒီ Report ထဲက ဖော်ပြတဲ့အတိုင်း လုပ်နိုင် မလုပ်နိုင် ငြှိနှိုင်းပြီးတော့ အဲလိုမျိုး ဆက်သင့်တယ်လို့ ထင်တယ်။ အဲ လို ဖြေရှင်းနည်းကပဲ သဘာဝကျမယ်။ အခုလို အကြမ်းသုံးပြီး ဖြေရှင်းလိုက်လို့ ဒီပြဿနာက ပြီးသွားမှာမှ မဟုတ်တာ။ မပြီးတဲ့ အပြင်ကို ပြေပြေလည်လည် ဖြေရှင်းနိုင်မယ့် အနေအထားကို ပိုပြီးတော့ ရှုပ်ထွေးသွားစေမယ်လေ။ ယေဘုယျအား ဖြင့် အဲလိုအမှန်တကယ်လုပ်တယ်ဆိုတာကတော့ မဖြစ်သင့်ဘူး။ လုပ်ထုံးလုပ် နည်းအရ လည်း ဒါ မှားယွင်းတယ်လို့ ပြောရ မယ့် အနေထားရှိတယ်လေ။ ကျွန်တော့်အမြင်ကတော့ EIA Report က အရေးကြီးတယ်။ Investigation ဆိုတဲ့ နေရာမှာ အစိုးရက ဦးဆောင်တဲ့ Investigation တစ်ခုတည်းကို တည်မှီလို့ မရဘူး။ လွတ်လပ်တဲ့ Investigation Report တစ်ခု အပေါ်မှာ မူတည်ပြီးတော့ စဉ်းစားတာက ပိုပြီး သဘာဝကျတယ်။ အဲဒီ Investigation ထဲမှာ နစ်နာတဲ့ သူတွေဘက်က ဘယ်လို ရပိုင်ခွင့်တွေ ရှိမယ်။ ဒါတွေပါ အသေးစိတ် ဖော်ပြပြီးတော့ အဲတာတွေကို ဒေသခံတွေ၊ ကုမ္ပဏီ ရော၊ သက်ဆိုင် ရာ မြန်မာဘက်က ပါတနာတွေရော အားလုံးက သဘောတူညီကြောင်း လက်မှတ်ထိုးထားရမယ်။ အဲဒီသဘောတူညီချက် အတိုင်း လုပ်ရမယ်။ ဒါပေမဲ့ အဲတာကို အားလုံးက သဘောတူရမယ်။ သဘောတူအောင်လည်း ငြှိနှိုင်းဖြေရှင်းတဲ့ နည်းကိုပဲ သုံးပြီးတော့ ရောက်အောင် သွားရမယ်။ အဲလိုမဟုတ်ဘဲနဲ့ အင်အားသုံးပြီးတော့ ဖြေရှင်းမယ်ဆိုရင် လက်ရှိ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲမှုကို သွားနေတဲ့ လမ်းကြောင်းမှာလည်းပဲ ဒါက unconscious ဖြစ်နိုင်တယ်။ မြန်မာနိုင်ငံရဲ့ ဖြစ်ပေါ်ပြောင်းလဲ မှုတွေကို နိုင်ငံတကာက သတ်မှတ်တဲ့ အဆင့်အတန်းကလည်း အများကြီး နိမ့်ကျသွားနိုင်တယ်။ နိုင်ငံ တကာရဲ့ ယုံကြည်မှု လည်း ကျဆင်းသွားနိုင်တယ်။ အဲဒီထက် ပိုဆိုးတာက ပြည်တွင်းမှာရှိတဲ့ မြန်မာပြည်သူ လူထုရဲ့ ပြုပြင်ပြောင်းလဲမှု အပေါ် မှာ ယုံကြည်မှု ကျဆင်းလာလို့ရှိရင် အဲဒီရဲ့ သက်ရောက်မှုက အစိုးရ အပေါ်မှာရော၊ ပြုပြင်ပြောင်းလဲရေးကို မောင်းနှင်နေတဲ့ အဖွဲ့အစည်းတွေ အပေါ်မှာရော ပြည်သူလူထုရဲ့ ယုံကြည်မှုက ကျဆင်းသွားနိုင်တယ်။ ဒီလို အင်အားသုံးတဲ့ နည်းနဲ့ ဖြေ ရှင်းတာက တစ်ဖက်က ဒေါ်အောင်ဆန်းစုကြည်ကိုရော အကြပ်တွေ့စေမယ့် အနေအထားကို တွန်းပို့လိုက်တဲ့ သဘောရှိ တယ်။ ဒေါ်အောင်ဆန်းစုကြည်က စေ့စပ်ငြှိနှိုင်းဖြေရှင်းတဲ့ဘက်ကို သွားနေတဲ့ အချိန်မှာ ဒီလိုပုံစံမျိုး တစ်ဖက်က အင်အားသုံးပြီး ဖြေရှင်းလိုက်တယ် ဆိုတာဟာ ရေရှည် မြန်မာနိုင်ငံရဲ့ အမျိုးသား ပြန်လည်သင့်မြတ်ရေးကိုလည်း ကောင်းတဲ့ စံနမူနာလို့ ပြောလို့ မရဘူး။ ဒေါ်အောင်ဆန်းစုကြည် အနေနဲ့ အဲဒီဒေသကို ရောက်သွားတဲ့အခါ တော်တော်ကို အခက်အခဲဖြစ်တဲ့ အနေအထားကို ရောက်သွားပြီးတော့ မူလပြောနေတဲ့ လမ်းကြောင်းတွေနဲ့တောင်မှ မလုံလောက်တဲ့ အနေအထားလို့ ပြောနိုင်တယ်။ ဒါကြောင့် အခုဟာက မြန်မာနိုင်ငံ အမျိုးသားပြန်လည် သင့်မြတ်ရေးကို အနှောင့်အယှက်ဖြစ်စေတဲ့ အပြု အမူတစ်ခု ဖြစ်သွားတယ်လို့ သုံးသပ်နိုင်တယ်" (နိုင်ငံရေးဆောင်းပါးများ ရေးသားနေသူ ဒေါက်တာ ရန်မျိုးသိမ်း)

"ကျွန်တော့်အနေနဲ့ကတော့ ဒီကိစ္စတစ်ခုလုံးကို လုံးဝရှုတ်ချ ကန့်ကွက်တယ်ဗျ။ ဒီလို လုပ်နည်း လုပ်ငန်တွေက ဒီမိုကရေစီ အစဉ်အလာ ကျင့်သုံးနေသူတွေနဲ့ လုံးဝကို ဆန့်ကျင်ဘက်ပဲ။ ခေတ်ဟောင်း စနစ်ဟောင်း လူဟောင်း မူဟောင်းတွေရဲ့ အရိပ်အငွေ့တွေ လက်ရာတွေက ပေါ်လွင်နေသေးတယ်ဆိုတာပဲ။ ဒီကိစ္စမှာ အရေးယူတဲ့ဘက်က လွန်တယ်ဆိုတာကို ၀န် ချတောင်းပန်သင့်တယ်။ ကျွန်တော့် အမြင်မှာ။ ပြီးတော့မှ စီးပွားရေးအရ နှိုင်းယှဉ်ပြီးတော့ သဘောပေါက်တဲ့အထိ ရှင်းလင်းပြသရလိမ့်မယ်။ တောင်းပန်ရမယ်။ စီးပွားရေးအရ ဂုဏ်သိက္ခာကို ရှင်းလင်းပြသရလိမ့်မယ်။ ဖမ်းဆီးထားသူတွေ ကို ပြန်လွှတ်ပေးရလိမ့်မယ်။ အမျိုးသားပြန်လည် သင့်မြတ်ရေးအတွက် ပြေလည်မှုပေါ့ဗျာ။ ဒဏ်ရာကတော့ ဖြစ်သွားပြီ။ အနာပြန်မဖြစ်အောင် လုပ်ပေးရလိမ့်မယ်။ ဒီကိစ္စက အလွန်အရုပ်ဆိုး အကျည်းတန်ပြီးတော့ အမြန်အဖတ်ဆယ်ဖို့ လိုတယ် ဗျာ။ မနေ့ကပဲ ညနေပိုင်းမှာ ဧရာဝတီ သတင်းဌာနက မေးတယ်။ မေးတဲ့အခါမှာ ကျွန်တော်က ပြောတယ်။ ကျွန်တော်လေး ချက် ပြောပြပေးလိုက်တယ်။ ပထမအချက်အနေနဲ့က အစိုးရက ဒီကိစ္စမှာ ကိုယ်ယောင် ဖျောက်လိုက်ရမယ်။ သူတို့ရဲ့ အရိပ် အယာင်တောင်မှ မမြင်စေနဲ့တော့လို့။ ဘာလို့လဲဆိုတော့ ဒီတင်းမာမှုတွေက သူ့ဟာသူ လျော့ကျသွားလိမ့်မယ်လေ။ အဲဒီ သဘောတရားကို ကျွန်တော် ပြောချင်တယ်။ နောက်တစ်ချက်အနေနဲ့ ကတော့အဲဒီ နောက်မှာမှ ဆန္ဒပြသူတွေကို ရိုး သားတယ်ဆိုတဲ့ အကြောင်း ကိုယ်က ပြောပြရမယ်။ လုပ်ပြရမယ်လေ။ ဆန္ဒပြတယ်ဆိုတာကလည်း ကိုယ်ကျိုးစီးပွားအတွက် ဘာညာ သွားပြီးတော့ လက်ညိုးထိုးပြလို့ မရဘူးဗျ။ လူတွေက အပင်ပန်းခံပြီးတော့ ဒီမှာ လာရပ်နေကြတယ်။ ကာ နေကြတယ်ဆိုတာဟာ သူတို့ရဲ့ တစ်ဖက်ကနေ ပင်ပန်း ဆင်းရဲခံမှုကိုလေ လူသားချင်းစာနာတဲ့ ပုံစံမျိုးနဲ့ ခံယူပြီးတော့ ပြသ ပြီးတော့ ရိုးသားမှုကို ပြရမယ်လေ။ ပြီးတော့မှ ဆွေးဆွေးနွေးနွေး ပြောဆိုရမယ်။ အဲဒီအခါမှာပဲ ဖြောင်းဖြပြောဆိုရမယ်။ ဖြောင်းဖြမှုဆိုတဲ့အခါမှာ လုပ်ခဲ့တာက ပြီးတဲ့ တောင်နှစ်တောင်တောင်မှ တူးပြီးသွားပြီ။ ဒီတောင်ကျမှ ဒီမိုကရေစီခေတ်နဲ့ ပတ်သက်လာပြီ။ ပတ်သက်လာတဲ့ အချိန်ဆိုပေမဲ့လည်း အရင်တုန်းက ဥရောပနဲ့ အမေရိကားစတဲ့ အနောက်နိုင်ငံတွေက မြန်မာပြည် စီးပွားရေးကို ရောက်မလာသေးဘူး။ အဲဒီအခါမှာ တရုတ်က သူ့ရဲ့ ပြိုင်ဘက်တွေလို့ ခေါ်ရမဲ့ အိန္ဒိယတို့ စင်ကာ ပူတို့ထက်ပိုပြီး အမြင့်ဆုံးဈေး ပေးထားပြီးသားတွေ။ စီးပွားရေးလုပ်တယ်ဆိုတဲ့ နေရာမှာ ဒဏ်ကြေး၊ လျော်ကြေးဆိုတာ ရှိ တယ်လေ။ တရုတ်လက်ကနေပြီးတော့ အနောက်ဘက်နိုင်ငံက ကုမ္ပဏီကို ပေးမယ်။ ခုနပြောတဲ့ ဒဏ်ကြေး၊ လျော်ကြေး တွေနဲ့ ပေါင်းလိုက်လို့ရှိရင် အနောက်ကလည်း ဒီအလုပ်ကို ၀င်လုပ်နိုင်မှာ မဟုတ်တော့ဘူး။ ဒီအချက်ကို ကျွန်တော်တို့က ရှင်းပြရမယ်။ နောက်တစ်ချက်အနေနဲ့ ကျွန်တော်တို့ စီးပွားရေးပညာမှာ Depletion Theory ဆိုတာ ရှိတယ်။ ကုန်ဆုံးသွား တဲ့ သယံဇာတတွေကို ချိုင့်ဝှမ်းကြီးဖြစ်သွားတယ် ထားဦးဗျာ။ အဲဒီကောင်ကို သာယာလှပတဲ့ Tourist Resort ဖြစ်အောင် ပုံမှန်ဝင်ငွေရတဲ့နေရာ ဖြစ်အောင် ပြင်ပေးရမယ်ဆိုတာ ကုမ္ပဏီကို စာချုပ်ချုပ်ရတယ်ဗျ။ အဲဒီလို စာချုပ်ချုပ်ပြီးမှ အမျိုးသား သယံဇာတပစ္စည်းကို ထုတ်လုပ်ဖို့ ရောင်းချဖို့ ခွင့်ပြုရတယ်ဗျ။ အဲဒီအဆင့်တွေ ကျွန်တော်တို့ လုပ်ပါမယ်ဆိုတဲ့စကား ပြောပြီးတဲ့အခါမှ ပြည်သူလူထု နားလည် သဘောပေါက်အောင် ကျွန်တော်တို့ရဲ့ အပေးအယူက ပြည်သူ့အကျိုးကို ကြည့် ထားပါတယ်ဆိုတဲ့ အချက်မျိုး ပေါ်လွင်အောင် ပြောရမှာဗျ။ ကျွန်တော် အဲဒီအချက်လေးတွေကို ပြောနေဆိုနေရင်း တန်း လန်းကနေ ညဘက် ဒီလိုလုပ်ချလိုက်တာ မကောင်းဘူးဗျ။ အရာရာမှ လက်နက်နဲ့ ဖြေရှင်းမယ်ဆိုတာမျိုးက အခုချိန်ထိ ရှိနေတုန်းပဲ ဆိုတဲ့ သဘောပဲ" (လသာမြို့နယ် ပြည်သူ့လွှတ်တော် ကိုယ်စားလှယ် ဦးကြည်မြင့်)

''မျက်ရည်ယိုဗုံးနဲ့ အဓိကရုဏ်းကို ဖြိုခွင်းတယ်ဆိုတာ ကျွန်တော်တို့ကိုယ်တိုင် အတွေ့အကြုံ များစွာရှိပါတယ်။ ကျွန်တော်တို့က ကြိမ်ဖန်များစွာ မျက်ရည်ယိုဗုံးတွေ ကြားမှာ ဖြတ်သန်းလာခဲ့တာပါ။ ဘာမှ မီးလောင်စရာ အကြောင်း မရှိဘူး။ အဲဒီတော့ နိုင်ငံတကာနှုန်းတွေ၊ ဘာတွေလို့ ပြောနေတာထက် ဘယ်လက်နက်တွေ သုံးစွဲခဲ့သလဲဆိုတာရယ်၊ ဘယ်သူ့အမိန့် နဲ့ ဒီလက်နက်တွေကို သုံးတယ်ဆိုတာရယ် စုံစမ်းဖော်ထုတ်ဖို့ အရေး ကြီးပါတယ်။ အဲဒီစုံစမ်းဖော်ထုတ် ဖို့ဆိုတာလည်း စုံစမ်းစစ်ဆေးရေး ကော်မရှင်တစ်ရပ် အမြန်ဆုံးဖွဲ့ရပါလိမ့်မယ်။ အဲဒီကော်မရှင်ကလည်း လွတ်လပ်တဲ့ ကော်မရှင် ဖြစ်ရပါလိမ့်မယ်။ အဲဒီလို မြန်မြန်ဆန်ဆန်နဲ့ ပွင့်ပွင့်လင်းလင်း မဖြေရှင်းဘူးဆိုရင် နောက်ဆက်တွဲဖြစ်လာမယ့် အကျိုးဆက်တွေအတွက် အင်မတန် စိတ်ပူစရာလည်း ကောင်းပါတယ်။ ကျွန်တော်တို့ နောက်ကြောင်းပြန်မလှည့်ရအောင် အားလုံးဝိုင်းပြီး သတိထား နေတဲ့အချိန်မှာ မဖြစ်သင့်တဲ့ ကိစ္စပါ။ လွန်ခဲ့တဲ့ ရက်ပိုင်းတည်းက ကျွန်တော်တို့ ၈၈မျိုးဆက်ကျောင်းသားတွေအနေနဲ့ ကြေးနီစီမံကိန်းကိစ္စကို အင်အားသုံး အကြမ်းဖက်ပြီး မဖြေရှင်းဖို့ ပြဿနာကို စေ့စပ် ဆွေးနွေးပြီးတော့ အဖြေရှာကြဖို့ သဘောထားထုတ်ခဲ့ပြီးပါပြီ။ အခုဟာက ဘယ်လိုပဲပြောပြော ဆန္ဒပြသူတွေ မီးလောင်ပြီး ဒဏ်ရာရရှိမှု တွေ အကြီးအကျယ်ဖြစ်တယ်ဆိုတာ ဘယ်လိုမှ မဖြစ်သင့်ပါဘူး။ အဲဒီတော့ ခုနက ကျွန်တော်တို့ ဆိုခဲ့ တဲ့အတိုင်း စုံစမ်းစစ်ဆေးရေး ကော်မရှင်တစ်ရပ်ကို လွတ်လပ်စွာ ဖွဲ့စည်းခွင့်ပေးပြီးတော့ အမြန်ဆုံးစုံစမ်း ဖော်ထုတ်ဖို့ အသိပေးရပါလိမ့်မယ်။ ဒီကိစ္စမှာ တရုတ်ကိုချည်း ပဲ ရည်ရွယ်ပြောလို့ မရဘူး။ နောက်ထပ်သူ့ရဲ့ တွဲဖက်ပါတနာ အကျိုးစီးပွားဖက်ဖြစ်တဲ့ ဦးပိုင်၊ ဦးပိုင်က ဘာလဲ၊ ဘယ်သူလဲဆိုတာလဲ လူတိုင်းသိတယ်။ ဆိုတော့ တရုတ်ကို မလွန်ဆန်နိုင်ရုံတင်ကရဲ့လား။ အဲဒီ ဦးပိုင်ကြီးကို မလွန်ဆန်နိုင်ဘူးဆိုတဲ့ ပြဿနာ ကျွန်တော်တို့ အတွေးထဲမှာ ရှိပါတယ်။ ပြည်သူ အားလုံးကလည်း ဒီမေးခွန်းကို ထုတ်နေတယ်။ အဲဒီတော့ ဘယ်လောက်ထိ အရာရာကို အသာစီးယူပြီးတော့ ခေါင်းပေါ်မှာ နေဦးမှာလဲ ဆိုတဲ့ မေးခွန်း။ ဒါကို ပွင့်ပွင့် လင်းလင်း မေးကြဖြေကြဖို့လည်း အရေးကြီးနေပါပြီ။ ကျွန်တော်တို့ ငယ်ငယ်က ပထ၀ီမှာ မီးကုန်ယမ်း ကုန်အော်ကျက်ခဲ့ရတဲ့ ကြေးနီတောင်၊ စံပယ်တောင်မရှိတော့ပါ ဘူး။ သူတို့ သတ္ထုတွေ၊ သိုက်တွေ ဆွဲထုတ်လိုက်တာ အဲ့ဒီဒေသမှာ ရေလည်း သောက်လို့ မရတော့ပါဘူး။ အဲဒီဒေသက ပြည်သူတွေကလည်း ဓားမနောက်ပိတ်ခွေး၊ ဓားမနောက် ပိတ်ခွေးပါပဲ။ အဲ့ဒီဒေသက ပြည်သူတွေ အဆိပ်သင့်ပြီး ကျန်ခဲ့တယ်။ အမြတ်ကအဲဒါပါပဲ။'' ကိုမင်းကိုနိုင် ( ၈၈မျိုးဆက်ကျောင်း သားခေါင်းဆောင်)

" ကျွန်တော်တို့ မူဝါဒက အကြမ်းဖက် ဖြေရှင်းမ ဆိုရင် ဘယ်ဖြေရှင်းမှုမှ သဘောမတူဘူးဗျာ။ နောက်တစ်ခုက ဘာလဲ ဆိုတော့ အသွင် ကူးပြောင်းရေး ကာလမှာ ပိုပြီးတော့ သတိထားရမယ်။ ပိုပြီးတော့ သတိထားရမယ် ဆိုတာက ကျွန်တော် တို့ ပြည်သူနဲ့ အစိုးရ ကြားမှာ ယုံကြည်မှု တည်ဆောက်နေတဲ့ ကာလဖြစ်တယ်။ အဲဒီကာလ ဖြစ်နေတဲ့ အတွက် စိတ် ရှည်မှုကို အတက်နိုင်ဆုံး ဖြစ်ရင်လည်း အစိုးရဘက်က ဖြစ်ရလိမ့်မယ်။ ယနေ့ ပြည်သူ့လူထုက ကျွန်တော် မြင်တာက တော့ လွှတ်တော်မှာ ပြဋ္ဌာန်းထားတဲ့ ဆန္ဒပြမှု ဥပဒေနဲ့ မကိုက်ညီဘူးလို့ ပြောမယ်ဆိုလို့ ရှိရင်လည်း ပြောလို့ရပါ တယ်။ သို့ သော်လည်း ဥပဒေနဲ့ ပတ်သက်ပြီးတော့ ကျွန်တော်တို့က အလေ့အကျင့် မရှိသေးတာရယ်။ နောက်တစ်ချက်က ဘာလဲဆို တော့ နှစ်ပေါင်းများစွာ ခံစားနေရတဲ့ ခံစားချက်ကို သူတို့က လက်ရှိဖြစ် ပေါ်လာတဲ့ ပွင့်လင်းလာတယ်လို့ ပြောတဲ့ အစိုးရ လက်ထက်မှာ ဖော်ထုတ်တာ။ ပြီးတော့ သူတို့ရဲ့ ပွင်းလင်းလာတယ်လို့ ပြောတဲ့ ဒီမိုကရေစီ အစိုးရလို့ ပြောတဲ့ အရပ်သား အစိုးရ အရပ်သား လွှတ်တော်ပေါ့။ အရပ်သား လွှတ်တော် ကိုယ်စားလှယ်ပေါ့ဗျာ။ လွှတ်တော်နဲ့ အစိုးရပေါ်လာပြီ ဆိုတော့ သူတို့က အားကိုးတာ။ ကျွန်တော် မြင်တာကတော့ သူတို့ဟာ အစိုးရကို ကန့်လန့်တိုက်နေတာ ဆန့်ကျင် နေတာ စသည့် ဖြင့် အဲဒီ သဘောမျိုးမဟုတ်ဘဲနဲ့ အားကိုးနေတာ။ သူတို့ ရဲ့ဖြစ်စဉ်တွေကို တင်ပြနေတာ။ အားကိုးပြီးတော့ ဖြစ်စဉ်တွေ ကို တင်ပြတဲ့ အခါမှာ လွှတ်တော်က ယနေ့ပြဋ္ဌာန်းထားတဲ့ တည်ဆဲ ဥပဒေပေါ့ဗျာ။ ဆန္ဒပြမှု ဥပဒေများနဲ့ လွဲချော်ကောင်းလွဲ ချော်နိုင်တယ်။ ဒါကို အစိုးရ စိတ်ရှည်သင့်တယ်လို့ ထင်တယ်။ အခုလို ဖြေရှင်းမှုဟာ အကြမ်းဖက်ဖြေရှင်းတဲ့ ပုံစံ တစ်ရပ် ဖြစ်တယ် ဆိုလို့ ရှိရင်တော့ ကျွန်တော်တို့မှာ ဒီလိုဖြေရှင်းမှုတွေ ရှိနေတုန်းပဲလား ဆိုတာကို တွေးရင်းနဲ့ စိတ်မကောင်း စရာတော့ ကောင်းတယ်။ တိုင်းပြည်ရှေ့ရေးအတွက်တော့ တစ်ကယ် ရင်လေးစရာ ကောင်းတယ်" (ကိုဂျင်မီ၊ ၈၈မျိုးဆက် ကျောင်းသားအဖွဲ့)

"လက်ပန်းတောင်း ကြေးနီတောင်အရေးကို ရုပ်သံသတင်းတွင် ဒုတိယ ဗိုလ်ချုပ်ကြီးဝေလွင် ကိုယ်တိုင်ရှင်းလင်းချက်များ ကို ကြား လိုက်ရ ပါသည်။ ရှင်းလင်းချက်အတိုင်းဆိုလျှင် မည်သည့် ပြဿနာမျှ မရှိဆိုသည့် သဘောသက် ရောက်ပါသည်။ ထို့ပြင် နားလည်မိသည်က (၁)ထိုစီမံကိန်းသည်တရုတ်နှင့် ပူးပေါင်း လုပ်ကိုင်ခြင်း ဖြစ်ပြီး မျက်နှာမပျက်လိုကြောင်း (၂) တပ်မတော် သားစစ်သည်များနှင့် မိသားစုများ ခံစားပိုင်ခွင့်အကျိုးအတွက် ဖက်စပ်လုပ်ကိုင်နေသည့် လုပ်ငန်း တစ်ခု ဖြစ်ကြောင်း နားလည်မိသည်။ အမှန်တော့ လွှတ်တော်ထဲတွင် စစ်သားအကျိုးနှင့် အရပ်သားအကျိုးတို့ ထိပ်တိုက် တွေ့ဆုံခြင်း ဖြစ်သည်။ နိုင်ငံတော် သမ္မတကြီး အနေဖြင့် အရပ်သား (ပြည်သူ) များ၏အကျိုးကိုကြည့်မလား၊ တပ်မတော် သားတို့၏ အကျိုးကိုကြည့်ပြီး စီမံကိန်းကို ခွင့်ပြုမလား စောင့်ကြည့်ရမည် ဖြစ်သည်။ လက်ပန်းတောင်းနှင့် ကြေးနီတောင် တို့တွင် ဆန္ဒပြနေသူများကို အကြမ်းဖက်ဖြိုခွင်းကြောင်း ကြားရသည့် အတွက် စိတ်မကောင်းဖြစ်မိပါသည်။ ဒီမိုကရေစီ အရေး တစ်ဖက်က ကြွေးကြော်နေပြီး စစ်အာဏာရှင်တို့၏ ကိုင်တွယ်ဖြေရှင်းနည်းကို ဆက်လက်ကျင့်သုံးနေဆဲဖြစ်ခြင်းကို လက်ခံနိုင်စရာ အကြောင်းမရှိပါ။ ထို့ပြင် ၂၉ ရက်နေ့တွင် ဒေါ်အောင်ဆန်းစုကြည်ကိုယ်တိုင် ထိုပြဿနာဖြစ်နေသည့် နေရာသို့ သွားရောက် လေ့လာမည်ကို သိလျက်နှင့် ဒေါ်အောင်ဆန်းစုကြည် မလာမီ ကြိုတင် ရှင်းလင်း နှိမ်နင်း လိုက်ခြင်း ကလည်း စဉ်းစားစရာဖြစ်ပါသည်။ ကျွန်တော့် အမြင်ကတော့ ဒေါ်အောင်ဆန်းစုကြည်၏ ကိုင်တွယ် ဖြေရှင်းပုံကို စောင့်ကြည့် သင့်သည်ဟုထင်ပါသည်။ ဒေါ်အောင်ဆန်းစုကြည်မလာမီ ဤသို့ အရေးယူ ဆောင်ရွက်လိုက်ခြင်းက (၁) ဒေါ်အောင်ဆန်းစုကြည်ကို မယုံကြည်သောကြောင့်လား (၂) ဒေါ်အောင်ဆန်းစုကြည် ကိုင်တွယ်မှုကြောင့် ပြဿနာ အားလုံး ပြေလည်သွားမည်ကို စိုးရိမ်သော ကြောင့်လား (၃) ဒေါ်အောင်ဆန်းစုကြည်ကြောင့် သပိတ်မှောက်နေသော အဖွဲ့များ ပြန်သွားကြပြီး အခြေအနေက အေးချမ်းသွားလျှင် ဒေါ်အောင်ဆန်းစုကြည်၏ အနေအထား ပိုမိုမြင့်တက် သွားမည် ကို စိုးရိမ်သော ကြောင့်လားဟု စဉ်းစားစရာဖြစ်ပါသည်။ တရုတ်နှင့်ယခုဖြစ်နေသော ပြဿနာများသည် လက်ရှိ အစိုးရလက်ထက်တွင် သဘောတူညီပြီး လုပ်ဆောင် ထားချက်တစ်ခုမျှ မဟုတ်ပါ။ စစ်တပ်အုပ်စိုးစဉ်ကာလ စစ်ခေါင်း ဆောင်များနှင့် တရုတ်တို့ သဘောတူပူးပေါင်း ဆောင်ရွက်ချက်များသာဖြစ်ပါသည်။ မြစ်ဆုံကိစ္စတွင် သမ္မတကြီး ဦးသိန်းစိန်က သူ့သမ္မတ သက်တမ်းကာလ အတွင်း ဤစီမံချက်ကို ဆက်မလုပ်ပါဟု ရှောင်လွှဲခဲ့ပါသည်။ နောက်အစိုးရ နောက်သမ္မတလက်ထက်သို့ လမ်းကြောင်းလွှဲချလိုက်ခြင်းဖြစ်သည်။ ထို့ပြင်လက်ရှိ လက်ပန်းတောင်း ကြေးနီတောင် ကိစ္စကို လည်း ယခုမှ ပြည်သူတွေက သိကြရခြင်းဖြစ်သည်။ ခေတ် အဆက်ဆက် မည်သူ့အကျိုးအတွက် လုပ်ဆောင နေကြောင်း ပြည်သူတွေသိသော်လည်း ယခုလိုမဖော်ထုတ်ဝံ့ သဖြင့် ငြိမ်ခံခဲ့ကြခြင်း ဖြစ်ကောင်းဖြစ်နိုင်ပါသည်။ လွှတ်တော်ထဲတွင် ရှင်းလင်းချက်များသည် ပြည်သူကို တင်ပြခြင်း၊ ဖြေရှင်းခြင်းထက် စိန်ခေါ်ခြင်း အသွင်ဆောင် နေပါသည်။ ထို့ပြင် နောက်ထပ် ၀န်ကြီးတစ်ဦးကလည်း တရုတ်များကျေးဇူးရှိသည်ဆိုသည့် စကားကို ပြောသွား ကြောင်း ကြားသိရသဖြင့် စိတ်မချမ်းသာဖြစ်မိသည်။ အမှန်တော့ “ဆန်ပေးလို့ ဆေးရ” သည့် ဆိုသည့်အတိုင်း အသွား အပြန်တွေ အများကြီးရှိခဲ့သောကြောင့်သာ ပေးသူကလည်းပေး၊ ယူသူကလည်းယူ သဘောတူကြည်ဖြူနေချိန်တွင် အသံမကြားရခြင်း ဖြစ်ပါသည်။ ကျွန်တော်တို့သည် ယခင်စစ်အစိုးရလက်ထက် သဘောတူညီချက်များ၊ စာချုပ်များ၊ အပေးအယူများ မည်မျှ ရှိသေးကြောင်း ပွင့်လင်းစွာ မသိနိုင်သေးပါ။ လက်ပန်းတောင်း ကြေနီတောင် ကိစ္စများတွင်လည်း ယခင်က တည်းက ပွင့်လင်းပြီး ထင်သာမြင်သာရှိအောင် ဆောင်ရွက်မည်ဆိုလျှင် ဤမျှ ပြဿနာ ကြီးမည်ဟု မထင်ပါ။ အစိုးရအနေဖြင့် တရုတ်ကို အကာအကွယ်ပေးပြီး၊ ပြည်သူကို ဖိနှိပ်ရေးအသွင်ရောက်သွားဆိုလျှင် အစိုးရအပေါ်တွင်သာမက တရုတ်အပေါ်တွင်ပါ ပြည်သူတို့ နာကြည်းမုန်းတီးသွားနိုင်ပါလိမ့်မည်" (ဦးတင်ညွန့်၊ နိုင်ငံရေးဆောင်းပါးများ ရေးသားနေသူ)

"ဒီဟာက သူတို့ နိုင်ငံရေး ကစားကွက်ပေါ့ဗျာ။ အဲတာကြီးကို ဖော်ဖို့ ကောင်း၊ မကောင်းဆိုတာ ရှိသေးတယ်လေ။ အမှန်က တော့ ဒေါ်အောင်ဆန်းစုကြည် မလာခင် ကန်တဲ့သဘောပါပဲ။ ကျွန်တော် နားလည်တဲ့ ကစားကွက်ကတော့ အဲတာပဲ။ ယေ ဘုယျအားဖြင့်တော့ နိုင်ငံရေး သဘောထားတွေကို ကျွန်တော် ပြောလေ့ ပြောထ မရှိလဘူး။ ဖြစ် စဉ်အပေါ်မှာ ပြောရင် နိုင်ငံရေး သဘောထား ပြောရတော့မယ်။ ကျွန်တော်က သိပ်မပြောချင်ဘူး" (စာရေးဆရာ မောင်မိုးသူ)

"အရင်လို လုပ်ချင်တိုင်း လုပ်လို့ မရဘူးဗျ။ အခုဖြိုခွင်းမှုမှာ ဘယ်သူ တာဝန်ခံပြီး လုပ်သလဲပေါ့။ တာဝန်ခံပြီးလုပ်တဲ့လူက တာဝန်ခံပြီး ရှင်းရမှာပဲ။ နောက်ပိုင်းဖြစ်လာမယ့် ကိစ္စတွေကို။ အရင် စစ်အစိုးရလက်ထက်တုန်းကလို ဆန္ဒပြမှုဖြစ်လာပြီဆို ဒီလို အင်အားသုံးဖြိုခွင်းတာကို အဲလောက် လွယ်လွယ်ကူကူ လုပ်လို့မရဘူး။ အဲတာကို သူတို့ နားမလည်တာ ဖြစ်လိမ့် မယ်။ အခုရှင်းပြီးတဲ့ကိစ္စကို တာဝန်ရှိတဲ့လူက တာဝန်ခံပြီး ရှင်းရမယ်။ သူတို့လုပ်ခဲ့တာကို သတင်းထုတ်ပြန်ရမယ်။ ဘာကြောင့် ဘာကြောင့်ဆိုတာ သတင်းထုတ်ပြန်ရမယ်။ သတင်းထုတ်ပြန်ပြီးတဲ့ အခါမှာလည်း ထပ်ပြီးတော့ မကျေနပ်တဲ့ သူတွေ တိုင်တန်းတဲ့သူတွေ ရှိလာရင် တကယ်တာဝန်ယူပြီး လုပ်တဲ့လူက တာဝန်ခံပြီး ရှင်းရမှာပဲ။ တာဝန်ယူပြီးလုပ်တဲ့သူ က တစ်ခုခုပြန်ပေးဆပ်ရလိမ့်မယ်" (ဘလော့ဂါ နေဘုန်းလတ်)

" ဒီမိုကရေစီ နိုင်ငံမှာ ဒီလို ဖြေရှင်းလို့ မရပါဘူး။ လူတိုင်း ကိုယ့်ရဲ့ဆန္ဒကို ထုတ်ဖော်ခွင့်ရှိပါတယ်။ ဒါကတော့ အခြေခံ ပြောတာပါ။ ဦး ပိုင်ဆိုတာ ဘယ်သူတွေနဲ့ပဲ ဖွဲ့စည်း ထားထား သူက ကုမ္ပဏီပါပဲ။ ကုမ္ပဏီနဲ့ နိုင်ငံခြားသား အကျိုးစီးပွ�

facebook သတင်းများ

ပြန်ခေါက်ပေးခဲ့ပါ။...

တိုင်းရင်းသားပြဿနာပြေလည်ဖို့ ဖယ်ဒရယ်စနစ်လိုအပ်

ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဌ ဦးခွန်ထွန်းဦး ငြိမ်းချမ်းရေးအတွက် ယုံကြည်မှုတည်ဆောက်ရေး ဆွေးနွေးပွဲ တွင် မိန့်ခွန်းပြောစဉ်။ (နိုဝင်ဘာ ၂၆၊ ၂၀၁၂)

အောင်ရဲ မောင်မောင်

မြန်မာနိုင်ငံရဲ့ အဓိကကျတဲ့ လက်ရှိပြဿနာတခုဟာ တိုင်းရင်းသားပြဿနာဖြစ်ပြီးတော့ အခုလို ပြဿနာတွေဖြစ်ပေါ်နေရတာဟာ စစ်မှန်တဲ့ ပြည်ထောင်စု စစ်စစ်မရှိတာကြောင့်လို့ မနေ့ကစပြီးကျင်းပတဲ့ ငြိမ်းချမ်းရေး အတွက် ယုံကြည်မှု တည်ဆောက်ရေး ဆွေးနွေးပွဲ မှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် ဥက္ကဌ ဦးခွန်ထွန်းဦး ကပြောပါတယ်။ ဒီဆွေးနွေးပွဲကို တက်ရောက်လာတဲ့ ပြည်ထောင်စု ၀န်ကြီး ဦးအောင်မင်းကလည်း ရှေ့ဆက် ဆွေးနွေး သွားမဲ့ ငြိမ်းချမ်းရေး ဆွေးနွေးပွဲတွေမှာ နိုင်ငံရေးနည်းနဲ့ ဆွေးနွေး အဖြေရှာမှုတွေကို ရှေ့တန်းတင်သွားမယ် လို့ ပြောပါတယ်။ အကြောင်းစုံကိုတော့ ဆွေးနွေးပွဲမှာ ကိုယ်တိုင်တက်ရောက်သတင်းယူခဲ့တဲ့ ရန်ကုန်အခြေစိုက် သတင်းထောက် ကိုအောင်ရဲမောင်မောင်က ပြောပြပေးထားပါတယ်။

ဒီကနေ့ ရှမ်းတိုင်းရင်းသားများ ဒီမိုကရေစီအဖွဲ့ချုပ်က ဦးစီးပြီး ကျင်းပတဲ့ ငြိမ်းချမ်းရေး အတွက် ယုံကြည်မှု တည်ဆောက်ရေး ဆွေးနွေးပွဲ မှာ ရှမ်းတိုင်းရင်းသားနိုင်ငံရေးပါတီတွေ၊  ရှမ်းတိုင်းရင်းသား လက်နက်ကိုင်အဖွဲ့အစည်းတွေ တက်ရောက်လာသလို၊ အာဏာပိုင်တွေဘက် ကလည်း ငြိမ်းချမ်းရေး ဖော်ဆောင်မှု ပြုလုပ်နေတဲ့ ၀န်ကြီး ၂ ပါး ဖြစ်တဲ့ ဦးအောင်မင်းနဲ့ ဦးစိုးသိန်းတို့ တက်ရောက်ခဲ့ကြပါတယ်။  ဒီဆွေးနွေးပွဲမှာ လက်ရှိ တိုင်းရင်းသား ပြဿနာတွေဖြစ်ပေါ်နေရတာဟာ စစ်မှန်တဲ့ ဖက်ဒရယ် ပြည်ထောင်စု တစ်ရပ် မရှိတာကြောင့်လို့ ဦးခွန်ထွန်းဦး က ပြောကြားလိုက် ပါတယ်။

“လက်ရှိမြန်မာနိုင်ငံ ကြုံတွေ့နေရတဲ့ အကျပ်အတည်းအကြောင်းတရားက အဓိက တိုင်းရင်းသားပြဿနာက အဓိကဖြစ်နေပါတယ်။ တိုင်းရင်းသားပြဿနာပြေလည်နိုင်ဖို့ဆိုရင် ဒီနိုင်ငံမှာ စစ်မှန်တဲ့ ဖက်ဒရယ်ပြည်ထောင်စု တည်ဆောက်နိုင်ဖို့ လိုအပ်ပါတယ်။ ထို့အတူ စစ်မှန်တဲ့ ပြည်ထောင်စုကို တည်ဆောက်ဖို့အတွက် ငြိမ်းချမ်းရေးမရှိဘဲ မဖြစ်နိုင်ပါဘူး။”

သမိုင်း အဆက်ဆက် နားလည်မှုလွဲခဲ့ သော ဖက်ဒရယ် ကိစ္စကို  အဖွဲ့အစည်းတွေအနေနဲ့ ကိုယ်တိုင် နားလည်ထားတဲ့ ဖယ်ဒရယ်ပုံစံတွေကို အဓိပ္ပါယ် ဖွင့်ပြီး ရှေ့လာမဲ့ ဆွေးနွေးပွဲတွေမှာ  ဆွေးနွေး ကြရင် ပိုပြီး သင့်တော်၊ ကောင်းမွန်မယ်လို့ သမ္မတရုံး ၀န်ကြီး ဦးအောင်မင်း ကပြောပါတယ်။

“ဥပမာ သမိုင်းတလျောက်လုံးတွင် နားလည်မှုလွဲခဲ့သော၊ ဖက်ဒရယ်ကိစ္စရပ်များကို မိမိတို့အဖွဲ့အစည်း အသီးသီး နားလည်လက်ခံသော အဓိပ္ပါယ်ဖွင့်ဆိုမှု ရရှိအောင်ဆောင်ရွက်ခြင်းကဲ့သို့သော ကိစ္စရပ်မျိုး ၊ ပါဝါရှယ်ယူသောကိစ္စရပ်များကို အဓိပါယ်ဖွင့်ဆိုခြင်း၊ Resource ရှယ်ယူသော ကိစ္စရပ်ကို အဓိပါယ်ဖွင့်ဆိုခြင်း၊ Government နဲ့ပတ်သက်သောကိစ္စရပ်ကို အဓိပ္ပါယ်ဖွင့်ဆိုခြင်းတို့ကို ဦးစွာပထမ ရှင်းလင်းကြရန် ကြိုးပမ်းကြမယ်လို့ ယုံကြည်ပါတယ်။”

ရှေ့ဆက်ပြီး လက်နက်ကိုင်တွေနဲ့ ဆွေးနွေးမဲ့ ဆွေးနွေးပွဲတွေမှာ နိုင်ငံရေး နည်းလမ်း နဲ့ ဆွေးနွေးတာ တွေကို အသားပေး လုပ်ဆောင်သွားမယ်လို့လည်း သမ္မတရုံးဝန်ကြီး ဦးအောင်မင်းက ပြောပါတယ်။

“ငြိမ်းချမ်းရေးတည်ဆောက်ရေး လုပ်ငန်းစဉ်များတွင် နိုင်ငံရေးအရ ဆွေးနွေခြင်းများသည် အရေးကြီးကြောင်း တွေ့ရှိရပါသည်။ အဓိကအားဖြင့် မိမိနိုင်ငံ၊ မိမိလူ့အဖွဲ့အစည်းနှင့် ရရှိထားသော နိုင်ငံရေးဖြစ်ထွန်းမှုများနှင့် ကိုက်ညီသည့် သီးခြားတည်ဆောက်ထားနိုင်သည့် ပုံစံဖြင့် အကောင်အထည်ဖော်မှသာလျင်၊ အောင်မြင်မှုများ ရရှိနိုင်မည်ဖြစ်ပါတယ်။”

မြန်မာနိုင်ငံအတွင်းမှာပဲ အင်အားကြီးတဲ့ လူမျိုးတွေက အင်အားနည်းတဲ့ မျိုးနွယ်စုတွေအပေါ်မှာ ဖိနှိပ်တာ၊ တန်းတူအခွင့်အရေးကို ပိတ်ပင်တာ၊ ရက်စက်မူတွေ ရှိနေတဲ့ကိစ္စကိုလဲ အမြန်ဆုံးဖြေရှင်းဖို့လိုတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ်ဥက္ကဌ ဦးခွန်ထွန်းဦးက ပြောပါတယ်။

“အင်အားကြီးတဲ့လူမျိုးက အင်အားသေးတဲ့လူမျိုးကို ဖိနှိပ်တာ၊ လူမျိုးတမျိုးရဲ့တန်းတူအခွင့်အရေးကို မပေးတာ၊ လူမျိုးတမျိုးက ခြိမ်းခြောက်တာ၊ ဖိနှိပ်ရက်စက်တဲ့ အခြေအနေမျိုးမှာလည်း အခုတိုင်းပြည်မှာ မြင်တွေ့နေရပါတယ်။”

တိုင်းပြည် ပြန်လည်တည်ဆောက်ရေး လုပ်ဆောင်နေချိန်မှာ တိုင်းရင်းသား မျိုးနွယ်စုတွေက သူတို့ မျိုးနွယ်စု အမှတ်လက္ခဏာတွေကို တည်ဆောက်ပြီး အဲ့ဒီ အမှတ်အသားတွေကနေ တစ်မျိုးသားလုံးကို ကိုယ်စားပြုတဲ့ ဘုံအမှတ်အသားတစ်ခု တည်ဆောက်နိုင်ဖို့ အရေးကြီးတယ်လို့လည်း ဝန်ကြီးဦးအောင်မင်းက ထောက်ပြပြောဆိုခဲ့ပါသေးတယ်။

အစောပိုင်းတုန်းက ဒီပွဲကို ရှမ်းတိုင်းရင်းသားတစ်ဦး ဖြစ်တဲ့ ဒုတိယသမ္မတ ဒေါက်တာစိုင်းမောက်ခမ်း တက်ရောက်ဖို့ရှိတယ်လို့ သတင်းတွေထွက်ရှိခဲ့ပေမဲ့ ဒီကနေ့မှာတော့ တက်ရောက်နိုင်ခြင်း မရှိတဲ့အတွက် အခမ်းအနားမှူးက တက်ရောက်လာသူတွေကို တောင်းပန်ခဲ့တာလည်း ကြား ရပါတယ်။

ဒီနေ့ပွဲမှာ ရှမ်းတိုင်းရင်းသား နိုင်ငံရေးပါတီတွေဘက်က ရှမ်းတိုင်းရင်းသားများ ဒီမိုကရေစီ အဖွဲ့ချုပ်(SNLD)၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNDP)၊ ရှမ်းနီအမျိုးသား များ ဖွံ့ဖြိုးတိုးတက်ရေး ပါတီ (TNDP) တို့ တက်ရောက်ခဲ့တာကို တွေ့ရပါတယ်။ ရှမ်းပြည်နယ်အတွင်းက လက်နက်ကိုင် အဖွဲ့အစည်းတွေဖြစ်တဲ့ ရှမ်းပြည် တိုးတက်ရေးပါတီ(SSPP/SSA)၊ ရှမ်းပြည် ပြန်လည်တည်ထောင်ရေးကောင်စီ (SSA/RCSS)၊  အမျိုးသားဒီမိုကရေစီ မဟာမိတ်တပ်မတော် ရှမ်းပြည်နယ်အရှေ့ပိုင်း (NDAA) တို့ တက်ရောက်ခဲ့တာ ကို တွေ့ရပါတယ်။

ဒီကနေ့က စပြီး ရန်ကုန်မှာ သုံးရက်ကြာပြုလုပ်မဲ့ ဒီပွဲမှာ ရှမ်းတိုင်းရင်းသား လက်နက်ကိုင်အဖွဲ့အစည်း ၊ရှမ်းတိုင်းရင်းသား နိုင်ငံရေးပါတီ၊ ရှမ်းတိုင်းရင်းသားလူထု အခြေပြု အဖွဲ့အစည်းတွေအကြား မှာ ငြိမ်းချမ်းရေးအတွက် ယုံကြည်မှုတည်ဆောက်ရေး ကိစ္စတွေကို ဆွေးနွေးမှာဖြစ်သလို ရှမ်းလူမျိုးတွေရဲ့ ဒေသတွင်းဖွံဖြိုးရေးတွေ အပါအ၀င် ဘာသာ၊ စာပေကိစ္စတွေကိုလည်း အဓိကထား ဆွေးနွေးသွားမှာ ဖြစ်ပါတယ်။ 

voa

ပြန်ခေါက်ပေးခဲ့ပါ။...

နေပြည်တော်တရားရုံးတချို့ကို လွှတ်တော်ကော်မတီ ရှောင်တခင် စစ်ဆေး

ပြည်သူ့လွှတ်တော် နေပြည်တော်။

စုမြတ်မွန်

 

မြန်မာနိုင်ငံရဲ့ တရားစီရင်ရေးပိုင်းမှာ အုပ်ချုပ်ရေးပိုင်းက ဝင်ရောက်စွက်ဖက်မှု ကင်းအောင် လုပ်ဖို့ လိုအပ်နေပြီလို့ ပြည်သူ့လွှတ်တော် တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ အတွင်းရေးမှုးက VOA ကိုပြောပါတယ်။ ကော်မတီ ဥက္ကဌ ဒေါ်အောင်ဆန်းစုကြည် အပါအဝင် ကော်မတီဝင် တချို့ ဒီကနေ့ နေပြည်တော်ကောင်စီ နယ်မြေအတွင်းမှာ ရှိတဲ့ တရားရုံး တချို့ကို သွားရောက်စစ်ဆေးပြီးတဲ့နောက် ခုလို ပြောခဲ့တာဖြစ်ပါတယ်။ တရားရုံးတွေကို ရှောင်တခင် သွားရောက်စစ်ဆေးစဉ်မှာ ဘာတွေတွေ့ ခဲ့ရသလဲ။ ပြင်ဆင်သင့် တာတွေကို ဘာတွေ အကြံပြုနိုင်သလဲ ဆိုတာနဲ့ ပါတ်သက်ပြီးတော့  ဘန်ကောက်ရုံးက ဆက်သွယ်မေးမြန်းထားတဲ့ မစုမြတ်မွန်က တင်ပြပါမယ်။

မြန်မာနိုင်ငံက တရားရုံးတွေဟာ အများပြည်သူ ယုံကြည် ကိုးစား အားထားရလောက်တဲ့ တရားရုံးတွေဖြစ်သင့်တယ်လို့ ပြောထားတဲ့ ပြည်သူ့လွှတ်တော် တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီက ဒီကနေ့ တနင်္လာနေ့မှာ နေပြည်တော်ကောင်စီနယ်မြေအတွင်းမှာ ရှိတဲ့ တရားရုံး ၃ ခုကို သွားရောက် စစ်ဆေးခဲ့ပါတယ်။ အတိအကျ ကြိုတင် အသိပေးမထားဘဲ တရားရုံးတွေကို သွားစစ်ခဲ့တာနဲ့ ပါတ်သက်လို့ ကော်မတီအတွင်းရေးမှုး ပြည်သူ့လွှတ်တော် ကိုယ်စားလှယ် ဦးဝင်းမြင့်က VOA မြန်မာပိုင်းကို ခုလိုပြောပါတယ်။

“ကျနော်တို့ ကော်မတီဥက္ကဌလည်း ပါပါတယ်။ ကျနော်တို့ခေါင်းဆောင် ဒေါ်အောင်ဆန်းစုကြည် အပါအဝင် ကျနော်တို့ကော်မတီအဖွဲ့ဝင် လေး၊ ငါးဦးနဲ့ တရားရုံးအဖွဲ့ဝင် သုံးဦးပေါ့၊ ပျဉ်းမနားတရားရုံးရယ်၊ ဇဗ္ဗူသီရိက မြို့နယ်တရားရုံးရယ်၊ နောက်တခုက ခရိုင်တရားရုံးရယ်၊ သွားပြီးကြည့်ရှု့စုံစမ်းပါတယ်။ ကျနော်တို့က ကြိုတင်အကြောင်းကြားခြင်းမရှိဘူးတော့လည်း မဟုတ်ဘူး။ ဥပမာဆိုလို့ရှိရင် နိုဝင်ဘာလအတွင်းမှာ မန္တလေးတိုင်း ရုံးတွေသွားမယ်၊ ဒီလောက်ပဲပြောထားတာပေါ့။ ကြိုက်တဲ့ရုံး ရွေးသွားတာပေါ့။ တရုံးချင်း ဘယ်နေ့ ဘယ်ရုံးသွားမယ်ဆိုတာတော့ မပြောတော့ဘူး။ ဒီဇင်ဘာဆိုလည်း ဒီလိုပဲပေါ့၊ ဘယ်တိုင်းကိုသွားမယ်။ ဒီလောက်ပဲပေါ့။ ကျန်တာကတော့ ကျနော်တို့ နံမည်ကြီးတဲ့ မြို့တွေရွေးတာပေါ့။”

November လ ၂၃ ရက်နေ့ကပဲ တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ က ပြည်သူ့လွှတ်တော်ကို တင်ပြခဲ့တဲ့ ကြားဖြတ်အစီရင်ခံစာထဲမှာ တရားရုံးတွေကို ရှောင်တခင် Surprise check လုပ်သင့်တယ်လို့ ဖော်ပြထားပါတယ်။ ကြိုတင် အကြောင်းကြားထားတဲ့ အခါ တရားခွင်တွေပြန်ချိန်းထားတဲ့အတွက် အမှုသည်တွေ သက်သေတွေကို စုံစုံလင်လင် တွေ့ရှိမေးမြန်းခွင့် မရတာ၊ တရားရုံးတွေက ကြိုတင်ပြင်ဆင်ထားတာတွေကြောင့် အတိအကျ ကြိုတင်ပြောမထားဘဲ သွားကြည့်သင့်တယ်လို့ ဆိုထားပါတယ်။ ဒါကြောင့် ဒီကနေ့လို့ ရှောင်တခင်သွားကြည့်တဲ့အခါမှာ ဘာတွေတွေ့ခဲ့ရပါသလဲ။

“တရားဥပဒေစိုးမိုးမှုအတွက် သွားကြည့်ကြတာပေါ့နော်။ သွားကြည့်ကြတဲ့အခါကျတော့ တရားရုံးတွေမှာလည်း အခက်အခဲတွေရှိတယ်။ ဘာလဲဆိုတော့ ဟိုတုန်းက အိုလံဘီယာလက်နှိပ်စက်တွေနဲ့ မှတ်တမ်းတင်ရတာ။ အဲ့တာတောင် တလုံးပဲ တွေ့ခဲ့တယ်။ ကျန်တာတော့ လက်ရေးတွေနဲ့ လိုက်နေရတာတွေ့ရတာပေါ့နော်။ အမှုတွေလည်း ကျနော်တို့ ကော်မတီဥက္ကဌအပါအဝင်၊ ဝင်ရောက်နားထောင်ပြီးတော့ ကြည့်ရှု့လေ့လာခဲ့ပါတယ်။ အကြမ်းဖြင်းတွေ့တာကတော့ အမှုသည်၊ သက်သေ၊ ရှေ့နေတွေနဲ့တွေ့တဲ့အခါမှာတော့ တရားဥပဒေစိုးမိုးရေးအတွက်ပေါ့ အုပ်ချုပ်ရေးပိုင်းကနေပြီးတော့ ဝင်ရောက်စွက်ဖက်တာမျိုးတွေလည်း ကြားခဲ့ရတယ်။ နောက်တခုက ဥပဒေနဲ့မညီတာတွေလည်း ကြားခဲ့ရတယ်။ နောက်တခုက သက်သေခံဥပဒေနဲ့ မပြည့်စုံတာတွေလည်း ကြားခဲ့ရတာပေါ့နော်။ အခုလောလောဆယ်တော့။”

အခုလို တရားရုံးတွေကို သွားရောက်စစ်ဆေး လေ့လာတဲ့အခါမှာ အမြန်ဆုံး ပြင်သင့်တယ်လို့ မြင်ရတဲ့ ကိစ္စတွေကရော ဘာလို့ ပြောနိုင်ပါလဲရှင့်။

“တရားဥပဒေစိုးမိုးရေးအတွက်ပြောမယ်ဆိုရင်တော့ အားလုံးက လာဘ်ပေးလာဘ်ယူကင်းဖို့ရယ်၊ နောက်တခုက အုပ်ချုပ်ရေးပိုင်းက ဝင်ရောက်စွက်ဖက်မှုမရှိဖို့ရယ်၊ လွတ်လပ်စွာ တရားစီရင်ခွင့်ရဖို့ကတော့ အရေးကြီးတာပေါ့၊”

ဒီကနေ့ တရားရုံးတွေကို သွားရောက်တဲ့အခါမှာ လွတ်လွတ်လပ်လပ် လေ့လာ ခွင့်ရခဲ့တယ်လို့လဲ တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီအတွင်းရေးမှူး ပြည်သူ့လွှတ်တော် ကိုယ်စားလှယ် ဦးဝင်းမြင့်က ပြောပါတယ်။

မြန်မာနိုင်ငံမှာ လွတ်လပ် မျှတတဲ့ တရားစီရင်ရေးစနစ် ပေါ်ပေါက်လာဖို့အတွက် တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီက ကြိုးစားနေချိန်မှာ ကော်မတီဖြစ်စေချင်တဲ့ အတိုင်း နိုင်ငံသူ နိုင်ငံသားတွေကို ဥပဒေနဲ့ အညီအကာအကွယ်ပေးတဲ့ တရားရုံးတွေဖြစ်လာဖို့က အချိန်ပေး ဆောင်ရွက်ရမယ်လို့ တရားလွှတ်တော် ရှေ့နေ ဦးကိုနီက သုံးသပ်ပါတယ်။

“ ဒီတရားစီရင်ရေးစနစ်ကို မူလက အင်္ဂလိပ်လက်အောက်က အခြေခံခဲ့တဲ့ Common Law System နဲ့ စခဲ့တယ်။ နောက် ၁၉၆၂ခုနှစ် အာဏာသိမ်းပြီးတဲ့နောက်မှာ ကျနော်တို့က ဘာမှန်းမသိတဲ့ စစ်အုပ်ချုပ်ရေးအောက်ကို ရောက်သွားတဲ့အခါမှာ တရားစီရင်ရေးစနစ်က တော်တော်လေး ပျက်သွားတယ်။ တခါ ၁၉၇၄ကျတော့ ဆိုရှယ်လစ် Law of System ဆိုပြီး တခါအသစ်ထွင်ပြန်တယ်။ သို့သော် ဒါလည်း ဆိုရှယ်လစ် မမြောက်ပါဘူး။ အရင် Common Law လည်း ပျက်သွားတယ်ပေါ့။ တခါ စစ်တပ်က ၁၉၈၈ အာဏာပြန်သိမ်းတဲ့အခါမှာ တရားစီရင်ရေးဟာ လုံးဝကို အုပ်ချုပ်ရေးလက်အောက်ကို ရောက်သွားပြီးတော့ ပျက်ပြားသွားတယ်ပေါ့ဗျာ။ အဲ့တော့ ဒီဟာကို ကျနော်တို့ ပြန်လည်တည်ဆောက်ဖို့ကတော့ တော်တော်လေးကို ကြိုစားပြီး လုပ်ရဦးမှာပါ။”

တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီကတော့ တရားရုံးတွေကို သွားရောက်လေ့လာပြီးတော့ တွေ့ရတဲ့ ပြင်ဆင်သင့်တဲ့ ကိစ္စတွေကို နောင်အစီရင်ခံစာတွေ တင်တဲ့အခါမှာ ထောက်ပြအကြံပြုသွားမှာဖြစ်တယ်လို့ ပြောပါတယ်၊

voa

ပြန်ခေါက်ပေးခဲ့ပါ။...

ခြိမ်းခြောက်လာရင် မကြောက်ဖို့ ၈၈မျိုးဆက်ကျောင်းသားခေါင်းဆောင် ကိုမင်းကိုနိုင် ပြောကြား

၈၈မျိုးဆက်ကျောင်းသားတွေရဲ့ ပွင့်လင်းလူ့အဖွဲ့အစည်းခရီးစဉ်ကို မနေ့ည ၇ နာရီခွဲက မြိတ်ခရိုင်၊ ကျွန်းစုမြို့နယ် စခန်းသစ်ကျေးရွာမှာ ပရိတ်သတ် ၅ဝဝ ကျော်နဲ့ တွေ့ဆုံဟောပြောခဲ့ကြပါတယ်။

အဲဒီ့အခမ်းအနားမှာ၈၈မျိုးဆက်ကျောင်းသားခေါင်းဆောင်ကိုမင်းကိုနိုင်ကမြိတ်ကျွန်းစုဒေသက ပြည်သူတွေအနေနဲ့ ခြိမ်းခြောက်မှုတွေရှိလာတိုင်းအကြောက်တရားဆိုတာမရှိကြဖို့နဲ့လူသတ်လက်နက်တွေနဲ့ခြိမ်းခြောက်လာရင်တောင် ရှစ်လေးလုံးအရေးတော်ပုံကြီးမှာသမ္မတသုံးဆက်ကို ဖြုတ်ချနိုင်ခဲ့ကြောင်းကိုတိုက်တွန်းပြောဆိုသွားပါတယ်။

၈၈မျိုးဆက်ကျောင်းသားခေါင်းဆောင်တစ်ဦးဖြစ်တဲ့ကိုကိုကြီးကလည်းဒီမိုကရေစီနဲ့ နိုင်ငံရေးအတွေးအခေါ်အကြောင်း ပြောကြားပြီး၊ ကိုမင်းဇေယျကလည်း ပွင့်လင်းလူ့အဖွဲ့အစည်းအကြောင်းကို အဓိကထားပြောကြားသွားပါတယ်။

အဲဒီနောက် ဒေသခံတွေကလည်း လူငယ်တွေအနေနဲ့ မူးယစ်ဆေးသုံးစွဲမှု များပြားလာတဲ့ကိစ္စ၊ ဆင်းရဲသား ငါးဖမ်းလုပ်သားတွေကိုအနိုင်ကျင့်ခံရမှုနဲ့ငါးဖမ်းလုပ်သားတွေရဲ့အခြေအနေတွေကို ပြန်လည်တင်ပြဆွေးနွေးခဲ့ကြပါ
တယ်။

၈၈မျိုးဆက်ကျောင်းသားများရဲ့တနင်္သာရီတိုင်းဒေသကြီးအတွင်းပွင့်လင်းလူ့အဖွဲ့အစည်းဖော်ဆောင်ရေးခရီးစဉ်ကို မနေ့က ကန်မော်ကျေးရွာနဲ့ စခန်းသစ်ကျေးရွာတွေကို သွားရောက်တွေ့ဆုံဟောပြောကြတယ်။

မနက်ဖြန်မနက်မှာမြိတ်ခရိုင်တနင်္သာရီမြို့လူထုနဲ့ တွေ့ဆုံဟောပြောမှာ ဖြစ်ပြီး၊ နေ့လည်ပိုင်းမှာ ကော့သောင်းခရိုင်း ဘုတ်ပြင်းမြို့သို့ထွက်ခွာပြီးဒေသခံပြည်သူလူထုတွေနဲ့ ထပ်မံတွေ့ဆုံဟောပြောကာ ညအိပ်ရပ်နားမယ်လို့ သိရပါတယ်။

RFA Burmese

ပြန်ခေါက်ပေးခဲ့ပါ။...

တိုက်ပုံအင်္ကျီဝတ်ပြီး သူတော်ကောင်းယောင်ဆောင်နေသော ဦးစိုးသိန်း (သို့ မဟုတ်) ဒေါင်းယောင်ဆောင်သောကျီး နှင့် သူရဲ့ သွေးသောက် ၀န်ကြီး ဦးအောင်မင်းတို့ အကြောင်းများ။

ပြည်ထောင်စု ၀န်ကြီး - စက်မှု (၁)၊ စက်မှု (၂)၊ MIC ဥက္ကဌ တာဝန်ယူထားသော ဒေါင်းယောင်ဆောင်နေသည့် ကျီးဖြစ်သူ ဒုတိယ ဗိုလ်ချုပ်ကြီးဟောင်း ဦးစိုးသိန်း၊
အစိုးရအဖွဲ့ ရှိနေသ၍ တိုင်းပြည်ဖွံ့ ဖြိုးဖို့ အတွက် အလွန်ခက်ခဲမည်ဖြစ်ကြောင်း xxxx မှ ပြောဆိုချက
်များအရ စာရေးသူမှာ တိုင်းပြည်အတွက် စိတ်မကောင်းဖြစ်ရကြောင်း ကြားသိခဲ့ရပါသည်။

ဘာကြောင့်လဲလို့  စာရေးသူက မေးတဲ့အခါ ၁၉၉၆ လောက်က တနင်္သာရီရေတပ်ဌာန ချုပ်မှာ တာဝန်ထမ်းဆောင်စဉ်ကာလတွင် မြန်မာနိုင်ငံရေပိုင်နက်အတွင်း ထိုင်းငါးဖမ်း စက်လှေတွေကို တစ်ခါဝင်ဖမ်းတိုင်း ၀ါးလက် (၁) စီးကို သူအတွက် ဘတ်ငွေ ၅ သောင်းပေးရကြောင်း၊

အစီး (၅၀၀) ထက်မနည်း ခွင့်ပြုကြောင်း၊ မှောင်ခိုစက်လှေဆိုလျှင် ဘတ်ငွေ (၁၀၀၀၀၀) ပေးရကြောင်း၊ ငွေပေးရသည် အပြင် တစ်ခါတစ်ရံ ကော့သောင်း မိုတယ်မှ အဆိုတော်လေးများ ထည့်ပေးရကြောင်း၊ ထိုင်းလှေပိုင်ရှင်များမှ သူဌေးကျွန်း ဟိုတယ်သို့ ထိုင်းအမျိုးသမီးများကို ဦီးစိုးသိန်းအတွက် ပို့ ပေးရကြောင်းကို ကော့သောင်းမြို့ မှ လှေလုပ်ငန်းရှင်များမှ ပြောဆိုနေကြသည်။

စက်မှု (၂) ၀န်ကြီးဖြစ်စဉ်မှာလည်း စက်မှုဇုန်ကားထုတ်လုပ်ခွင့်လိုင်စင် ချပေးလျှင် တစ်စီးကို ကျပ်ဆယ်သိန်း ပေးရကြောင်း၊ စုစုပေါင်း အစီရေ (၃၀၀၀) ခန့် လိုင်စင်ထုပ်ပေး၍ တရားမ၀င် တင်သွင်းလာသော ကားများကို စက်မှုဇုန် လိုင်စင်ရအောင် ဆောက်ရွက်ပေးရသည့်အတွက် ပြည်သူတွေကြားမှာ ကယ်ရီခေါင်းဆောင် ဦးစိုးသိန်းဟု နာမည်ကျော်ကြားခဲ့ပါသည်။

ရွှေးကောက်ပွဲ နီးသည့်အခါ စက်မှုဇုန်ကားလိုင်စင် ထပ်မံချပေးပြီး မဲဆွယ်ခဲ့ပါတယ်။ ရွှေးကောက်ပွဲမှာ စက်မှုဇုန်မှ လုပ်ငန်းရှင်များ၊ အလုပ်သမားများ အရေအတွက်များသည့်အတွက် မဲအရေအတွက် များများရကာ ပြည်ထောင်စုဝန်ကြီး ထပ်မံဖြစ်လာပါသည်။

ဝန်ကြီးဖြစ်လာသည့်အခါ ကျပ် ၁ဝ သိန်းလာဘ်ယူပြီး ထုတ်ပေးထားသော တရားမ၀င် တင်သွင်းလာသည့် စက်မှုဇုန်ကားများကို ပြည်သူတွေ လက်ထဲရောက်သည့်အခါ ထပ်မံ၍ ဒါဏ်ငွေ ကျပ်သိန်း တစ်ရာခန့် ကို ဆောင်ခိုင်းပြီး သမ္မတကြီးကို ၀င်ငွေရှာနိုင်သည့် ၀န်ကြီးဌာနလို့ ပြောပြီး နေရာဝင်ယူပါသည်။ ဒါကို သမ္မတကြီးမှ သူ၏ အစွမ်းအစဖြင့် နိုင်ငံတော်အတွက် ၀င်ငွေရှာပေးသူဟု ထင်မှတ်ပြီး လုပ်ပိုင်ခွင့်များကို တာဝန်ထပ်မံပေးအပ်ခဲ့ပါသည်။

စက်မှုဇုန်များမှ လုပ်ငန်ရှင်များနှင့် ပြည်သူတွေမှာတော့ ဒုက္ခမျိုးစုံတွေ့ ၍ တရားစွဲဆိုခံရခြင်း၊ ဆင်းရဲမွဲတေသွားခြင်း၊ မရှင်းနိုင်၍ထွက်ပြေးရခြင်းများဖြစ်ပြီး ဦးစိုးသိန်းမှာတော့ လာဘ်လာဘများများရပြီး ရာထူးတိုးပွား သွားကာ စက်မှု (၁) ကိုပါ တွဲကိုင်ရပြီး တိုင်းပြည်အတွက် အလွန်အရေးကြီးသော MIC ဥက္ကဌ ရာထူးကိုပါ ရရှိသွားခဲ့ပါသည်။

MIC ဥက္ကဌဖြစ်သည့်အခါ သတင်းစာဆရာများ၊ မီဒီယာများကို ဖိတ်ခေါ်ပြီး ရန်ကုန်မြို့ တွင်ရှိသော ဂုံးကျော်တံတားကြီး (၄) စင်းကို (၄) လ နှင့်အပြီး တည်ဆောက်ရမည်ဟု ခပ်တည်တည်နှင့် သတင်းစာရှင်းလင်းပွဲလုပ်ပြီး အစိုးရနှင့် ပြည်သူလူထုတို့ ကို လိမ်လည်ပြီး ပြောကြားခဲ့ပါသည်။

အဲဒီလိုလူမျိုးကို ရင်းနှီးမြှပ်နှံမှုဥက္ကဌ နေရာပေးထားတော့ နိုင်ငံတကာရင်းနှီးမြှုပ်နှံမှုလုပ်ကိုင်မည့် ကုပ္မဏီများက ဥက္ကဌ၏ နောက်ကြောင်း ရာဇ၀င် မကောင်းမှုများ၊ စကားလွယ်လွယ်ပြော၍ အစိုးရနှင့် ပြည်သူတွေကို ဗြောင်လိမ်သည့် ၀န်ကြီး၊ ဥက္ကဌဖြစ်နေသည့်အတွက် မြန်မာနိုင်ငံတွင် လာရောက် ရင်းနှီးမြုပ်နှံရန်အတွက် စိတ်မချရသောကြောင့် ရင်းနှီးမြုပ်နှံသည့်ကုပ္မဏီများ မလာနိုင်ရသည့် အကြောင်းအရင်းများ ဖြစ်သည့်အတွက် တိုင်းပြည် တိုးတက်ရန် မဖြစ်နိုင်ကြောင်း၊

MIC ဥက္ကဌ မှာ ၁ နာရီနှင့် အပြီး လုပ်ပေးမည်ဖြစ်ကြောင်းကို အစည်းအဝေးတွင် လူထင်အကြီးအောင် အမြဲပြောဆိုပြီး အတွေ့ အကြုံရှိသည့် လူများမှ အကြံပေးသည်ကို လက်မခံနိုင်သည့်ပြင် ရန်ရှာခြင်းဖြစ်သည်အထိ တုန့် ပြန်ပြောဆိုကာ မည်သူမှ သူ့ ကို အကြံဥာဏ် မပေးတော့ဘဲ ဘေးမဲ့ပေးထားရပါသည်။

နောက်တစ်ခုက တရုတ်ပြည်မှ ကားများကို စက်မှု (၂) မှ ထုပ်၍ ရောင်းသည်ဟု ပြောပြီး စက်မှု (၂) တံဆိပ် တပ်ပြီး ရောင်းချသော WAGON ကားများကို တင်သွင်းပေးသည့် ကုပ္မဏီများမှ တစ်စီးလျှင် ဒေါ်လာ (၃၀၀၀) သူ့ အတွက် ပေးရသည့်အတွက် မူရင်းစက်ရုံတွင် မှာယူသည့်အခါ သူ့ အတွက် ပေးရသည် လာဘ်ငွေ ဒေါ်လာ (၃၀၀၀) အတွက်ကို တရုပ်စက်ရုံများမှ Quality လျော့ချပြီး မှာရသည့်အတွက် (၆) လအတွင်း ဂရင်းတိုက်ဂါးများ ပျက် စီးသွား၍ ပြည်သူပြည်သားများ နစ်နာ ဆုံးရှုံးခြင်းဖြစ်ပြီး သူ့ ကတော့ ချမ်းသာပြီးရင်း ချမ်းသာသွားပါသည်၊

ကားတင်သွင်းခွင့်ပေးတဲ့ ကုန်ပ္မဏီတွေကတော့ နာမည်တွေ ပျက်ပြီး ကျန်ခဲ့တာပေါ့၊ အစီးရေ (၅၀၀၀) သွင်းထားတော့ သူဘယ်လောက်ရမယ်ဆိုတာ တွက်ကြည့်ပါဆိုပြီး တရုတ်ကားတင်သွင်းတဲ့ ကုပ္မ္မဏီမှ ၀န်ထမ်းများက ပြောကြားပါတယ်။ ဒီကိစ္စကို စုံစမ်း စစ်ဆေးရင် အမှန်အတိုင်းပြောကြားမည့် လုပ်ငန်းရှင် ကုပ္မဏီကိုယ်စားလှယ်များမှ စစ်ဆေးမည့်သူကို မျှော်နေကြောင်း စာရေးသူကို ပြောကြားခဲ့ပါတယ်။

ဦးစိုးသိန်းရဲ့ လုပ်ရပ်တွေ၊ ဒုက္ခပေးတာတွေကို ခံစားရတဲ့ စက်မှုဇုန်လုပ်ငန်းရှင်များ၊ အလုပ်သမားနှင့် ပြည်သူတွေက နာကျီးပြီး ကြားဖြတ်ရွေးကောက်ပွဲလုပ်တဲ့အချိန်မှာ သူ့ ကို အရင်တစ်ခါ မဲပေးခဲ့တဲ့ ပြည်သူတွေက NLD အဖွဲ့ ကို အားလုံး မဲပေးခဲ့ကြသည့်အတွက် ပြည်ခိုင်ဖြိုးရှုံးတာ သူ့ကြောင့် ဖြစ်ကြောင်း၊

သူ့ ရဲ့ဒဏ်တွေကို ခံခဲ့ရတဲ့ ပြည်သူတွေ၊ ဒဏ်ကြေးဆောင်ခဲ့ရတဲ့ လုပ်ငန်းရှင်တွေ၊ ၀န်ထမ်းတွေ အားလုံးရဲ့ ခံစားရတာတွေ တစ်နေ့ သူ့ ဝဋ်လည်မယ်ဟု ပြောဆိုနေခဲ့ ကြပါသည်။

အဆိုးဆုံးတွေထဲမှာတော့ ဒေါ်အောင်ဆန်းစုကြည် ကျွန်းစုမြို့ နယ် မဲသွားဆွယ်သည့်အချိန်မှာ ဦးစိုးသိန်းက လျှပ်ပြေးယာဉ် မငှားရဟု လုပ်ငန်းရှင်များကို ပြောပြီး ငှားသည့်သူ တစ်ကွေ့ ကွေ့ မှာ ဒုက္ခပေးမယ်၊ မင်းတို့  ယခင်က ငါးခိုးတာတွေ၊ မှောင်ခိုချတာတွေကို ဖေါ်ထုတ်ပြီး အရေးယူမည်ဟု ခြိမ်းခြောက်သော စကားပြောဆိုသည့်အတွက် လျှပ်ပြေးယာဉ်ပိုင်ရှင်များ မငှားရဲတော့ပါ။

ဒါကြောင့် လုပ်ငန်းရှင်အချိုက သူတို့ ပိုင်သည့် စက်လှေများကို တစ်ရက် (၅၀၀) ကျပ်သာ တောင်းပြီး ဒေါ်အောင်ဆန်းစုကြည်ရဲ့ မဲဆွယ်အဖွဲ့ ကို ကူညီခဲ့ရသည်ဟု လုပ်ငန်းရှင်များက ပြောဆိုနေကြသည့်အပြင်၊ အနုပညာရှင် အသိုင်းအ၀ိုင်းမှ ဦးစိုးသိန်း၏ ယုတ်မာမှုတွေကို ဖော်ထုတ်ဖို့ လုပ်နေကြပါတယ်။

နောက်တစ်ခုက ဆူဇူကီးကုမ္ပဏီကို ပညာပြထားပြီး ထုတ်လုပ်ခွင့်ကို တစ်စီးလျှင် လာဘ်ငွေ ဒေါ်လာ (၃၀၀၀) မရသည့်အတွက် ညစ်ထားတာကို တစ်တိုင်းပြည်လုံး အသိဖြစ်ပြီး လွတ်တော်ကနေတဆင့် ထုတ်လုပ်ခွင့်သက်တမ်းတောင်းထားကို သူ့ အတွက် လာဘ်မရသည့်အတွက် ခွင့်မပြုဘဲ ဒုက္ခအကြီးအကျယ် ရောက်နေတဲ့ ဆူဇူကီးကုမ္ပဏီကို ကြည့်ပြီး ရင်းနှီးမြုပ်နှံမည့် ကုမ္ပဏီတွေ နောက်ဆုတ်သွားတာ ဒေါင်းယောင်ဆောင်သော ကျီး ဖြစ်သူ ဦးစိုးသိန်းလက်ချက်ဖြစ်ပါတယ်။

ဒါကို သမ္မတကြီးက မသိတော့ ဂျပန်မှာ အတူတွဲထိုင်သူပြောတာကို နားယောင်နေသည့်အတွက် တိုင်းပြည် ဒုက္ခရောက်ရတော့မည်ဖြစ်သည့်အတွက် သမ္မတကြီးနှင့် အစိုးရအဖွဲ့ ၊ ပြည်ခိုင်ဖြိုးအဖွဲ့ ၊ အမျိုးသားဒီမိုကရေစီအဖွဲ့ နှင့် စက်မှုဇုန် လုပ်ငန်းရှင်များ၊ ပြည်သူများ ဒုက္ခမရောက်ရအောင် အသိပေးပြောကြားခဲ့ရခြင်း ဖြစ်ပါသည်။

ကားတင်သွင်းမှုနှင့် ကိုယ်ကျိုးစီးပွား။

ကားတင်သွင်းခွင့်ကို ကုန်သွယ်ရေးမှ မူ (၆) ခါပြောင်းရတဲ့ အကြောင်းအရင်းကတော့ ကားတင်သွင်းရေးကော်မတီမှာ နာယက ဖြစ်တဲ့ MIC ဥက္ကဌ ဦးစိုးသိန်းနဲ့  ဦးအောင်မင်းတို့ ရဲ့ မတော်လောဘတွေကြောင့် ပြည်သူတွေ ဆုံးရှုံးနစ်နာပြီး ၄င်းတို့ နှစ်ဦးနှင့် ပတ်သက်သော ဆွေမျိုးများ၊ စီးပွားရေးလုပ်ငန်းရှင်များကသာ သိန်းပေါင်းများစွာ ချမ်းသာပြီး ပြည်သူတွေ ဘ၀ပျက်ခဲ့ကြရတာပါဟု ကုန်သွယ်ရေးဝန်ကြီးဌာနမှ တာဝန်ရှိသူများက ပြောကြားခဲ့ပါသည်။

ယခင် ကညန မှတ်ပုံတင်ကြေးမှာ ကျပ်ထောင် ဂဏန်းသာရှိပြီး ယခုအခါ သိန်းရာဂဏန်းအထိ ကောက်ခံနေခြင်းဖြစ်ပါသည်။ ကုန်သွယ်ရေး ပါမစ်ကြေးကတော့ ကျပ်သုံးသောင်းဝန်းကျင်သာ ပေးရပါသည်။ ဥပမာ ဦးစိုးသိန်းနဲ့ သမ္မတကြီးကို ပေါင်းညာ ဖို့ သွေးသောက်ဖွဲ့ ထားတဲ့ ကိုအောင်မင်းဆိုပါတော့၊ ကိုအောင်မင်းရဲ့ တူတွေ သားတွေက ကားဟောင်းတွေ အပ်ခွင့်ရမဲ့အခေါက် မတိုင်ခင်မှာ တူတွေ သားသမီးတွေဆီမှာ ကားအစီး ၃၀၀ ကျော် လောက် လက်ထဲရောက်ပြီးတော့မှ ကားအဟောင်းတွေ အသစ်လဲခွင့် ဥပဒေကို ထုတ်ပြန်တာ မလွန်လွန်းဘူးလားဗျာ။

ငြိမ်းချမ်းရေးဆွေးနွေးမှု မအောင်မြင်ရခြင်းရဲ့ ဇစ်မြစ်များ။

ဝန်ကြီး ဦးစိုးသိန်းဟာ ငြိမ်းချမ်းရေး ဆွေးနွေးပွဲတွေမှာ လိုက်ပြီး ဂတိတွေပေး အထင်ကြီးအောင် သမ္မတကြီးမှ သူ့ ကို အထူးအာဏာကုန်လွှဲအပ်တယ်၊ ပြန်ပြီး တင်ပြစရာမလိုဘူးလို့ အထင်ကြီးအောင်ပြောပြီး တရားမ၀င် ကားတွေကို လိုင်စင်ပေးမည်ဟု ပြောဆိုစည်းရုံးပြီး မင်္ဂလာဝင်ယူနေပြီး၊ သူဟာ သမ္မတကြီးရဲ့ လူယုံ သူလုပ်လျှင် အားလုံး ဖြစ်တယ် ပြောဆိုကတိတွေပေးပြီး နေရာဝင်ယူပါတယ်။

ပြောဆိုလို့ မရတဲ့ DKBA ခွဲထွက်အဖွဲ့  ဗိုလ်နှုတ်ခမ်းမွှေးအဖွဲကိုတော့ ထိုင်းအစိုးရထံ အကူအညီတောင်းပြီး မူးယစ်ဆေးဝါး လုပ်ကိုင်သူတွေအဖြစ် ချောက်တွန်းပြီး ဒုက္ခပေးခဲ့တယ်။ ထိုင်းအစိုးရအဖွဲကို ရင်းနှီးတဲ့ တစ်ချိန်က ၀ါးလတ်၊ ငါးဖမ်းလှေပိုင်ရှင်တွေကတစ်ဆင့် ဆက်သွယ်ပြီး ဒုက္ခပေးခဲ့တဲ့အကြောင်း xxxx အဖွဲ့ မှ အစည်းအဝေးတစ်ခုမှာ ဆုံခဲ့တဲ့ ပုဂ္ဂိုလ်တစ်ဦးမှ သတင်းပေးပို့ ခဲ့ပါသည်။

သွေးသောက်ကြီး ကိုအောင်မင်းကလဲ အရင် ထောက်လှမ်းရေးဟောင်းလို့  မပြောရဘူး။ ထောက်လှမ်းရေးဥာဏ်တွေ ရှိနေတုံးဘဲ၊ အဲဒီခေတ် မရှိတော့ဘူးဗျ။ ခင်ဗျားကိုလဲ ဘယ်သူက ယုံကြည်လို့ လဲ၊ ကိုအောင်မင်းကြီး ကချင်တွေ ကရင်တွေ စည်းရုံးတာ အောင်မြင်နေပြီလား။

ကချင်ကို ခင်ဗျားတို့ သွားစည်းရုံးလိုက်တာလဲ ဖားကန့် မှာ ကျောက်တောင် တူးလို့ မရတော့ဘူး။ စည်းရုံးတယ်ဆိုတာ စက်မှု ၂ က နံမယ်ခံထုတ်တဲ့ တရုပ်ကား ၃ စီးလောက်ကို ခေါင်းဆောင်ပိုင်းတွေ ပေးပြီး စည်းရုံးတိုင်းလဲ ငြိမ်းချမ်းရေးဆိုတာ ဖြစ်လာမှာ မဟုတ်ဘူး။ ခင်ဗျားတို့ က ခေါင်းဆောင်တွေကို လက်ဆောင်လေး သွားပေးတာနဲ့ ငြိမ်းချမ်းရေးရမယ် ထင်လို့ လား။

အောက်က ငယ်သားတွေ ဘာနဲ့ စားမလဲဆိုတာအတွက် ခင်ဗျားတို့  စဉ်းစားမိရဲ့လား။ ခင်ဗျားတို့ ကြောင့် ကရင် ခေါင်းဆောင် ၃ ယောက်လဲ ဖြုတ်ထုတ်သတ် လုပ်ခံလိုက်ရပြီ။ ခင်ဗျားတို့ စည်းရုံးရေး ဆင်းခဲ့တဲ့ ဗိုလ်နှုတ်ခမ်းမွေးတို့ အဖွဲ့ လဲ အောက်တိုဘာ ၁၀ ရက်နေ့ လောက်ကတည်းတွေ လမ်းမှာ ဂိတ်ထိုးပြီး ဂိတ်ကြေးပြန်တောင်းနေတာကို ကြည့်ရင် ခင်ဗျားတို့ စည်းရုံးရေး အောင်မြင်လား မအောင်မြင်လား သိသာနိုင်တယ်။ ကိုအောင်မင်းကြီး တိုင်းရင်းသားတွေ သွားမစည်းရုံးခင် ခင်ဗျားရဲ့ သမီးနဲ့  တူကိုဘဲ ရအောင် စည်းရုံးကြည့်ပါအုံး။

ပြည်တွင်း ငြိမ်းချမ်းရေးကို တကယ်လိုချင်တယ်ဆိုရင် တကယ်ဖေါ်ဆောင်နိုင်ဖို့ အတွက် အပြောနဲ့ အလုပ်တွေ အကုန်ညီမှ ဖြစ်မယ်။ ပြောနေတာတစ်မျိုး လုပ်နေတာတစ်မျိုးဖြစ် လို့ မရဘူး။ မူရော လူရော ပြင်ဖို့ လိုတယ်။ ဥပမာ အခြေခံအကျဆုံး သဘောတရားလေး ပြောပြမယ်။

မြန်မာတစ်နိုင်ငံလုံး ဒီမိုကရေစီစနစ်နဲ့ ကျင့်သုံးနေပါပြီဆိုပြီးတော့ ကရင်ပြည်နယ်မှာ ပြည်နယ်ဝန်ကြီးချုပ်ကို ၂၅% စစ်တပ်က တင်ပေးလိုက်တဲ့ ဦးဇော်မင်းကို ပေးထားကတည်းက ဘယ်လိုလုပ်ပြီးတော့ တည်ငြိမ်မှု ရှိပါတော့မလဲ။

နဂိုကတည်းက လူပေလူညစ်အဖြစ် နာမည်ကြီးတဲ့သူကို ရွေးပြီး ၀န်ကြီးချုပ်ပေးထားမှ တော့ ဟိုကလဲ ကြုံရင်ကြုံသလို သမတော့ တိုင်းရင်းသားတွေလဲ ဘယ်ခံနိုင်မလဲ။ ကရင်ပြည်နယ်အတွက် အကောင်းဆုံးက နောက်ဆုံး စစ်ဖက်ကဆိုရင်တောင်မှဘဲ ကရင်တိုင်းရင်းသားထဲက တစ်ယောက်ယောက်ဘဲ ဖြစ်သင့်တာပေါ့။

ပိုဆိုးတာက ငြိမ်းချမ်းရေး ဆွေးနွေးတဲ့ အစိုးရ ကိုယ်စားလှယ် ရွေးချယ်မှု သူ့ ထက် အသက်အများကြီးငယ်တဲ့ မိုးသီးဇွန်ကို ကိုကြီးမိုးသီးဇွန်လို့  ခေါ်တဲ့ ငြိမ်းချမ်းရေးကိုယ်စားလှယ်ကြီး ဦးအောင်မင်း။ ဦးဌေးမြင့်အိတ်ဆွဲ အဆင့်ဘဲရှိတဲ့ လှမောင်ရွေကို ဆရာတင်ပြီး ခင်ဗျား ဘယ်လိုလုပ်ပြီး ငြိမ်းချမ်းရေး ဖေါ်ဆောင်လို့  ရမှာလဲဗျာ။

ခင်ဗျားပြောတာတွေကလဲ မသိတဲ့သူတွေအတွက်ကတော့ အဟုတ်တွေကြီးဘဲ။ ခင်ဗျား ထောက်လှမ်းရေး ဘ၀တုံးက ဘယ်သူ့ မှ ထောင်မချခဲ့ပါဘူးတဲ့။ အဲဒီတုံးက ခင်ဗျားရထားတဲ့နေရာက ထောင်ချ လို့ မရတဲ့ အဆင့် ဖြစ်နေတယ်ဆိုတာပါ ဆက်ပြောပြသင့်တာပေါ့။

ဒီထက်ပိုပြီးတော့ ပြောပြသင့်တာက ခင်ဗျား တိုင်းမှူးဘ၀တုံးက ကရင်တွေကို အပြတ်ရှင်းခဲ့တဲ့ အကြောင်းကြတော့ ဘာဖြစ်လို့ ချန်ထားတာဘဲဗျ။ အဲဒါတွေ ခင်ဗျားမလုပ်လို့ ဘယ်သူလုပ်ခဲ့တာလဲ။ သူတို့ က ခင်ဗျား ပုဆိုးနဲ့  တိုက်ပုံဝတ်လာလို့  အဲဒါတွေ မေ့သွားကြပြီ ထင်နေလား။

ခင်ဗျား မရှက်ဘူးလားဗျာ ထိုင်းမှာတုံးက ခင်ဗျားကို စာအိတ်ထဲ သေနတ်ကျည်ဆံ လာပေးသွားတယ်ဆိုတာ။ သမ္မတကြီးကို မျက်နှာရချင်တာနဲ့ ခင်ဗျားလုပ်တဲ့ အလုပ်ကဘဲ အသက်ဘေးတောင် ရှိသလို ဖွလိုက်သေးတယ်။ ဘယ်မှာလဲ အဲဒီသေနတ်ကျည်ဆံ။ ခင်ဗျားကို ဘယ်သူကမှ ကျည်ဆံအကုန်ခံပြီးတော့ ခြိမ်းခြောက်မှာ မဟုတ်ပါဘူး။

ခင်ဗျားနဲ့  ခင်ဗျား သွေးသောက်ကြီး ဦးစိုးသိန်းကတော့ စံပါဘဲဗျာ။ သမ္မတကြီး အထင်ကြီးအောင် အသံကောင်းတွေ ဟစ်ပြ၊ ပြီးရင် ပိုရလာတဲ့ အဏာနဲ့ ခွင်တွေ အပြည့်ရိုက်ကြ။ ဦးအောင်မင်းရဲ့ တူ အောင်စိုးသာ ကားအဟောင်းတွေ မဖျက်သိမ်းခင်တုံးက အစီး ရာနဲ့ ချီပြီးတော့ အရင် ၀ယ်ပြီးတော့မှ ဦးစိုးသိန်းက ဥပဒေထုတ်တယ်။ ဘယ်လောက် သိန်းနဲ့ သန်းနဲ့ ချီပြီးတော့ မြတ်ခဲ့ကြလဲဆိုတာ ခင်ဗျားတို့  သမ္မတကြီးကို မပြောပြကြဘူးလား။

ရိုဟင်ဂျာတွေ ဘယ်လိုရောက်လာသလဲ။

သမ္မတရုံး ၀န်ကြီး ဦးစိုးသိန်းမှ ၀င်ရောက်ခွင့်ပေးလို့ ရောက်လာရတာပါ။

ဦးစိုးသိန်း တပ်မတော်ရေတပ်တွင် တာဝန် ထမ်းဆောင်စဉ် ၁၉၉၀ ခုနှစ်မှစပြီး ပင်လယ်ပြင်တွင် ရေတပ် ဂိတ် (၄) ခု စစ်ဆေးရေး ဂိတ်အနေဖြင့် ထားပြီး လှေတစ်စီးကို တစ်ဂိတ် (၂) သိန်း နှုန်း နှင့် (၄ ) ဂိတ်အတွက် ကျပ် (၈) သိန်းပေးပြီး ၀င်ရောက်ခွင့်ရသည့်အတွက် ရောက်ရှိလာကြောင်း ရိုဟင်ဂျာအဖွဲ့ မှ အတိအလင်း ပြောကြားပါသည်။ တာဝန်ရှိသူများအနေဖြင့် တိုင်းပြည်ကို ဒုကရောက်အောင် မစဉ်းစား မဆင်ခြင်ဘဲနှင့် လာဘ်ငွေယူပြီး ခြံဝယ် အိမ်ဝယ်နဲ့  တိုင်းပြည်ကတော့ ဒုက္ခရောက်ခဲ့ပါတယ်။

ရေတပ်က အရာရှိအရာခံများကို ဦးစိုးသိန်းကို ကြိုက်မကြိုက် စစ်တမ်းကောက်ကြည့်ရင် ၉၅% က မကြိုက်ဘူး။ ကြိုက်တဲ့ ရာခိုင်းနန်းကလဲ သူ့ ဆွေမျိုးမကင်းတွေ ဘဲ ဖြစ်လိမ့်မယ်။

ဒါတင်မကဘဲ နာဂစ်ဖြစ်တုန်းကလည်း သူ့ လက်အောက်ရှိ ရေတပ်သင်္ဘောတွေကို လောင်စာဆီတွေ မထုပ်ပေးဘဲ ထားတာကြောင့် နာဂစ်ဖြစ်တဲ့ အချိန်မှာ ရေတပ်သဘောင်္တွေ ဆီမရှိတာကြောင့် နစ်မြုပ်ခြင်း၊ ပြည်သူလူထုကို မကယ်ဆယ်နိုင်ခြင်း၊ တပ်မတော်ပိုင် ရေတပ်သင်္ဘော အမြောက်အများ ဆုံးရုံးခြင်းတို့ ဖြစ်ပြီး လူ့ အသက်ပေါင်းများစွာ ဆုံးရှူံးခဲ့ရပါတယ်။

ယခုအခါလည်း သူ့ ပိုင်အိမ်ခြံမြေများကို သားတပည့်ဖြစ်သူ မားသားလမ်(န်) ကုပ္မဏီမှ ဦးအောင်မြတ် ဆိုသူကို အားလုံး ရောင်းချခိုင်းပြီး နိုင်ငံခြားတွင် ပို့ ခိုင်းထားကာ သူတော်ကောင်းယောင်ဆောင်ပြီး သမ္မတကြီးဘေးတွင် အကာအကွယ်ယူ၍ တိုင်းပြည်ကို ဒုက္ခရောက်အောင် ထပ်မံကြံရွယ်နေကြောင်း သတင်းရရှိပါသည်။

နိုင်ငံတော်ကို အကြည်အငြိုပျက်စေသူ။

MIC ဥက္ကဌရဲ့ အာဏာကိုယူပြီး တရုပ်ကား ကုပ္မဏီ (၂) ခုကို တစ်စီး ဒေါ်လာ (၃၀၀၀) ယူပြီး တရားမ၀င်တင်သွင်းပြီး စက်မှု (၂) တံဆိပ်တပ်ပြီး ရောင်းတဲ့ တရုတ်ကားတွေကို အခွန်ကင်းလွတ်ခွင့်ရအောင် MIC ခွင့်ပြုမိန့် စီစဉ်ပေးပြီး ကားများကို တစစီဖြုတ်၍ ပြန်လည် တပ်ဆင်ပြီး တရားဝင် ရောင်းချရန် စီစဉ်နေကြောင်း စက်မှု (၁) ၀န်ထမ်းများက သတင်းပေးထားပါသည်။

ဦးစိုးသိန်းရဲ့ သားတပည့်တစ်ဦးဖြစ်သူ မားသားလင်းဒ် ကုမ္ပဏီ မှ ဦးအောင်မြင့် အသိုင်းအ၀ိုင်းမှ ကြားသိရသည်မှာ သမ္မတကြီးကိုယ်စား ဦးစိုးသိန်းအား လုပ်ပိုင်ခွင့်ပေးထားသော ၀န်ကြီးဌာနများမှာ အောက်ပါအတိုင်း ဖြစ်ပါသည်။

(၁) စက်မှုဝန်ကြီးဌာန၊
(၂) ရထားပို့ ဆောင်ရေး ၀န်ကြီးဌာန၊
(၃) သတ္တုတွင်းဝန်ကြီးဌာန၊
(၄) ဆောက်လုပ်ရေး ၀န်ကြီးဌာန၊
(၅) ဘဏ္ဍာရေးနှင့်အခွန်ဝန်ကြီးဌာန၊
(၆) လျှပ်စစ်စွမ်းအား ၀န်ကြီးဌာန၊
(၇) အလုပ်သမား ၀န်ကြီးဌာန၊
(၈) ပို့ ဆောင်ရေး ၀န်ကြီးဌာန၊
(၉) စွမ်းအင်ဝန်ကြီးဌာန၊
(၁၀)ဟိုတယ်နှင့်ခရီးသွား ၀န်ကြီးဌာန၊
(၁၁) စီးပွားကူးသန်း။

အဆိုပါ ၀န်ကြီးဌာနများနှင့် ဆက်သွယ်လုပ်ဆောင်လိုပါက အကုန်လုံး ဆက်သွယ်လုပ်ပိုင်ပေးနိုင်မည်ဖြစ်ဆိုပြီးလည်း ထိုအသိုင်းအ၀ိုင်းမှ ပြောကြားနေကြောင်း သိရှိရပါသည်။
မြန်မာနိုင်ငံရင်းနှီးမြုပ်နှ့မှုကော်မရှင်မှာ ဦးစိုးသိန်း ဥက္ကဌလုပ်နေသရွေ့ ကတော့ ဘယ်ရင်းနှီးမြှုပ်နှံမှုက ရောက်လာမှာမဟုတ်ဘူးဆိုတာ နိုင်ငံခြားသတင်းဌာန တွေရဲ့ သတင်းတွေမှာ ကြည့်ရင် သိနိုင်တယ်။

နိုင်ငံခြားခရီးများတွင် ဦးစိုးသိန်းရဲ့လုပ်ဆောင်ချက်များ။

သူ့ ကိုယ်သူ ၁ ၁/၂ သမ္မတကြီးဟု ပြောဆိုပြီး တိုင်းပြည်ကို အုပ်ချုပ်နေတာလို့  အမေရိကန်ရောက် သမ္မတရုံး ၀န်ကြီး ဦးစိုးသိန်း ၏သမီးထံမှ ကြားသိခဲ့ရသည်။ လာဒ်မစားဘူးဟု ကြွေးကြော် အော်ဟစ်နေသော်လည်း တရုတ်ကုမ္ပဏီ တစ်ခုဖြစ်တဲ့ ရွှေတောင်ဆောက်လုပ်ရေးကုမ္ပဏီမှ ကော်မရှင် ၂၀% ယူပြီး တင်ဒါ မခေါ်ဘဲ လှည်းတန်းဂုံးကျော် တံတားများ လုပ်ကိုင်ခွင့်ပေးပြီးသည့်အပြင် သူ ၁ ၁/၂ ရာထူးသို့  ထပ်မံ ရောက်ရှိလာသော အာဏာကို အသုံးချပြီး နိုင်ငံပိုင် မြေနေရာများကို အိမ်ယာစီမံကိန်း ဖော်ထုတ်ဖို့ အတွက် ထုံးစံအတိုင်း ၂၀% ကော်မရှင်ယူပြီး ရွှေတောင် ကုမ္ပဏီကို ထုံးစံအတိုင်း တင်ဒါမခေါ်ဘဲ လုပ်ပိုင်ခွင့်ပေးရန် သမ္မတကြီး ဦးသိန်းစိန်ထံ တင်ပြပြီးစီးနေပြီဖြစ်ကြောင်း ဦးစိုးသိန်းမှ ရွေတောင် ကုမ္ပဏီသို့  ဖုံးဖြင့် ပြောကြားနေကြောင်း သတင်းရရှိပါသည်။ ဦးစိုးသိန်းသည် ဒုတိယ သမ္မတ နှစ်ဦးထက် ရာထူးပိုမြင့်ကြောင်း၊ လုပ်ပိုင်ခွင့် အများဆုံးရသည့် ပုဂိုလ်ဖြစ်ကြောင်း၊ သမ္မတကြီးမှာ ကျန်းမာရေး အခြေအနေကြောင့် လုပ်ငန်းတာဝန်များ အုပ်ချုပ်မှုတာဝန်နှင့် စီးပွားရေးကိစ္စများကို သူ့ ကိုလွဲထားကြောင်း ပြောဆိုပြီး စီးပွားရေး လုပ်ဆောင်လိုလျှင် သူတာဝန်ယူကြောင်း ပြောဆိုမိတ်ဆက်နေပါသည်။

ဘဏ်မတည်ငြိမ်မှု ပြဿနာ ရဲ့ အရင်းအမြစ် ကောလဟာလ သတင်းဟာလဲ သမ္မရုံးဝန်ကြီး (၀န်းအန်ဟက်) ၁ ၁/၂ သမ္မတကြီး ဦးစိုးသိန်းက အမေရိကားမှာ ယခင်က ခရိုနီဖြစ်ခဲ့ဖူးတဲ့ ကဘ္မောဇဘဏ်နဲ့  ဧရာဝတီဘဏ်တို့ ကို စီစစ်အရေးယူသွားမည်ဟု ပြောဆိုခဲ့ရာမှ သတင်းတွေ ပွားလာခြင်းဖြစ်တယ်လို့ သိရှိရပါတယ်။

သမ္မတကြီး၏ သားမက်ဖြစ်သူ စင်္ကာပူတွင် ဆေးသွားကုသည်ကို ကဘ္မောဇဘဏ်က စပွန်စာ ပေးခဲ့သည့် ကိစ္စကို မကျေနပ်တဲ့အတွက် ယခုလို ပြောကြားသွားခဲ့ခြင်းဖြစ်တယ်လို့ လည်း သိရပါတယ်။

နောက်ပိုင်းမှာတော့ ရွေတောင်ဆောက်လုပ်ရေးမှ အောင်ဇော်နိုင်နှင့် ဦးစိုးသိန်း အစည်းအဝေးလုပ်ကြပြီး ကဘ္မောဇဘဏ်နှင့် ပတ်သက်သည့် ကောလဟာလ အောင်မြင်ကြောင်း ၂ ဦးပြောကြားကြပါတယ်။

ကိုရီးယားနိုင်ငံကို ရောက်ရှိစဉ်တုံးကလဲ (၀န်းအန်ဟက်) ၁ ၁/၂ သမ္မတကြီး ဦးစိုးသိန်း (နာဂစ်) သည် ကိုရီးယား ရင်းနှီးမြုပ်နှံမှု ကုပ္မင်္ဏီများကို ဖိတ်ကြားပြီး မြန်မာနိုင်ငံတွင် ရင်းနှီးမြုပ်နှံမှုအတွက် ၄င်း၏ခရိုနီ အမ်ဒီများဖြစ်ကြသော မားသားလင်းကုပ္မဏီမှ အောင်မြတ်၊ ရွေသံလွင် ကျော်ဝင်းလေး ကုပ္မဏီ၊ ရွေတောင်ကုပ္မဏီ၊ ကယ်ပီတယ် ကိုကိုကြီး၊ မားမား ဘိုးရာဇာ မျိုးထွေး၊ ဂရမ်းဝီစကီ အောင်မိုးကျော်တို့ နှင့် ပူးတွဲရွေ့ လုပ်ကိုင်နိုင်ကြောင်းကို ကိုရီးယားစီးပွားရေးသမားများကို ညှိနှိုင်းဆောင်ရွက်ပေးခဲ့ပါသည်။ ထုံးစံအတိုင်း သူ့ အတွက် ကတော့ ၂၀% ပါ။

၎င်းကုပ္မဏီအဖွဲ့ များသည်း သူနှင့်အတူ သမ္မတရုံးတွင် အတူရုံးထိုင်ကြောင်းနှင့် ကယ်ပီတယ် ကိုကိုကြီး (ထိုင်ဝမ်) ထောက်လှမ်းရေးအဖွဲ့ ဝင်အား လက်နက်များမှာပြီး လွတ်တော်အဖွဲ့ ကို လုပ်ကြံရန် ကြံစည်နေကြောင်း ကိုးရီးယား အသိုင်းအ၀ိုင်းမှ ပြောကြားပါသည်။

ဦးစိုးသိန်း (နာဂစ်) ၏ အခြားလုပ်ဆောင်ချက်များ။

သူ့ ၏ လက်အောက်တွင် တာဝန်ထမ်းဆောင်ခဲ့ဖူးသော ရေချုပ် ဦးဥာဏ်ထွန်းကို ဒုတိယသမ္မတနေရာ မပေးချင်သည်အတွက် ရန်ကုန်တိုင်းဝန်ကြီးချုပ်ကို ဒုတိယသမ္မတတင်ရန် အမျိုးမျိုးကြံစည်ခဲ့ပြီး ပြည်ထဲရေးဝန်ကြီးအား ဦးမြင့်ဆွေရဲ့ သားသမီး လက်ရှိ ပေါင်းသင်နေထိုင်တာကို သိလျှက်နှင့် ကွာရှင်းစာချုပ်ကို လွန်ခဲ့သော ၁ နှစ်ခွဲ ခန့် ကတည်းက ကွာရှင်းထားကြောင်း အတုလုပ်ခိုင်းပြီး ဒုတိယသမ္မတနေရာသို့ ပေးရန် ကြံစည်ခဲ့ပြီး၊ လွတ်တော် ဥက္ကဌ သူရရွေမန်း နှင့် ဦးဌေးဦးတို့ မှ လက်မခံသည့်အတွက် သူတင်သော ဦးမြင့်ဆွေ ဒုတိယသမ္မတ မဖြစ်ခဲ့ပါ။

ဦးဥာဏ်ထွန်း သာ ဒုတိယသမ္မတ ဖြစ်ခဲ့သည့်အတွက် နောက်တဖုံ ကြံစည်ပြီး ဒုတိယသမ္မတရဲ့လုပ်ပိုင်ခွင့်များ လျော့နည်းလာပြီး သူ၏ လုပ်ပိုင်ခွင့်များ ပိုများလာစေဖို့ အတွက် သမ္မတရုံးဝန်ကြီးဟု ထပ်မံအကောင်အထည်ဖော်ပြီး လုပ်ငန်းများအားလုံးကို လွဲယူပြီး ၁ ၁/၂ သမ္မတဟု ထပ်လုပ်ပြီး တိုင်းပြည်၏ လုပ်ပိုင်ခွင့်များရဲ့ ၃ပုံ ၂ပုံကို ရယူ၍ လာဒ်ယူရန် ကြံစည်နေကြောင်း ကြားသိနေရပါသဖြင့် သမ္မတကြီး အနေဖြင့် ကြိုတင်ပြီး လိုအပ်သည်များကို ဆောင်ရွက်နိုင်ရန် တာဝန်သိပြည်သူတစ်ရောက်အနေနဲ့  အသိပေးအပ်ပါသည်။

ဦးစိုးသိန်းရဲ့ သားနဲ့ သမီး အမေရိကားမှ ကောင်းကောင်းနေဖို့ အတွက် ပိုက်ဆံတွေ ရွေ့ ခိုင်းထားတယ်။ တပည့်ဖြစ်သူ အောင်မြတ်ကို ရွေတွေ ၀ယ်ခိုင်းပြီး စုဆောင်းခိုင်းနေတာ နောက်ရွေးကောက်ပွဲအတွက် ထုတ်သုံးဖို့ ရန်ပုံငွေ ရှာနေတာလား။ ထိုင်ဝမ် ထောက်လှမ်းရေး ဒုံးပျံဂျံစက်က ကိုကိုကြီးနဲ့  ပေါင်းပြီးတော့ လက်နက်တွေ မှာ စမ်းသွင်းတာလဲ ခင်ဗျားတို့ ဘဲ မဟုတ်လား။ တရုတ်ကို ဂရုစိုက်စရာ မလိုဘူးဆိုတဲ့ အကွက်တွေလဲ သိပ်ခင်းပြမနေပါနဲ့ ။

ခင်ဗျားတို့ ဒေါင်းယောင်ဆောင်တဲ့ ကျီးနှစ်ယောက် ဆရာကို အာခံရင် အာခေါင်လှံစူးတတ်တတ်ဆိုတာ မြဲမြဲ မှတ်ထားပါ။ ခင်ဗျားတို့  လာဘ်စားထားနိုင်ခဲ့တဲ့ငွေတွေ သိန်းနဲ့ သန်းနဲ့ ချီ ရလာအောင် ခင်ဗျားတို့ ကို ဒီဘ၀ရောက်အောင် လုပ်ပေးခဲ့တဲ့ ခင်ဗျားတို့ ဆရာအရင်းတွေကို ခင်ဗျားတို့ မမေ့သင့်ပါဘူး။

ဦးစိုးသိန်းရောဘဲ။ ခင်ဗျား သမီး အမေရိကားမှာ အမေ၇ိကန်နဲ့  အိမ်ထောင်ကျပြီးတော့ အမေရိကားမှာဘဲ နေတာတောင်မှာ ခင်ဗျားက ၁ ၁/၂ သမ္မတကြီး (ခေါ်) သမ္မတရုံးဝန်ကြီး တက်ဖြစ်နိုင်သေးရင် ဒေါ်အောင်ဆန်းစုကြည် သမ္မတရွေးဖို့ ကျတော့ ဥပဒေက ဘာဖြစ်တယ် ညာဖြစ်တယ် လုပ်နေတာလဲဗျာ။ ဘာလဲ ဥပဒေကဘဲ ၂ မျိုး ပြဌန်းထားလို့ လား။

ဦးစိုးသိန်းနဲ့  ဦးအောင်မင်းတို့ နှစ်ယောက် အင်တာဗျူးတွေမှာ ရွန်းရွန်းဝေအောင် ပြောတာထက်စာရင် ကိုယ့်ဖာသာကိုယ်

- ကိုယ့်အတွက် အလုပ်အလုပ်နေကြတားလား၊
- တိုင်းပြည်အတွက် အလုပ်လုပ်နေကြတာလား၊
- သမ္မတကြီးကို လိမ်ဖို့ အလုပ်လုပ်နေကြတာလား၊

အရင်ဆုံး သေချာအောင် ပြန်စဉ်းစားကြည့်ကြစဉ်းပါအုံးဗျာ..

အစိုးရက ပြုပြင်ပြောင်းလဲရေးတွေ တကယ်လုပ်ချင်တယ်ဆိုရင် တစ်ခြားဝန်ကြီးတွေ ဖယ်သလို ဒီလိုလူမျိုးတွေကို ဖယ်ဖို့ သင့်ပြီ။

ဒီထက် ပိုဖြစ်သင့်တာက ကာယကံရှင်ဖြစ်တဲ့ ခင်ဗျားတို့ တွေမှာ တိုင်းပြည်ကို တကယ်ကောင်းစေချင်တဲ့ စေတနာလေး တကယ် ရှိခဲ့တယ်ဆိုရင် ခင်ဗျားတို့ တွေ ကိုယ့်ဖာသာကို ထွက်စာတင်ပြီး နှုတ်ထွက်သင့်ပြီ။ သမ္မတကြီးပြောတဲ့အထိ နောက် ၂ နှစ်သက်တမ်းကုန်မဲ့အထိ စောင့်မနေပါနဲ့ ဗျာ။

ခင်ဗျားတို့  ရှိတာနဲ့ လည်း ခင်ဗျားတို့ မိသားစုတွေ နောက် ၁၀ သက် စားမကုန်ပါဘူးဗျာ။

တိုင်းပြည်နဲ့  ပြည်သူတွေမျက်နှာကို ငှဲ့ ပါအုံး။

အသိပေးတင်ပြသူ -

အပြောင်းအလဲကို လိုလားသော စစ်သားဟောင်းတစ်ဦး။

by:facebook သတင်းများ

ပြန်ခေါက်ပေးခဲ့ပါ။...