နောက်ကြည့်မှန် ပိတ်ကားပေါ် ရောက်မလားနဲ့ အနုပညာ-နိုင်ငံရေး အဆက်အစပ်

နိုင်ငံရေးအကျဉ်းသားဟောင်း တဦးဖြစ်တဲ့ ၈၈ မျိုးဆက်ကျောင်းသား ခေါင်းဆောင် ဦးမင်းကိုနိုင်ရဲ့ “နောက်ကြည့်မှန်” လုံးချင်းဝတ္ထုကို ရုပ်ရှင်အဖြစ် အသက်သွင်းဖို့ ကြိုးစားကြမယ် ဆိုပေမယ့် လက်ရှိ အနေအထားအရ တက္ကသိုလ်ရဲ့ အခန်းကဏ္ဍတွေ မှေးမှိန်နေဆဲဖြစ်လို့ ဖန်တီးဖို့ မလွယ်ကူနိုင်သေးဘူးလို့ ဦးမင်းကိုနိုင်က ဆိုပါတယ်။
“မလွယ်ဘူး။ မလွယ်သေးမှန်းလည်း ဒါရိုက်တာတွေ ကိုယ်တိုင် သိတယ်။ ဘာဖြစ်လို့လဲ ဆိုတော့ အခင်းအကျင်းတွေ၊ ဥပမာ ရန်ကုန်တက္ကသိုလ် မပါဘဲ မရဘူး။ ရန်ကုန် တက္ကသိုလ်ထဲမှာ ရိုက်ရဖို့ အခွင့်အရေးကိုက မလွယ်သေးဘူး။ သူတို့က ဘာပဲဖြစ်ဖြစ် ပထမဆုံး ဦးစားပေးပြီးတော့ ၀ယ်တယ် ဆိုတာကို ရိုးရိုးသားသား တန်ဖိုး ထားတာ၊ ဂုဏ်ယူတာ။ ဒါပါပဲ။ ဖြစ်နိုင်ချေကတော့ အများကြီး လိုသေးတယ်” လို့ သူက ရှင်းပြပါတယ်။
ဟုတ်တော့လည်း ဟုတ်ပါတယ်။ ရုပ်ရှင်အဖြစ် ဖန်တီးမယ့် သူတွေက ဖန်တီးဖို့ ပြင်ဆင်နေပေမယ့် ဖန်တီးခွင့်ကို သက်ဆိုင်ရာ အာဏာပိုင် တွေက ပေးမပေး ဆိုတာတော့ စိတ်ဝင်စားစရာ ဖြစ်နေတာပါ။
နိုင်ငံရေး ခေါင်းဆောင် တဦး ဖန်တီးလိုက်တဲ့ “နောက်ကြည့်မှန်” ဟာ လှပတဲ့ အချစ်ဝတ္ထု တပုဒ်လို့ ဆိုပေမယ့် နိုင်ငံရေး အငွေ့အသက်တွေ၊ ၈၈ အရေးအခင်း ပုံရိပ်တွေ ပါဝင်နေခဲ့တာပါ။ အထူးသဖြင့် ရန်ကုန် တက္ကသိုလ်ကြီးရဲ့ မြင်ကွင်းတွေပါ။ ဒီဝတ္ထုထဲက အဓိက ဇာတ်ကောင် ကိုဖေသောင်း ဆိုတာကလည်း တက္ကသိုလ် ကျောင်းသားတဦး မဟုတ်လား။
သိပ် ဝေးဝေး ကြည့်နေစရာ မလိုပါဘူး။ မကြာသေးခင်က ဇူလိုင် ၇ ရန်ကုန် တက္ကသိုလ် ကျောင်းသားသမဂ္ဂ အဆောက်အဦး ဗုံးခွဲဖျက်ဆီး ခံရတဲ့ နှစ် ၅၀ ပြည့် အထိမ်းအမှတ် ပွဲတွေ ပြုလုပ်ဖို့တောင် တားမြစ်ပိတ်ပင် ခံနေရတာ ဆိုတော့ ကျောင်းသား အရေးတော်ပုံတွေကို ပြန် အသက်သွင်းကြမယ့် ကိစ္စကို လက်မခံနိုင်တာ မထူးဆန်းလှပါဘူး။ ဒါကတော့ ကိုယ့်အရိပ် ကိုယ်ပြန် လန့်နေတဲ့ သူတွေ ဖြစ်လေ့ဖြစ်ထရှိတာမို့ မစပ်စုလည်း ထူးပြီး မအံ့သြတော့ပါဘူး။
နောက်တခု ဖြစ်နိုင်တာကတော့ မြန်မာ အာဏာပိုင်တွေ လုပ်လေ့ရှိတဲ့ နည်းလမ်းဟောင်း အတိုင်း ဖန်တီးနေတဲ့၊ ရိုက်ကူးနေတဲ့ အချိန်မှာ ကြိုက်သလောက် ဖန်တီး၊ ရိုက်ကူး ဘာမှ ၀င်မပြောဘဲနဲ့ အားလုံး ပြီးတော့မှ ငါတို့ ဖြတ်ချင်ရာတွေ ဖြတ်ထုတ်မယ် ဆိုတာမျိုးလည်း ကြုံတွေ့နိုင်ပါတယ်။ အဲဒီအခါကျ ဖန်တီးထားတဲ့ အနုပညာ ပစ္စည်းလေးလည်း အမြီးဖြတ်၊ ခေါင်းဖြတ်၊ ခြေဖြတ်၊ လက်ဖြတ်နဲ့ အင်္ဂါမစုံတော့ရင် ဖန်တီးသူတွေ ဝမ်းနည်းကြရဦးမယ်။
ဒီလို အတွေ့အကြုံကို ဒါရိုက်တာ ချိုတူးဇော်ရဲ့ ၈၈ အရေးတော်ပုံ နောက်ခံပြု ရိုက်ကူးခဲ့တဲ့ “လွမ်းစိမ့်” ဇာတ်ကား ကိုကြည့်ရင် သိနိုင်မှာပါ။ လုံးဝ ပြသခွင့် မပြုထားတဲ့ ဒီဇာတ်ကားကို တလောက ပြန်လည် ပြသခွင့် ပြုလိုက်ပါတယ် တဲ့။ ဒါပေမယ့်ဟိုဖြတ်၊ ဒီဖြတ်နဲ့ “လွမ်းစိမ့်” အင်္ဂါမစုံဘဲ ထွက်လာရတာပါ။
ဒီ နောက်ကြည့်မှန် လုံးချင်းဝတ္ထုကို ဒါရိုက်တာ ၀င်းထွန်းထွန်းက ၀ယ်ယူခဲ့တာ ဖြစ်ပြီး ဒါရိုက်တာ ချိုတူးဇော်ကို လက်ဆောင်ပေး ရိုက်ကူးစေမယ်လို့ သိရပါတယ်။ ဇာတ်ညွှန်းကိုတော့ အကယ်ဒမီ မြင့်ဦးဦးမြင့်က ခွဲပေးမယ်လို့ သိရပါတယ်။
“ဒီလို ရုပ်ရှင်ရိုက်မယ်လို့ ထင်ကို မထင်ထားဘူး။ ဖန်တီးတုန်းကလည်း စိတ်ထဲရှိတဲ့အတိုင်း ရေးလိုက်တာ။ ဒီလိုမျိုး ရည်ရွယ်ပြီးတော့လည်း တခါမှ စိတ်မကူးခဲ့ဖူးဘူး။ သူတို့က အဲဒီလို ပြောလာတော့ နည်းနည်း ထိတ်လန့် တုန်လှုပ်သွားတာပေ့ါ။ ပြန်စဉ်းစား ကြည့်တော့လည်း မဖြစ်နိုင်ဘဲနဲ့တော့ သူတို့ဝယ်မှာ မဟုတ်ဘူးပေ့ါလေ” လို့ ကိုမင်းကိုနိုင်က ပြောပါတယ်။
တကယ်တော့ ရုပ်ရှင်ရိုက်ခွင့်၊ ပြသခွင့် ရတာ မရတာ ထားဦး၊ အခုလို လုံးချင်း ၀တ္ထုကို တရားဝင် ထုတ်ဝေခွင့် ရလာတာကိုပဲ ကျေးဇူးတင်ရမလို ဖြစ်နေပါပြီ။ ဘာကြောင့်လဲ ဆိုတော့ ဒီဝတ္ထုကို ပထမဆုံး ထုတ်ဝေတာက ကိုမင်းကိုနိုင် အကျဉ်းထောင်ထဲ ရှိနေစဉ်၊ ၂၀၀၉ ခုနှစ်က ပြည်ပ အဖြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) ကနေ ကိုမင်းကိုနိုင်ရဲ့ မွေးနေ့အမှတ်တရ ထုတ်ခဲ့တာကိုး။ အဲဒီအချိန်က နအဖ အစိုးရ အလိုအရ ဆိုရင်တော့ ဒီစာအုပ်ဟာ တရားမဝင် စာအုပ်ပေါ့။ အဲဒီတုန်းက ပြည်တွင်းမှာ ဒီစာအုပ် လက်ဝယ်ကိုင်ထားတဲ့ သူတွေ့ရင်တောင် ဖမ်းလို့ရတာကိုးလေ။ အခုလို တရားဝင် ထုတ်ခွင့် ပေးတယ် ဆိုတော့လည်း အစိုးရရဲ့ ထင်သာမြင်သာရှိတဲ့ ပြောင်းလဲမှုတွေကို မြင်ရတယ်လို့ ပြောရ လေမလားဘဲ။
ဝတ္ထု ဖန်တီးရှင်ကတော့ “ဘယ်သူမဆို ရှေ့မှာ လုပ်ချင်တာတွေ လုပ်ပြီးသွားရင် နောက်မှာ ဘာဖြစ်ကျန်ခဲ့သလဲ ဆိုတာ ပြန်ကြည့်ဖို့ နောက်ကြည့်မှန် တချပ် ဆောင်ထားကြပါလို့” တိုက်တွန်း ထားပါတယ်။ မစပ်စုကတော့ အရင် နအဖ ခေတ်က လက်ကျန် စိစစ်ရေးဌာနကြီးနဲ့ တကွ ပြန်ကြားရေး ဝန်ကြီးဌာနကို နောက်ကြည့်မှန်တချပ်လောက် ဆောင်ထားပါလားလို့ တိုက်တွန်းချင်တယ်။ နောက်မှာ ဘာလာမယ် သိရအောင်လို့ပါ။
“အရင်ကဆို နိုင်ငံရေးသမားလို့ နာမည်တပ် ခံရရင်၊ နိုင်ငံရေးအမှုနဲ့ ထောင်ကျခဲ့တယ် ဆိုရင် အဖတ် မလုပ်ချင်ကြဘူး။နိုင်ငံရေးအမှုနဲ့ ပတ်သက်ပြီး ထောင်ထဲက ထွက်လာတဲ့သူကိုဆို အနူလို အဝဲလို ထင်ကြတယ်။ မထိချင်ကြဘူး” လို့နိုင်ငံရေး အကျဉ်းသားဟောင်း တဦးဖြစ်ခဲ့သူ နိုင်ငံကျော် လူရွှင်တော် ဇာဂနာက ကမာရွတ်မြို့နယ် ပရဟိတ လူငယ်များ စာပေဟောပြောပွဲ တခုမှာ ပြောခဲ့ဖူးပါတယ်။
ဒီစကားကို ဂီတအနုပညာရှင်တွေက ချေဖျက်လိုက်ပုံပါပဲ။ အခုတော့ နိုင်ငံရေး သမားတွေကို အဖတ်လုပ်ချင်၊ ခေါ်ချင် ပြောချင် လာကြပါပြီ။ ပြီးခဲ့တဲ့ ဇူလိုင် ၁၅ ရက်နေ့ကပဲ ၈၈ မျိုးဆက် ကျောင်းသားတွေကို ဂီတ အနုပညာရှင်တွေက Mr.Guitar စားသောက်ဆိုင်မှာ သွားရောက် တွေ့ဆုံခဲ့တာပါ။
“တချို့ ၈၈ မျိုးဆက် ကျောင်းသားခေါင်းဆောင် တွေကို မသိသေးတဲ့ အနုပညာရှင်တွေကို ကျောင်းသားခေါင်းဆောင် တွေက သူတို့ကိုယ် သူတို့ မိတ်ဆက်တယ်။ သူတို့ ထောင်ထဲမှာ ဘယ်လို အားယူခဲ့ရတယ်၊ သီချင်းလေး တပိုဒ်ပဲ ဖြစ်ဖြစ်၊ တကြောင်းပဲ
ဖြစ်ဖြစ် သူတို့ရဲ့ စိတ်ကို ဘယ်လိုနှိုးဆော် ပေးခဲ့တယ်၊ သူတို့ကိုယ်တိုင် ကလည်း အနုပညာနဲ့ မစိမ်းဘူး ဆိုတဲ့ အကြောင်းပေ့ါ။ ဘယ်နေရာမဆို သီဆိုလို့ရမယ့် သီချင်းလေး တပုဒ်ကို အနုပညာရှင်တွေ အားလုံးနဲ့ စည်းစည်းလုံးလုံး လုပ်ရင် မရနိုင်ဘူးလား ဆိုတာလေးတွေ အိုင်ဒီယာ ပေးကြပါတယ်” လို့ သွားရောက် တွေ့ဆုံခဲ့သူ အဆိုတော် သံသာဝင်းက ဧရာဝတီကို ပြောပါတယ်။
အခုလို ၈၈ မျိုးဆက် ကျောင်းသားတွေနဲ့ ဂီတအနုပညာရှင်တွေ တွေ့ဆုံမှုဟာ ဒါပထမဆုံး အကြိမ်လို့ ပြောရမှာပါ။
ဒီမတိုင်ခင်ကလည်း ဂီတ ရုပ်ရှင် အနုပညာရှင်တွေဟာ အမျိုးသားခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ ခြေချင်းလိမ်နေကြလို့ “ခြံရှေ့ကနေ ထောက်လှမ်းရေး နှစ်ယောက်လောက်နဲ့ ၀ိုင်းဖမ်းခိုင်းမှပဲ မလာရဲတော့မှာ” ဆိုပြီး လူရွှင်တော် ဇာဂနာကတောင် ပြက်လုံး ထုတ်ခဲ့ဖူး ပါသေးတယ်။
ဒါ့အပြင် ဂီတအနုပညာရှင် တွေဟာ ဇူလိုင် ၁၉ ရက်နေ့ အာဇာနည်နေ့မှာလည်း ၈၈ မျိုးဆက် ကျောင်းသားတွေနဲ့ အတူ အာဇာနည် ဗိမာန်မှာ အတူသွားရောက် ဂါရ၀ ပြုကြတာကို တွေ့ရမှာပါ။
အနုပညာရှင်တွေ အနေနဲ့ နိုင်ငံရေးပဲဖြစ်ဖြစ်၊ လူမှုရေးပဲဖြစ်ဖြစ် တတ်နိုင်တဲ့ ဘက်က စိတ်ရင်းအမှန်နဲ့ ပါဝင်ကူညီလာကြတာဆိုရင် ၀မ်းမြောက်ဝမ်းသာ ကြိုဆိုပါတယ်လို့ သံသာဝင်းက ဆိုပါတယ်။
“ဘယ်အပိုင်းကဖြစ်ဖြစ် ကိုယ်တတ်နိုင်တဲ့ အနုပညာနဲ့ တကယ် ပါဝင်မယ်ဆိုရင်တော့ ၀မ်းသာပါတယ်။ အဲဒီလို များများစားစား ပါဝင်ဖို့ အချိန်ရောက်ပြီလို့လည်း ထင်တယ်။ အနုပညာသမား ဆိုတာ ပရိသတ်ကို အများဆုံး ဆွဲဆောင်နိုင်တဲ့ သူတွေ ဖြစ်တဲ့အတွက်ကြောင့် မှန်ကန်တဲ့ ဘက်ကနေ ရပ်တည်နိုင်ကြဖို့ အရမ်း အရေးကြီးပါတယ်။ လုပ်တဲ့နေရာမှာ တကယ့်ကို စိတ်ရင်းအမှန်နဲ့ လုပ်ဖို့လည်း လိုတာပေ့ါနော်။ ထင်ပေါ် ကျော်ကြားမှုအတွက် လုပ်တာမဟုတ်ဘဲနဲ့ ကိုယ်တကယ် ပါဝင်သင့်တယ်လို့ ထင်တဲ့ စိတ်နဲ့ ပါဝင်ကြတာကိုပဲ လိုလားပါတယ်။ ကျမတို့လည်း အဲဒီစိတ်နဲ့ သွားနေကြတာပါ” လို့ သူက ပြောပါတယ်။
အနုပညာရှင်တွေ နိုင်ငံရေး၊ လူမှုရေးစတဲ့ အဘက်ဘက်မှာ စိတ်ရင်းအမှန်နဲ့ ပါဝင်လှုပ်ရှား လာနိုင်ပါစေလို့ မစပ်စုလည်းဆန္ဒပြုလိုက်ပါတယ်။

by;LWIN PWIN

ပြန်ခေါက်ပေးခဲ့ပါ။...

ရန်ကုန်တိုင်း ဝန်ကြီးချုပ် ဦးမြင့်ဆွေဟာ တပ်မတော်ရဲ့ တရားဝင် စာရင်းတင်သူ ဟုတ်ရဲ့လား?

ရန်ကုန်တိုင်း ဝန်ကြီးချုပ် ဦးမြင့်ဆွေ

တပ်မတော်မှာ ကစထမှူးအဖြစ်တာဝန် ထမ်းဆောင်ခဲ့ဖူးတဲ့ ရန်ကုန်တိုင်း ဝန်ကြီးချုပ်၊ ဒုတိယ ဗိုလ်ချုပ်ကြီးဟောင်း မြင့်ဆွေကို ဒုတိယသမ္မတ ရွေးချယ်ရေးအဖွဲ့က ငြင်းပယ်လိုက်တယ်လို့ သိရပါတယ်။ သူနဲ့ စပ်လျဉ်းပြီး စစ်ဘက်နီးစပ်သူများက ဝေဖန်ချက်ပေးကြရာ အခြေခံဥပဒေအရ လုပ်ထုံးလုပ်နည်းနဲ့ မကိုက်ညီကြောင်းအပြင် သူနဲ့ပတ်သက်တဲ့ တစိတ်တဒေသ အကြောင်း အရာတွေကို အခုလို ပြောပြလာပါတယ်။ ဦးမြင့်ဆွေဟာ D.S.A (15) ကျောင်းဆင်းဖြစ်ပြီး တပ်ထဲမှာ တာဝန်ထမ်းဆောင်ခဲ့စဉ်က ကက(ကြည်း) (စစ်ဆင်ရေး) တွင်သာ ဖင်ဂျိုးကပ်အောင် နေထိုင်ခဲ့သူ ဖြစ်ပါတယ်။ စစ်ဦးစီးမှူး (တတိယတန်း) အဖြစ် တာဝန်ထမ်းဆောင်ခဲ့ပြီးနောက် ရှေ့တန်းသို့ (ဒုတပ်ရင်းမှူး၊ တပ်ရင်းမှူး) အဆင့်ဖြင့် ခေတ္တခဏသာ ဆင်းခဲ့ရပြီး စစ်ရုံးသို့ ပြန်လည်ရောက်ရှိကာ ရှေ့တန်းစစ်မြေပြင်ကို လုံးဝမဆင်းရတော့ဘဲ (ဒုဗိုလ်မှူးကြီး၊ ဗိုလ်မှူးကြီး၊ စစ်ဦးစီးဗိုလ်မှူးချုပ်) စသည့် ရာထူးအဆင့်ဆင့်ကို စစ်ရုံးမှာပင် တောက်လျှောက်ရယူသွားခဲ့သူ ဖြစ်ပါတယ်။ ဒါကြောင့် သူဟာ ရှေ့တန်းအတွေ့အကြုံ (Field Services) နည်းပါးသူဖြစ်ကာ ဆုံးဖြတ်ချက် ချနိုင်စွမ်းရှိတဲ့ (Commanding Officer) ခေါင်းဆောင်ကောင်းတစ်ယောက် မဟုတ်ကြောင်း စစ်ဘက်နီးစပ်သူများက ဆိုပါတယ်။ အလားတူ ယခင်က စည်လုံးခြင်းရဲ့အင်အား ဝက်ဘ်ဆိုဒ် တနေရာတွင် ဖော်ပြပြီးခဲ့တဲ့ ဖြစ်စဉ်အရ သူဟာ ရန်ကုန်တိုင်း တိုင်းမှူး တာဝန်ထမ်းဆောင်ခဲ့စဉ်တုန်းက သံဃာ့အရေး၊ ဘုန်းကြီးကျောင်း ဂရမ် ထုတ်ပေးရေးကိစ္စတွေမှာ တချို့ကို လျောလျောရူရူ ခွင့်ပြုပေးခဲ့ပေမယ့် လှည်းကူးမြို့ ဘုန်းကြီးကျောင်း တစ်ကျောင်းရဲ့ မြေဂရမ် ထုတ်ပေးရေး ကိစ္စမှာတော့ ခွင့်မပြုဘဲ အကြောင်းပြချက် မရှိ ဆိုင်းငံ့ခဲ့ပြန်လို့ အဲ့ဒီကျောင်းထိုင်ဆရာတော်က သူ့ကို စိတ်ပျက်ခဲ့ရတယ်လို့ မိန့်ကြားခဲ့ဖူးပါတယ်။ သူ့ရဲ့ဇနီး ဒေါ်ခင်သက်ဌေးဟာလည်း ဒေါ်ကြိုင်ကြိုင်ကို အမျိုးစပ်ပြီးတော့ အမျိုးတော်သူနဲ့ အဖားတော်သူ စာရင်းဝင်ဖြစ်အောင် အစွမ်းကုန် လုံးပန်းနိုင်ခဲ့သူ ဖြစ်ပါတယ်။ ဒေါ်ကြိုင်ကြိုင်ရဲ့ သာမညဘုရားဖူး ခရီးစဉ်တစ်ခုမှာ ဦးမြင့်ဆွေရဲ့ဇနီး ဒေါ်ခင်သက်ဌေးဟာ သူမတစ်ဦးတည်း ဦးဆောင်စီမံခွင့်ရပြီး အဲဒီခရီးစဉ်မှာ ထိုစဉ်က အရှေ့တောင်တိုင်း စစ်ဌာနချုပ်တိုင်းမှူးဖြစ်တဲ့ ဗိုလ်ချုပ်ကက်စိန်ရဲ့ဇနီးကို ဓါတ်ပုံရိုက်ခိုင်းတဲ့အထိ ဒေါ်ကြိုင်ကြိုင်အား ဒေါ်ခင်သက်ဌေးက စီစဉ်ရင်း အစွမ်းကုန်ဖားခဲ့တယ်လို့ သိရပါတယ်။ ဒါကြောင့် ဦးသန်းရွှေအကြိုက် ဦးမြင့်ဆွေ ဖြစ်ခဲ့ရပါတယ်။

ဆက်လက်တင်ပြရရင် ဦးမြင့်ဆွေဟာ မနာလိုဝန်တိုစိတ် ရှိသူတစ်ဦး ဖြစ်ပါတယ်။ သူစစ်ရုံးမှာ နေခဲ့စဉ်က သူ့ရဲ့ပြိုင်ဘက် O.T.S (49) အပတ်စဉ်ကျောင်းဆင်း လူတော်တစ်ဦးဖြစ်တဲ့ ဒုဗိုလ်မှူးကြီး အုန်းမြင့်ကို (ကြည်း၊ ရေ၊ လေ) ပူးပေါင်းစစ်ဆင်ရေး မြေပုံအား ရုတ်တရက် တင်ခိုင်းခြင်းဖြင့် ပညာပေး နှိပ်ကွပ်တတ်သူ ဖြစ်ပါတယ်။ ထောက်လှမ်းရေး အဖွဲ့ဝင် (ဗိုလ်ချုပ်ကြီးခင်ညွန့်ရဲ့တပည့်) များကို နှိပ်ကွပ်ရာမှာ လူကြီးတွေရဲ့ဒေါသကို အကွက်ရရင် ပင့်ပေးတတ်သူလည်း ဖြစ်ပါတယ်။ ရွှေဝါရောင် တော်လှန်ရေး ကာလ ဖြစ်စဉ်တွင် စောစောပိုင်းမှာ ထိန်းထိန်းသိမ်းသိမ်း ကိုင်တွယ်နေတဲ့ ထိုစဉ်က ရန်ကုန်တိုင်း တိုင်းမှူး ဗိုလ်ချုပ်လှဌေးဝင်း (ယခု ညှိနှိုင်းကွပ်ကဲရေးမှူး) အား ကစထမှူး ဖြစ်နေတဲ့ ဦးမြင့်ဆွေက ပြတ်သားစွာ ကိုင်တွယ်ဖို့ ဖိအားပေးခဲ့တယ်လို့ စစ်ဘက်နီးစပ်သူများက ဆိုပါတယ်။ သူဟာ နိုင်ငံရေး လောက ကြံ့ဖွံ့ပါတီသို့ ဝင်ရောက်နေစဉ် ထိုစဉ်က ကစထမှူးဟောင်း ဒုဗိုလ်ချုပ်ကြီးတင်ငွေနဲ့ ရန်ကုန်တိုင်း တိုင်းမှူးဟောင်း ဗိုလ်ချုပ်ထွန်းသန်းတို့ ရန်ကုန်တိုင်းအတွင်း လှုပ်ရှားဆောင်ရွက်နေမှုကို ကြည့်မရ၊ မနာလို မရှု့စိတ်ဖြစ်ခဲ့ပြီး ရကတ ဝန်ကြီးချုပ် ဖြစ်လာချိန်မှာတော့ သူတို့အား နှိပ်ကွပ်ခဲ့သူ ဖြစ်ပါတယ်။ သူဟာ ကစထ (၅) မှူး ရာထူးကို စတင်ယူချိန်မှာ ဇနီးဒေါ်ခင်သက်ဌေးက အိမ်တော်ကြီးသို့ သွားရောက်ပြီး လင်တော်မောင် အနေနဲ့ ဒီရာထူးထက် ပိုကောင်းတဲ့ ဒုတပ်ချုပ်လို နေရာမျိုး မရလို့ နားပူနားဆာ ဂျီကျခဲ့ရာ ဦးသန်းရွှေတို့က နှစ်သိမ့်ခဲ့တယ်လို့ သိရပါတယ်။ အချိန်တန်တော့ နေရာရမှာမို့ အစီအစဉ် ရှိပြီးသားဖြစ်လို့ သည်းခံစောင့်ခိုင်းကြောင်းလည်း ပြောဆိုတယ်လို့ သိရှိရပါတယ်။ ဒါကြောင့် ပိတ်ကားမှာ ဆက်လက် စောင့်ကြည့်ရာ အချိန်တန်တော့ ရကတဝန်ကြီးချုပ်ဖြစ်လာကာ ယခုတဖန် ဒုသမ္မတအဖြစ် သူ့အား အမည်စာရင်း တင်ခဲ့ကြရာမှာ ဦးသန်းရွှေရဲ့ ဖိအားပေးမှု မကင်းကြောင်း စစ်ဘက်နီးစပ်သူများက သုံးသပ်ကြပါတယ်။

ဒုဗိုလ်ချုပ်ကြီး လှဌေးဝင်းနှင့် အိန္ဒိယ ဗိုလ်ချုပ်ကြီး V.K. Singh တို့ နယူးဒေလီတွင် တွေ့ဆုံစဉ်

တကယ်တော့ အခြေခံဥပဒေအရ တပ်မတော် ကာကွယ်ရေး ဦးစီးချုပ် ဒုဗိုလ်ချုပ်မှူးကြီး မင်းအောင်လှိုင်က စစ်တပ်မှာ လက်ရှိ တာဝန်ထမ်းဆောင်နေတဲ့ ဗိုလ်ချုပ်နှင့်အထက် တစ်ဦးဦးကို အမည်စာရင်း တင်သွင်းရမှာ ဖြစ်ပါတယ်။ ရေပန်းစားသူကတော့ သမ္မတဦးသိန်းစိန် သဘောကျနေတဲ့ ညှိုနှိုင်းကွပ်ကဲရေးမှူး ဒုဗိုလ်ချုပ်ကြီးလှဌေးဝင်း ဖြစ်ပါတယ်။ သူဟာ စစ်ဆင်ရေးမှာ ဗိုလ်ကြီးအဆင့် စစ်ဦးစီးမှူး (တတိယတန်း) စစ်ဆင်ရေး တာဝန် ထမ်းဆောင်ခဲ့စဉ် ဦးသိန်းစိန်က စစ်ဦးစီးမှူး (ပထမတန်း) အဖြစ် အတူလက်တွဲခဲ့ဖူးသူ ဖြစ်ပါတယ်။ ဦးမြင့်ဆွေကို ကြားဖြတ်တင်လိုက်ရတာတော့ တပ်မတော်သားအများစုက ဘဝင်မကျ ဖြစ်နေကြပါတယ်။ ဒုသမ္မတ တာဝန် ထမ်းဆောင်ခဲ့တဲ့ ဗိုလ်ချုပ်ကြီး သီဟသူရ တင်အောင်မြင့်ဦးဟာ စစ်ယူနီဖောင်းဝတ် တပ်တာဝန် ထမ်းဆောင်နေပြီးမှ နယ်ဘက် ကူးပြောင်းခြင်းဖြစ်ပြီး ဦးမြင့်ဆွေကျတော့ အရေခွံချွတ် နယ်ဘက်မှာ (၁) နှစ် သက်တမ်း ပြည့်ကာနီးမှ စစ်တပ်ရဲ့ ကိုယ်စားလှယ်အဖြစ် အမည်စာရင်း တင်သွင်းခဲ့မှုအပေါ် သဘာဝမကျကြောင်း စစ်ဘက်နီးစပ်သူများက ဆိုပါတယ်။ ဘယ်လိုဘဲဖြစ်ဖြစ် ဦးမြင့်ဆွေသာ ဒုသမ္မတ ဖြစ်လာခဲ့ရင် တိုင်းပြည်ရဲ့အနာဂတ် ရင်လေးဖွယ်ဖြစ်ကြောင်းနဲ့ ဒီကိစ္စနဲ့ပတ်သက်လို့ နောက်ကွယ်က ဇာတ်လမ်းကိုတော့ ဒုဗိုလ်ချုပ်မှူးကြီး မင်းအောင်လှိုင်သာ အသိဆုံးဖြစ်ပါကြောင်း စည်းလုံးခြင်းရဲ့အင်အား ဝက်ဘ်ဆိုဒ် www.photayokeking.org မှတဆင့် တင်ပြလိုက်ပါတယ်။

by;photayokeking မှ

ပြန်ခေါက်ပေးခဲ့ပါ။...

ဒဏ်ခတ်မှုရုပ်သိမ်းရေး ပြုပြင်ရေးအပေါ် မူတည်

Derek Mitchell in press release

မြန်မာနိုင်ငံအပေါ် ကုန်သွယ်ရေး ပိတ်ဆို့အရေးယူမှုကို နောက်ထပ် သုံးနှစ်သက်တမ်းတိုးဖို့ အမေရိကန် အထက်လွှတ်တော် ဘဏ္ဍာရေးကော်မတီက ဗုဒ္ဓဟူးနေ့တုန်းက မဲခွဲဆုံးဖြတ်ခဲ့ပေမဲ့ လို့ မြန်မာနိုင်ငံရဲ့ ဒီမိုကရေစီ တိုးတက်မှုဖြစ်စဉ်တွေကိုကြည့်ပြီးတော့ အမေရိကန်က ကုန်သွယ်ရေး ပိတ်ဆို့ အရေးယူမှုတွေကို ချက်ခြင်းဖယ်ရှားပေးဖို့ရှိတယ်လို့ မြန်မာနိုင်ငံဆိုင်ရာ အမေရိကန် သံအမတ်သစ် ဒဲရစ်မစ်ချယ်က ပြောလိုက်ပါတယ်။ သတင်းစာ ရှင်းလင်းပွဲမှာ ပြောကြားသွားခဲ့ပါ တယ်။ ရန်ကုန်မြို့က အမေရိကန်သံရုံးမှာ ပထမဆုံးအကြိမ်ပြုလုပ်တဲ့ အမေရိကန်သံအမတ်သစ် ဒဲရက်ခ်၊ မစ်ချယ်က ဒီကနေ့ သတင်းစာရှင်းလင်းပွဲအကြောင်းကိုတော့ ရန်ကုန်အခြေစိုက်၊ ဗွီအိုအေ သတင်းထောက် ကိုရဲကျော်အောင်က သတင်းပို့ထားပါတယ်။

မြန်မာနိုင်ငံအပေါ် ကုန်သွယ်ရေး ပိတ်ဆို့အရေးယူမှုကို နောက်ထပ် သုံးနှစ်သက်တမ်းတိုးဖို့ အမေရိကန် အထက်လွှတ်တော် ဘဏ္ဍာရေးကော်မတီက ဗုဒ္ဓဟူးနေ့မှာ မဲခွဲဆုံးဖြတ်အပြီး မြန်မာနိုင် ငံမှာ ဒီနေ့လုပ်တဲ့ အမေရိကန်သံအမတ်ကြီး ဒဲရက်ခ်မစ်ချယ်ရဲ့ သတင်းစာရှင်းလင်းပွဲမှာ မြန်မာနိုင်ငံ ရဲ့ ဒီမို ကရေစီ တိုးတက်မှုဖြစ်စဉ်တွေကိုကြည့်ပြီး အမေရိကန်က ကုန်သွယ်ရေး ပိတ်ဆို့အရေးယူ မှုတွေကို ချက်ခြင်းဖွင့်ဖို့ရှိပါတယ်လို့ ပြောကြားခဲ့ပါတယ်။

သွင်းကုန်များ တားမြစ်မှုတွေကို ဆက်လက် သက်တမ်းတိုးဖို့ ဆုံးဖြတ်ချက်ဟာ အမေရိကန် အထက်လွှတ်တော် ဘဏ္ဍာရေးကော်မတီက ဆုံးဖြတ်ခဲ့တာ ဖြစ်ပေမဲ့ အမရိကန် အုပ်ချုပ်ရေးပိုင်းက သမ္မတဦးဆောင်တဲ့ အစိုးရအဖွဲ့ကနေပြီး ကုန်သွယ်ရေး ပိတ်ဆို့အရေးယူမှုတွေကို မြန်မာအစိုးရရဲ့ ဒီမိုကရေစီ တိုးတက်မှုတွေပေါ်မူတည်ပြီး ဖြေလျော့ရုပ်သိမ်းပေးနိုင်တယ်လို့ သူက အခုလို ပြောပြခဲ့ ပါတယ်။

“ကျနော်တို့အစိုးရပိုင်းအနေနဲ့လည်း လွှတ်တော်ကို တင်ပြလာတဲ့ Sanction ကို ရုပ်သိမ်းဖို့ လုပ်ပေးနိုင်ပါတယ်။ ကျနော် မြန်မာနိုင်ငံကိုလာတဲ့ကာလက တိုးတက်မှုတွေကို အစိုးရအဖွဲ့ကို တင်ပြခဲ့လို့ အခုဆိုရင် မြန်မာနိုင်ငံမှာ ရင်းနှီးမြှုပ်နှံမှုတွေ ရောက်ရှိလာသလို သံအမတ်ကြီး အဆင့် ပြန်လည်ထားရှိခဲ့ တာတွေလည်း ဖြစ်လာတာပါ။”

ကုန်သွယ်ရေးတားမြစ်မှု ဥပဒေကို ၂၀၀၃ ခုနှစ်က စတင်ချမှတ်ခဲ့တာဖြစ်ပြီး ဇူလိုင်လကုန်အတွင်း သက်တမ်းကုန်ဆုံးတော့မှာမို့ သက်တမ်းတိုးဖို့ အမေရိကန်အထက်လွှတ်တော်က လုပ်ဆောင် ခဲ့တာ ဖြစ်ပါတယ်။ ဒီဥပဒေမှာ ကုန်သွယ်ရေးတားမြစ်မှုကို အိမ်ဖြူတော်က သက်ညှာလျှော့ပေါ့ခွင့်နဲ့ ရပ်ဆိုင်းခွင့်ရှိတယ်လို့ ဖော်ပြထားတဲ့အပေါ် သူက အခုလို ပြောပြသွားခဲ့တာပါ။ မကြာသေးခင်က အမေရိကန် သမ္မတ ဘာရက်ခ်၊ အိုဘားမားက အမေရိကန် စီးပွားရေးလုပ်ငန်းရှင်တွေအနေနဲ့ မြန် မာနိုင်ငံမှာ ရင်းးနှီး မြှုပ်နှံနိင်ကြပြီလို့ ပြောကြားခဲတာကြောင့် အမေရိကန် ကော်ပိုရိတ် စီးပွားရေး လုပ်ငန်းတွေဟာ မြန်မာနိုင်ငံအတွင်းမှာ မကြာမီ လာရောက်ရင်းနှီးတော့မှာဖြစ်တယ်လို့လည်း သူက ဆိုပါတယ်။ စီးပွားရေးအရ ပွင့်လင်းမှုတွေဟာ သယံဇာတလုပ်ငန်းတွေမှာ အလွန်အရေးကြီးတယ် လို့လည်း အမေရိကန်သံအမတ်ကြီး ဒဲရစ်မစ်ချယ်က ထောက်ပြခဲ့ပါတယ်။

“တိုင်းပြည်ထဲစီးဝင်လာတဲ့ ရင်းနှီးမြှုပ်နှံမှုတွေအားလုံးကို အရပ်ဘက်လူ့အဖွဲ့အစည်းတွေဆီ ထိထိရောက်ရောက် စောင့်ကြည့်နိုင်ရေးအတွက် ဒီသတင်း အချက်အလက်တွေက အထောက် အကူဖြစ်မယ်လို့ ကျနော် ယုံကြည်ပါတယ်။ စီးပွားရေးပွင့်လင်းမှုက သယံဇာတ တူးဖော်ရေး လုပ်ငန်းတွေမှာ အင်မတန် အရေးကြီးပါတယ်။ ဘာလို့လဲဆိုတော့ ရင်းနှီးမြှုပ်နှံထားတဲ့ ငွေပမာဏ ကြီးမားပြီး မြန်မာ့ရေနံနဲ့ သဘာဝဓာတ်ငွေ့လုပ်ငန်းလို နိုင်ငံပိုင် စီးပွားရေးလုပ်ငန်းတွေက နိုင်ငံတော် ရဲ့ အမွေအနှစ်ဖြစ်တဲ့ သဘာဝ သယံဇာတတွေကို စီမံခန့်ခွဲကြရ တာဖြစ်လို့ပါ။ ဒါကြောင့် MOGE လို နိုင်ငံပိုင် စီးပွားရေးလုပ်ငန်းနဲ့ ပတ်သက်မယ့် အမေရိကန် ကုမ္ပဏီတွေအတွက် အထူး လိုအပ်ချက်တွေကို ကျနော်တို့ဘက်က သတ်မှတ်ထားတာ ဖြစ်ပါတယ်။”

အမေရိကန်နိုင်ငံအနေနဲ့ ပြည်တွင်းမှာ ရင်းနှီးမြှုပ်နှံမှုတွေမှာသာမက ဖွံ့ဖြိုးတိုးတက်ရေး လုပ်ငန်း စဉ်တွေမှာလည်း လေးလေးနက်နက် တိုးမြှင့်လုပ်ဆောင်သွားမယ်လို့ သူက ပြောခဲ့ပါသေးတယ်။ USAID အနေနဲ့ ပြည်တွင်းမှာ စားနပ်ရိက္ခာ လိုအပ်နေတဲ့နေရာတွေအတွက်လည်း အမေရိကန် ဒေါ်လာ ၃ သန်း ထောက်ပံ့ပေးခဲ့ပါတယ်။

“ဒီကနေ့မှာတော့ ကချင်ပြည်နယ်နဲ့ ရှမ်းပြည်နယ်မြောက်ပိုင်းက နေရပ်စွန့်ခွာ ထွက်ပြေးရတဲ့ ပြည် သူတွေအတွက် ဒေါ်လာ သုံးသန်းဖိုး စားနပ်ရိက္ခာ အကူအညီပေးမယ့် အကြောင်းကို ကြေညာလို ပါတယ်။ USAID ရဲ့ ငြိမ်းချမ်းရေးအတွက် စားနပ်ရိက္ခာရုံးကနေတဆင့် ကမ္ဘာ့စားနပ်ရိက္ခာ အစီအစဉ် ကို ကျနော်တို့ ဒေါ်လာ သုံးသန်း လှူဒါန်းလိုက်တာပါ။ ဒီလှူဒါန်းငွေနဲ့ WFP က ဆန် မက်ထရစ် တန်ချိန် ၃,၄၀၀ ဖိုးလောက် ဝယ်ယူမှာဖြစ်ပြီး ဒါဟာ လူ ၅,၅၀၀ အတွက် ၆ လစာ အကူအညီဖြစ်ပါ လိမ့်မယ်။ ဒီဆန်တွေကို ကချင်ပြည်နယ်နဲ့ ရှမ်းပြည်နယ်မြောက်ပိုင်းက အစိုးရထိန်းချုပ်ထား ရာ ဒေသတွေမှာရော အစိုးရထိန်းချုပ်မှု မရှိတဲ့ ဒေသတွေမှာပါရှိနေကြတဲ့ နေရပ်စွန့်ခွာ ထွက်ပြေး လာရတဲ့သူတွေကို WFP က ဖြန့်ဝေပေးသွားမှာ ဖြစ်ပါတယ်။”

ဒီကနေ့ ရန်ကုန်မြို့၊ အမေရိကန်သံရုံးမှာပြုလုပ်တဲ့ ဒီကနေ့ သတင်းစာရှင်းလင်းပွဲဟာ ဒဲရက်မစ်ချယ် ရဲ့ အမေရိကန်သံအမတ်ကြီးအဖြစ် ခန့်အပ်ခံရပြီးတဲ့နောက်မှာ ပထမဆုံးပြုလုပ်တဲ့ သတင်းစာ ရှင်းလင်းပွဲဖြစ်ပြီး အရပ်ဘက်လူ့အဖွဲ့အစည်းတွေနဲ့ ဒီမိုကရေစီတိုးတက်ရေးတွေမှာ
US-AID က ကူညီဆောင်ရွက်ပေးသွားမယ်လို့ အမေရိကန်သံအမတ်ကြီး ဒဲရက်ခ်၊ မစ်ချယ်က ကတိပြုသွားခဲ့ပါတယ်ခင်ဗျား။
by; voa

ပြန်ခေါက်ပေးခဲ့ပါ။...

အာဇာနည်နေ့မြင်ကွင်းများ

ရုပ်ပုံပေါ် ကလစ်နှိပ်၍ အကြီးကြည့်နိုင်ပါသည်။
ပေးပို့ သူCo2zenith

ပြန်ခေါက်ပေးခဲ့ပါ။...

ဒေါ်စု ပြင်သစ်ခရီး စတင်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ပြင်သစ်သမ္မတရဲ့ဖိတ်ကြားချက်နဲ့ နိုင်ငံတော် အထူး ဧည့်သည်အဖြစ် ပြင်သစ်နိုင်ငံကို ဒီကနေ့ ရောက်ရှိမှာ ဖြစ်ပါတယ်။ ပြင်သစ်ခရီးစဉ်အတွင်း လူထုခေါင်းဆောင် ဒေါ်အောင်ဆန်းစုကြည်အတွက် ပြင်သစ်အာဏာပိုင်တွေဘက်က ကြိုဆိုပြင်ဆင်ချက်တွေနဲ့ ဂုဏ်ပြုအစီအစဉ်တွေ ကိုတော့ မဆုမွန်က စုစည်းတင်ဆက်ပေးပါမယ်။

ပြင်သစ်သမ္မတရဲ့ အထူးဖိတ်ကြားချက်နဲ့ရောက်ရှိလာမယ့် ဒေါ်အောင်ဆန်းစုကြည်ဟာ ပြင်သစ်နိုင်ငံမှာ ဇွန်လ၂၆ ရက်နေ့ကနေ ဇွန်လ၂၉ ရက်နေ့အထိ နေမှာဖြစ်ပါတယ်။ ဒေါ်အောင်ဆန်းစုကြည်ကို နိုင်ငံတော် အထူးဧည့်သည်အနေနဲ့ ကြိုဆို ကြမှာဖြစ်ပြီး လုံခြုံရေး တင်းကျပ်ထားတယ်လို့ သိရပါတယ်။ ဒီကနေ့ ညနေပိုင်းမှာတော့ ပြင်သစ်သမ္မတ ဖရန်ဆွာ အော်လန်းနဲ့တွေ့ဆုံပြီး ပူးတွဲသတင်းစာရှင်းလင်းပွဲလုပ်ဖို့ ရှိပါတယ်။ ညပိုင်းမှာတော့ သမ္မတရဲ့ ညစာတည်ခင်းဧည့်ခံပွဲကို တက်ရောက်မှာဖြစ်ပါတယ်။

လူ့အခွင့်အရေးအတွက် ထူးချွန်ပြောင်မြောက်စွာ တိုက်ပွဲဝင်ခဲ့တဲ့ အမျိုးသမီးတဦး အနေနဲ့ ဒေါ်အောင်ဆန်း စုကြည်ကို ဂုဏ်ပြုသွားမှာဖြစ်သလို မြန်မာ့ဒီမိုကရေစီ အသွင်ကူးပြောင်းရေးအတွက် ပြင်သစ်နိုင်ငံအနေနဲ့ တတ်တတ်ကြွကြွ ထောက်ခံကူညီသွားမယ်လို့ ပြင်သစ်နိုင်ငံခြားရေးဌာနကလည်း မနေ့က ကြေညာချက် ထုတ်ပြန်သွားပါတယ်။

အခု ပြင်သစ်ခရီးစဉ်အတွင်း ဒေါ်အောင်ဆန်းစုကြည်အတွက် ဂုဏ်ထူးဆောင်နိုင်ငံသား ဂုဏ်ပြုဆုပေးအပ်ပွဲ အစီအစဉ် အပါအ၀င် ပြင်သစ်အစိုးရ ထိပ်တန်းခေါင်းဆောင်တွေနဲ့လည်း တွေ့ဆုံဖို့ရှိပါတယ်။

ဇွန်လ၂၇ ရက်နေ့မှာ ပြင်သစ်နိုင်ငံခြားရေးဝန်ကြီး လော့ဒ်ရန့် ဖရပ်ဗျူရပ်စ် Laurent Fabius က နိုင်ငံခြားရေး ၀န်ကြီးရုံး မှာ ဒေါ်အောင်ဆန်းစုကြည်ကို လက်ခံကြိုဆိုပြီး ဂုဏ်ပြုညစာစားပွဲနဲ့ တည်ခင်းဧည့်ခံမှာ ဖြစ် ပါတယ်။ ပြင်သစ်နိုင်ငံခြားရေးဝန်ကြီးနဲ့ ဒေါ်အောင်ဆန်းစုကြည်တို့ဟာ လွတ်မြောက်ရေးအထိမ်းအမှတ် သစ်ပင်ကိုလည်း နိုင်ငံခြားရေးရုံးဝင်းထဲ ဥယျာဉ်မှာ အမှတ်တရ စိုက်ပျိုးဖို့ ရှိတယ်လို့ ပြင်သစ်နိုင်ငံခြားရေး ဌာနက ထုတ်ပြန်ပါတယ်။

လူထုခေါင်းဆောင် ဒေါ်အောင်ဆန်းစုကြည်ကို ပြင်သစ်သမ္မတ ဖရမ်ဆွာအော်လန်းက အီလ်ဇီ Elysee နန်းတော်မှာ လက်ခံတွေ့ဆုံမှာဖြစ်သလို ပြင်သစ်ပါလီမန်တွင်းမှာလည်း ပြင်သစ်လွှတ်တော်နှစ်ရပ်ရဲ့ ဥက္ကဋ္ဌတွေကလည်း ဂုဏ်ပြုကြိုဆိုဖို့ ရှိပါတယ်။ ပြင်သစ်နိုင်ငံ၊ ပဲရစ်မြို့တော်ဝန်ကလည်း ပြင်သစ်နိုင်ငံရဲ့ ဂုဏ်ထူးဆောင်နိုင်ငံသားဆုကို ဒေါ်အောင်ဆန်းစုကြည်ကို ကိုယ်တိုင် ပေးအပ်ချီးမြှင့်မှာ ဖြစ်ပါတယ်။

မြန်မာ့ဒီကရေစီခေါင်းဆောင် ဒေါ်အောင်ဆန်းစုကြည် ရောက်ရှိလာမယ့်အပေါ် ပြင်သစ်မီဒီယာတွေမှာ သတင်း ဖော်ပြမှုတွေရှိသလို မြန်မာ့ဒီမိုကရေစီရေးကို စိတ်ဝင်တစား အားပေးကူညီခဲ့ကြတဲ့ ပြင်သစ်လူထု ကလည်း စိတ်ဝင်စားမှုတွေ ရှိကြပါတယ်။ ပြင်သစ်နိုင်ငံ၊ ပါရီမြို့လယ်မှာ မြန်မာ့ဒီမိုကရေစီခေါင်းဆောင်ရဲ့ ရုပ်ပုံကားချပ်တွေကို ချိတ်ဆွဲထားတာရှိသလို အရင်ကလည်း မြန်မာပြည်ဒီမိုကရေစီရေးကြိုးပမ်းနေတဲ့ ဒေါ်စုရဲ့ ရုပ်ပုံတွေကို ပြင်သစ်နိုင်ငံအတွင်းမှာ ချိတ်ဆွဲဂုဏ်ပြုမှုတွေ ရှိခဲ့တယ်လို့ ပြင်သစ်နိုင်ငံ မှာ နှစ်၂၀ ကျော် ရောက်နေတဲ့ ဦးအောင်ကိုးက ပြောပါတယ်။

“ပြင်သစ်လူထုက စိတ်ဝင်စားမူရှိတာပေါ၊ ဟိုကဆက် ဒီကပြောပေါ့၊ တွေ့ချင်ကြတဲ့သူတွေ အများကြီး ပဲ။ နှစ်ပေါင်း ၂၀ တောင် ဒေါ်စုကိစ္စရော၊ မြန်မာပြည်ကိစ္စရော ဒီမိုကရေစီရရှိရေးဆောင်ရွက်နေတဲ့ အသင်းအဖွဲ့တွေ အများကြီး ရှိတယ်လေ။ တစ်ခုရှိတာက သမ္မတကိုယ်တိုင်ဖိတ်ပြီး သမ္မတကိုယ်တိုင် ကြိုဆိုမယ့်သဘောရှိတယ်လို့ မြင်ယောင်မိတယ်လေ။ ဒေါ်စုကိုတော့ နိုင်ငံတော်ခေါင်းဆောင်အနေနဲ့ သူ့ရဲ့ဂုဏ်သိက္ခာနဲ့ဆိုတော့ ဖိတ်ကြားတယ်ဆိုတာက သူတို့နဲ့ Level ထားတယ်၊ သူတို့ရဲ့အဆင့်မှာ ထားပြီး ပြုစုတဲ့သဘောပေါ့။”

ဒေါ်အောင်ဆန်းစုကြည်နဲ့ ပြင်သစ်ကျောင်းသားလူငယ်တွေနဲ့ Sorbonne (ဆိုလ်ဘုန်း) တက္ကသိုလ်မှာ တွေ့ဆုံဖို့ ရှိပြီး မိန့်ခွန်းပြောကြားဖို့ရှိပါတယ်။ ပြီးတဲ့နောက်မှာတော့ ဒေါ်အောင်ဆန်းစုကြည် ဟာ ပြင်သစ်နိုင်ငံရဲ့ မြန်မာပြည် ဒီမိုကရေစီ ရရှိရေး၊ လူ့အခွင့်အရေးရရှိရေးနဲ့ လူသားချင်းစာနာမှုဆိုင်ရာ အကူအညီတွေရရှိနိုင်အောင် မြန်မာပြည်ဖွံ့ဖြိုးတိုးတက်ရေး အဘက်ဘက်က ကြိုးပမ်းကူညီပေးခဲ့ကြတဲ့ အစိုးရမဟုတ်တဲ့ နိုင်ငံတကာအဖွဲ့အစည်းတွေရဲ့ တာဝန်ရှိသူတွေနဲ့ တွေ့ဆုံ ဆွေးနွေးဖို့လည်း ရှိပါတယ်။

ဇွန်လ၂၇ ရက်နေ့မှာတော့ ပြင်သစ်နိုင်ငံခြားရေးဝန်ကြီးဌာနရဲ့စီစဉ်ပေးမှုနဲ့ ပြင်သစ်နိုင်ငံရောက်မြန်မာနိုင်ငံသား ၁၀၀ ကျော်ကို ပြင်သစ်နိုင်ငံပါရီမြို့၊ မြို့တော်ခမ်းမမှာတွေ့ဆုံဖို့ စီစဉ်ထားပါတယ်။ ဒေါ်စုနဲ့ တွေ့ဆုံခွင့်ရမယ့် အပေါ် ပြင်သစ် ရောက် မြန်မာလူထုကလည်း ၀မ်းသာအားရဖြစ်နေကြတယ်လို့ ပြင်သစ်နိုင်ငံကို ကိုးနှစ်ကြာ ရောက်ရှိနေပြီဖြစ်တဲ့ မသန္တာထွန်းက ပြောပါတယ်။

"အရမ်းတွေ့ချင်တာပေါ့အမရယ်၊ မေးခွန်းတောင်မှ မေးခွင့်ရချင်မှ ရမှာ။ လူကအရမ်းများနေတော့ မေးခွန်းတွေက အခု ၂၀ ပဲ လက်ခံတာ-တဲ့။ မေးခွန်း ၂၀ ထဲမှာ မေးတဲ့သူတွေက များနေတော့ ကျမလည်း ဘာမှတောင် မသိဘူးပေါ့ အမရယ်။ တွေ့တော့ ဝမ်းသာတာပေါ့။ အန်တီ့မျက်နှာလေး မြင်ရတာပဲ ဝမ်းသာလှပြီ။ လက်ဆွဲ နှုတ်ဆက်ချင်တာပေါ့ အမရယ်၊ အဲဒါမျိုး နှုတ်ဆက်ခွင့်တောင် ရပါ့မလား မသိဘူး။"

ဒေါ်စုရဲ့ ပြင်သစ်ခရီးစဉ်ဟာ ၂၅ နှစ်အတွင်း ပထမဦးဆုံးသော ဒေါ်အောင်ဆန်းစုကြည်ရဲ့ ဥရောပခရီးစဉ် ၁၇ ရက်ရဲ့ နောက်ဆုံး ခရီးစဉ်ဖြစ်ပါတယ်ရှင်။

By မဆုမွန် voa

ပြန်ခေါက်ပေးခဲ့ပါ။...

ဒေါ်အောင်ဆန်းစုကြည်ရဲ့ ဗြိတိန်ပါလီမန်မိန့်ခွန်း အပြည့်အစုံ

လွှတ်တော်ဥက္ကဌ၊ ၀န်ကြီးချုပ်၊ အထက်လွှတ်တော်နဲ့ အောက်လွှတ်တော် အမတ်များရှင့် -

ခမ်းနားတင့်တယ်တဲ့ ဒီခန်းမကြီးမှာ စကားပြောဖို့ ဖိတ်ခေါ်ခဲ့တဲ့ အတွက် ကျေးဇူးတင်ပါတယ်။ ဒီဂုဏ်ပြုမှုရဲ့ ထူးခြားတဲ့ သဘောသဘာဝကိုလည်း ကျမ သတိပြုမိပါတယ်။ ဒီနေရာမှာ စကားပြောဖို့ ခွင့်ပြုသင့်သလား ဒါမှမဟုတ် ဒီအဆောက်အအုံထဲက တခြားတနေရာမှာဘဲ ပြောခွင့်ပေးမလား ဆိုတာတောင် အစောပိုင်းက အငြင်းအခုံဖြစ်ခဲ့တာကိုလည်း သိရှိခဲ့ပါတယ်။ ဒီလိုအခြေအတင် ဆွေးနွေးတာတွေဟာ ကောင်းပါတယ်။ ဒါဟာ ပါလီမန် လွှတ်တော်ရဲ့ အလုပ်ပါဘဲ။

ကျမ အခုဘဲ ဒေါင်းနင်းလမ်းက လာခဲ့တာပါ။ ကျမအတွက် တစိမ်းနေရာတော့ မဟုတ်ပါဘူး။ တီဗွီမှာတင် မကဘဲ ကျမ ဖခင် ဦးအောင်ဆန်း ၁၉၄၇ ခုနှစ်မှာ လုပ်ကြံသတ်ဖြတ် မခံရခင် ၀န်ကြီးချုပ် အက်တလီနဲ့ အတူ လွတ်လပ်ရေး ကိစ္စဆွေးနွေးအပြီး ဒေါင်းနင်း လမ်းရှေ့မှာ ရိုက်ကူးထားခဲ့တဲ့ ဓာတ်ပုံဟာ ထင်ရှားပါတယ်။ ဓာတ်ပုံထဲမှာ သူဟာ ဗြိတိသျှစစ်သုံး ကုတ်အကျီ င်္ရှည်ကို ၀တ်ထားပါတယ်။ သူ မကြုံဖူးတဲ့ အအေးဒဏ်ကို ခံနိုင်အောင် ဗြိတိန် အလာလမ်းမှာ အိန္ဒိယ ခေါင်းဆောင် ဂျဟာဝါလာနေရူးက ပေးလိုက်တာပါ။ ကျမလည်း အပူပိုင်း နိုင်ငံမှာ ၂၄ နှစ်လုံးလုံး နေခဲ့ပြီးတဲ့နောက် ဒီဘက်ကို အလာမှာ အဲလို ကုတ်အကျီ င်္ကိုများ လိုမလားလို့တောင် တွေးခဲ့တာမျိုး ရှိခဲ့ပါတယ်။ ပြီးခဲ့တဲ့ နာရီပိုင်းကတော့ ကျမ အဖေ ဓာတ်ပုံ ရိုက်သွားတဲ့ နေရာမှာဘဲ အခု ၀န်ကြီးချုပ် ဒေးဗစ်ကင်မရွန်းနဲ့ ဓာတ်ပုံရိုက်နေချိန်မှာတော့ မိုးတွေက ရွာနေပါတယ်။ ဒါ ဗြိတိန် ရာသီဥတုပါဘဲ။

ဒုတိယ ကမ္ဘာစစ် အတွင်းက ကျမ ဖခင်ဟာ ဗမာ့လွတ်လပ်ရေး တပ်မတော်ကို တည်ထောင်ခဲ့တာပါ။ လွတ်လပ်တဲ့ မြန်မာနိုင်ငံမှာ ဒီမိုကရေစီ တည်ထောင်ချင်လို့ ဒီတာဝန်ကို သူယူခဲ့တာပါ။ လွတ်လပ်တဲ့ နိုင်ငံတခုနဲ့ ထိုက်တန်တဲ့ နိုင်ငံရေး စနစ်ဟာ ဒီမိုကရေစီ စနစ်သာ ဖြစ်တယ်လို့ သူယုံကြည်ခဲ့ပါတယ်။ ကျမလည်း ဒါကို ယုံကြည်လက်ခံပါတယ်။ ဗြိတိသျှ မဟာမိတ်တပ်ဖွဲ့တွေရဲ့ ဗိုလ်ချုပ်ကြီး ဆလင်းက သူ့ရဲ့ ကိုယ်ရေးမှတ်တမ်းမှာ ကျမဖခင်နဲ့ ပထမဆုံး တွေ့ဆုံပုံ အကြောင်း ရေးထားတာ ရှိပါတယ်။ ဒုတိယ ကမ္ဘာစစ် ပြီးခါနီး ဗမာ့လွတ်လပ်ရေး တပ်မတော်က မဟာမိတ်တွေနဲ့ လက်တွဲဖို့ ဆုံးဖြတ်ပြီး ဗိုလ်ချုပ်အောင်ဆန်းက ဗိုလ်ချုပ်ကြီး ဆလင်းနဲ့ သွားတွေ့တဲ့ အခါမှာ ဗိုလ်ချုပ်ကြီးဆလင်းက ငါတို့ စစ်နိုင်နေလို့ လာပေါင်းတာ မဟုတ်လားလို့ ပြောတဲ့အခါ ကျမ အဖေက ခင်ဗျားတို့ စစ်မနိုင်ရင် လာပေါင်းလို့ ဘာအကျိုးရှိမှာလဲလို့ ပြန်ပြောခဲ့တယ်လို့ သူက ရေးထားပါတယ်။

ကျမ အဖေကို လက်တွေ့သမားလို့ ဗိုလ်ချုပ်ကြီး ဆလင်းက ယုံကြည်ပြီး လက်တွဲလုပ်နိုင်မယ့်သူလို့ မှတ်တမ်းတင်ထားပါတယ်။ အခု အနှစ် ၆၀ ကျော်လာတဲ့ အခါမှာ ကျမလည်း ဖခင်ကြီးလို လက်တွေ့ကျကျ လုပ်နိုင်အောင် ကြိုးစားနေပါတယ်။ ဒါကြောင့်လည်း အခုလို လာရောက်ပြီး လက်တွေ့အကူအညီပေးဖို့ မိတ်ဆွေအနေနဲ့ ဒိုးတူပေါင်ဖက် လာရောက် ပြောကြားနေတာပါ။ အခွင့်အရေးတွေ နှစ်ပေါင်းများစွာ ဆုံးရှုံးနေတဲ့ မြန်မာပြည်သားတွေရဲ့ ဘ၀နဲ့ အခွင့်အလမ်းတွေ အတွက် ပြုပြင်ရေး လုပ်ငန်းတွေကို ကူညီထောက်ခံကြဖို့ ကျမပြောလိုပါတယ်

ကောင်းမွန်တဲ့ အနာဂတ်ကို လျှောက်လှမ်းနိုင်ဖို့ ကျမတို့ တိုင်းပြည်ဟာ အခုမှ တာစူနေတုန်းပါ။ ကျော်ဖြတ်ရမယ့် တောင်ကုန်းတွေ ချောက်ကမ်းပါးတွေ အခက်အခဲတွေ အများကြီးရှိနေပါသေးတယ်။ ကျမတို့ ကြိုးစားလို့ အခုအခြေအနေထိ ရောက်လာတာပါ။ ဗြိတိန်နဲ့ ကမ္ဘာတ၀ှမ်းက ပြည်သူတွေ ၀ိုင်းကူရင် ဒီထက်ပိုပြီး ခရီးတွင်ပါလိမ့်မယ်။ ပြုပြင်ပြောင်းလဲရေး အကြောင်းဆိုတာဟာ အခု ဒီ ၀က်စ်မင်နင်စတာခန်းမကြီးမှာ ပြောရတာ အသင့်တော်ဆုံးပါဘဲ။ ကျမတို့ တိုင်းပြည်မှာ ပါလီမန် စနစ် ခိုင်မာရေးဟာ အဓိက အကျဆုံး ဖြစ်ပါတယ်။ ဗြိတိသျှ ပါလီမန်ဟာ ကမ္ဘာ့ အဖိနှိပ်ခံတွေရဲ့ လွတ်လပ်စွာ ပြောဆိုခွင့်နဲ့ ပတ်သက်ပြီး စံ ထားရမယ့် အကောင်းဆုံး သင်္ကေတပါဘဲ။ ဒီနိုင်ငံမှာ ဒီလွတ်လပ်ခွင့်တွေဟာ အလိုအလျောက်ရှိနေပြီးသားမို့ အမှုမဲ့ ဖြစ်နေတတ်ကြပါလိမ့်မယ်။ ကျမတို့ မြန်မာနိုင်ငံမှာတော့ ဒီလွတ်လပ်မှုတွေကို နှစ်ပေါင်းများစွာ အနစ်နာခံပြီး တိုက်ပွဲဝင်နေရတာပါ။ လူတွေ အများအပြား စွန့်လွှတ် ဆုံးရှုံးခဲ့ရတာတွေ ရှိပါတယ်။ အခုမှ ဒီစွန့်လွှတ်မှုတွေရဲ့ ရလဒ် အသီးအပွင့်ကို စပြီး မြင်တွေ့စ ရနေတာပါ။

ဥပဒေပြုတဲ့ ဖြစ်စဉ်မှာ ပြည့်သူ့ဆန္ဒကို အကောင်အထည်ဖော်ပေးရမှာ Wesrminster ဟာ ပြောင်မြောက်တဲ့ ဥပမာ ဖြစ်နေတာကြာပါပြီ။ မြန်မာ့ ပါလီမန်ကတော့ အခုမှ အစပဲ ရှိပါသေးတယ်။ ၂၀၁၁ မတ်လမှာ အသက်ဝင်တဲ့ ပါလီမန်ဖြစ်ပြီး ၄၉ နှစ်ကြာခဲ့တဲ့ စစ်အုပ်ချုပ်ရေး ဓလေ့ကို ကျော်လွှားနေရတဲ့ အတွက် မိမိဘာသာရပ်တည်ပြီး ပြောနိုင်ဆိုနိုင်ဖို့ အချိန်ယူရဦးမှာ ဖြစ်ပေမယ့် အရင်ရှိခဲ့တာထက် စာရင် ပိုပြီး ခိုင်မာတယ်လို့ပြောနိုင်ပါတယ်။ ဒါပေမယ့် သိသာမြင်သာမူ ရှိသင့်သလောက် မရှိသေးပါဘူး။

အခြေခိုင်ပြီးသား ပါလီမန် ဒီမိုကရေစီနိုင်ငံတွေကို လေ့လာလိုပါတယ်။ ဒါမှ အချိန်ရလာတဲ့ အခါ ကျမတို့ရဲ့ ဒီမိုကရေစီ ဓလေ့ဟာလည်း နက်ရှိုင်းလာမှာဖြစ်ပါတယ်။ ပါလီမန်စနစ်ကို ယုံကြည်မူ တည်ဆောက်တဲ့ ဖြစ်စဉ်ဟာ ပါလီမန်မကျင်းပမီ လွတ်လပ်ပြီး တရားမျှတတဲ့ ရွေးကောက်ပွဲမှာ ပြည်သူလူထု ပါဝင်လာဖို့ ဖြစ်ပါတယ်။ ဒီနှစ်အစောပိုင်းက ရွေးကောက်ပွဲမှာ ပထမဆုံးအကြိမ် ကျမ၀င်ရောက်ယှဉ်ပြိုင်ခဲ့ပါတယ်။

ဒါပေမယ့် ဒီကနေ့အထိ ဘယ်ရွေးကောက်ပွဲမှာမှ ကျမ လွတ်လွတ်လပ်လပ် မဲဆန္ဒ မပေးဖူးပါဘူး။ ၁၉၉၀ ရွေးကောက်ပွဲမှာ နေအိမ်အကျယ်ချုပ် ကနေ ကြိုတင်မဲပေးပါတယ်။ ၀င်ရောက် ယှဉ်ပြိုင်ခွင့်တော့ မရပါဘူး။ နိုင်ငံခြား အကူအညီယူတယ်။ ဘီဘီစီက ကျမဘက်က ပါတယ်လို့ အကြောင်းပြပြီး ရွေးကောက်ပွဲ ၀င်ခွင့်မပေးတာပါဘဲ။

လွန်ခဲ့တဲ့ ရွေးကောက်ပွဲ မတိုင်မီမှာ အသိသာဆုံး ကတော့ နိုင်ငံရေး ဖြစ်စဉ်မှာ ဘယ်လို ပါဝင်ရမယ် ဆိုတာကို မဲဆန္ဒနယ်မြေက ပြည်သူက သိရှိနေတာပဲဖြစ်ပါတယ်။ မဲပေးခွင့် ဆိုတာ လူတိုင်းကို ပေးတာမဟုတ်လို့ အခွင့်သာတုန်း ရယူရမယ်။ ဒီအခွင့်အရေး ဆုံးရူံးရင် ဘာဖြစ်မယ် ဆိုတာကို ပြည်သူတွေ သဘောပေါက် သွားကြတာဖြစ်ပါတယ်။

ကျမ ဗြိတိန်နိုင်ငံမှာ နေစဉ်ကလည်း မဲဆန္ဒပေးခွင့် တစ်ခါမှ မရှိခဲ့ပါဘူး။ တက္ကသိုလ် ကျောင်းသူဘ၀မှာတော့ မဲပေးခွင့် မရှိပေမယ့် မိတ်ဆွေသူငယ်ချင်းတွေကို မဲဆန္ဒ ပေးဖြစ်အောင် ပေးကြဖို့ ဆော်သြပါတယ်။ ကျမ တိုက်တွန်းသလို လုပ်မလုပ်တော့ ကျမ မသိပါဘူး။ ကိုယ်ရထားတဲ့ အခွင့်အရေးကို ကိုယ်က မလေးစားရင် ပျောက်ကွယ် သွားနိုင်ဖွယ်ရှိပါတယ်။ မိမိကိုယ်မိမိ နိုင်ငံရေးထက်မြင့်တယ်လို့ ထင်သူတွေကို ပြောချင်ပါတယ်။ နိုင်ငံရေးကို ကျမတို့ အပေါ်မှာရှိတယ် သို့မဟုတ် အောက်မှာ ရှိတယ်လို့ မမြင်သင့်ပါဘူး။ နိုင်ငံရေးဆိုတာ ကျမတို့ နေ့စဉ်ဘ၀ရဲ့ အစိတ်အပိုင်း တစ်ခုသာ ဖြစ်တယ်။ ကျမ အိမ်ထောင်သည် ဘ၀မှာလည်း လင်ယောင်္ကျားကို နိုင်ငံရေးမှာ ပါဝင်ဖို့ ပြောလေ့ရှိပါတယ်။ ကျမကောင်းကောင်း မှတ်မိနေတဲ့ ဖြစ်ရပ် တစ်ခုရှိပါတယ်။ ကျမတို့ Oxford အိမ်ကို မဲဆွယ်သူတွေလာ တံခါးခေါက်တော့ မိုက်ကယ်က တံခါးဖွင့်ပေးပြီး ငါ့ကို စည်းရုံးနေလို့ အပိုပဲ ငါဘယ်သူ့ကို မဲပေးရမယ်ဆိုတာ ငါ့မိန်းမက ဆုံးဖြတ်တာ သူအပြင်သွားနေတယ်။ နောက်မှ ပြန်လာပါလားလို့ ပြောလိုက်တယ်။ လင်ယောက်ျား မဲပေးဖို့ ဆုံးဖြတ်တဲ့ ဇနီးကို ကြည့်ချင်လို့ ထင်ပါရဲ့ မဲဆွယ်သူဟာ နောက်တစ်ခေါက် ပြန်လာပါသေးတယ်။

မြန်မာတပြည်လုံးမှာ ရွေးကောက်ပွဲ စည်းရုံးရေး ဆင်းခဲ့တာ အခုဆိုရင် ရက် ၁၀၀ တောင် မရှိသေးပါဘူး။ ဧပြီလ ၁ရက်နေ့မှာ ရွေးကောက်ပွဲ ကျင်းပတာမို့ April Fool ဆိုတာကို သတိထားမိပါတယ်။ ဒါပေမယ့် April of New Hope ဖြစ်နေပြီး မဲဆန္ဒပေးပွဲဟာ လွတ်လပ်ပြီး တရားမျှတတာ တွေ့ရပါတယ်။

သမ္မတ ဦးသိန်းစိန်ကို ချီးကျူးဂုဏ်ပြု လိုပါတယ်။ ကျမ အရင်တုန်းက ပြောခဲ့တဲ့အတိုင်း နိုင်ငံရေး ကွဲပြားခြားနားမူတွေကို တွေ့ဆုံဆွေးနွေးပြီး ပူးပေါင်း လုပ်ကိုင်ရင် ဖြေရှင်းနိုင်မှာ ဖြစ်ပါတယ်။ ဒီလိုဖြစ်နိုင်အောင် အခိုင်အမာတာဝန်ယူ လုပ်ဆောင်မှာ ဖြစ်ပါတယ်။

မြန်မာပြည်က ရွေးကောက်ပွဲဟာ ဗြိတိန်လို အခြေခိုင်ပြီးသား ဒီမိုကရေစီ နိုင်ငံတွေနဲ့ မတူပါဘူး။ မြန်မာပြည်မှာ လူငယ်တွေ ရွေးကောက်ပွဲတွေကို စိတ်ဝင်စားမူ နည်းပါးတဲ့ ပြသနာ မရှိပါဘူး။ လူငယ်တွေ အများအပြား ပါဝင်လာတာဟာ အားရကျေနပ်စရာ အကောင်းဆုံး ဖြစ်ပါတယ်။ ကလေးငယ်တွေ တက္ကသိုလ် ကျောင်းသားတွေနဲ့ မြို့လုံး လမ်းတလျှောက် ကြိုဆိုကြတဲ့ လူအုပ်ကြီးကို ထိန်းသိမ်းရတာဟာ တကယ့် စိန်ခေါ်မူကြီး ဖြစ်နေပါတယ်။ ရွေးကောက်ပွဲမတိုင်မီမှာ တောင်ကုန်းလေး တစ်ခုပေါ်မှာ အသက် ၁၀နှစ် ၁၁ နှစ် အရွယ် ကလေးတစ်စုနဲ့ သူတို့ခေါင်းဆောင်က NLD အလံထောင်ပြီး ကြိုဆိုနေတာတောင် တွေ့ခဲ့ရဖူးပါတယ်။ ကာလကြာရှည် ငြင်းပယ်ခံခဲ့ရတဲ့ အခွင့်အရေးတွေကို မဲဆန္ဒရှင်တွေက လိုချင်စိတ် ပြင်းထန်နေတာပဲ ဖြစ်ပါတယ်။

၁၉၄၈မှာ မြန်မာပြည် လွတ်လပ်ရေးရတော့ ဗြိတိန်မှာ ကျင့်သုံးတဲ့ စနစ်ကို အခြေခံတဲ့ ပါလီမန် စနစ်ကို ကျင့်သုံးတဲ့အတွက် မြန်မာလို ပါလီမန်ခေတ်လို့ ခေါ်ပါတယ်။ ကျမတို့ ပါလီမန်စနစ်ဟာ ၁၉၆၂ အထိ ခံခဲ့ပါတယ်။ အပြစ်ကင်းစင်တဲ့ စနစ်မဟုတ်ပေမယ့် တိုတောင်းလှတဲ့ လွတ်လပ်ရေးခေတ်မှာ အတိုးတက်ဆုံးနဲ့ အလားအလာ အရှိဆုံး ဖြစ်ပါတယ်။ အဲဒါကြောင့် မြန်မာကို အရှေ့တောင်အာရှမှာ အောင်မြင်မယ့် အလားအလာ အရှိဆုံး တိုင်းပြည်အဖြစ် သတ်မှတ်ခဲ့ကြပါတယ်။

ဒါပေမယ့် မျှော်မှန်းထားတိုင်း ဖြစ်မလာတတ်တာတွေဟာ မြန်မာနိုင်ငံတင် မက နေရာတိုင်းမှာ ရှိခဲ့ပါတယ်။ အခုတခါ စစ်မှန်တဲ့ ဒီမိုကရေစီ မြန်မာပြည်မှာ ပြန်လည် တည်ဆောက်နိုင်မယ့် အခွင့်အလမ်း ပေါ်လာပါပြီ။ ဒီအခွင့်အလမ်းကို အသုံးမပြုနိုင်ရင် ဒီလို အခွင့်အလမ်းမျိုး ပေါ်လာအောင် ဆယ်စုနှစ်နဲ့ချီပြီး စောင့်ရနိုင်ပါတယ်။

ဒါကြောင့်မို့ ကမ္ဘာ့ဝါအရင့်ဆုံး ပါလီမန်ဒီမိုကရေစီ ဖြစ်တဲ့ ဗြိတိန်နိုင်ငံ အနေနဲ့ ကျမတို့ နိုင်ငံရဲ့ ပါလီမန် ဒီမိုကရေစီထူထောင်ရေးမှာ စစ်မှန်တဲ့ လုပ်ငန်းဌာနတွေ ပေါ်လာရေး ကူညီပေးဖို့ အပြင် သမ္မတ ဦးသိန်းစိန် ဦးဆောင်လုပ်ကိုင်နေတဲ့ ပြုပြင်ရေးလုပ်ငန်းစဉ်တွေကို ကြိုဆိုဖို့ ပြောလိုပါတယ်။ ဒါပေမယ့် ပြုပြင်ရေးဟာ ပုဂ္ဂိုလ်မှာ အခြေခံတဲ့ ဖြစ်စဉ်မဟုတ်ပါဘူး။ ခိုင်မာတဲ့ လုပ်ငန်းအဖွဲ့အစည်းတွေ မရှိရင် ရေရှည်ခံမှာ မဟုတ်ပါဘူး။

ကျမတို့ လွှတ်တော်ဟာ ဒီမိုကရေစီ လုပ်ငန်းစဉ်နဲ့ ပတ်သတ်ပြီး အတော်လေ့လာဖို့ လိုပါသေးတယ်။ ဒီနေရာမှာ ဗြိတိန်က အကူအညီ ပေးနိုင်လိမ့်မယ်လို့ မျှော်လင့်ပါတယ်။ လွန်ခဲ့တဲ့လက မြန်မာ့လွှတ်တော်မှာ မိနစ်ပိုင်းလောက်နေပြီး ကျမ်းကျိမ်ဆိုပွဲမှာ ပါဝင်ခဲ့ပါတယ်။ ကျမ အမြင်တော့ သိပ်ပြီး အခမ်းအနား ဆန်လွန်းနေတယ် ထင်ပါတယ်။ သမားရိုးကျအတိုင်း လွှတ်တော်ကိုယ်စားလှယ် အမျိုးသားတွေဟာ ခေါင်းပေါင်းတွေ ပေါင်းကြရပါတယ်။ Westminster မှာလို ခွန်းကြီးခွန်းငယ်နဲ့ အဖြေရခက်တဲ့ အပြန်အလှန် မကြားရသေးပါဘူး။ နောက်ပိုင်းမှာတော့ ကျမတို့ လွှတ်တော်မှာလည်း ဗြိတိသျှ ပါလီမန်လို ၀န်ကြီးချုပ်နဲ့ တိုက်ရိုက် မေးမြန်းခန်း ဆိုတဲ့ အစီအစဉ်မျိုးတွေ ပေါ်လာမယ် ဆိုရင်တော့ ဒါဟာ ကျမတို့ရဲ့ ပါလီမန် ဒီမိုကရေစီ စနစ် အသက်ဝင်လာပြီလို့ ပြောရပါလိမ့်မယ်။

နိုင်ငံရဲ့ ဘဏ္ဍာရေး ဘတ်ဂျက်ကို ပါလီမန် လွှတ်တော်က ထိန်းချုပ်ရမယ်ဆိုတဲ့ အရေးအကြီးဆုံး လိုအပ်ချက်ကိုလည်း ကျမ ထောက်ပြလိုပါတယ်။ ဒါဟာ ဘာကို ညွှန်ပြသလဲ ဆိုတော့ ပြည်သူလူထုရဲ့ လုပ်ပိုင်ခွင့် ဆိုတဲ့ ဒီမိုကရေစီရဲ့ အဓိက အကျဆုံး အချက်ကို ဖော်ညွှန်းနေခြင်းပါဘဲ။ အခြေခံ ဥပဒေ တရပ်ဆိုတာ ထိထိရောက်ရောက် ရှိဖို့အတွက် အလုံးစုံ တသမတ်တည်း ရေးချထားဖို့ မလိုဘူး ဆိုတာကို ဗြိတိသျှ ပါလီမန် စနစ်က လက်တွေ့ သက်သေပြနေပါတယ်။ အခြေခံ ဥပဒေ ဆိုတာကို လူထုက လက်ခံဖို့ဘဲ လိုအပ်ပါတယ်။ သူတို့နဲ့ မဆိုင်ဘဲ သီးသန့် တည်ရှိနေတဲ့ ဥပဒေ စာရွက်စာတမ်းတွေ အဖြစ်မဟုတ်ဘဲ သူတို့ ကိုယ်တိုင် ပိုင်ဆိုင်တဲ့ အခြေခံ ဥပဒေ တခု အဖြစ် လက်ခံ ထားဖို့ ဆိုတာလည်း အရေးကြီးပါတယ်။ ကျမတို့ရဲ့ အမျိုးသား ဒီမိုကရေစီ အဖွဲ့ချုပ် အနေနဲ့ အခြေခံ ဥပဒေ ပြုပြင်ပြောင်းလဲရေးကို လိုလားကြောင်း အတိအကျ ဖော်ပြထားပြီးပါပြီ။ မြန်မာနိုင်ငံရဲ့ အရင်က ရှိခဲ့တဲ့ အခြေခံဥပဒေဟာ ကျမ အဖေ ဗိုလ်ချုပ်အောင်ဆန်းနဲ့ ဗြိတိသျှ ၀န်ကြီးချုပ် အက်တလီတို့ ၁၉၄၇ ခုနှစ် လန်ဒန်မှာ တွေ့ခဲ့အပြီး သိပ်မကြာခင်မှာဘဲ ရေးဆွဲခဲ့တာပါ။ အဲဒီ အခြေခံ ဥပဒေဟာ လုံးဝ ပြည့်စုံကောင်းမွန်တယ်လို့ မဆိုနိုင်ပေမယ့် လူထုရဲ့ လိုလားချက်တွေနဲ့ ဆန္ဒတွေကို လေးစားနားလည်မှုတွေ ပါရှိခဲ့ပါတယ်။ အခုလက်ရှိ မြန်မာနိုင်ငံရဲ့ အခြေခံ ဥပဒေကတော့ ၂၀၀၈ ခုနှစ်မှာ စစ်အစိုးရက ရေးဆွဲခဲ့တာပါ။ ဒီအခြေခံ ဥပဒေကို မြန်မာတိုင်းရင်းသား လူမျိုးစုတွေ အားလုံးရဲ့ အခြေခံ အခွင့်အရေးနဲ့ လိုလားချက်တွေ နဲ့ အညီ ထင်ဟပ်နိုင်ဖို့ ပြင်ဆင်ပြောင်းလဲဖို့ လိုအပ်ပါတယ်။

လွတ်လပ်ရေး ရပြီး နှစ်ပေါင်း ၆၀ အတွင်း မြန်မာနိုင်ငံမှာ တနိုင်ငံလုံး ငြိမ်းချမ်းနေတယ်ဆိုတဲ့ အချိန် မရှိခဲ့ပါဘူး။ အခုဆိုရင်ဘဲ နိုင်ငံမြောက်ပိုင်းမှာ ကချင်တပ်ဖွဲ့တွေနဲ့ တပ်မတော် အကြား တိုက်ပွဲတွေ ဆက်ဖြစ်နေပါတယ်။ နိုင်ငံ အနောက်ပိုင်းမှာ ဆိုရင်လည်း လူထုအတွင်း အဓိကရုဏ်တွေကြောင့် အပြစ်မဲ့ ပြည်သူတွေ သေကြေခဲ့ရတဲ့ အပြင် ထောင်သောင်းချီပြီး ရပ်ရွာစွန့် ထွက်ပြေးနေရတာတွေလည်း ရှိခဲ့ပါတယ်။ ဒီမိန့်ခွန်းကို ရေးနေတဲ့ အချိန်မှာဘဲ နိုင်ငံ အရှေ့ပိုင်းမှာ ရှမ်းတပ်ဖွဲ့ဝင်တွေနဲ့ မြန်မာ အစိုးရတပ်တွေ တိုက်ပွဲပြန်ဖြစ်နေပြန်ပြီ ဆိုတဲ့ သတင်းလည်း ကြားရပါတယ်။ ကျမတို့ အနေနဲ့ ဒီပြသနာတွေရဲ့ အရင်းအမြစ်ကို ရှာပြီး ဖြေရှင်းကြရမှာပါ။ နှစ်ဘက် ညှိနှိုင်းပြီး နိုင်ငံရေး အရ အဖြေရှာတဲ့ ဓလေ့ကို ထွန်းကားအောင် လုပ်ရပါလိမ့်မယ်။ မြန်မာပြည်မှာ နေထိုင်တဲ့သူတွေ အားလုံး လွတ်လပ်လုံခြုံစွာ နေခွင့်ရစေမယ့် ဥပဒေရဲ့ စိုးမိုးမှုဆိုတာကိုလည်း မြှင့်တင်ပေးကြရပါလိမ့်မယ်

လတ်တလော အားဖြင့်တော့ ကျမတို့ အနေနဲ့ နိုင်ငံ မြောက်ပိုင်းနဲ့ အနောက်ပိုင်းက လူထု အတွက် လူသားချင်းစာနာတဲ့ ကူညီမှုတွေ လိုအပ်နေပါတယ်။ အဲဒီမှာ အမျိုးသမီးတွေ ကလေးငယ်တွေ အပါအ၀င် အိုးအိမ်စွန့်ခွာ ထွက်ပြေးနေရတာပါ။ မြန်မာနိုင်ငံရဲ့ အမျိုးသား ပြန်လည်သင့်မြတ်ရေး အတွက် နိုင်ငံရေးနည်းလမ်းကျ ဖြေရှင်းဖို့ အဓိက ဖြစ်တယ်ဆိုတာ နိုင်ငံတကာ အသိုင်းအ၀ိုင်း အနေနဲ့ သဘောပေါက်ပြီး ဒီလို နိုင်ငံရေးအရ ဖြေရှင်းမှုတွေ ဖြစ်လာဖို့ကို ရေတိုစီးပွားရေး လုပ်ငန်းတွေထက် ပိုပြီး ဦးစားပေး လာလိမ့်မယ်လို့လည်း မျှော်လင့်ပါတယ်။ ကွဲလွဲမှုတွေကို မစေ့စပ်ပေးနိုင်ရင် လိုလားမှုတွေကို မဖြည့်ဆည်းပေးနိုင်ရင် ရေရှည်တည်တံ့မယ့် ဖွံ့ဖြိုးမှု အတွက် အခြေခံ ကောင်းတွေ ဖြစ်မလာနိုင်ပါဘူး။ ဒါဟာ နိုင်ငံရေး၊ လူမှုရေး၊ စီးပွားရေး အားလုံးနဲ့ သက်ဆိုင်ပါတယ်။ ဗြိတိန်နိုင်ငံဟာ အခုလက်ရှိ ကွန်ဆာဗေးတစ်၊ လစ်ဘရယ်ဒီမိုကရက်၊ ညွှန့်ပေါင်းအစိုးရ အပါအ၀င် စဉ်ဆက် တလျှောက်လုံး မြန်မာနိုင်ငံကို အကူအညီတွေ ပေးလာခဲ့တာပါ။

ကျမတို့ နိုင်ငံအပေါ် လိုအပ်တဲ့ နေရာတွေကို အဓိက ပစ်မှတ်ထားပြီး အားလုံးနဲ့ ညှိနှိုင်းဆောင်ရွက်မယ့် ဖွံ့ဖြိုးရေး အကူအညီတွေ ဆက်ပေးသွားနိုင်လိမ့်မယ်လို့ မျှော်လင့်ပါတယ်။ လက်ရှိ အချိန်အထိ ဗြိတိန်နိုင်ငံဟာ မြန်မာနိုင်ငံကို အများဆုံး အကူအညီပေးနေခဲ့တာပါ။ အထူးသဖြင့် ပညာရေးပိုင်းမှာ ဗြိတိန်နိုင်ငံက အဓိက ကူညီပေးနိုင်လိမ့်မယ်လို့ မျှော်လင့်ပါတယ်။ မြန်မာပြည်သူတွေ အနေနဲ့ ဒီမိုကရေစီ ပြုပြင်ပြောင်းလဲရေးတွေဟာ သူတို့ရဲ့ ဘ၀မှာ ကောင်းကျိုးရလဒ် လက်ငင်းရနိုင်ပါတယ်ဆိုတဲ့ အမြင်မျိုး ရသွားဖို့ လိုပါတယ်။ လုပ်ငန်းခွင် သင်တန်းတွေ အပြင် မြန်မာလူငယ်တွေကြားထဲမှာ ရေရှည်ခံစားနေကြရတဲ့ အလုပ်လက်မဲ့ ပြသနာကို ဖြေရှင်းနိုင်ဖို့ အလုပ်ခွင်တွေ ဖန်တီးပေးနိုင်ဖို့လည်း အင်မတန် အရေးပါပါတယ်။ ရေရှည်အားဖြင့်ဆိုရင်တော့ မြန်မာ့ ပညာရေး စနစ်ဟာ အင်မတန် နိမ့်ကျနေတာမို့ ပြုပြင်ပြောင်းလဲရေးတွေ လိုအပ်နေပါတယ်။ ကျောင်းတွေ၊ သင်ရိုးညွှန်းတမ်းတွေ ပြုပြင်ရေး ဆရာဆရာမတွေ လေ့ကျင့်သင်ကြားရေး အပြင် လတ်တလောအားဖြင့် ပညာရေး စနစ်အပေါ် ထားရှိတဲ့ ကျဉ်းမြောင်းတဲ့ အယူအဆတွေကိုလည်း ပြုပြင်ရပါလိမ့်မယ်။

ဗြိတိန်နိုင်ငံရဲ့ စီးပွားရေးလုပ်ငန်းတွေကလည်း မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေးမှာ ကျမ အရင်က ပြောခဲ့ဖူးတဲ့ ဒီမိုကရေစီ နည်းလမ်းကျ ရင်းနှီးမြှုပ်နှံမှု ဆိုတာနဲ့ အညီ တတပ်တအား ကူညီပေးနိုင်လိမ့်မယ်လို့ မျှော်လင့်ပါတယ်။ ဒါဟာ ပွင့်လင်းမြင်သာမှု တာဝန်ခံမှု အလုပ်သမားအခွင့်အရေးနဲ့ သဘာဝပတ်ဝန်းကျင် ထိမ်းသိန်းရေးတွေကို ဦးစားပေးမှု စတာတွေနဲ့ ညီတဲ့ ရင်းနှီးမြှုပ်နှံမှုတွေကို ဆိုလိုတာပါ။ လုပ်အားကို အခြေခံတဲ့ ကဏ္ဍတွေမှာ တာဝန်သိသိနဲ့ ၀င်ပြီးရင်းနှီးမြှုပ်နှံခဲ့ရင် ကျမတို့ ပြည်သူ အားလုံးအတွက် တကယ့် အကျိုးအမြတ်တွေကို ဖော်ဆောင်နိုင်ပါလိမ့်မယ်။

ဗြိတိန်နိုင်ငံဟာ ဒီလုပ်ငန်းကဏ္ဍတွေမှာ ပွင့်လင်းမြင်သာမှုတွေကို ဆန်းစစ်လေ့လာရေး အဖွဲ့တခု မြန်မာနိုင်ငံကို ရှေ့လအတွင်း စေလွှတ်ဖို့ အဓိက လုပ်ဆောင်ပေးနေတာ တွေ့ရတယ်။ ဒါဟာ ရှေ့လာမယ့် ကာလတွေ အတွင်း ကောင်းသော ခြေလှမ်းတွေရဲ့ အစလို့ ကျမ မြင်ပါတယ်။

အောက်စဖို့ဒ်မှာ ပညာသင်ခဲ့စဉ်က ဗြိတိန်နိုင်ငံရေးသမာကြီး နှစ်ဦးရဲ့ အတွေးအခေါ်တွေက တဆင့် ပါလီမန်ဒီမိုကရေစီ ဆိုတဲ့ အကြောင်း ကျမ ပထမဆုံး နားလည်ခဲ့ရပါတယ်။ မဲဆန္ဒရှင်တွေရဲ့ ဆုံးဖြတ်ချက် အရ အုပ်ချုပ်သူတွေဟာ အာဏာကို ရယူရမယ်၊ စွန့်လွှတ်ရမယ်ဆိုတဲ့ အခြေခံအချက် ဖြစ်ပါတယ်။ ဒီစနစ်အတိုင်း ရှေ့ဆက်သွားနေမယ်ဆိုရင် အချိန်နဲ့အမျှ အားလုံး အတွက် အခွင့်အရေးတွေ မလွဲမသွေ ရကြရမှာပါ။ ဒီအခွင့်အလမ်းတွေကို ဗြိတိန်မှာတော့ အားလုံးရပြီးသားပါ။ မြန်မာနိုင်ငံမှာတော့ လွန်ခဲ့တဲ့ ၁၉၉၀ တုန်းက ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ်ဟာ အနိုင်ရရှိခဲ့ပေမယ့် လွှတ်တော်ခေါ်ခွင့်တောင် မရခဲ့ပါဘူး။ ကျမ အနေနဲ့ ဒီလို ဖြစ်ရပ်ဆိုးတွေကို အတိတ်မှာဘဲ ချန်ထားခဲ့ချင်ပါတယ်။ ရှေ့ အနာဂတ်မှာတော့ မြန်မာနိုင်ငံရဲ့ ပြောင်းလဲနေတဲ့ နိုင်ငံရေး လုပ်ငန်းစဉ်မှာ လူထုရဲ့ ဆန္ဒတွေကိုဘဲ သစ္စာရှိစွာ ဖြည့်ဆည်း ထင်ဟပ်လာပါလိမ့်မယ်လို့ မျှော်လင့်ပါတယ်။

အခု ကျမ ဗမာပြည်က ထွက်လာတဲ့ ခရီးစဉ်မှာ အတိတ်က အရိပ်တွေကို လွမ်းလွတ်ဆွတ်ဆွတ် ပြန်ပြောင်းကြည့်ဖို့ မဟုတ်ပါဘူး။ မြန်မာပြည်သူတွေရဲ့ လက်မှာ ဘယ်လို အခွင့်အလမ်းတွေ ရောက်လာနိုင်မလဲ ဆိုတာကို ရှာဖွေပေးဖို့ ခရီးစဉ်ဘဲ ဖြစ်ပါတယ်။ ဒီခရီးစဉ် တလျှောက်မှာ ကမ္ဘာ့ပြည်သူတွေက ကျမတို့ အပေါ် ဘယ်လောက်များ ထူးထူးခြားခြား နွေးနွေးထွေးထွေး ရင်ဖွင့်ကြိုဆိုခဲ့ကြတယ်ဆိုတာ မြင်ခဲ့ရပြီးပါပြီ။ ကမ္ဘာကြီးနဲ့ ဝေးနေခဲ့ရပြီး နောက်ပိုင်း အခုလို ကြုံရတဲ့ အတွက် သိပ်လဲ စိတ်လှုပ်ရှားဝမ်းသာခဲ့ရပါတယ်။

ကမ္ဘာ့နိုင်ငံတွေဟာ မြန်မာနိုင်ငံနဲ့ ဝေးနေတာတောင်မှဘဲ တကယ့်အရေးကိစ္စတွေမှာ နီးစပ်ပါတယ်ဆိုတဲ့ အချက်ကိုတွေ့ရပါတယ်။ မြန်မာပြည်သူတွေရဲ့ လိုလားချက်တွေကို သူတို့ နီးနီးစပ်စပ် သိကြပါတယ်။ ပထ၀ီဝင် အနေအထားအရ ကွာခြားမှု လူသားတွေ လုပ်ထားတဲ့ အကာအရံ အတားအဆီး ဘယ်အရာကမှ ကျမတို့ ကြားထဲမှာ တူညီတဲ့ တန်ဖိုးထားမှုတွေ အတွက် စည်းတားမထားနိုင်ပါဘူး။

ကျမ နေအိမ်အကျယ်ချုပ်ကျနေစဉ် ကာလတွေ အတွင်းမှာလည်း ဘီဘီစီတင်မက ကမ္ဘာ့အသံလွှင့်ဌာနတွေဟာ ကျမကို ကမ္ဘာကြီးနဲ့ အဆက်အသွယ်မပြတ် ရှိစေခဲ့ပါတယ်။ မိုးဇက်နဲ့ ရာဘီရှန်ဂါရဲ့ ဂီတ၊ လူမျိုးဘာသာ ပေါင်းစုံက အမျိုးသမီး အမျိုးသားတွေရဲ့ ကိုယ်ရေးရာဇ၀င် စတာတွေကို ကြားနေခဲ့ရတာ ကျမ အတွက် ဒီ ဒီမိုကရေစီရေး ကြိုးပမ်းမှုမှာ အထီကျန် တယောက်တည်း မဟုတ်ဘူးဆိုတာ ဖြေသိမ့်စေခဲ့ရပါတယ်

နိုင်ငံတကာဆုတွေ ဂုဏ်ပြုမှုတွေ လက်ခံရရှိတယ်ဆိုတာကလည်း ကျမတယောက်တည်း အတွက် မဟုတ်ပါဘူး။ ဒါတွေဟာ အထီးကျန် ပိတ်ဆို့ခံထားရတဲ့ သူတယောက်အတွက် ကျန်တဲ့ ကမ္ဘာကြီးနဲ့ ကူးလူးဆက်ဆံပေးနေတယ်ဆိုတဲ့ အခြေခံ လူသားခြင်းစာနာတဲ့ အသိအမှတ်ပြုမှုတွေပါဘဲ။ အခက်အခဲတွေ အများကြီးကြုံနေခဲ့ရတဲ့ ၁၉၉၀ နှစ်တွေတုန်းက ကျမကို မိတ်ဆွေတယောက်က ကဗျာဆရာ အာသာဟူဂ်ျတပ်ခ်ျရဲ့ ကဗျာတပုဒ် ပို့ပေးခဲ့ဖူးပါတယ်။ ကြိုးပမ်းမှုနဲ့ လိုအပ်ချက်တွေ အကြောင်း ရေးထားတဲ့ ဒီကဗျာရဲ့ အစပိုဒ်လေးကို ဗြိတိန်နိုင်ငံရေး သမားကြီး ၀င်စတန်ချာချီ ကိုယ်တိုင်က နာဇီဂျာမဏီတို့ရဲ့ ရန်ကနေ ကူညီတွန်းလှန်ပေးဖို့ အမေရိကန် ပြည်ထောင်စုကို မေတ္တာရပ်ခံခဲ့စဉ်မှာ သုံးခဲ့ဖူးတယ်ဆိုတာ အားလုံးသိပါလိမ့်မယ်။ ဒီနေ့မှာတော့ ကျမ အနေနဲ့ ဒီကဗျာထဲက တခြား အပိုဒ်ကလေး တခုကိုဘဲ သုံးပြီးတော့ အားလုံးအတူတကွ ပူးပေါင်းဆောင်ရွက်နိုင်ဖို့ အရှေ့နဲ့ အနောက်ရဲ့ နိုင်ငံရေး အမြော်အမြင်တွေကို ပေါင်းစပ်ပြီး မြန်မာနိုင်ငံ အပါအ၀င် ကမ္ဘာ့ပြည်သူတွေ အားလုံး ဒီမိုကရေစီ အကျိုးအမြတ်တွေကို ခံစားနိုင်ဖို့ မေတ္တာရပ်ခံလိုပါတယ်။

နိဂုံးချုပ် အနေနဲ့ ပြောရရင်တော့ အခုအချိန်ဟာ မြန်မာနိုင်ငံအတွက် အရေးအကြီးဆုံး အချိန်ဖြစ်ပါတယ်။ လိုအပ်ချက်တွေ အများဆုံး ရှိနေတဲ့ အချိ်န်လည်း ဖြစ်ပါတယ်။ ဒါကြောင့် ဗြိတိန်နိုင်ငံနဲ့ မိတ်ဆွေများကို မြန်မာနိုင်ငံရဲ့ စစ်မှန်တဲ့ ဒီမိုကရေစီနဲ့ မျှတတဲ့ လူ့ဘောင်ပေါ်ထွန်းရေး လုပ်ငန်းစဉ်မှာ ၀ိုင်းဝန်းပါဝင် ကူညီပေးကြပါလို့ ပန်ကြားလိုပါတယ်။ အခုလို ကမ္ဘာ့သက်တမ်းအရင့်ဆုံး ဒီမိုကရေစီ ခန်းမကြီးတခုမှာ လွှတ်တော်အဖွဲ့ဝင်တွေကို မိန့်ခွန်းပြောကြားခွင့် ရရှိတဲ့ အတွက် ကျေးဇူးတင်ပါတယ်။ ကျမတို့ နိုင်ငံဟာ လက်ရှိမှာတော့ စစ်မှန်တဲ့ ဒီမိုကရေစီ လူ့ဘောင်ဆီကို မရောက်ရှိသေးပါဘူး။ ဒါပေမယ့်လည်း မကြာခင်မှာဘဲ အားလုံးရဲ့ အကူအညီနဲ့ ရောက်နိုင်ပါတော့မယ်လို့ အပြည့်အ၀ ယုံကြည်ပါတယ်။ ကျေးဇူးတင်ပါတယ်ရှင်။

by face book

ပြန်ခေါက်ပေးခဲ့ပါ။...

မြန်မာနှင့် ကမ္ဘာကို သတ္တိအရာနှင့် သည်းခံခြင်းတရားတို့ အပ်နှင်းခဲ့သူ (သို့မဟုတ်) ဒေါက်တာအောင်ဆန်းစုကြည်

ရာစုနှစ်တစ်စိတ်ဆိုသော အချိန်ကာလမှာ အရာများစွာတို့ကို ပြောင်းလဲစေနိုင်ပါသည်။ မွေးကင်းစ ကလေးငယ်တစ်ဦး ပညာပြည့်စုံပြီး လူလားမြောက်နိုင်သည့် ကာလဖြစ်သည်။ စနစ်များ၊ ခေတ်များနှင့် လူနေမှုပုံစံများလည်း ရွေ့လျား သွားနိုင်လောက်သော ကာလဖြစ်သည်။ လူ့အချို့တို့ကို နောက်ဆုံးဇရာ အရွယ်သို့ ရောက်ရှိစေနိုင်ပြီး မိတ်ဆွေအချို့မှာ ရှိနိုင်တော့မည်လည်း မဟုတ်ပါ။ အကောင်းဖက်သို့ ဦးတည် တည်ဆောက်ခဲ့မည့် လူ့အဖွဲ့အစည်းတစ်ခုအတွက် ၂၃ နှစ်တာ ကာလမှာ များစွာ ခရီး ရောက်ခဲ့ပါလိမ့်မည်။ ထို့အတူ…။

နိုင်ငံရေးနှင့် လူမှုစီးပွားရေး အဓိကဘာသာတို့ဖြင့် တက္ကသိုလ် ပညာရပ်များဆည်းပူးခဲ့ရာ၊ မိသားစုဘ၀ တည်ဆောက်ခဲ့ရာ နေရာ၊ နောက်ပိုင်းတွင် အချိန် အကြာကြီး ခွဲခွါခဲ့ရမည့်နေရာ ဖြစ်သည့် အောက်စဖို့ဒ် Oxford တက္ကသိုလ်က ဂုဏ်ထူးဆောင် ဒေါက်တာဘွဲ့ကို အပ်နှင်းသည့်အတွက် များစွာ ကျေနပ်ပြီး ထိခိုက် ခံစားရပါကြောင်း သူမက ဦးစွာ ပြောကြားခဲ့သည်။ အင်္ဂလန်အလယ်ပိုင်းဒေသ၏ ၂၀၁၂ နွေရာသီမှာ ပို၍ နွေးထွေး နေခဲ့ပါသည်။

မြန်မာ့ဒီမိုကရေစီခေါင်းဆောင်က စစ်အုပ်ချုပ်ရေးမှသည် ဒီမိုကရေစီသို့ ကူးပြောင်းသည့်ခရီးတွင် သင်ယူလေ့လာခြင်း အရာဝယ် ဂုဏ်ထူးဆောင် ဘူမိနက်သန်မြေ အောက်စဖို့ဒ် တက္ကသိုလ်အနေဖြင့် မြန်မာမျိုးဆက် ကျောင်းသားများ အားလည်း ပညာသင်ကြားပေးပါရန် မမေ့မလျော့ အကူအညီ တောင်းခံပေးခဲ့သည်။ မျိုးဆက်များအတွက် စိုးရိမ်စိတ်တို့နှင့် ခရီးသွားနေရသူတစ်ဦးပင်။

“ဒီနေ့ဟာ အများကြီးပဲ စိတ်လှုပ်ရှားစရာ ကောင်းလှပါတယ်။” သမိုင်းဝင် ၁၇ ရာစုနှစ် Sheldonian Theater ဘွဲ့နှင်းသဘင် ခန်းမဆောင်ထဲတွင် ဂုဏ်ထူးဆောင် ဥပဒေပါရဂူဘွဲ့ ရယူသည့် မိန့်ခွန်းတွင် အသက် ၆၇ နှစ် ရှိပြီဖြစ်သည့် ဒေါ်စုက ပြောကြားခဲ့သည်။

“နေအိမ် အကျယ်ချုပ် ကျခံခဲ့ရတဲ့ ဒီ ခက်ခဲလှတဲ့ နှစ်ကာလများမှာ အောက်စဖို့ တက္ကသိုလ် နေ့ရက် အမှတ်တရများက ကျမကို ကြံ့ကြံ့ခံ ရပ်တည်စေနိုင်ခဲ့ပါတယ်။ ကျမ ရင်ဆိုင်ခဲ့ရတဲ့ စိန်ခေါ်မှုတွေကို ခံနိုင်ရည်စွမ်းအား ရရှိစေခဲ့ပါတယ်။” လောကဓံတရားကို ရင်ဆိုင်နိုင်ရန် ပြင်ဆင်ပေးလိုက်သည့် တက္ကသိုလ်ကျောင်း၏ ကျေးဇူးတရားကို သတိတရ စကားများ။

မြန်မာ့ရိုးရာ ချိတ်ထမီလုံခြည်၊ အနက်ရောင် ရင်ဖုံးအကျီနှင့်အတူ အနီရဲရဲ ပါရဂူဘွဲ့ဝတ်ရုံတို့ကို ၀တ်ဆင်ထားပြီး အနက်ရောင် ကတ္ထီပါ ဘွဲ့ခေါင်းဆောင်း အောက်တွင် ၀ါလွင်လွင် နှင်းဆီပန်းအပြင် ကြက်သရေရှိသော အပြုံးပန်းတို့ဖြင့် ဒေါ်စုသည် ပညာ့သမိုင်းဝင်မည့် ခြေလှမ်းများဖြင့် အမိတက္ကသိုလ်နယ်မြေတွင် ပြန်လည်၍ ခြေချခွင့် ရရှိလေပြီ။ ပညာခေတ်၏ မြန်မာအမျိုးသမီးကြီးကို တက္ကသိုလ် အဓိပတိ (ယခင် ဟောင်ကောင် အုပ်ချုပ်ရေးမှူး) ခရစ်ပတ်တန်က ဘွဲ့လက်မှတ် အပ်နှင်းခဲ့သည်။ ပညာနှင့်အတူ သူမ နုပျိုခဲ့လေပြီ။

သူမ၏ မိန့်ခွန်းပြောကြား အပြီးတွင် ပညာရှင်နှင့် ကျောင်းသား ၁၀၀၀ ကျော်တို့က မတ်တပ်ရပ်ပြီး လက်ခုပ်သြဘာ အကြာကြီးတီး၍ ဂုဏ်ပြုခဲ့ကြ၏။ ၁၉၆၀ အလယ်နှစ် ကာလများတွင် နိုင်ငံရေး၊ ဒဿနိကဗေဒနှင့် စီးပွားရေး ပညာရပ်များကို သူမ ဆည်းပူးခဲ့ရာ ကမ္ဘာကျော် တက္ကသိုလ်ကျောင်းတော်ကြီးက ဂုဏ်ယူခြင်း၊ ဂုဏ်ပြုခြင်းဟု ခေါ်ဆိုနိုင်ပါသည်။ သူမကြောင့်လည်း ကျောင်းတော်နှင့် ကမ္ဘာကြီးလည်း ဂုဏ်တက်နေပြီ မဟုတ်ပါလော။ မျိုးဆက်တို့အတွက် မဖတ်မဖြစ် အတ္ထုပ္ပတ္တိစာအုပ် တစ်အုပ်ကို ကျောင်းတော်က မွေးဖွားခဲ့ခြင်းပင်။

တက္ကသိုလ် အဓိပတိက လက်တင်ဘာသာစကားဖြင့် ဤသို့ ပြောကြားခဲ့သည်။ “လွတ်မြောက်မှုအတွက် ခေါင်းမငုံ့တဲ့ ချန်ပီယံ၊ သင့်ပြည်သူနဲ့ ကမ္ဘာကြီးကို သတ္တိအရာနဲ့ သည်းခံခြင်းတရားတို့ အပ်နှင်းခဲ့လေပြီ။ ကျွန်ုပ်၏ လုပ်ပိုင်ခွင့်အတွင်းနှင့် တက္ကသိုလ်တစ်ခုလုံး၏ အခွင့်အာဏာအရ ဥပဒေပညာ ပါရဂူ ဂုဏ်ထူးဆောင် ဘွဲ့ကို အပ်နှင်းပါတယ်။” ကမ္ဘာ့ ပညာကျော်တို့၏ တော်ဝင် ကမ္ပည်းမှတ်တမ်းကို မြန်မာ့ရိုးရာ အချိတ်ကြိုးများ၊ မြန်မာ့နှင်းဆီပန်းများနှင့် ယှက်ဖွဲ့ထားလေပြီ။

အင်္ဂလန်တောင်ပိုင်းဒေသ အောက်စဖို့ဒ်နယ်တွင် နှစ် ၂၀ နီးပါး ဒေါ်အောင်ဆန်းစုကြည် နေထိုင်ခဲ့ပါသည်။ အင်္ဂလိပ်လူမျိုး ခင်ပွန်းသည် အရှေ့တိုင်းပညာရှင် ဒေါက်တာမိုက်ကယ်အဲရစ်၊ သား ၂ ဦးဖြစ်သူ အလက်ဇန္ဒား (မောင်မြင့်ဆန်းအောင်) နှင့် ကင်မ် (မောင်ထိန်လင်း) တို့နှင့်အတူ နေထိုင်ခဲ့သည်။

၁၉၈၈ ခုနှစ်တွင် နာမကျန်းဖြစ်နေသော ဖခင်ဗိုလ်ချုပ်အောင်ဆန်း၏ ဇနီး၊ သူမ မိခင်ဖြစ်သူ ဒေါ်ခင်ကြည်အား ပြုစုရန် အတွက် မြန်မာပြည်သို့ ပြန်လာခဲ့သည်။ ရာစုနှစ် တစ်စိတ်နီးပါး၊ နောင် ၂၃ နှစ်အကြာအထိ အင်္ဂလန်မြေသို့ ပြန် မရောက်နိုင်တော့ကြောင်းကိုမူ စဉ်းစားခဲ့မိလိမ့်မည် မဟုတ်ပါ။ သို့သော် သူမ အဆင်သင့် ရှိနေခဲ့လေသည်။

ခင်ပွန်းနှင့် သား ၂ ဦးတို့ကို ဤကန္တာရနှစ်ကာလများအတွင်း အကြိမ်အနည်းငယ်သာ တွေ့ဆုံခွင့် ရရှိခဲ့သည်။ ၁၉၉၉ ခုနှစ်တွင် ခင်ပွန်းသည် ဒေါက်တာမိုက်ကယ်အဲရစ် ကင်ဆာရောဂါဖြင့် ကွယ်လွန်အံ့ဆဲဆဲတွင် တွေ့ခွင့် မရသွားခဲ့ရှာပါ။ မြန်မာပြည်တွင်းတွင်သာ နေထိုင်ပြီး လွတ်မြောက်မှုနှင့် ဒီမိုကရေစီအရေးတို့အတွက်သာ ဆက်လက် လုပ်ဆောင်ပါရန် လည်း သူက မှာကြားခဲ့သည်။ တိုင်းပြည်အတွင်းမှ ထွက်ခွါသွားပါကလည်း ပြန်လည်ဝင်ရောက်ခွင့် မရတော့မည့် အခြေအနေကို သူမ အထူး စိုးရိမ်ခဲ့သည်။ တိုင်းပြည်နှင့် မိသားစု အကြားတွင် သူမ မည်မျှ ခံစားခဲ့ရပါမည်နည်း။ ကမ္ဘာ့ကြီး၏ ပညာအရာတွင် ရှေ့ဆောင်ဘွဲ့ထူးကို ရယူမည့်နေ့ နံနက်ပိုင်းတွင် ချစ်ခင်ပွန်းသည်၏ အုတ်ဂူသို့ ၁၃ နှစ်အကြာတွင် ပထမဆုံးအကြိမ် သွားရောက် ဂါရ၀ပြုခွင့် ရခဲ့ပါသည်။

၂၀၁၀ ခုနှစ် နိုဝင်ဘာလတွင် တတိယအကြိမ် အကျယ်ချုပ်မှ လွတ်မြောက်လာခဲ့ပြီး ၂၀၁၂ ခုနှစ် ဧပြီလ ကြားဖြတ် ရွေးကောက်ပွဲတွင် ကော့မှူးမြို့နယ် မဲဆန္ဒနယ်တွင် ၀င်ရောက်ယှဉ်ပြိုင်ရာ အနိုင်ရရှိခဲ့ပြီး ပြည်သူ့လွှတ်တော် အမတ်တစ်ဦး ဖြစ်လာခဲ့သည်။

“ရှေ့ဆက်ရမယ့် ခရီးလမ်းကလည်း လွယ်ကူမှာတော့ မဟုတ်သေးပါဘူး။ ဒါပေမယ့် အောက်စဖို့ဒ် ကျောင်းတော်ကြီးက ကျောင်းတော်သားများရဲ့ အကောင်းဆုံးအရာကိုသာ မျှော်လင့်တယ်ဆိုတာ ကျမ သိပါတယ်။” သူမ၏ မိန့်ခွန်းထဲတွင် ပြောကြားခဲ့သည်။

“ဒီကနေ့မှာတော့ ကျမကို ကျောင်းတော်သူတစ်ယောက်အနေနဲ့ မှတ်မိသိရှိ နေဆဲဖြစ်တဲ့အတွက် ရှေ့ဆက်ခရီးလမ်းမှာ ကြုံတွေ့ရဦးမယ့် စိန်ခေါ်ချက်တွေကို ကျမက အကောင်းဆုံးကြိုးစားဖို့အတွက် ခိုင်ကျည်တဲ့ စိတ်ဓါတ်ကို ရရှိလိုက်ပါတယ်။” ကျောင်းတော်နှင့် ပြင်ပလူ့အဖွဲ့အစည်းကို အမိအရ ချိတ်ဆက် ပေးနိုင်ခဲ့ခြင်းဟု ဆိုရပါလိမ့်မည်။

စစ်အုပ်ချုပ်ရေး မတိုင်မီကာလက ပိုင်ဆိုင်ခဲ့ဖူးသော မြန်မာ့တက္ကသိုလ်များ၏ အရည်အသွေးနှင့် အစဉ်အလာတို့ကို ပြန်လည်တည်ဆောက်ခြင်းကိုလည်း သူမ မြင်တွေ့လိုကြောင်း ပြောကြားခဲ့သည်။

“ဒီလို တစ်ဖန်ပြန်ဖြစ်လာစေဖို့ ကျမရဲ့ ရင့်ကျက်လှတဲ့ အောက်စဖို့ဒ်တက္ကသိုလ်ကြီးက အကူအညီ ပေးနိုင်မယ်ဆိုရင် သိပ်ကို ကျေးဇူးတင်ရမှာပါ။” သူမက တခုတ်တရ ပြောကြားခဲ့သည်။

ဘွဲ့လက်မှတ် ရယူအပြီး သူမနံဘေးတွင် လာထိုင်ခဲ့သူ စုံထောက်ဇာတ်လမ်း စာရေးဆရာ ဂျွန်လာကဲရား (နာမည်အမှန်မှာ ဒေးဗစ်ကောန်ဝဲလ်) ကိုလည်း ကျေးဇူးတင်ကြောင်း ထည့်သွင်းပြောကြားခဲ့သည်။

“နေအိမ် အကျယ်ချုပ် ကျခံခဲ့ရစဉ်ကာလမှာ ဂျွန်လာကဲရားရဲ့ စာအုပ်တွေက အများကြီး အကူအညီ ပေးခဲ့တာပါ။” သူမက ရှင်းပြခဲ့သည်။ “ပိုမို ကျယ်ပြန့်လှတဲ့ ကမ္ဘာကြီးနဲ့ အခြားသော တိုင်းနိုင်ငံတွေရယ်၊ အတွေးတွေ၊ အိုင်ဒီယာ စိတ်ကူးစိတ်သန်းတွေဆီရယ်ကို ခရီးနှင် နိုင်ခဲ့တယ်လေ”

၁၉၈၈ ခုနှစ်ကတည်းက ပထမဆုံးအကြိမ်အဖြစ် ဥရောပခရီးစဉ်ကို ၂၀၁၂ ဇွန်လ တတိယပတ်တွင် ထွက်ခွါ လာနိုင်ခဲ့ခြင်း ဖြစ်သည်။ နိုဘယ်ငြိမ်းချမ်းရေးဆုမိန့်ခွန်း၊ အိုင်အယ်အိုမ်ိန့်ခွန်းတို့ အပါအ၀င် နိုင်ငံ ၅ နိုင်ငံခရီးစဉ် ဖြစ်သည်။ ၁၉၉၁ နိုဘယ်ငြိမ်းချမ်းရေးဆုနှင့် ၁၉၉၃ ခုနှစ်က အပ်နှင်းခဲ့သည့် အောက်စဖို့ဒ် ဂုဏ်ထူးဆောင် ဘွဲ့တို့ကို ယခုမှ လူကိုယ်တိုင် တက်ရောက် ယူနိုင်ခဲ့ခြင်းဖြစ်သည်။ ကမ္ဘာကြီးက သူမကို မေ့မထားခဲ့ပါ။

၆၇ နှစ်မြောက် မွေးနေ့ဖြစ်သည့် ဇွန် ၁၉ ရက်၊ ၂၀၁၂ တွင် သူမ၏ ကျောင်းဖြစ်သည့် အောက်စဖို့ဒ်-စိန့်ဟူ့ကောလိပ် ကျောင်းက မိသားစုနှင့် သူငယ်ချင်းဟောင်းများနှင့်အတူ မွေးနေ့ပွဲ ကျင်းပပေးခဲ့သည်။ မြန်မာပြည်တွင်းနှင့် ကမ္ဘာ့အနှံ့အပြားတွင်လည်း မမေ့မလျော့ ဂုဏ်ပြုကြလျက်၊ ဂုဏ်ယူကြလျက်။ ကတင်ညုတ၊ ကတဝေဒီ မင်္ဂလာတရားနှင့် မည်မျှ ညီညွတ်လိုက်ပါသနည်း။

ဗြိတိသျှပါလီမန်တွင် မိန့်ခွန်း ပြောကြားရန်လည်း အစီအစဉ်ရှိနေသေးသည်။ ဒုတိယကမ္ဘာစစ်နောက်ပိုင်း ကမ္ဘာ့ ခေါင်းဆောင် ၄ ဦးသာ ပြောခွင့်ရခဲ့ဖူးသည့် ကြီးကျယ်ခန့်ငြားလှသော သမိုင်းဝင် အထင်ကရ ၀က်မင်စတာ ပါလီမန် နေရာဖြစ်သည်။

ဘီဘီစီနှင့် အင်တာဗျူးတွင် မြန်မာပြည်သူလူထုကို ရှေ့ဆောင်ရန်အတွက် သူမ၏ ကိုယ်ပိုင် ဆန္ဒကို အတည်ပြု ပြောကြားခဲ့ပါသည်။ “လမ်းကြောင်း အမှန်အတိုင်းသာ ပြည်သူကို ကျမက ဦးဆောင်ခွင့် ရရှိခဲ့မယ်ဆိုရင် ပေါ့လေ”။

၂၀၁၀ ခုနှစ်တွင် နှစ်ပေါင်း ၂၀ ကျော် နေအိမ် အကျယ်ချုပ်က လွတ်မြောက်လာရခြင်းမှာ နိုင်ငံတကာ၏ စီးပွားရေး ပိတ်ဆို့ အရေးယူမှုများကို ဖယ်ရှားရန်အတွက်သာ ရည်ရွယ်ချက်ရှိသည်ဟူသော ပြောဆိုချက်များကို သူမက ငြင်းဆန်ခဲ့သည်။

မြန်မာပြည်တွင်းသို့ နိုင်ငံခြား ရင်းနှီးမြှုပ်နှံမှုများနှင့် စီးပွားရေး ကုမ္ပဏီများ အလုအယက် ၀င်ရောက်၍ စီးပွားရှာခြင်းအပေါ် သူမက အထူးသတိပေးထားသည်။ အရပ်ဖက်အသွင်ပြောင်း စစ်တပ်နောက်ခံ အုပ်ချုပ်ရေး ရှိနေဆဲ မြန်မာပြည်၏ အပြောင်းအလဲများကို သတိကြီးကြီး ထားပြီး စောင့်ကြည့်ရဦးမည် ဖြစ်သည်ဟုလည်း ဆိုပါသည်။

ဗြိတိန်သို့ သူမ လာရောက်စဉ်အတွင်း ဆယ်စုနှစ်များစွာ ကြာမြင့်ခဲ့ပြီဖြစ်သည့် မြန်မာပြည် အကြမ်းဖက် တိုက်ခိုက်မှု များကြောင့် ပြည်သူ သိန်းနှင့်ချီပြီး ပြည်တွင်း ဒုက္ခသည်များအနေဖြင့် အတိဒုက္ခရောက်ခဲ့ရသည်။ ဤဖြစ်ရပ်အပါအ၀င် မြန်မာပြည်တွင်း ငြိမ်းချမ်းရေးနှင့် ပတ်သက်ပြီး “တရားဥပဒေစိုးမိုးမှု” rule of law မှာ အရေးကြီးကြောင်းနှင့် အဓိက ဆွေးနွေးရန်ကိုလည်း လန်ဒန်စီးပွားရေးနှင့် နိုင်ငံရေးပညာတက္ကသိုလ် LSE ဆွေးနွေးပွဲတွင် သူမက ခေါင်းစဉ်ပေးခဲ့သည်။

ဤသည်မှာ မြန်မာပြည်၏ အနာဂတ်ဟုလည်း ဆိုရပါလိမ့်မည်။ သတ္တိအရာနှင့် သည်းခံခြင်းတရားတို့နှင့်လည်း ပြည်စုံကြရ ပါလိမ့်မည်။

by သိန်းနိုင်

မောက္ခ ပညာရေး မဂ္ဂဇင်းမှဖေါ်ပြပါသည်။

ပြန်ခေါက်ပေးခဲ့ပါ။...